സങ്കീർത്തനങ്ങൾ 59 : 1 (IRVML)
എന്റെ ദൈവമേ, എന്റെ ശത്രുക്കളുടെ കൈയിൽനിന്ന് എന്നെ വിടുവിക്കണമേ; [QBR] എനിയ്ക്ക് എതിരെ എഴുന്നേറ്റിരിക്കുന്നവരിൽ നിന്ന് എനിക്ക് സംരക്ഷണം നൽകണമേ. [QBR]
സങ്കീർത്തനങ്ങൾ 59 : 2 (IRVML)
നീതികേട് പ്രവർത്തിക്കുന്നവരുടെ കൈയിൽ നിന്ന് എന്നെ മോചിപ്പിച്ച് [QBR] രക്തദാഹികളുടെ പക്കൽനിന്ന് എന്നെ രക്ഷിക്കണമേ. [QBR]
സങ്കീർത്തനങ്ങൾ 59 : 3 (IRVML)
ഇതാ, അവർ എന്റെ പ്രാണനുവേണ്ടി പതിയിരിക്കുന്നു; [QBR] യഹോവേ, ബലവാന്മാർ എന്റെ നേരെ കൂട്ടം കൂടുന്നത് [QBR] എന്റെ അതിക്രമം നിമിത്തമല്ല, എന്റെ പാപം ഹേതുവായിട്ടുമല്ല. [QBR]
സങ്കീർത്തനങ്ങൾ 59 : 4 (IRVML)
എന്റെ പക്കൽ അകൃത്യം ഇല്ലെങ്കിലും അവർ എനിക്കെതിരെ ഓടി ഒരുങ്ങുന്നു; [QBR] എന്നെ സഹായിക്കുവാൻ ഉണർന്ന് കടാക്ഷിക്കണമേ. [QBR]
സങ്കീർത്തനങ്ങൾ 59 : 5 (IRVML)
സൈന്യങ്ങളുടെ ദൈവമായ യഹോവേ, യിസ്രായേലിന്റെ ദൈവമേ, [QBR] സകല ജനതകളെയും സന്ദർശിക്കേണ്ടതിന് നീ ഉണരണമേ; [QBR] നീതികെട്ട ദ്രോഹികളിൽ ആരോടും കൃപ തോന്നരുതേ. സേലാ.
സങ്കീർത്തനങ്ങൾ 59 : 6 (IRVML)
സന്ധ്യാസമയത്ത് അവർ മടങ്ങിവരുന്നു; [QBR] നായെപ്പോലെ കുരച്ചുകൊണ്ട് അവർ പട്ടണത്തിന് ചുറ്റും നടക്കുന്നു. [QBR]
സങ്കീർത്തനങ്ങൾ 59 : 7 (IRVML)
അവർ അവരുടെ വായ്കൊണ്ട് ശകാരിക്കുന്നു; [QBR] വാളുകൾ അവരുടെ അധരങ്ങളിൽ ഉണ്ട്; [QBR] “ആര് കേൾക്കും” എന്ന് അവർ പറയുന്നു. [QBR]
സങ്കീർത്തനങ്ങൾ 59 : 8 (IRVML)
എങ്കിലും യഹോവേ, നീ അവരെ നോക്കി ചിരിക്കും; [QBR] നീ സകലജാതികളെയും പരിഹസിക്കും. [QBR]
സങ്കീർത്തനങ്ങൾ 59 : 9 (IRVML)
എന്റെ ബലമായുള്ള യഹോവേ, ഞാൻ നിന്നെ കാത്തിരിക്കും; [QBR] ദൈവം എന്റെ ഗോപുരമാകുന്നു. [QBR]
സങ്കീർത്തനങ്ങൾ 59 : 10 (IRVML)
എന്റെ ദൈവം തന്റെ കരുണയിൽ എന്നെ എതിരേല്ക്കും; [QBR] ഞാൻ എന്റെ ശത്രുക്കളെ കണ്ട് രസിക്കുവാൻ ദൈവം ഇടയാക്കും. [QBR]
സങ്കീർത്തനങ്ങൾ 59 : 11 (IRVML)
അവരെ കൊന്നുകളയരുതേ; എന്റെ ജനം മറക്കാതിരിക്കേണ്ടതിന് തന്നെ; [QBR] ഞങ്ങളുടെ പരിചയാകുന്ന കർത്താവേ, [QBR] നിന്റെ ശക്തികൊണ്ട് അവരെ ചിതറിച്ച് താഴ്ത്തണമേ. [QBR]
സങ്കീർത്തനങ്ങൾ 59 : 12 (IRVML)
അവരുടെ വായിലെ പാപവും അധരങ്ങളിലെ വാക്കുകളും നിമിത്തം [QBR] അവർ അവരുടെ അഹങ്കാരത്തിൽ പിടിക്കപ്പെടട്ടെ. [QBR]
സങ്കീർത്തനങ്ങൾ 59 : 13 (IRVML)
അവർ പറയുന്ന ശാപവാക്കുകളും ഭോഷ്ക്കും നിമിത്തം കോപത്തോടെ അവരെ സംഹരിക്കണമേ; [QBR] അവർ ഇല്ലാതെയാകുംവണ്ണം അവരെ സംഹരിച്ചുകളയണമേ; [QBR] ദൈവം യാക്കോബിൽ വാഴുന്നു [QBR] എന്ന് ഭൂമിയുടെ അറ്റംവരെ അറിയുമാറാകട്ടെ. സേലാ.
സങ്കീർത്തനങ്ങൾ 59 : 14 (IRVML)
സന്ധ്യാസമയത്ത് അവർ മടങ്ങിവരുന്നു; [QBR] നായെപ്പോലെ കുരച്ചുകൊണ്ട് അവർ നഗരത്തിന് ചുറ്റും നടക്കുന്നു. [QBR]
സങ്കീർത്തനങ്ങൾ 59 : 15 (IRVML)
അവർ ആഹാരത്തിനായി അലഞ്ഞു നടക്കുന്നു; [QBR] തൃപ്തിയായില്ലെങ്കിൽ അവർ രാത്രിമുഴുവനും കാത്തിരിക്കുന്നു. [QBR]
സങ്കീർത്തനങ്ങൾ 59 : 16 (IRVML)
ഞാൻ നിന്റെ ബലത്തെക്കുറിച്ച് പാടും; [QBR] അതികാലത്ത് ഞാൻ നിന്റെ ദയയെക്കുറിച്ച് ഘോഷിച്ചാനന്ദിക്കും. [QBR] കഷ്ടകാലത്ത് നീ എന്റെ ഗോപുരവും അഭയസ്ഥാനവും ആയിരുന്നു. [QBR]
സങ്കീർത്തനങ്ങൾ 59 : 17 (IRVML)
എന്റെ ബലമായുള്ള യഹോവേ, ഞാൻ നിനക്ക് സ്തുതിപാടും; [QBR] എന്റെ ഗോപുരവും എന്നോട് ദയകാണിക്കുകയും ചെയ്യുന്ന ദൈവത്തിനു തന്നെ. [PE]
❮
❯