1. [QS]യഹോവയുടെ ക്രോധത്തിന്റെ വടികൊണ്ട് [QE][QS2]കഷ്ടത അനുഭവിച്ച മനുഷ്യനാണ് ഞാൻ. [QE]
2. [QS]അവിടന്നെന്നെ ആട്ടിയകറ്റി [QE][QS2]എന്നെ വെളിച്ചത്തിലേക്കല്ല, ഇരുട്ടിലേക്കുതന്നെ നടക്കുമാറാക്കി; [QE]
3. [QS]അവിടത്തെ കരം അവിടന്ന് എന്റെനേരേ തിരിച്ചു [QE][QS2]വീണ്ടും വീണ്ടും, ദിവസം മുഴുവനുംതന്നെ. [QE][PBR]
4. [QS]എന്റെ ത്വക്കും എന്റെ മാംസവും ഉരുകിപ്പൊയ്ക്കൊണ്ടിരിക്കുന്നു, [QE][QS2]എന്റെ അസ്ഥികൾ അവിടന്ന് തകർക്കുകയും ചെയ്തിരിക്കുന്നു. [QE]
5. [QS]കയ്‌പിനാലും കഠിനയാതനയാലും അവിടന്ന് [QE][QS2]എന്നെ ഉപരോധിക്കുകയും എന്നെ വളയുകയും ചെയ്തിരിക്കുന്നു. [QE]
6. [QS]പണ്ടേ മരിച്ചവരെപ്പോലെ [QE][QS2]അവിടന്ന് എന്നെ ഇരുളിൽ പാർപ്പിക്കുന്നു. [QE][PBR]
7. [QS]രക്ഷപ്പെടാൻ കഴിയാത്തവിധം അവിടന്ന് എന്റെ ചുറ്റും മതിലുയർത്തി; [QE][QS2]ഭാരമുള്ള ചങ്ങലകളാൽ അവിടന്ന് എന്നെ തളർത്തിയുമിരിക്കുന്നു. [QE]
8. [QS]സഹായത്തിനായി ഞാൻ മുറവിളികൂട്ടിയാലും നിലവിളിച്ചാലും [QE][QS2]അവിടന്ന് എന്റെ പ്രാർഥനയെ നിഷേധിക്കുന്നു. [QE]
9. [QS]അവിടന്ന് പാറക്കെട്ടുകളാൽ എന്റെ വഴി അടച്ചു; [QE][QS2]എന്റെ പാതകൾ അവിടന്ന് ദുർഗമമാക്കി. [QE][PBR]
10. [QS]ഇരയ്ക്കായി പതുങ്ങിക്കിടക്കുന്ന കരടിയെപ്പോലെ, [QE][QS2]ഒളിവിടങ്ങളിലെ സിംഹത്തെപ്പോലെ, [QE]
11. [QS]അവിടന്ന് എന്നെ വഴിയിൽനിന്ന് വലിച്ചിഴച്ച്, ഛിന്നഭിന്നമാക്കി, [QE][QS2]നിസ്സഹായനായി എന്നെ ഉപേക്ഷിച്ചിരിക്കുന്നു. [QE]
12. [QS]അവിടന്ന് വില്ലുകുലയ്ക്കുകയും [QE][QS2]അവിടത്തെ അമ്പുകൾ എന്നെ ലക്ഷ്യമാക്കുകയും ചെയ്തിരിക്കുന്നു. [QE][PBR]
13. [QS]അവിടത്തെ ആവനാഴിയിൽനിന്നുള്ള അമ്പുകളാൽ [QE][QS2]അവിടന്ന് എന്റെ ഹൃദയം കുത്തിത്തുളച്ചു. [QE]
14. [QS]ഞാൻ എന്റെ എല്ലാ ജനത്തിനും പരിഹാസവിഷയമായി; [QE][QS2]ദിവസംമുഴുവനും പാട്ടിലൂടെ അവർ എന്നെ പരിഹസിക്കുന്നു. [QE]
15. [QS]അവിടന്ന് എന്നെ കയ്‌പുചീരകൊണ്ടു നിറച്ചു, [QE][QS2]കാഞ്ഞിരം എനിക്കു കുടിക്കാൻ നൽകിയിരിക്കുന്നു. [QE][PBR]
16. [QS]അവിടന്ന് ചരലുകൊണ്ട് എന്റെ പല്ലു തകർത്തു; [QE][QS2]അവിടന്ന് എന്നെ പൂഴിയിൽ ഇട്ട് ഉരുട്ടുകയും ചെയ്തു. [QE]
17. [QS]എനിക്ക് സമാധാനം നിഷേധിക്കപ്പെട്ടു; [QE][QS2]ഐശ്വര്യം എന്തെന്ന് ഞാൻ മറന്നുപോയി. [QE]
18. [QS]അതുകൊണ്ട്, “എന്റെ മഹത്ത്വവും യഹോവയിൽനിന്ന് [QE][QS2]ഞാൻ പ്രത്യാശിച്ചതെല്ലാംതന്നെ പൊയ്പ്പോയിരിക്കുന്നു,” എന്നു ഞാൻ പറയുന്നു. [QE][PBR]
19. [QS]എന്റെ കഷ്ടവും എന്റെ ഉഴൽച്ചയും [QE][QS2]കയ്‌പും കാഞ്ഞിരവും ഞാൻ ഓർക്കുന്നു. [QE]
20. [QS]ഞാൻ അവയെ നന്നായി ഓർക്കുന്നു, [QE][QS2]എന്റെ പ്രാണൻ എന്റെയുള്ളിൽ വിഷാദപൂർണമായി. [QE]
21. [QS]എങ്കിലും ഞാൻ ഇത് ഓർക്കും [QE][QS2]അതുകൊണ്ട് എനിക്ക് പ്രത്യാശയുണ്ട്: [QE][PBR]
22. [QS]യഹോവയുടെ മഹാസ്നേഹംനിമിത്തം ഞാൻ നശിപ്പിക്കപ്പെട്ടില്ല [QE][QS2]അവിടത്തെ കരുണകൾ തീർന്നുപോകുന്നില്ല. [QE]
23. [QS]അവ പ്രഭാതംതോറും പുതിയതാകുന്നു; [QE][QS2]അവിടത്തെ വിശ്വസ്തത വലിയതുമാകുന്നു. [QE]
24. [QS]ഞാൻ എന്നോടുതന്നെ പറയുന്നു, “യഹോവ എന്റെ ഓഹരി; [QE][QS2]അതുകൊണ്ട് ഞാൻ അവിടത്തേക്കായി കാത്തിരിക്കും.” [QE][PBR]
25. [QS]തന്നിൽ പ്രത്യാശ അർപ്പിച്ചിരിക്കുന്നവർക്കും [QE][QS2]തന്നെ അന്വേഷിക്കുന്നവർക്കും യഹോവ നല്ലവൻ; [QE]
26. [QS]രക്ഷ യഹോവയിൽനിന്നും വരുന്നതിനായി [QE][QS2]ക്ഷമയോടെ കാത്തിരിക്കുന്നത് നല്ലത്. [QE]
27. [QS]യൗവനത്തിൽത്തന്നെ [QE][QS2]നുകം ചുമക്കുന്നത് പുരുഷന് നല്ലത്. [QE][PBR]
28. [QS]യഹോവയാണ് അവന്മേൽ ആ നുകം വെച്ചിരിക്കുന്നത് [QE][QS2]അതിനാൽ അവൻ ഏകാകിയായി നിശ്ശബ്ദനായിരിക്കട്ടെ. [QE]
29. [QS]പൂഴിയിൽ അവൻ മുഖം പൂഴ്ത്തട്ടെ; [QE][QS2]ഒരുപക്ഷേ ഇനിയും പ്രത്യാശയുണ്ടാകും. [QE]
30. [QS]തന്നെ അടിക്കുന്നവന് അവൻ തന്റെ കവിൾ കാട്ടിക്കൊടുക്കട്ടെ, [QE][QS2]നിന്ദയാൽ അവൻ നിറയട്ടെ. [QE][PBR]
31. [QS]കർത്താവ് ആരെയും [QE][QS2]ശാശ്വതമായി പരിത്യജിക്കുകയില്ല. [QE]
32. [QS]അവിടന്ന് ദുഃഖംവരുത്തിയാലും, അവിടന്ന് കരുണകാണിക്കും, [QE][QS2]കാരണം അവിടത്തെ അചഞ്ചലസ്നേഹം അതിശ്രേഷ്ഠമാണ്. [QE]
33. [QS]മനുഷ്യമക്കൾക്ക് അവിടന്ന് മനഃപൂർവം [QE][QS2]കഷ്ടതയോ ദുഃഖമോ വരുത്തുന്നില്ല. [QE][PBR]
34. [QS]ദേശത്തിലെ സകലബന്ധിതരെയും [QE][QS2]കാൽച്ചുവട്ടിൽ മെതിച്ചാൽ [QE]
35. [QS]അത്യുന്നതന്റെ മുമ്പിൽ ഒരു മനുഷ്യന് [QE][QS2]തന്റെ അവകാശം നിഷേധിച്ചാൽ [QE]
36. [QS]ഒരു മനുഷ്യനു നീതി നിഷേധിച്ചാൽ— [QE][QS2]കർത്താവ് ഇതൊന്നും കാണുകയില്ലേ. [QE][PBR]
37. [QS]കർത്താവ് ഉത്തരവു പുറപ്പെടുവിച്ചിട്ടില്ലെങ്കിൽ, [QE][QS2]ആരുടെ ആജ്ഞയാണ് നിറവേറ്റപ്പെടുന്നത്? [QE]
38. [QS]അത്യുന്നതന്റെ നാവിൽനിന്നാണല്ലോ [QE][QS2]വിനാശങ്ങളും നന്മകളും വരുന്നത്? [QE]
39. [QS]തന്റെ പാപങ്ങൾനിമിത്തം ശിക്ഷിക്കപ്പെടുമ്പോൾ [QE][QS2]ജീവിക്കുന്ന ഏതു മനുഷ്യനും പരാതിപ്പെടുന്നത് എന്തിന്? [QE][PBR]
40. [QS]നമുക്ക് നമ്മുടെ വഴികളെ പരിശോധിച്ച് അവയെ പരീക്ഷിക്കാം, [QE][QS2]നമുക്ക് യഹോവയിലേക്കു മടങ്ങാം. [QE]
41. [QS]സ്വർഗത്തിലുള്ള ദൈവത്തിലേക്ക് [QE][QS2]നമ്മുടെ ഹൃദയങ്ങളും കരങ്ങളും ഉയർത്തിക്കൊണ്ടു പറയാം: [QE]
42. [QS]“ഞങ്ങൾ പാപംചെയ്തു മത്സരിച്ചു [QE][QS2]അവിടന്ന് ക്ഷമിച്ചതുമില്ല. [QE][PBR]
43. [QS]“അവിടന്ന് കോപം പുതച്ച് ഞങ്ങളെ പിൻതുടർന്നു; [QE][QS2]ദയയില്ലാതെ അവിടന്ന് കൊന്നുകളഞ്ഞിരിക്കുന്നു. [QE]
44. [QS]പ്രാർഥനയൊന്നും കടന്നുവരാതിരിക്കത്തക്കവിധം [QE][QS2]അവിടന്ന് സ്വയം മേഘംകൊണ്ടു മൂടി. [QE]
45. [QS]അവിടന്ന് ഞങ്ങളെ രാഷ്ട്രങ്ങൾക്കിടയിലെ [QE][QS2]മാലിന്യവും ചവറും ആക്കി മാറ്റിയിരിക്കുന്നു. [QE][PBR]
46. [QS]“ഞങ്ങളുടെ ശത്രുക്കളെല്ലാം ഞങ്ങളുടെനേരേ [QE][QS2]അവരുടെ വായ് മലർക്കെ തുറന്നു. [QE]
47. [QS]ഞങ്ങൾ ഭീതിയും കെണികളും [QE][QS2]തകർച്ചയും നാശവും സഹിച്ചു.” [QE]
48. [QS]എന്റെ ജനം നശിപ്പിക്കപ്പെട്ടതിനാൽ [QE][QS2]എന്റെ മിഴികളിൽനിന്നു കണ്ണുനീർച്ചാലുകൾ ഒഴുകുന്നു. [QE][PBR]
49. [QS](49-50)യഹോവ സ്വർഗത്തിൽനിന്നു [QE][QS2]താഴേക്കു നോക്കിക്കാണുവോളം, [QE][QS]എന്റെ മിഴികൾ ആശ്വാസമറിയാതെ [QE][QS2]നിരന്തരം ഒഴുകും. [QE]
50.
51. [QS]എന്റെ നഗരത്തിലെ സകലസ്ത്രീകളും നിമിത്തം [QE][QS2]ഞാൻ കാണുന്നതെന്തും എനിക്ക് ദുഃഖം വരുത്തുന്നു. [QE][PBR]
52. [QS]കാരണംകൂടാതെ എന്റെ ശത്രുക്കളായിരുന്നവർ [QE][QS2]പക്ഷി എന്നപോലെ എന്നെ വേട്ടയാടി. [QE]
53. [QS]ഒരു കുഴിയിൽ എന്റെ ജീവിതം അവസാനിപ്പിക്കാൻ അവർ ശ്രമിച്ചു, [QE][QS2]എന്റെനേരേ കല്ലുകൾ എറിയുകയും ചെയ്തു; [QE]
54. [QS]വെള്ളം എന്റെ തലയ്ക്കുമീതേ കവിഞ്ഞു [QE][QS2]ഞാൻ നശിക്കാൻ പോകുകയാണ് എന്നുകരുതി. [QE][PBR]
55. [QS]യഹോവേ, കുഴിയുടെ ആഴങ്ങളിൽനിന്ന് [QE][QS2]ഞാൻ അങ്ങയുടെ നാമം വിളിച്ചപേക്ഷിച്ചു. [QE]
56. [QS]“ആശ്വാസത്തിനുവേണ്ടിയുള്ള എന്റെ നിലവിളിക്ക് [QE][QS2]അവിടത്തെ ചെവി അടയ്ക്കരുതേ,” എന്ന എന്റെ അപേക്ഷ അവിടന്ന് കേട്ടു. [QE]
57. [QS]ഞാൻ വിളിച്ചപ്പോൾ അവിടന്ന് അരികെവന്നു, [QE][QS2]അവിടന്ന് കൽപ്പിച്ചു, “ഭയപ്പെടരുത്.” [QE][PBR]
58. [QS]കർത്താവേ, അവിടന്ന് എന്റെ വ്യവഹാരം ഏറ്റെടുത്ത് [QE][QS2]എന്റെ ജീവനെ അവിടന്ന് വീണ്ടെടുത്തു. [QE]
59. [QS]യഹോവേ, എന്നോടുള്ള അന്യായം അവിടന്ന് കണ്ടു. [QE][QS2]എന്റെ ന്യായം ഉയർത്തണമേ! [QE]
60. [QS]അവരുടെ പ്രതികാരത്തിന്റെ ആഴവും [QE][QS2]എനിക്കെതിരേയുള്ള അവരുടെ ഗൂഢാലോചനകളും അവിടന്ന് കണ്ടിരിക്കുന്നു. [QE][PBR]
61. [QS]യഹോവേ, അവരുടെ ശകാരങ്ങളും [QE][QS2]എനിക്കെതിരേയുള്ള അവരുടെ എല്ലാ ഗൂഢാലോചനകളും, [QE]
62. [QS]ദിവസംമുഴുവനുമുള്ള എന്റെ ശത്രുക്കളുടെ [QE][QS2]അടക്കംപറച്ചിലും പിറുപിറുപ്പും അവിടന്ന് കേട്ടുവല്ലോ. [QE]
63. [QS]അവരെ നോക്കണമേ! അവർ ഇരുന്നാലും എഴുന്നേറ്റാലും [QE][QS2]അവരുടെ പാട്ടിലൂടെ എന്നെ പരിഹസിക്കുന്നു. [QE][PBR]
64. [QS]അവരുടെ കൈകൾ ചെയ്തത് അനുസരിച്ച് [QE][QS2]യഹോവേ, അർഹിക്കുന്നത് അവർക്ക് പകരംനൽകണമേ. [QE]
65. [QS]അവരുടെ ഹൃദയങ്ങളിൽ ഒരു മൂടുപടം വിരിക്കണമേ, [QE][QS2]അവിടത്തെ ശാപം അവരുടെമേൽ വരട്ടെ! [QE]
66. [QS]കോപത്തോടെ അവരെ പിൻതുടർന്ന് അവരെ നശിപ്പിക്കണമേ, [QE][QS2]യഹോവയുടെ ആകാശത്തിനു കീഴിൽനിന്നുതന്നെ. [QE][PBR] [PBR]