സദൃശ്യവാക്യങ്ങൾ 4 : 1 (IRVML)
മക്കളേ, അപ്പന്റെ പ്രബോധനം കേട്ട് [QBR] വിവേകം പ്രാപിക്കേണ്ടതിന് ശ്രദ്ധിക്കുവിൻ. [QBR]
സദൃശ്യവാക്യങ്ങൾ 4 : 2 (IRVML)
ഞാൻ നിങ്ങൾക്ക് സൽബുദ്ധി ഉപദേശിച്ചുതരുന്നു; [QBR] എന്റെ ഉപദേശം നിങ്ങൾ ഉപേക്ഷിക്കരുത്. [QBR]
സദൃശ്യവാക്യങ്ങൾ 4 : 3 (IRVML)
ഞാൻ എന്റെ അപ്പന് മകനും [QBR] എന്റെ അമ്മയ്ക്ക് ഓമനയും ഏകപുത്രനും ആയിരുന്നു; [QBR]
സദൃശ്യവാക്യങ്ങൾ 4 : 4 (IRVML)
അവൻ എന്നെ പഠിപ്പിച്ച്, എന്നോട് പറഞ്ഞത്: [QBR] “എന്റെ വചനങ്ങളെ ഹൃദയത്തിൽ സംഗ്രഹിച്ചുകൊള്ളുക; [QBR] എന്റെ കല്പനകളെ പ്രമാണിച്ച് ജീവിക്കുക. [QBR]
സദൃശ്യവാക്യങ്ങൾ 4 : 5 (IRVML)
ജ്ഞാനം സമ്പാദിക്കുക: വിവേകം നേടുക; മറക്കരുത്; [QBR] എന്റെ വചനങ്ങളെ വിട്ടുമാറുകയും അരുത്. [QBR]
സദൃശ്യവാക്യങ്ങൾ 4 : 6 (IRVML)
അതിനെ ഉപേക്ഷിക്കരുത്; അത് നിന്നെ കാക്കും; [QBR] അതിൽ പ്രിയം വയ്ക്കുക; അത് നിന്നെ സൂക്ഷിക്കും; [QBR]
സദൃശ്യവാക്യങ്ങൾ 4 : 7 (IRVML)
ജ്ഞാനംതന്നെ പ്രധാനം; ജ്ഞാനം സമ്പാദിക്കുക; [QBR] നിന്റെ സകലസമ്പാദ്യം കൊണ്ടും വിവേകം നേടുക. [QBR]
സദൃശ്യവാക്യങ്ങൾ 4 : 8 (IRVML)
അതിനെ ഉയർത്തുക; അത് നിന്നെ ഉയർത്തും; [QBR] അതിനെ ആലിംഗനം ചെയ്താൽ അത് നിനക്ക് മാനം വരുത്തും. [QBR]
സദൃശ്യവാക്യങ്ങൾ 4 : 9 (IRVML)
അത് നിന്റെ തലയെ അലങ്കാരമാല അണിയിക്കും; [QBR] അത് നിന്നെ ഒരു മഹത്വകിരീടം ചൂടിക്കും. [QBR]
സദൃശ്യവാക്യങ്ങൾ 4 : 10 (IRVML)
മകനേ കേട്ട് എന്റെ വചനങ്ങളെ കൈക്കൊള്ളുക; [QBR] എന്നാൽ നിനക്ക് ദീർഘായുസ്സുണ്ടാകും. [QBR]
സദൃശ്യവാക്യങ്ങൾ 4 : 11 (IRVML)
ജ്ഞാനത്തിന്റെ മാർഗ്ഗം ഞാൻ നിന്നെ ഉപദേശിക്കുന്നു; [QBR] നേരെയുള്ള പാതയിൽ ഞാൻ നിന്നെ നടത്തുന്നു. [QBR]
സദൃശ്യവാക്യങ്ങൾ 4 : 12 (IRVML)
നടക്കുമ്പോൾ നിന്റെ കാലടികൾ തടസ്സം നേരിടുകയില്ല; [QBR] ഓടുമ്പോൾ നീ ഇടറുകയുമില്ല. [QBR]
സദൃശ്യവാക്യങ്ങൾ 4 : 13 (IRVML)
പ്രബോധനം മുറുകെ പിടിക്കുക; വിട്ടുകളയരുത്; [QBR] അതിനെ കാത്തുകൊള്ളുക, അത് നിന്റെ ജീവനല്ലയോ. [QBR]
സദൃശ്യവാക്യങ്ങൾ 4 : 14 (IRVML)
ദുഷ്ടന്മാരുടെ പാതയിൽ നീ ചെല്ലരുത്; [QBR] ദുർജ്ജനത്തിന്റെ വഴിയിൽ നടക്കുകയും അരുത്; [QBR]
സദൃശ്യവാക്യങ്ങൾ 4 : 15 (IRVML)
അതിനോട് അകന്നുനില്ക്കുക; അതിൽ നടക്കരുത്; [QBR] അത് വിട്ടുമാറി കടന്നുപോകുക. [QBR]
സദൃശ്യവാക്യങ്ങൾ 4 : 16 (IRVML)
അവർ ദോഷം ചെയ്തിട്ടല്ലാതെ ഉറങ്ങുകയില്ല; [QBR] ആരെയെങ്കിലും വീഴിച്ചിട്ടല്ലാതെ അവർക്ക് ഉറക്കം വരുകയില്ല. [QBR]
സദൃശ്യവാക്യങ്ങൾ 4 : 17 (IRVML)
ദുഷ്ടതയുടെ ആഹാരംകൊണ്ട് അവർ ഉപജീവിക്കുന്നു; [QBR] ബലാല്ക്കാരത്തിന്റെ വീഞ്ഞ് അവർ പാനം ചെയ്യുന്നു. [QBR]
സദൃശ്യവാക്യങ്ങൾ 4 : 18 (IRVML)
നീതിമാന്മാരുടെ പാതയോ പ്രഭാതത്തിന്റെ വെളിച്ചംപോലെ; [QBR] അത് നട്ടുച്ചവരെ അധികമധികം ശോഭിച്ചുവരുന്നു. [QBR]
സദൃശ്യവാക്യങ്ങൾ 4 : 19 (IRVML)
ദുഷ്ടന്മാരുടെ വഴി അന്ധകാരംപോലെയാകുന്നു; [QBR] ഏതിൽ തട്ടി വീഴും എന്ന് അവർ അറിയുന്നില്ല. [QBR]
സദൃശ്യവാക്യങ്ങൾ 4 : 20 (IRVML)
മകനേ, എന്റെ വചനങ്ങൾക്ക് ശ്രദ്ധതരുക; [QBR] എന്റെ മൊഴികൾക്ക് നിന്റെ ചെവി ചായിക്കുക. [QBR]
സദൃശ്യവാക്യങ്ങൾ 4 : 21 (IRVML)
അവ നിന്റെ ദൃഷ്ടിയിൽനിന്ന് മാറിപ്പോകരുത്; [QBR] നിന്റെ ഹൃദയത്തിന്റെ നടുവിൽ അവയെ സൂക്ഷിച്ചുവയ്ക്കുക. [QBR]
സദൃശ്യവാക്യങ്ങൾ 4 : 22 (IRVML)
അവയെ കിട്ടുന്നവർക്ക് അവ ജീവനും [QBR] അവരുടെ മുഴുവൻശരീരത്തിനും സൗഖ്യവും ആകുന്നു. [QBR]
സദൃശ്യവാക്യങ്ങൾ 4 : 23 (IRVML)
സകലജാഗ്രതയോടുംകൂടി നിന്റെ ഹൃദയത്തെ കാത്തുകൊള്ളുക; [QBR] ജീവന്റെ ഉത്ഭവം അതിൽനിന്നല്ലയോ ആകുന്നത്. [QBR]
സദൃശ്യവാക്യങ്ങൾ 4 : 24 (IRVML)
വായുടെ വക്രത നിന്നിൽനിന്ന് നീക്കിക്കളയുക; [QBR] അധരങ്ങളുടെ വികടം നിന്നിൽനിന്ന് അകറ്റുക. [QBR]
സദൃശ്യവാക്യങ്ങൾ 4 : 25 (IRVML)
നിന്റെ കണ്ണ് നേരെ നോക്കട്ടെ; [QBR] നിന്റെ ദൃഷ്ടി മുമ്പോട്ട് തന്നെ ആയിരിക്കട്ടെ. [QBR]
സദൃശ്യവാക്യങ്ങൾ 4 : 26 (IRVML)
നിന്റെ കാലുകളുടെ പാത നിരപ്പാക്കുക; [QBR] നിന്റെ വഴികളെല്ലാം സ്ഥിരമായിരിക്കട്ടെ. [QBR]
സദൃശ്യവാക്യങ്ങൾ 4 : 27 (IRVML)
ഇടത്തോട്ടോ വലത്തോട്ടോ തിരിയരുത്; [QBR] നിന്റെ കാലുകൾ തിന്മയിൽനിന്ന് അകലുമാറാക്കുക. [PE]
❮
❯