എന്റെ സഹോദരീ, എന്റെ കാന്തേ, [QBR] ഞാൻ എന്റെ തോട്ടത്തിൽ വന്നിരിക്കുന്നു; [QBR] ഞാൻ എന്റെ മൂറും സുഗന്ധവർഗ്ഗവും പെറുക്കി; [QBR] ഞാൻ എന്റെ തേൻകട്ട തേനോടുകൂടി തിന്നും [QBR] എന്റെ വീഞ്ഞ് പാലോടുകൂടി കുടിച്ചും ഇരിക്കുന്നു; [QBR] സ്നേഹിതന്മാരേ, തിന്നുവിൻ; പ്രിയരേ, കുടിച്ചു മത്തരാകുവിൻ! [QBR]

ഞാൻ ഉറങ്ങുന്നു എങ്കിലും എന്റെ ഹൃദയം ഉണർന്നിരിക്കുന്നു. [QBR] വാതില്ക്കൽ മുട്ടുന്ന എന്റെ പ്രിയന്റെ സ്വരം: [QBR] “എന്റെ സഹോദരീ, എന്റെ പ്രിയേ, [QBR] എന്റെ പ്രാവേ, എന്റെ നിഷ്കളങ്കേ, തുറക്കുക; [QBR] എന്റെ ശിരസ്സ് മഞ്ഞുകൊണ്ടും [QBR] കുറുനിരകൾ രാത്രിയിൽ പെയ്യുന്ന മഞ്ഞുകൊണ്ടും നനഞ്ഞിരിക്കുന്നു”. [QBR]

എന്റെ അങ്കി ഞാൻ ഊരിയിരിക്കുന്നു; [QBR] അത് വീണ്ടും ധരിക്കുന്നത് എങ്ങനെ? [QBR] ഞാൻ കാലുകൾ കഴുകിയിരിക്കുന്നു; [QBR] അവയെ മലിനമാക്കുന്നത് എങ്ങനെ? [QBR]

എന്റെ പ്രിയൻ വാതില്പഴുതിൽ കൂടി കൈ നീട്ടി; [QBR] എന്റെ ഉള്ളം അവനെച്ചൊല്ലി ഉരുകിപ്പോയി. [QBR]

എന്റെ പ്രിയന് തുറക്കേണ്ടതിന് ഞാൻ എഴുന്നേറ്റു; [QBR] എന്റെ കൈ മൂറും, എന്റെ വിരൽ മൂറിൻ തൈലവും [QBR] വാതിൽപിടികളിന്മേൽ പൊഴിഞ്ഞു. [QBR]

ഞാൻ എന്റെ പ്രിയനു വേണ്ടി തുറന്നു [QBR] എന്റെ പ്രിയനോ പൊയ്ക്കളഞ്ഞിരുന്നു; [QBR] അവൻ സംസാരിച്ചപ്പോൾ ഞാൻ വിവശയായിരുന്നു; [QBR] ഞാൻ അന്വേഷിച്ചു; അവനെ കണ്ടില്ല; [QBR] ഞാൻ അവനെ വിളിച്ചു; അവൻ ഉത്തരം പറഞ്ഞില്ല. [QBR]

നഗരത്തിൽ ചുറ്റി സഞ്ചരിക്കുന്ന കാവല്ക്കാർ എന്നെ കണ്ടു; [QBR] അവർ എന്നെ അടിച്ച്, മുറിവേല്പിച്ചു; [QBR] മതിൽകാവല്ക്കാർ എന്റെ മൂടുപടം എടുത്തുകളഞ്ഞു. [QBR]

യെരൂശലേംപുത്രിമാരേ, നിങ്ങൾ എന്റെ പ്രിയനെ കണ്ടെങ്കിൽ [QBR] “ഞാൻ പ്രേമവിവശയായിരിക്കുന്നു എന്ന് അവനെ അറിയിക്കണം” [QBR] എന്ന് ഞാൻ നിങ്ങളോട് ആണയിടുന്നു. [QBR]

സ്ത്രീകളിൽ അതി സുന്ദരിയായുള്ളവളേ, [QBR] നിന്റെ പ്രിയന് മറ്റ് പ്രിയന്മാരെക്കാൾ എന്തു വിശേഷതയുള്ളു? [QBR] നീ ഇങ്ങനെ ഞങ്ങളോട് ആണയിടേണ്ടതിന് [QBR] നിന്റെ പ്രിയന് മറ്റു പ്രിയന്മാരെക്കാൾ എന്തു വിശേഷതയുള്ളു? [QBR]

എന്റെ പ്രിയൻ വെണ്മയും ചുവപ്പും ഉള്ളവൻ, [QBR] പതിനായിരംപേരിൽ അതിശ്രേഷ്ഠൻ തന്നെ. [QBR]

അവന്റെ ശിരസ്സ് അതിവിശേഷമായ തങ്കം; [QBR] അവന്റെ കുറുനിരകൾ ചുരുണ്ടും [QBR] കാക്കയെപ്പോലെ കറുത്തും ഇരിക്കുന്നു. [QBR]

അവന്റെ കണ്ണ് നീർത്തോടുകളുടെ അരികത്തുള്ള പ്രാവുകൾക്ക് തുല്യം; [QBR] അത് പാലുകൊണ്ട് കഴുകിയതും ചേർച്ചയായി പതിച്ചതും ആകുന്നു. [QBR]

അവന്റെ കവിൾ സുഗന്ധസസ്യങ്ങളുടെ തടവും [QBR] നറുന്തൈകളുടെ വാരവും, [QBR] അവന്റെ അധരം താമരപ്പൂവുംപോലെ ഇരിക്കുന്നു; [QBR] അതു മൂറിൻ തൈലം പൊഴിച്ചുകൊണ്ടിരിക്കുന്നു; [QBR]

അവന്റെ കൈകൾ ഗോമേദകം പതിച്ചിരിക്കുന്ന സ്വർണ്ണദണ്ഡുകൾ; [QBR] അവന്റെ ശരീരം നീലരത്നം പതിച്ച ദന്ത നിർമ്മിതം. [QBR]

അവന്റെ തുട തങ്കച്ചുവട്ടിൽ നിർത്തിയ വെൺകൽത്തൂൺ; [QBR] അവന്റെ രൂപം ലെബാനോനെപ്പോലെ, [QBR] ദേവദാരുപോലെ തന്നെ ശ്രേഷ്ഠമാകുന്നു. [QBR]

അവന്റെ വായ് ഏറ്റവും മധുരമുള്ളത്; [QBR] അവൻ സർവ്വാംഗസുന്ദരൻ തന്നെ; [QBR] യെരൂശലേംപുത്രിമാരേ, ഇവനത്രേ എന്റെ പ്രിയൻ; [QBR] ഇവനത്രേ എന്റെ സ്നേഹിതൻ. [PE]