സങ്കീർത്തനങ്ങൾ 108 : 1 (MOV)
ഒരു ഗീതം; ദാവീദിന്റെ ഒരു സങ്കീര്ത്തനം.
സങ്കീർത്തനങ്ങൾ 108 : 2 (MOV)
ദൈവമേ, എന്റെ മനസ്സു ഉറെച്ചിരിക്കുന്നു; ഞാന് പാടും; എന്റെ മനംകൊണ്ടു ഞാന് കീര്ത്തനം പാടും.
സങ്കീർത്തനങ്ങൾ 108 : 3 (MOV)
വീണയും കിന്നരവുമായുള്ളോവേ, ഉണരുവിന് ; ഞാന് അതികാലത്തെ ഉണരും.
സങ്കീർത്തനങ്ങൾ 108 : 4 (MOV)
യഹോവേ, വംശങ്ങളുടെ ഇടയില് ഞാന് നിനക്കു സ്തോത്രം ചെയ്യും; ജാതികളുടെ മദ്ധ്യേ ഞാന് നിനക്കു കീര്ത്തനം പാടും.
സങ്കീർത്തനങ്ങൾ 108 : 5 (MOV)
നിന്റെ ദയ ആകാശത്തിന്നു മീതെ വലുതാകുന്നു; നിന്റെ വിശ്വസ്തത മേഘങ്ങളോളം എത്തുന്നു.
സങ്കീർത്തനങ്ങൾ 108 : 6 (MOV)
ദൈവമേ, നീ ആകാശത്തിന്നു മീതെ ഉയര്ന്നിരിക്കേണമേ; നിന്റെ മഹത്വം സര്വ്വഭൂമിക്കും മീതെ തന്നേ.
സങ്കീർത്തനങ്ങൾ 108 : 7 (MOV)
നിനക്കു പ്രിയമുള്ളവര് വിടുവിക്കപ്പെടേണ്ടതിന്നു നിന്റെ വലങ്കൈകൊണ്ടു രക്ഷിച്ചു ഞങ്ങള്ക്കു ഉത്തരമരുളേണമേ.
സങ്കീർത്തനങ്ങൾ 108 : 8 (MOV)
ദൈവം തന്റെ വിശുദ്ധിയില് അരുളിച്ചെയ്തതുകൊണ്ടു ഞാന് ആനന്ദിക്കും; ഞാന് ശെഖേമിനെ വിഭാഗിച്ചു സുക്കോത്ത് താഴ്വരയെ അളക്കും.
സങ്കീർത്തനങ്ങൾ 108 : 9 (MOV)
ഗിലെയാദ് എനിക്കുള്ളതു; മനശ്ശെയും എനിക്കുള്ളതു; എഫ്രയീം എന്റെ തലക്കോരികയും യെഹൂദാ എന്റെ ചെങ്കോലും ആകുന്നു.
സങ്കീർത്തനങ്ങൾ 108 : 10 (MOV)
മോവാബ് എനിക്കു കഴുകുവാനുള്ള വട്ടക; ഏദോമിന്മേല് ഞാന് എന്റെ ചെരിപ്പു എറിയും; ഫെലിസ്ത ദേശത്തിന്മേല് ഞാന് ജയഘോഷംകൊള്ളും.
സങ്കീർത്തനങ്ങൾ 108 : 11 (MOV)
ഉറപ്പുള്ള നഗരത്തിലേക്കു എന്നെ ആര് കൊണ്ടുപോകും? ഏദോമിലേക്കു എന്നെ ആര് വഴിനടത്തും?
സങ്കീർത്തനങ്ങൾ 108 : 12 (MOV)
ദൈവമേ, നീ ഞങ്ങളെ തള്ളിക്കളഞ്ഞില്ലയോ? ദൈവമേ, നീ ഞങ്ങളുടെ സൈന്യങ്ങളോടു കൂടെ പുറപ്പെടുന്നതുമില്ല.
സങ്കീർത്തനങ്ങൾ 108 : 13 (MOV)
വൈരിയുടെ നേരെ ഞങ്ങള്ക്കു സഹായം ചെയ്യേണമേ; മനുഷ്യന്റെ സഹായം വ്യര്ത്ഥമല്ലോ.
സങ്കീർത്തനങ്ങൾ 108 : 14 (MOV)
ദൈവത്താല് നാം വീര്യം പ്രവര്ത്തിക്കും; അവന് തന്നേ നമ്മുടെ വൈരികളെ മെതിച്ചുകളയും.
❮
❯