സങ്കീർത്തനങ്ങൾ 77 : 1 (IRVML)
ഞാൻ എന്റെ ശബ്ദം ഉയർത്തി ദൈവത്തോട്, [QBR] എന്റെ ശബ്ദം ഉയർത്തി ദൈവത്തോടു തന്നെ നിലവിളിക്കും; [QBR] അവൻ എന്റെ നിലവിളി ശ്രദ്ധിക്കും. [QBR]
സങ്കീർത്തനങ്ങൾ 77 : 2 (IRVML)
കഷ്ടദിവസത്തിൽ ഞാൻ യഹോവയെ അന്വേഷിച്ചു, [QBR] രാത്രിയിൽ എന്റെ കൈ തളരാതെ മലർത്തിയിരുന്നു; [QBR] എന്റെ ഉള്ളം ആശ്വാസം നിരസിച്ചു. [QBR]
സങ്കീർത്തനങ്ങൾ 77 : 3 (IRVML)
ഞാൻ ദൈവത്തെ ഓർത്ത് നെടുവീർപ്പിടുന്നു. [QBR] ഞാൻ ധ്യാനിക്കുമ്പോൾ, എന്റെ ആത്മാവ് വിഷാദിക്കുന്നു. സേലാ.
സങ്കീർത്തനങ്ങൾ 77 : 4 (IRVML)
നീ എന്റെ കണ്ണിന് ഉറക്കം നിഷേധിച്ചിരിക്കുന്നു; [QBR] സംസാരിക്കുവാൻ കഴിയാത്തവിധം ഞാൻ വ്യാകുലപ്പെട്ടിരിക്കുന്നു. [QBR]
സങ്കീർത്തനങ്ങൾ 77 : 5 (IRVML)
ഞാൻ പൂർവ്വദിവസങ്ങളെയും [QBR] പണ്ടത്തെ സംവത്സരങ്ങളെയും ഓർക്കുന്നു. [QBR]
സങ്കീർത്തനങ്ങൾ 77 : 6 (IRVML)
രാത്രിയിൽ ഞാൻ എന്റെ സംഗീതം ഓർക്കുന്നു; [QBR] എന്റെ ഹൃദയംകൊണ്ട് ഞാൻ ധ്യാനിക്കുന്നു; [QBR] എന്റെ ആത്മാവും ശോധന കഴിക്കുന്നു. [QBR]
സങ്കീർത്തനങ്ങൾ 77 : 7 (IRVML)
കർത്താവ് എന്നേക്കും തള്ളിക്കളയുമോ? [QBR] അവൻ ഇനി ഒരിക്കലും അനുകൂലമായിരിക്കുകയില്ലയോ? [QBR]
സങ്കീർത്തനങ്ങൾ 77 : 8 (IRVML)
അവന്റെ ദയ സദാകാലത്തേക്കും മറഞ്ഞു പോയോ? [QBR] അവന്റെ വാഗ്ദാനം തലമുറതലമുറയോളം നിലനില്ക്കാതെ പോയോ? [QBR]
സങ്കീർത്തനങ്ങൾ 77 : 9 (IRVML)
ദൈവം കൃപ കാണിക്കുവാൻ മറന്നിരിക്കുന്നുവോ? [QBR] അവൻ കോപത്തിൽ തന്റെ കരുണ അടച്ചുകളഞ്ഞിരിക്കുന്നുവോ? സേലാ.
സങ്കീർത്തനങ്ങൾ 77 : 10 (IRVML)
“എന്നാൽ അത് എന്റെ കഷ്ടതയാകുന്നു; [QBR] അത്യുന്നതന്റെ വലങ്കൈ വരുത്തിയ സംവത്സരങ്ങൾ തന്നെ” എന്ന് ഞാൻ പറഞ്ഞു. [QBR]
സങ്കീർത്തനങ്ങൾ 77 : 11 (IRVML)
ഞാൻ യഹോവയുടെ പ്രവൃത്തികളെ വർണ്ണിക്കും; [QBR] പണ്ടേയുള്ള നിന്റെ അത്ഭുതങ്ങളെ ഞാൻ ഓർക്കും. [QBR]
സങ്കീർത്തനങ്ങൾ 77 : 12 (IRVML)
ഞാൻ നിന്റെ സകലപ്രവൃത്തികളെയും ധ്യാനിക്കും; [QBR] നിന്റെ ക്രിയകളെക്കുറിച്ച് ഞാൻ ചിന്തിക്കും. [QBR]
സങ്കീർത്തനങ്ങൾ 77 : 13 (IRVML)
ദൈവമേ, നിന്റെ വഴി വിശുദ്ധമാകുന്നു; [QBR] നമ്മുടെ ദൈവത്തെപ്പോലെ വലിയ ദൈവം ആരുള്ളു? [QBR]
സങ്കീർത്തനങ്ങൾ 77 : 14 (IRVML)
നീ അത്ഭുതം പ്രവർത്തിക്കുന്ന ദൈവം ആകുന്നു; [QBR] നിന്റെ ബലത്തെ നീ ജനതകളുടെ ഇടയിൽ വെളിപ്പെടുത്തിയിരിക്കുന്നു. [QBR]
സങ്കീർത്തനങ്ങൾ 77 : 15 (IRVML)
തൃക്കൈകൊണ്ട് നീ നിന്റെ ജനത്തെ വീണ്ടെടുത്തിരിക്കുന്നു; [QBR] യാക്കോബിന്റെയും യോസേഫിന്റെയും മക്കളെ തന്നെ. സേലാ.
സങ്കീർത്തനങ്ങൾ 77 : 16 (IRVML)
ദൈവമേ, വെള്ളങ്ങൾ നിന്നെ കണ്ടു, [QBR] വെള്ളങ്ങൾ നിന്നെ കണ്ടു ഭ്രമിച്ചു, [QBR] ആഴികളും വിറച്ചുപോയി. [QBR]
സങ്കീർത്തനങ്ങൾ 77 : 17 (IRVML)
മേഘങ്ങൾ വെള്ളം ചൊരിഞ്ഞു; [QBR] ആകാശം ഇടിനാദം മുഴക്കി; [QBR] നിന്റെ അസ്ത്രങ്ങൾ പരക്കെ പറന്നു. [QBR]
സങ്കീർത്തനങ്ങൾ 77 : 18 (IRVML)
നിന്റെ ഇടിമുഴക്കം ചുഴലിക്കാറ്റിൽ മുഴങ്ങി; [QBR] മിന്നലുകൾ ഭൂതലത്തെ പ്രകാശിപ്പിച്ചു; [QBR] ഭൂമി കുലുങ്ങി നടുങ്ങിപ്പോയി. [QBR]
സങ്കീർത്തനങ്ങൾ 77 : 19 (IRVML)
നിന്റെ വഴി സമുദ്രത്തിലും നിന്റെ പാതകൾ പെരുവെള്ളത്തിലും ആയിരുന്നു; [QBR] നിന്റെ കാൽചുവടുകളെ അറിയാതെയുമിരുന്നു. [QBR]
സങ്കീർത്തനങ്ങൾ 77 : 20 (IRVML)
മോശെയുടെയും അഹരോന്റെയും കൈയാൽ നീ നിന്റെ ജനത്തെ ഒരു ആട്ടിൻകൂട്ടത്തെ പോലെ നടത്തി. [PE]
❮
❯