ഞങ്ങളുടെ കര്ത്താവായ യഹോവേ, നിന്റെ നാമം ഭൂമിയിലൊക്കെയും എത്ര ശ്രേഷ്ഠമായിരിക്കുന്നു! നീ ആകാശത്തില് നിന്റെ തേജസ്സു വെച്ചിരിക്കുന്നു.
സങ്കീർത്തനങ്ങൾ 8 : 2 (MOV)
നിന്റെ വൈരികള്നിമിത്തം, ശത്രുവിനെയും പകയനെയും മിണ്ടാതാക്കുവാന് തന്നേ, നീ ശിശുക്കളുടെയും മുലകുടിക്കുന്നവരുടെയും വായില്നിന്നു ബലം നിയമിച്ചിരിക്കുന്നു.
സങ്കീർത്തനങ്ങൾ 8 : 3 (MOV)
നിന്റെ വിരലുകളുടെ പണിയായ ആകാശത്തെയും നീ ഉണ്ടാക്കിയ ചന്ദ്രനെയും നക്ഷത്രങ്ങളെയും നോക്കുമ്പോള്,
സങ്കീർത്തനങ്ങൾ 8 : 4 (MOV)
മര്ത്യനെ നീ ഓര്ക്കേണ്ടതിന്നു അവന് എന്തു? മനുഷ്യപുത്രനെ സന്ദര്ശിക്കേണ്ടതിന്നു അവന് എന്തുമാത്രം?
സങ്കീർത്തനങ്ങൾ 8 : 5 (MOV)
നീ അവനെ ദൈവത്തെക്കാള് അല്പം മാത്രം താഴ്ത്തി, തേജസ്സും ബഹുമാനവും അവനെ അണിയിച്ചിരിക്കുന്നു.
സങ്കീർത്തനങ്ങൾ 8 : 6 (MOV)
നിന്റെ കൈകളുടെ പ്രവൃത്തികള്ക്കു നീ അവനെ അധിപതിയാക്കി, സകലത്തെയും അവന്റെ കാല്കീഴെയാക്കിയിരിക്കുന്നു;
സങ്കീർത്തനങ്ങൾ 8 : 7 (MOV)
ആടുകളെയും കാളകളെയും എല്ലാം കാട്ടിലെ മൃഗങ്ങളെയൊക്കെയും
സങ്കീർത്തനങ്ങൾ 8 : 8 (MOV)
ആകാശത്തിലെ പക്ഷികളെയും സമുദ്രത്തിലെ മത്സ്യങ്ങളെയും സമുദ്രമാര്ഗ്ഗങ്ങളില് സഞ്ചരിക്കുന്ന സകലത്തെയും തന്നേ.
സങ്കീർത്തനങ്ങൾ 8 : 9 (MOV)
ഞങ്ങളുടെ കര്ത്താവായ യഹോവേ, നിന്റെ നാമം ഭൂമിയിലൊക്കെയും എത്ര ശ്രേഷ്ഠമായിരിക്കുന്നു!