2 ശമൂവേൽ 23 : 1 (IRVML)
ദാവീദിന്റെ അന്ത്യവാക്യങ്ങളാണിത്: [QBR] “യിശ്ശായിപുത്രൻ ദാവീദ് ചൊല്ലുന്നു; [QBR] ഔന്നത്യം പ്രാപിച്ച പുരുഷൻ ചൊല്ലുന്നു; [QBR] യാക്കോബിൻ ദൈവത്താൽ അഭിഷിക്തൻ, [QBR] യിസ്രായേലിൻ മധുരഗായകൻ തന്നെ. [QBR]
2 ശമൂവേൽ 23 : 2 (IRVML)
യഹോവയുടെ ആത്മാവ് എന്നിലൂടെ സംസാരിക്കുന്നു; [QBR] അവിടുത്തെ വചനം എന്റെ നാവിന്മേൽ ഇരിക്കുന്നു. [QBR]
2 ശമൂവേൽ 23 : 3 (IRVML)
യിസ്രായേലിന്റെ ദൈവം കല്പിച്ചു; [QBR] യിസ്രായേലിൻ പാറ എന്നോട് അരുളിച്ചെയ്തു: [QBR] ‘മനുഷ്യരെ നീതിമാനായി ഭരിക്കുന്നവൻ, [QBR]
2 ശമൂവേൽ 23 : 4 (IRVML)
ദൈവഭയത്തോടെ വാഴുന്നവൻ, [QBR] മേഘമില്ലാത്ത പ്രഭാതകാലത്ത് [QBR] സുര്യോദയത്തിങ്കലെ പ്രകാശത്തിനു തുല്യൻ; [QBR] മഴയ്ക്കു ശേഷം സൂര്യകാന്തിയാൽ [QBR] ഭൂമിയിൽ മുളയ്ക്കുന്ന ഇളമ്പുല്ലിനു തുല്യൻ.’ [QBR]
2 ശമൂവേൽ 23 : 5 (IRVML)
ദൈവസന്നിധിയിൽ എന്റെ ഗൃഹം അതുപോലെയല്ലയോ? [QBR] അവിടുന്ന് എന്നോട് ഒരു ശാശ്വതനിയമം ചെയ്തുവല്ലോ: [QBR] അത് എല്ലാറ്റിലും സ്ഥാപിതവും സ്ഥിരവുമായിരിക്കുന്നു. [QBR] അവിടുന്ന് എനിക്കു സകലരക്ഷയും വാഞ്ഛയും വർദ്ധിപ്പിക്കുകയില്ലയോ?
2 ശമൂവേൽ 23 : 6 (IRVML)
എന്നാൽ സകലനീചന്മാരും വലിച്ചെറിയപ്പെടുന്ന മുള്ളുപോലെ ആകുന്നു [QBR] അവയെ കൈകൊണ്ട് എടുക്കാവതല്ലല്ലോ. [QBR]
2 ശമൂവേൽ 23 : 7 (IRVML)
അവയെ തൊടുവാൻ തുനിയുന്നവൻ ഇരിമ്പും കുന്തപ്പിടിയും പിടിച്ചിരിക്കണം; [QBR] അവയെ അവ കിടക്കുന്നേടത്തു തന്നെ തീ വെച്ചു ചുട്ടുകളയണം.” [PE][PS]
2 ശമൂവേൽ 23 : 8 (IRVML)
ദാവീദിന് ഉണ്ടായിരുന്ന വീരന്മാരുടെ പേരുകളാണിത്: തഹ്കെമോന്യൻ യോശേബ്-ബശ്ശേബെത്ത്; അവൻ നായകന്മാരിൽ തലവൻ; എണ്ണൂറുപേരെ ഒരേ സമയത്ത് ആക്രമിച്ചു കൊന്ന എസ്ന്യൻ അദീനോ ഇവൻ തന്നെ.
2 ശമൂവേൽ 23 : 9 (IRVML)
അവന്റെ ശേഷം ഒരു അഹോഹ്യന്റെ മകനായ ദോദായിയുടെ മകൻ എലെയാസാർ; അവൻ ഫെലിസ്ത്യർ യുദ്ധത്തിന് കൂടിയിരുന്ന സ്ഥലത്തുനിന്ന് യിസ്രായേല്യർ പൊയ്ക്കളഞ്ഞപ്പോൾ ദാവീദിനോടുകൂടി നിന്നു ഫെലിസ്ത്യരെ വെല്ലുവിളിച്ച മൂന്നു വീരന്മാരിൽ ഒരുത്തൻ ആയിരുന്നു.
2 ശമൂവേൽ 23 : 10 (IRVML)
അവൻ എഴുന്നേറ്റ് കൈതളർന്ന് വാളോട് പറ്റിപ്പോകുംവരെ ഫെലിസ്ത്യരെ വെട്ടി; അന്ന് യഹോവ വലിയ ഒരു ജയം നല്കി; കൊള്ളയിടുവാൻ മാത്രമേ പടജ്ജനം അവന്റെ അടുക്കൽ മടങ്ങിവന്നുള്ളു.
2 ശമൂവേൽ 23 : 11 (IRVML)
അവന്റശേഷം ഹാരാര്യനായ ആഗേയുടെ മകനായ ശമ്മാ; ഒരിക്കൽ ചെറുപയർ ഉള്ള ഒരു വയലിൽ ഫെലിസ്ത്യർ ഒരു സംഘമായി ഒരുമിച്ചുകൂടിയപ്പോൾ ജനം ഫെലിസ്ത്യരുടെ മുമ്പിൽനിന്ന് ഓടിപ്പോയി.
2 ശമൂവേൽ 23 : 12 (IRVML)
അവൻ വയലിന്റെ നടുവിൽനിന്നു അതിനെ കാത്തു ഫെലിസ്ത്യരെ വെട്ടി. അങ്ങനെ യഹോവ വലിയ ഒരു ജയം നല്കി.
2 ശമൂവേൽ 23 : 13 (IRVML)
മുപ്പത് നായകന്മാരിൽ മൂന്നുപേർ കൊയ്ത്തുകാലത്ത് അദുല്ലാംഗുഹയിൽ ദാവീദിന്റെ അടുക്കൽ ചെന്നു; ഫെലിസ്ത്യരുടെ സൈന്യം രെഫായീംതാഴ്വരയിൽ പാളയമിറങ്ങിയിരുന്നു.
2 ശമൂവേൽ 23 : 14 (IRVML)
അന്ന് ദാവീദ് കോട്ടയിൽ ആയിരുന്നു; ഫെലിസ്ത്യർക്ക് ബേത്ത്ലേഹെമിൽ അക്കാലത്ത് ഒരു കാവൽപട്ടാളം ഉണ്ടായിരുന്നു.
2 ശമൂവേൽ 23 : 15 (IRVML)
“ബേത്ത്ലേഹെംപട്ടണവാതില്ക്കലെ കിണറ്റിൽനിന്നു വെള്ളം എനിക്ക് കുടിക്കുവാൻ ആര് കൊണ്ടുവന്നു തരും” എന്ന് ദാവീദ് വാഞ്ഛയോടെ പറഞ്ഞു.
2 ശമൂവേൽ 23 : 16 (IRVML)
അപ്പോൾ ആ മൂന്നു വീരന്മാരും ഫെലിസ്ത്യരുടെ പാളയത്തിൽകൂടി കടന്നുചെന്ന് ബേത്ത്ലേഹെംപട്ടണവാതില്ക്കലെ കിണറ്റിൽനിന്നു വെള്ളം കോരി ദാവീദിന്റെ അടുക്കൽ കൊണ്ടുവന്നു; എന്നാൽ അവൻ അത് കുടിക്കുവാൻ മനസ്സില്ലാതെ യഹോവയ്ക്കു നിവേദിച്ച് ഒഴിച്ചു:
2 ശമൂവേൽ 23 : 17 (IRVML)
“യഹോവേ, അവരുടെ പ്രാണനെ ഉപേക്ഷിച്ചുപോയ പുരുഷന്മാരുടെ രക്തം ഞാൻ കുടിക്കുകയോ? ഇത് ചെയ്യുവാൻ എനിക്ക് ഇടയാകരുതേ” എന്നു പറഞ്ഞു; അത് കുടിക്കുവാൻ അവന് മനസ്സില്ലായിരുന്നു. ഇതാകുന്നു ഈ മൂന്നു വീരന്മാർ ചെയ്തത്.
2 ശമൂവേൽ 23 : 18 (IRVML)
യോവാബിന്റെ സഹോദരനും സെരൂയയുടെ മകനുമായ അബീശായി മൂന്നുപേരിൽ പ്രധാനി ആയിരുന്നു. അവൻ തന്റെ കുന്തം മുന്നൂറുപേരുടെ നേരെ ഓങ്ങി, അവരെ കൊന്നു; അതുകൊണ്ട് അവൻ മൂന്നുപേരിൽവച്ച് കീർത്തി പ്രാപിച്ചു.
2 ശമൂവേൽ 23 : 19 (IRVML)
ആ മൂന്നുപേരിൽ അബീശായി അല്ലേ മാനം ഏറിയവൻ? അതുകൊണ്ട് അവൻ അവർക്ക് തലവനായിത്തീർന്നു. എങ്കിലും അവൻ ആദ്യത്തെ മൂന്നുപേരോളം വരുകയില്ല.
2 ശമൂവേൽ 23 : 20 (IRVML)
കബ്സേലിൽ ഒരു പരാക്രമശാലിയുടെ മകനായ യെഹോയാദയുടെ മകൻ ബെനായാവും വീര്യപ്രവൃത്തികൾ ചെയ്തു; അവൻ മോവാബിലെ സിംഹതുല്യരും അരിയേലിന്റെ പുത്രന്മാരുമായ രണ്ട് വീരന്മാരെ കൊന്നതുകൂടാതെ മഞ്ഞുകാലത്ത് ഒരു ഗുഹയിൽ ചെന്ന് ഒരു സിംഹത്തെയും കൊന്നു.
2 ശമൂവേൽ 23 : 21 (IRVML)
അവൻ കോമളനായ ഒരു മിസ്രയീമ്യനെയും സംഹരിച്ചു; മിസ്രയീമ്യന്റെ കയ്യിൽ ഒരു കുന്തം ഉണ്ടായിരുന്നു; എന്നാൽ അവൻ ഒരു വടിയുംകൊണ്ട് അവന്റെ അടുക്കൽ ചെന്നു മിസ്രയീമ്യന്റെ കയ്യിൽ നിന്നും കുന്തം പിടിച്ചുപറിച്ചു കുന്തംകൊണ്ട് അവനെ കൊന്നു.
2 ശമൂവേൽ 23 : 22 (IRVML)
ഇത് യെഹോയാദയുടെ മകനായ ബെനായാവ് ചെയ്തു, മൂന്നു വീരന്മാരിൽ കീർത്തി പ്രാപിച്ചു.
2 ശമൂവേൽ 23 : 23 (IRVML)
അവൻ മുപ്പതുപേരിൽ മാനമേറിയവനായിരുന്നു എങ്കിലും ആദ്യത്തെ മൂന്നുപേരോളം വരുകയില്ല. ദാവീദ് അവനെ തന്റെ അംഗരക്ഷകരുടെ നായകനാക്കി.
2 ശമൂവേൽ 23 : 24 (IRVML)
യോവാബിന്റെ സഹോദരനായ അസാഹേൽ മുപ്പതുപേരിൽ ഒരുത്തൻ ആയിരുന്നു; അവർ ആരെന്നാൽ: ബേത്ത്ലേഹെമ്യനായ ദോദോവിന്റെ മകൻ എൽഹാനാൻ, ഹരോദ്യൻ ശമ്മാ, ഹരോദ്യൻ എലീക്കാ,
2 ശമൂവേൽ 23 : 25 (IRVML)
പൽത്യൻ ഹേലെസ്, തെക്കോവ്യനായ ഇക്കേശിന്റെ മകൻ ഈരാ,
2 ശമൂവേൽ 23 : 26 (IRVML)
അനഥോത്യൻ അബീയേസെർ, ഹൂശാത്യൻ മെബുന്നായി, അഹോഹ്യൻ സൽമോൻ,
2 ശമൂവേൽ 23 : 27 (IRVML)
നെത്തോഫാത്യൻ മഹരായി,
2 ശമൂവേൽ 23 : 28 (IRVML)
നെത്തോഫാത്യനായ ബാനയുടെ മകൻ ഹേലെബ്,
2 ശമൂവേൽ 23 : 29 (IRVML)
ബെന്യാമീന്യരുടെ ഗിബെയയിൽനിന്നുള്ള രീബായിയുടെ മകൻ ഇത്ഥായി,
2 ശമൂവേൽ 23 : 30 (IRVML)
പിരാതോന്യൻ ബെനായ്യാവ്,
2 ശമൂവേൽ 23 : 31 (IRVML)
നഹലേഗാശ് അരുവികളിൽനിന്ന് ഹിദ്ദായി, അർബാത്യൻ അബീ-അല്ബോൻ, ബർഹൂമ്യൻ അസ്മാവെത്ത്,
2 ശമൂവേൽ 23 : 32 (IRVML)
ശാൽബോന്യൻ എല്യാഹ്ബാ, യാശേന്റെ പുത്രന്മാർ:
2 ശമൂവേൽ 23 : 33 (IRVML)
യോനാഥാൻ, ഹരാര്യൻ ശമ്മ, അരാര്യനായ ശാരാരിന്റെ മകൻ അഹീരാം,
2 ശമൂവേൽ 23 : 34 (IRVML)
മാഖാത്യന്റെ മകനായ അഹശ്ബായിയുടെ മകൻ എലീഫേലെത്, ഗിലോന്യനായ അഹീഥോഫെലിന്റെ മകൻ എലീയാം,
2 ശമൂവേൽ 23 : 35 (IRVML)
കർമ്മേല്യൻ ഹെസ്രോ, അർബ്യൻ പാറായി,
2 ശമൂവേൽ 23 : 36 (IRVML)
സോബക്കാരനായ നാഥാന്റെ മകൻ യിഗാൽ,
2 ശമൂവേൽ 23 : 37 (IRVML)
ഗാദ്യൻ ബാനി, സെരൂയയുടെ മകനായ യോവാബിന്റെ ആയുധവാഹകന്മാരായ അമ്മോന്യൻ സേലെക്ക്, ബെരോത്യൻ നഹരായി.
2 ശമൂവേൽ 23 : 38 (IRVML)
യിത്രിയൻ ഈരാ, യിത്രിയൻ ഗാരേബ്,
2 ശമൂവേൽ 23 : 39 (IRVML)
ഹിത്യൻ ഊരീയാവ് ഇങ്ങനെ ആകെ മുപ്പത്തേഴുപേർ. [PE]
❮
❯