[PS]++സ്ത്രീകളിൽ അതിസുന്ദരിയായുള്ളവളേ, [PE][QS]നിന്റെ പ്രിയൻ എവിടെ പോയിരിക്കുന്നു? [QE][QS]നിന്റെ പ്രിയൻ ഏതുവഴിക്ക് തിരിഞ്ഞിരിക്കുന്നു? [QE][QS]ഞങ്ങൾ നിന്നോടുകൂടി അവനെ അന്വേഷിക്കാം. [QE]

[QS]തോട്ടങ്ങളിൽ മേയിക്കുവാനും താമരപ്പൂക്കൾ പറിക്കുവാനും [QE][QS]എന്റെ പ്രിയൻ തന്റെ തോട്ടത്തിൽ [QE][QS]സുഗന്ധസസ്യങ്ങളുടെ തടങ്ങളിലേക്ക് ഇറങ്ങിപ്പോയിരിക്കുന്നു. [QE]

[QS]ഞാൻ എന്റെ പ്രിയനുള്ളവൾ; [QE][QS]എന്റെ പ്രിയൻ എനിക്കുള്ളവൻ; [QE][QS]അവൻ താമരകളുടെ ഇടയിൽ മേയ്ക്കുന്നു. [QE]

[QS]എന്റെ പ്രിയേ, നീ തിർസ്സാപോലെ സൗന്ദര്യമുള്ളവൾ; [QE][QS]യെരൂശലേംപോലെ മനോഹരി, [QE][QS]കൊടികളോടു കൂടിയ സൈന്യംപോലെ ഭയാവഹം. [QE]

[QS]നിന്റെ കണ്ണ് എന്നിൽനിന്ന് തിരിക്കുക; [QE][QS]അത് എന്നെ ഭ്രമിപ്പിച്ചിരിക്കുന്നു; [QE][QS]നിന്റെ തലമുടി ഗിലെയാദ് മലഞ്ചരിവിൽ [QE][QS]കിടക്കുന്ന കോലാട്ടിൻകൂട്ടംപോലെയാകുന്നു. [QE]

[QS]നിന്റെ പല്ല് കുളിച്ച് കയറിവരുന്ന ആടുകളെപ്പോലെയിരിക്കുന്നു; [QE][QS]അവയിൽ ഒന്നും മച്ചിയായിരിക്കാതെ [QE][QS]എല്ലാം ഇരട്ട പ്രസവിക്കുന്നു. [QE]

[QS]നിന്റെ ചെന്നികൾ നിന്റെ മൂടുപടത്തിന്റെ ഉള്ളിൽ [QE][QS]മാതളപ്പഴത്തിന്റെ ഖണ്ഡംപോലെ ഇരിക്കുന്നു. [QE]

[QS]അറുപത് രാജ്ഞികളും എൺപത് വെപ്പാട്ടികളും [QE][QS]അസംഖ്യം കന്യകമാരും ഉണ്ടല്ലോ. [QE]

[QS]എന്റെ പ്രാവും എന്റെ നിഷ്കളങ്കയുമായവളോ ഒരുത്തി മാത്രം; [QE][QS]അവൾ തന്റെ അമ്മയ്ക്ക് ഏകപുത്രിയും [QE][QS]തന്നെ പ്രസവിച്ചവൾക്ക് ഓമനയും ആകുന്നു; [QE][QS]കന്യകമാർ അവളെ കണ്ട് ‘ഭാഗ്യവതി’ എന്ന് വാഴ്ത്തും; [QE][QS]രാജ്ഞികളും വെപ്പാട്ടികളും കൂടെ അവളെ പുകഴ്ത്തും. [QE]

[QS]അരുണോദയംപോലെ ശോഭയും [QE][QS]ചന്ദ്രനെപ്പോലെ സൗന്ദര്യവും സൂര്യനെപ്പോലെ നിർമ്മലതയും [QE][QS]കൊടികളോടു കൂടിയ സൈന്യംപോലെ ഭയങ്കരത്വവും ഉള്ളോരിവൾ ആർ? [QE]

[QS]ഞാൻ തോട്ടിനരികിലുള്ള സസ്യങ്ങളെ കാണേണ്ടതിനും [QE][QS]മുന്തിരിവള്ളി തളിർക്കുകയും മാതളനാരകം പൂക്കുകയും ചെയ്തുവോ [QE][QS]എന്ന് നോക്കേണ്ടതിനും അക്രോത്ത്തോട്ടത്തിലേക്ക് ഇറങ്ങിച്ചെന്നു. [QE]

[QS]എന്റെ അഭിലാഷം ഹേതുവായി ഞാൻ അറിയാതെ [QE][QS]എന്റെ പ്രഭുജനത്തിൻ രഥങ്ങളുടെ ഇടയിൽ എത്തി.

[NIL] [QE]