1. അതിന് ഇയ്യോബ് ഉത്തരം പറഞ്ഞത്:
2. “അയ്യോ എന്റെ വ്യസനം ഒന്നു തൂക്കിനോക്കിയെങ്കിൽ! [QBR] എന്റെ വിപത്ത് സ്വരൂപിച്ച് [* തുലാസ് = ഭാരം തൂക്കുന്ന ഉപകരണം] തുലാസിൽ വച്ചെങ്കിൽ! [QBR]
3. അത് കടല്പുറത്തെ മണലിനേക്കാൾ ഭാരമേറിയതായിരിക്കും. [QBR] അതുകൊണ്ട് എന്റെ വാക്ക് തെറ്റിപ്പോകുന്നു. [QBR]
4. സർവ്വശക്തന്റെ അസ്ത്രങ്ങൾ എന്നിൽ തറച്ചിരിക്കുന്നു; [QBR] അവയുടെ വിഷം എന്റെ ആത്മാവ് കുടിക്കുന്നു; [QBR] ദൈവത്തിന്റെ ഭയങ്കരത എനിക്കെതിരെ അണിനിരന്നിരിക്കുന്നു. [QBR]
5. പുല്ലുള്ളപ്പോൾ കാട്ടുകഴുത കരയുമോ? [QBR] തീറ്റി തിന്നുമ്പോൾ കാള മുക്കുറയിടുമോ? [QBR]
6. രുചിയില്ലാത്തത് ഉപ്പുകൂടാതെ തിന്നാമോ? [QBR] മുട്ടയുടെ വെള്ളയ്ക്ക് രുചിയുണ്ടോ? [QBR]
7. തൊടുവാൻ എനിയ്ക്ക് വെറുപ്പ് തോന്നുന്നത് [QBR] എനിയ്ക്ക് അറപ്പുള്ള ഭക്ഷണമായിരിക്കുന്നു. [QBR]
8. അയ്യോ, എന്റെ അപേക്ഷ സാധിച്ചെങ്കിൽ! [QBR] എന്റെ വാഞ്ഛ ദൈവം എനിയ്ക്ക് നല്കിയെങ്കിൽ! [QBR]
9. എന്നെ തകർക്കുവാൻ ദൈവം പ്രസാദിച്ചെങ്കിൽ! [QBR] തൃക്കൈ നീട്ടി എന്നെ ഖണ്ഡിച്ചുകളഞ്ഞെങ്കിൽ!
10. അങ്ങനെ എനിയ്ക്ക് ആശ്വാസം ലഭിക്കുമായിരുന്നു; [QBR] കനിവറ്റ വേദനയിൽ ഞാൻ ഉല്ലസിക്കുമായിരുന്നു. [QBR] പരിശുദ്ധന്റെ വചനങ്ങളെ ഞാൻ നിഷേധിച്ചിട്ടില്ലല്ലോ; [QBR]
11. ഞാൻ കാത്തിരിക്കേണ്ടതിന് എനിക്ക് എന്ത് ശക്തി ? [QBR] ദീർഘക്ഷമ കാണിക്കേണ്ടതിന് എന്റെ അന്തം എന്ത്? [QBR]
12. എന്റെ ബലം കല്ലിന്റെ ബലമോ? [QBR] എന്റെ മാംസം താമ്രമാകുന്നുവോ? [QBR]
13. ഞാൻ കേവലം തുണയില്ലാത്തവനല്ലയോ? [QBR] രക്ഷ എന്നെ വിട്ടുപോയില്ലയോ? [QBR]
14. ദുഃഖിതനോട് സ്നേഹിതൻ ദയ കാണിക്കേണ്ടതാകുന്നു; [QBR] അല്ലെങ്കിൽ അവൻ സർവ്വശക്തന്റെ ഭയം ത്യജിക്കും. [QBR]
15. എന്റെ സഹോദരന്മാർ ഒരു തോടുപോലെ എന്നെ ചതിച്ചു; [QBR] വറ്റിപ്പോകുന്ന തോടുകളുടെ ശാഖപോലെ തന്നെ. [QBR]
16. നീർക്കട്ടകൊണ്ട് അവ കലങ്ങിപ്പോകുന്നു; [QBR] ഹിമം അവയിൽ ഉരുകി കാണാതെപോകുന്നു. [QBR]
17. ചൂടുപിടിക്കുന്നേരം അവ വറ്റിപ്പോകുന്നു; [QBR] ഉഷ്ണം ആകുമ്പോൾ അവ അവിടെനിന്ന് പൊയ്പോകുന്നു. [QBR]
18. കച്ചവടസംഘങ്ങൾ വഴി വിട്ടുതിരിഞ്ഞു ചെല്ലുന്നു; [QBR] അവ മരുഭൂമിയിൽ ചെന്ന് നശിച്ചുപോകുന്നു. [QBR]
19. തേമയുടെ കച്ചവടസംഘങ്ങൾ തിരിഞ്ഞുനോക്കുന്നു; [QBR] ശെബയുടെ യാത്രാഗണം അവയ്ക്കായി പ്രതീക്ഷിക്കുന്നു. [QBR]
20. പ്രതീക്ഷിച്ചതുകൊണ്ട് അവർ ലജ്ജിക്കുന്നു; [QBR] അവിടംവരെ ചെന്ന് നാണിച്ചു പോകുന്നു. [QBR]
21. നിങ്ങളും ഇപ്പോൾ അതുപോലെ ആയി [QBR] വിപത്ത് കണ്ടിട്ട് നിങ്ങൾ പേടിക്കുന്നു. [QBR]
22. എനിയ്ക്ക് കൊണ്ടുവന്നു തരുവിൻ; [QBR] നിങ്ങളുടെ സമ്പത്തിൽനിന്ന് എനിക്കുവേണ്ടി കൈക്കൂലി കൊടുക്കുവിൻ; [QBR]
23. വൈരിയുടെ കയ്യിൽനിന്ന് എന്നെ വിടുവിക്കുവിൻ; [QBR] നിഷ്ഠൂരന്മാരുടെ കയ്യിൽനിന്ന് എന്നെ [QBR] വീണ്ടെടുക്കുവിൻ എന്നിങ്ങനെ ഞാൻ പറഞ്ഞിട്ടുണ്ടോ? [QBR]
24. എന്നെ ഉപദേശിക്കുവിൻ; ഞാൻ മിണ്ടാതെയിരിക്കാം; [QBR] ഏതിൽ തെറ്റിപ്പോയെന്ന് എനിയ്ക്ക് ബോധം വരുത്തുവിൻ. [QBR]
25. നേരുള്ള വാക്കുകൾക്ക് എത്ര ബലം! [QBR] നിങ്ങളുടെ ശാസനയ്ക്കോ എന്ത് ഫലം? [QBR]
26. വാക്കുകളെ ആക്ഷേപിക്കുവാൻ വിചാരിക്കുന്നുവോ? [QBR] ആശയറ്റവന്റെ വാക്കുകൾ കാറ്റിന് തുല്യമത്രേ. [QBR]
27. അനാഥന് നിങ്ങൾ ചീട്ടിടുന്നു; [QBR] സ്നേഹിതനെക്കൊണ്ട് കച്ചവടം ചെയ്യുന്നു. [QBR]
28. ഇപ്പോൾ ദയ ചെയ്ത് എന്നെ ഒന്നു നോക്കുവിൻ; [QBR] ഞാൻ നിങ്ങളുടെ മുഖത്തു നോക്കി ഭോഷ്കുപറയുമോ? [QBR]
29. ഒന്നുകൂടി നോക്കുവിൻ; നീതികേട് ഭവിക്കരുത്. [QBR] ഒന്നുകൂടെ നോക്കുവിൻ; എന്റെ കാര്യം നീതിയുള്ളതു തന്നേ. [QBR]
30. എന്റെ നാവിൽ അനീതിയുണ്ടോ? [QBR] എന്റെ വായ് അനർത്ഥം തിരിച്ചറിയുകയില്ലയോ? [PE]