സദൃശ്യവാക്യങ്ങൾ 6 : 1 (IRVML)
മകനേ, കൂട്ടുകാരനു വേണ്ടി നീ ജാമ്യം നില്ക്കുകയോ [QBR] അന്യനു വേണ്ടി കൈയടിച്ച് ഉറപ്പ് നൽകുകയോ ചെയ്തിട്ടുണ്ടെങ്കിൽ, [QBR]
സദൃശ്യവാക്യങ്ങൾ 6 : 2 (IRVML)
നിന്റെ വായിലെ വാക്കുകളാൽ നീ ചതിക്കപ്പെട്ടു; [QBR] നിന്റെ വായിലെ മൊഴികളാൽ നീ കെണിയിലായി. [QBR]
സദൃശ്യവാക്യങ്ങൾ 6 : 3 (IRVML)
ആകയാൽ മകനേ, ഇത് ചെയ്യുക; നിന്നെത്തന്നെ വിടുവിക്കുക; [QBR] കൂട്ടുകാരന്റെ കൈകളിൽ നീ അകപ്പെട്ടുപോയല്ലോ; [QBR] നീ ചെന്ന്, താണുവീണ് കൂട്ടുകാരനോട് മുട്ടിപ്പായി അപേക്ഷിക്കുക. [QBR]
സദൃശ്യവാക്യങ്ങൾ 6 : 4 (IRVML)
നിന്റെ കണ്ണിന് ഉറക്കവും [QBR] നിന്റെ കൺപോളകൾക്ക് നിദ്രയും കൊടുക്കരുത്. [QBR]
സദൃശ്യവാക്യങ്ങൾ 6 : 5 (IRVML)
മാൻ നായാട്ടുകാരന്റെ കൈയിൽനിന്നും [QBR] പക്ഷി വേട്ടക്കാരന്റെ കൈയിൽനിന്നും [QBR] എന്നപോലെ നീ നിന്നെത്തന്നെ വിടുവിക്കുക, [QBR]
സദൃശ്യവാക്യങ്ങൾ 6 : 6 (IRVML)
മടിയാ, ഉറുമ്പിന്റെ അടുക്കൽ ചെല്ലുക; [QBR] അതിന്റെ വഴികൾ നോക്കി ബുദ്ധിപഠിക്കുക. [QBR]
സദൃശ്യവാക്യങ്ങൾ 6 : 7 (IRVML)
അതിന് നായകനും മേൽവിചാരകനും [QBR] അധിപതിയും ഇല്ലാതിരുന്നിട്ടും [QBR]
സദൃശ്യവാക്യങ്ങൾ 6 : 8 (IRVML)
വേനല്ക്കാലത്ത് തന്റെ ആഹാരം ഒരുക്കുന്നു; [QBR] കൊയ്ത്തുകാലത്ത് തന്റെ ഭക്ഷണം ശേഖരിക്കുന്നു. [QBR]
സദൃശ്യവാക്യങ്ങൾ 6 : 9 (IRVML)
മടിയാ, നീ എത്രനേരം കിടന്നുറങ്ങും? [QBR] എപ്പോൾ ഉറക്കത്തിൽ നിന്നെഴുന്നേല്ക്കും? [QBR]
സദൃശ്യവാക്യങ്ങൾ 6 : 10 (IRVML)
കുറേക്കൂടെ ഉറക്കം; കുറേക്കൂടെ നിദ്ര; [QBR] കുറേക്കൂടെ കൈകെട്ടിക്കിടപ്പ്. [QBR]
സദൃശ്യവാക്യങ്ങൾ 6 : 11 (IRVML)
അങ്ങനെ നിന്റെ ദാരിദ്ര്യം വഴിപോക്കനെപ്പോലെയും [QBR] നിന്റെ ബുദ്ധിമുട്ട് ആയുധധാരിയെപ്പോലെയും വരും. [QBR]
സദൃശ്യവാക്യങ്ങൾ 6 : 12 (IRVML)
നിസ്സാരനും ദുഷ്കർമ്മിയുമായവൻ [QBR] വായുടെ വക്രതയോടെ നടക്കുന്നു. [QBR]
സദൃശ്യവാക്യങ്ങൾ 6 : 13 (IRVML)
അവൻ കണ്ണിമയ്ക്കുന്നു; കാൽകൊണ്ട് തോണ്ടുന്നു; [QBR] വിരൽകൊണ്ട് ആംഗ്യം കാണിക്കുന്നു. [QBR]
സദൃശ്യവാക്യങ്ങൾ 6 : 14 (IRVML)
അവന്റെ ഹൃദയത്തിൽ വക്രതയുണ്ട്; [QBR] അവൻ എല്ലായ്പോഴും ദോഷം നിരൂപിച്ച് വഴക്കുണ്ടാക്കുന്നു. [QBR]
സദൃശ്യവാക്യങ്ങൾ 6 : 15 (IRVML)
അതുകൊണ്ട് അവന്റെ ആപത്ത് പെട്ടെന്ന് വരും; [QBR] ക്ഷണത്തിൽ അവൻ തകർന്നുപോകും; പരിഹാരമുണ്ടാകുകയുമില്ല. [QBR]
സദൃശ്യവാക്യങ്ങൾ 6 : 16 (IRVML)
ആറു കാര്യം യഹോവ വെറുക്കുന്നു; [QBR] ഏഴു കാര്യം അവന് അറപ്പാകുന്നു: [QBR]
സദൃശ്യവാക്യങ്ങൾ 6 : 17 (IRVML)
ഗർവ്വമുള്ള കണ്ണും വ്യാജമുള്ള നാവും [QBR] കുറ്റമില്ലാത്ത രക്തം ചൊരിയുന്ന കൈയും [QBR]
സദൃശ്യവാക്യങ്ങൾ 6 : 18 (IRVML)
ദുരുപായം നിരൂപിക്കുന്ന ഹൃദയവും [QBR] ദോഷത്തിനു ബദ്ധപ്പെട്ട് ഓടുന്ന കാലും [QBR]
സദൃശ്യവാക്യങ്ങൾ 6 : 19 (IRVML)
ഭോഷ്ക് പറയുന്ന കള്ളസാക്ഷിയും [QBR] സഹോദരന്മാരുടെ ഇടയിൽ വഴക്കുണ്ടാക്കുന്നവനും തന്നെ. [QBR]
സദൃശ്യവാക്യങ്ങൾ 6 : 20 (IRVML)
മകനേ, നിന്റെ അപ്പന്റെ കല്പന പ്രമാണിക്കുക; [QBR] അമ്മയുടെ ഉപദേശം ഉപേക്ഷിക്കുകയുമരുത്. [QBR]
സദൃശ്യവാക്യങ്ങൾ 6 : 21 (IRVML)
അത് എല്ലായ്പോഴും നിന്റെ ഹൃദയത്തോട് ബന്ധിച്ചുകൊള്ളുക; [QBR] നിന്റെ കഴുത്തിൽ അത് കെട്ടിക്കൊള്ളുക. [QBR]
സദൃശ്യവാക്യങ്ങൾ 6 : 22 (IRVML)
നീ നടക്കുമ്പോൾ അത് നിനക്ക് വഴികാണിക്കും. [QBR] നീ ഉറങ്ങുമ്പോൾ അത് നിന്നെ കാക്കും; [QBR] നീ ഉണരുമ്പോൾ അത് നിന്നോട് സംസാരിക്കും. [QBR]
സദൃശ്യവാക്യങ്ങൾ 6 : 23 (IRVML)
കല്പന ഒരു ദീപവും ഉപദേശം ഒരു വെളിച്ചവും [QBR] പ്രബോധനത്തിന്റെ ശാസനകൾ ജീവന്റെ മാർഗ്ഗവും ആകുന്നു. [QBR]
സദൃശ്യവാക്യങ്ങൾ 6 : 24 (IRVML)
അവ ദുഷ്ടസ്ത്രീയുടെ വശീകരണത്തിൽ നിന്നും [QBR] പരസ്ത്രീയുടെ ചക്കരവാക്കുകളിൽനിന്നും നിന്നെ രക്ഷിക്കും. [QBR]
സദൃശ്യവാക്യങ്ങൾ 6 : 25 (IRVML)
അവളുടെ സൗന്ദര്യത്തെ നിന്റെ ഹൃദയത്തിൽ മോഹിക്കരുത്; [QBR] അവൾ കണ്ണിമകൊണ്ട് നിന്നെ വശീകരിക്കുകയുമരുത്. [QBR]
സദൃശ്യവാക്യങ്ങൾ 6 : 26 (IRVML)
വേശ്യാസ്ത്രീനിമിത്തം പുരുഷൻ ഉണങ്ങിയ അപ്പക്കഷണം പോലെയായിപ്പോകും; [QBR] വ്യഭിചാരിണി വിലയേറിയ ജീവനെ വേട്ടയാടുന്നു. [QBR]
സദൃശ്യവാക്യങ്ങൾ 6 : 27 (IRVML)
ഒരു മനുഷ്യനു തന്റെ വസ്ത്രം വെന്തുപോകാതെ [QBR] മടിയിൽ തീ കൊണ്ടുവരാമോ? [QBR]
സദൃശ്യവാക്യങ്ങൾ 6 : 28 (IRVML)
ഒരുത്തനു കാൽ പൊള്ളാതെ [QBR] തീക്കനലിന്മേൽ നടക്കാമോ? [QBR]
സദൃശ്യവാക്യങ്ങൾ 6 : 29 (IRVML)
കൂട്ടുകാരന്റെ ഭാര്യയുടെ അടുക്കൽ ചെല്ലുന്നവൻ ഇങ്ങനെ തന്നെ; [QBR] അവളെ തൊടുന്ന ഒരുത്തനും ശിക്ഷ വരാതെയിരിക്കുകയില്ല. [QBR]
സദൃശ്യവാക്യങ്ങൾ 6 : 30 (IRVML)
കള്ളൻ വിശന്നിട്ട് വിശപ്പടക്കുവാൻ മാത്രം മോഷ്ടിച്ചാൽ [QBR] ആരും അവനെ നിന്ദിക്കുന്നില്ല. [QBR]
സദൃശ്യവാക്യങ്ങൾ 6 : 31 (IRVML)
അവൻ പിടിക്കപ്പെട്ടാൽ അവൻ ഏഴിരട്ടി മടക്കിക്കൊടുക്കണം; [QBR] തന്റെ വീട്ടിലെ വസ്തുവക ഒക്കെയും കൊടുക്കേണ്ടിവരാം; [QBR]
സദൃശ്യവാക്യങ്ങൾ 6 : 32 (IRVML)
സ്ത്രീയോട് വ്യഭിചാരം ചെയ്യുന്നവനോ, ബുദ്ധിഹീനൻ; [QBR] അങ്ങനെ ചെയ്യുന്നവൻ സ്വന്തപ്രാണനെ നശിപ്പിക്കുന്നു. [QBR]
സദൃശ്യവാക്യങ്ങൾ 6 : 33 (IRVML)
പ്രഹരവും അപമാനവും അവനു ലഭിക്കും; [QBR] അവന്റെ നിന്ദ മാഞ്ഞുപോകുകയുമില്ല. [QBR]
സദൃശ്യവാക്യങ്ങൾ 6 : 34 (IRVML)
ജാരശങ്ക പുരുഷന് ക്രോധഹേതുവാകുന്നു; [QBR] പ്രതികാരദിവസത്തിൽ അവൻ ഇളവ് നൽകുകയില്ല. [QBR]
സദൃശ്യവാക്യങ്ങൾ 6 : 35 (IRVML)
അവൻ യാതൊരു നഷ്ടപരിഹാരവും സ്വീകരിക്കുകയില്ല; [QBR] എത്ര സമ്മാനം കൊടുത്താലും അവൻ തൃപ്തിപ്പെടുകയുമില്ല. [PE]
❮
❯