1. [NBS]മത്സ്യത്തിന്റെ ഉദരത്തിൽനിന്നു യോനാ തന്റെ ദൈവമായ യഹോവയോടു പ്രാർഥിച്ചു.
2. അവൻ പറഞ്ഞു: [NBE][QS]“എന്റെ കഷ്ടതയിൽ ഞാൻ യഹോവയോടു നിലവിളിച്ചു; [QE][QS2]അവിടന്ന് എനിക്കുത്തരമരുളി. [QE][QS]പാതാളത്തിന്റെ അഗാധതയിൽനിന്ന് ഞാൻ സഹായത്തിനായി അപേക്ഷിച്ചു; [QE][QS2]അവിടന്ന് എന്റെ അപേക്ഷ കേട്ടു. [QE]
3. [QS]ഇതാ, അവിടന്ന് എന്നെ അഗാധതയിലേക്ക്, [QE][QS2]സമുദ്രത്തിന്റെ ആഴത്തിലേക്കുതന്നെ ചുഴറ്റിയെറിഞ്ഞു. [QE][QS2]വൻപ്രവാഹം എന്നെ വലയംചെയ്തു. [QE][QS]അങ്ങയുടെ എല്ലാ തിരമാലകളും വൻ‍തിരകളും [QE][QS2]എന്റെ മുകളിലൂടെ കടന്നുപോയി. [QE]
4. [QS]‘അങ്ങയുടെ ദൃഷ്ടിയിൽനിന്ന് [QE][QS2]എന്നെ ആട്ടിപ്പായിച്ചിരുന്നു; [QE][QS]എങ്കിലും അങ്ങയുടെ വിശുദ്ധമന്ദിരത്തിലേക്കുതന്നെ [QE][QS2]ഞാൻ വീണ്ടും നോക്കിക്കൊണ്ടിരിക്കും’ എന്നു ഞാൻ പറഞ്ഞു. [QE]
5. [QS]പ്രാണഭയത്തിലാകുംവിധം ഞാൻ വെള്ളത്തിൽ മുങ്ങിപ്പോയി, [QE][QS2]ആഴിയുടെ അഗാധത എന്നെ വലയംചെയ്തു, [QE][QS2]എന്റെ തലയിൽ കടൽപ്പായൽ ചുറ്റിപ്പിടിച്ചു. [QE]
6. [QS]സമുദ്രത്തിൽ പർവതങ്ങളുടെ അടിവാരംവരെയും ഞാൻ മുങ്ങിപ്പോയി; [QE][QS2]അവിടെ ഞാൻ ഭൂമിയുടെ അടിത്തട്ടിൽ സദാകാലത്തേക്കും ബന്ധിതനായിരുന്നു. [QE][QS]എങ്കിലും, എന്റെ ദൈവമായ യഹോവേ, [QE][QS2]ആ അഗാധതയിൽനിന്ന് എന്നെ കയറ്റി അങ്ങ് എനിക്കു ജീവൻ തിരികെ നൽകിയിരിക്കുന്നു. [QE][PBR]
7. [QS]“എന്റെ പ്രാണൻ പൊയ്പ്പോയി എന്നായപ്പോൾ [QE][QS2]ഞാൻ യഹോവയെ ഓർത്തു. [QE][QS]അങ്ങയുടെ വിശുദ്ധമന്ദിരത്തിലേക്കുതന്നെ, [QE][QS2]എന്റെ പ്രാർഥന ഉയർന്നു. [QE][PBR]
8. [QS]“മിഥ്യാമൂർത്തികളെ ഭജിക്കുന്നവർ [QE][QS2]തങ്ങളോടു ദയാലുവായവനെ പരിത്യജിക്കുന്നു. [QE]
9. [QS]ഞാനോ, സ്തോത്രാലാപനത്തോടെ അങ്ങേക്ക് [QE][QS2]യാഗം അർപ്പിക്കും. [QE][QS]ഞാൻ നേർന്നതു നിറവേറ്റുകയും ചെയ്യും. [QE][QS2]രക്ഷവരുന്നത് യഹോവയിൽനിന്നുമാത്രമാണല്ലോ.” [QE]
10. [PS]തുടർന്ന് യഹോവ മത്സ്യത്തോട് ആജ്ഞാപിച്ചപ്പോൾ, അത് യോനായെ കരയിലേക്കു ഛർദിച്ചിട്ടു. [QE]