സദൃശ്യവാക്യങ്ങൾ 29 : 1 (IRVML)
തുടർച്ചയായി ശാസന കേട്ടിട്ടും ശാഠ്യം കാണിക്കുന്നവൻ [QBR] നീക്കുപോക്കില്ലാതെ പെട്ടെന്നു നശിച്ചുപോകും. [QBR]
സദൃശ്യവാക്യങ്ങൾ 29 : 2 (IRVML)
നീതിമാന്മാർ വർദ്ധിക്കുമ്പോൾ ജനം സന്തോഷിക്കുന്നു; [QBR] ദുഷ്ടൻ ആധിപത്യം നടത്തുമ്പോൾ ജനം ഞരങ്ങുന്നു. [QBR]
സദൃശ്യവാക്യങ്ങൾ 29 : 3 (IRVML)
ജ്ഞാനം ഇഷ്ടപ്പെടുന്നവൻ തന്റെ അപ്പനെ സന്തോഷിപ്പിക്കുന്നു; [QBR] വേശ്യകളോട് സഹവാസം ചെയ്യുന്നവനോ തന്റെ സമ്പത്ത് നശിപ്പിക്കുന്നു. [QBR]
സദൃശ്യവാക്യങ്ങൾ 29 : 4 (IRVML)
രാജാവ് ന്യായപാലനത്താൽ രാജ്യത്തെ നിലനിർത്തുന്നു; [QBR] നികുതി വർദ്ധിപ്പിക്കുന്നവൻ അതിനെ നശിപ്പിക്കുന്നു. [QBR]
സദൃശ്യവാക്യങ്ങൾ 29 : 5 (IRVML)
കൂട്ടുകാരനോട് മുഖസ്തുതി പറയുന്നവൻ [QBR] അവന്റെ കാലിന് ഒരു വല വിരിക്കുന്നു. [QBR]
സദൃശ്യവാക്യങ്ങൾ 29 : 6 (IRVML)
ദുഷ്ക്കർമ്മി തന്റെ ലംഘനത്തിൽ കുടുങ്ങുന്നു; [QBR] നീതിമാനോ ഘോഷിച്ചാനന്ദിക്കുന്നു. [QBR]
സദൃശ്യവാക്യങ്ങൾ 29 : 7 (IRVML)
നീതിമാൻ അഗതികളുടെ കാര്യം അറിയുന്നു; [QBR] ദുഷ്ടനോ പരിജ്ഞാനം ഇന്നതെന്ന് അറിയുന്നില്ല. [QBR]
സദൃശ്യവാക്യങ്ങൾ 29 : 8 (IRVML)
പരിഹാസികൾ പട്ടണത്തിൽ കോപാഗ്നി ജ്വലിപ്പിക്കുന്നു; [QBR] ജ്ഞാനികൾ ക്രോധത്തെ ശമിപ്പിക്കുന്നു. [QBR]
സദൃശ്യവാക്യങ്ങൾ 29 : 9 (IRVML)
ജ്ഞാനിക്കും ഭോഷനും തമ്മിൽ തർക്കം ഉണ്ടായിട്ട് [QBR] ഭോഷൻ കോപിക്കുകയോ ചിരിക്കുകയോ ചെയ്തേക്കാം; എന്നാൽ അവിടെ ശാന്തത ഉണ്ടാകുകയില്ല. [QBR]
സദൃശ്യവാക്യങ്ങൾ 29 : 10 (IRVML)
രക്തപാതകന്മാർ നിഷ്ക്കളങ്കനെ ദ്വേഷിക്കുന്നു; [QBR] നേരുള്ളവരോ അവന്റെ പ്രാണരക്ഷ അന്വേഷിക്കുന്നു. [QBR]
സദൃശ്യവാക്യങ്ങൾ 29 : 11 (IRVML)
മൂഢൻ തന്റെ കോപം മുഴുവനും വെളിപ്പെടുത്തുന്നു; [QBR] ജ്ഞാനി അതിനെ അടക്കി ശമിപ്പിക്കുന്നു. [QBR]
സദൃശ്യവാക്യങ്ങൾ 29 : 12 (IRVML)
അധിപതി നുണ കേൾക്കുവാൻ തുടങ്ങിയാൽ [QBR] അവന്റെ ഭൃത്യന്മാരെല്ലാവരും ദുഷ്ടന്മാരാകും. [QBR]
സദൃശ്യവാക്യങ്ങൾ 29 : 13 (IRVML)
ദരിദ്രനും പീഡകനും തമ്മിൽ പൊതുവായി ഒന്നുണ്ട്; [QBR] ഇരുവരുടെയും കണ്ണ് യഹോവ പ്രകാശിപ്പിക്കുന്നു. [QBR]
സദൃശ്യവാക്യങ്ങൾ 29 : 14 (IRVML)
അഗതികൾക്ക് വിശ്വസ്തതയോടെ ന്യായപാലനം ചെയ്യുന്ന [QBR] രാജാവിന്റെ സിംഹാസനം എന്നേക്കും സ്ഥിരമായിരിക്കും. [QBR]
സദൃശ്യവാക്യങ്ങൾ 29 : 15 (IRVML)
വടിയും ശാസനയും ജ്ഞാനം നല്കുന്നു; [QBR] തന്നിഷ്ടത്തിനു വിട്ടിരിക്കുന്ന ബാലൻ അമ്മയ്ക്കു ലജ്ജ വരുത്തുന്നു. [QBR]
സദൃശ്യവാക്യങ്ങൾ 29 : 16 (IRVML)
ദുഷ്ടന്മാർ പെരുകുമ്പോൾ അതിക്രമം പെരുകുന്നു; [QBR] നീതിമാന്മാർ അവരുടെ വീഴ്ച കാണും. [QBR]
സദൃശ്യവാക്യങ്ങൾ 29 : 17 (IRVML)
നിന്റെ മകനെ ശിക്ഷിക്കുക; അവൻ നിനക്ക് ആശ്വാസമായിത്തീരും; [QBR] അവൻ നിന്റെ മനസ്സിന് പ്രമോദം വരുത്തും. [QBR]
സദൃശ്യവാക്യങ്ങൾ 29 : 18 (IRVML)
വെളിപ്പാട് ഇല്ലാത്തിടത്തു ജനം മര്യാദവിട്ടു നടക്കുന്നു; [QBR] ന്യായപ്രമാണം കാത്തുകൊള്ളുന്നവനോ ഭാഗ്യവാൻ. [QBR]
സദൃശ്യവാക്യങ്ങൾ 29 : 19 (IRVML)
ദാസനെ നന്നാക്കുവാൻ വാക്കു മാത്രം പോരാ; [QBR] അവൻ അത് ഗ്രഹിച്ചാലും കൂട്ടാക്കുകയില്ലല്ലോ. [QBR]
സദൃശ്യവാക്യങ്ങൾ 29 : 20 (IRVML)
വാക്കിൽ തിടുക്കമുള്ള മനുഷ്യനെ നീ കാണുന്നുവോ? [QBR] അവനെക്കാൾ മൂഢനെക്കുറിച്ച് അധികം പ്രത്യാശയുണ്ട്. [QBR]
സദൃശ്യവാക്യങ്ങൾ 29 : 21 (IRVML)
ദാസനെ ബാല്യംമുതൽ ലാളിച്ചുവളർത്തുന്നവനോട് [QBR] അവൻ ഒടുവിൽ ദുശ്ശാഠ്യം കാണിക്കും. [QBR]
സദൃശ്യവാക്യങ്ങൾ 29 : 22 (IRVML)
കോപമുള്ളവൻ വഴക്കുണ്ടാക്കുന്നു; [QBR] ക്രോധമുള്ളവൻ അതിക്രമം വർദ്ധിപ്പിക്കുന്നു. [QBR]
സദൃശ്യവാക്യങ്ങൾ 29 : 23 (IRVML)
മനുഷ്യന്റെ ഗർവ്വം അവനെ താഴ്ത്തിക്കളയും; [QBR] മനോവിനയമുള്ളവൻ മാനം പ്രാപിക്കും. [QBR]
സദൃശ്യവാക്യങ്ങൾ 29 : 24 (IRVML)
കള്ളന്റെ പങ്കാളി സ്വന്തം പ്രാണനെ പകയ്ക്കുന്നു; [QBR] അവൻ സത്യം ചെയ്യുന്നു; ഒന്നും വെളിപ്പെടുത്തുന്നതുമില്ല. [QBR]
സദൃശ്യവാക്യങ്ങൾ 29 : 25 (IRVML)
മാനുഷഭയം ഒരു കെണി ആകുന്നു; [QBR] യഹോവയിൽ ആശ്രയിക്കുന്നവൻ രക്ഷപ്രാപിക്കും. [QBR]
സദൃശ്യവാക്യങ്ങൾ 29 : 26 (IRVML)
അനേകം പേർ അധിപതിയുടെ മുഖപ്രസാദം അന്വേഷിക്കുന്നു; [QBR] മനുഷ്യന് നീതി യഹോവയിൽനിന്നു വരുന്നു. [QBR]
സദൃശ്യവാക്യങ്ങൾ 29 : 27 (IRVML)
നീതികെട്ടവൻ നീതിമാന്മാർക്ക് വെറുപ്പ്; [QBR] സന്മാർഗ്ഗി ദുഷ്ടന്മാർക്കും വെറുപ്പ്. [PE]
❮
❯