2 ദിനവൃത്താന്തം 4 : 1 (MOV)
അവന് താമ്രംകൊണ്ടു ഒരു യാഗപീഠം ഉണ്ടാക്കി; അതിന്റെ നീളം ഇരുപതു മുഴവും വീതി ഇരുപതു മുഴവും ഉയരം പത്തു മുഴവും ആയിരുന്നു.
2 ദിനവൃത്താന്തം 4 : 2 (MOV)
അവന് ഒരു വാര്പ്പുകടലും ഉണ്ടാക്കി; അതു വൃത്താകാരമായിരുന്നു; അതിന്നു വക്കോടുവകൂ പത്തു മുഴവും ഉയരം അഞ്ചു മുഴവും ചുറ്റും മുപ്പതു മുഴം നൂലളവും ഉണ്ടായിരുന്നു.
2 ദിനവൃത്താന്തം 4 : 3 (MOV)
അതിന്നു കീഴെ ചുറ്റിലും കുമിഴുകള് മുഴത്തിന്നു പത്തുവീതം കടലിനെ ചുറ്റിയിരുന്നു. അതു വാര്ത്തപ്പോള് തന്നേ കുമിഴുകളും രണ്ടു നിരയായി വാര്ത്തുണ്ടാക്കിയിരുന്നു.
2 ദിനവൃത്താന്തം 4 : 4 (MOV)
അതു പന്ത്രണ്ടു കാളയുടെ പുറത്തു വെച്ചിരുന്നുമൂന്നു വടക്കോട്ടും മൂന്നു പടിഞ്ഞാറോട്ടും മൂന്നു തെക്കോട്ടും മൂന്നു കിഴക്കോട്ടും തിരിഞ്ഞിരുന്നു. കടല് അവയുടെ പുറത്തു വെച്ചിരുന്നു; അവയുടെ പൃഷ്ഠഭാഗമൊക്കെയും അകത്തോട്ടു ആയിരുന്നു.
2 ദിനവൃത്താന്തം 4 : 5 (MOV)
അതിന്റെ കനം നാലു അംഗുലവും അതിന്റെ വകൂ പാനപാത്രത്തിന്റെ വകൂപോലെയും വിടര്ന്ന താമരപ്പൂപോലെയും ആയിരുന്നു. അതില് മൂവായിരം ബത്ത് വെള്ളം കൊള്ളും.
2 ദിനവൃത്താന്തം 4 : 6 (MOV)
അവന് പത്തു തൊട്ടിയും ഉണ്ടാക്കി; കഴുകുന്ന ആവശ്യത്തിലേക്കു അഞ്ചു വലത്തുഭാഗത്തും അഞ്ചു ഇടത്തുഭാഗത്തും വെച്ചു. ഹോമയാഗത്തിന്നുള്ള സാധനങ്ങളെ അവര് അവയില് കഴുകും; കടലോ പുരോഹിതന്മാര്ക്കും കഴുകുവാനുള്ളതായിരുന്നു.
2 ദിനവൃത്താന്തം 4 : 7 (MOV)
അവന് പൊന്നുകൊണ്ടു പത്തു വിളക്കും അവയെക്കുറിച്ചുള്ള വിധിപ്രകാരം ഉണ്ടാക്കി, മന്ദിരത്തില് വലത്തുഭാഗത്തു അഞ്ചും ഇടത്തുഭാഗത്തു അഞ്ചുമായി വെച്ചു.
2 ദിനവൃത്താന്തം 4 : 8 (MOV)
അവന് പത്തു മേശയും ഉണ്ടാക്കി; മന്ദിരത്തില് വലത്തുഭാഗത്തു അഞ്ചും ഇടത്തുഭാഗത്തു അഞ്ചുമായി വെച്ചു; അവന് പൊന്നു കൊണ്ടു നൂറു കലശവും ഉണ്ടാക്കി.
2 ദിനവൃത്താന്തം 4 : 9 (MOV)
അവന് പുരോഹിതന്മാരുടെ പ്രാകാരവും വലിയ പ്രാകാരവും പ്രാകാരത്തിന്നു വാതിലുകളും ഉണ്ടാക്കി, കതകു താമ്രംകൊണ്ടു പൊതിഞ്ഞു.
2 ദിനവൃത്താന്തം 4 : 10 (MOV)
അവന് കടലിനെ വലത്തുഭാഗത്തു തെക്കുകിഴക്കായിട്ടു വെച്ചു.
2 ദിനവൃത്താന്തം 4 : 11 (MOV)
ഹൂരാം കലങ്ങളും ചട്ടുകങ്ങളും കലശങ്ങളും ഉണ്ടാക്കി; ഇങ്ങനെ ഹൂരാം ദൈവാലയത്തില് ശലോമോന് രാജാവിന്നു വേണ്ടി ചെയ്ത പണി തീര്ത്തു.
2 ദിനവൃത്താന്തം 4 : 12 (MOV)
സ്തംഭങ്ങള്, രണ്ടു സ്തംഭങ്ങളുടെ തലെക്കലുള്ള ഗോളാകാരമായ പോതികകള്, സ്തംഭങ്ങളുടെ തലെക്കലുള്ള പോതികകളുടെ ഗോളങ്ങളെ മൂടുവാന് രണ്ടു വലപ്പണി,
2 ദിനവൃത്താന്തം 4 : 13 (MOV)
സ്തംഭങ്ങളുടെ തലെക്കലുള്ള പോതികകളുടെ രണ്ടു ഗോളങ്ങളെ മൂടുന്ന ഔരോ വലപ്പണിയില് ഈരണ്ടു നിര മാതളപ്പഴമായി രണ്ടു വലപ്പണിയിലുംകൂടെ
2 ദിനവൃത്താന്തം 4 : 14 (MOV)
നാനൂറു മാതളപ്പഴം, പീഠങ്ങള്, പീഠങ്ങളിന്മേല് തൊട്ടികള്
2 ദിനവൃത്താന്തം 4 : 15 (MOV)
കടല്, അതിന്നു കീഴെ പന്ത്രണ്ടു കാള, കലങ്ങള്,
2 ദിനവൃത്താന്തം 4 : 16 (MOV)
ചട്ടുകങ്ങള്, മുള്ക്കൊളുത്തുകള് എന്നീ ഉപകരണങ്ങളൊക്കെയും ഹൂരാം-ആബി മിനുക്കിയ താമ്രംകൊണ്ടു യഹോവയുടെ ആലയത്തിന്നുവേണ്ടി ശലോമോന് രാജാവിന്നു ഉണ്ടാക്കിക്കൊടുത്തു.
2 ദിനവൃത്താന്തം 4 : 17 (MOV)
യോര്ദ്ദാന് സമഭൂമിയില് സുക്കോത്തിന്നും സെരേദാഥെക്കും മദ്ധ്യേ കളിമണ്ണുള്ള നിലത്തുവെച്ചു രാജാവു അവയെ വാര്പ്പിച്ചു.
2 ദിനവൃത്താന്തം 4 : 18 (MOV)
ഇങ്ങനെ ശലോമോന് ഈ ഉപകരണങ്ങളൊക്കെയും ധാരാളമായി ഉണ്ടാക്കി; താമ്രത്തിന്റെ തൂക്കത്തിന്നു നിശ്ചയമില്ലായിരുന്നു.
2 ദിനവൃത്താന്തം 4 : 19 (MOV)
ശലോമോന് ദൈവാലയത്തിലെ ഉപകരണങ്ങള് ഒക്കെയും പൊന്നുകൊണ്ടുള്ള പീഠവും കാഴ്ചയപ്പംവെക്കുന്ന മേശകളും
2 ദിനവൃത്താന്തം 4 : 20 (MOV)
അന്തര്മ്മന്ദിരത്തിന്നു മുമ്പാകെ നിയമപ്രകാരം കത്തേണ്ടതിന്നു നിര്മ്മലമായ തങ്കംകൊണ്ടുള്ള നിലവിളക്കും ദീപങ്ങളും പൊന്നുകൊണ്ടു,
2 ദിനവൃത്താന്തം 4 : 21 (MOV)
സാക്ഷാല് നിര്മ്മലമായ തങ്കംകൊണ്ടു തന്നേ, പുഷ്പങ്ങളും ദീപങ്ങളും ചവണകളും
2 ദിനവൃത്താന്തം 4 : 22 (MOV)
തങ്കംകൊണ്ടു കത്രികകളും കലശങ്ങളും തവികളും തീച്ചട്ടികളും ഉണ്ടാക്കി. ആലയത്തിന്റെ വാതിലുകള്, അതിവിശുദ്ധമന്ദിരത്തിലേക്കുള്ള അകത്തേ കതകുകളും മന്ദിരമായ ആലയത്തിന്റെ കതകുകളും പൊന്നുകൊണ്ടു ആയിരുന്നു.
❮
❯