നെഹെമ്യാവു 10 : 1 (MOV)
മുദ്രയിട്ടവർ ആരെല്ലാമെന്നാൽ: ഹഖല്യാവിന്റെ മകനായ ദേശാധിപതി നെഹെമ്യാവു,
നെഹെമ്യാവു 10 : 2 (MOV)
സിദെക്കീയാവു, സെരായാവു, അസർയ്യാവു, യിരെമ്യാവു
നെഹെമ്യാവു 10 : 3 (MOV)
പശ്ഹൂർ, അമർയ്യാവു,മൽക്കീയാവു,
നെഹെമ്യാവു 10 : 4 (MOV)
ഹത്തൂശ്, ശെബന്യാവു, മല്ലൂക്,
നെഹെമ്യാവു 10 : 5 (MOV)
ഹരീം, മെരേമോത്ത്, ഓബദ്യാവു,
നെഹെമ്യാവു 10 : 6 (MOV)
ദാനീയേൽ, ഗിന്നെഥോൻ, ബാരൂക്,
നെഹെമ്യാവു 10 : 7 (MOV)
മെശുല്ലാം,അബീയാവു, മീയാമീൻ,
നെഹെമ്യാവു 10 : 8 (MOV)
മയസ്യാവു, ബിൽഗായി, ശെമയ്യാവു; ഇവർ പുരോഹിതന്മാർ.
നെഹെമ്യാവു 10 : 9 (MOV)
പിന്നെ ലേവ്യർ; അസന്യാവിന്റെ മകനായ യേശുവയും ഹെനാദാദിന്റെ പുത്രന്മാരിൽ ബിന്നൂവിയും
നെഹെമ്യാവു 10 : 10 (MOV)
കദ്മീയേലും അവരുടെ സഹോദരന്മാരായ ശെബന്യാവു, ഹോദീയാവു,
നെഹെമ്യാവു 10 : 11 (MOV)
കെലീതാ, പെലായാവു, ഹാനാൻ, മീഖാ,
നെഹെമ്യാവു 10 : 12 (MOV)
രെഹോബ്, ഹശബ്യാവു, സക്കൂർ, ശേരെബ്യാവു,
നെഹെമ്യാവു 10 : 13 (MOV)
ശെബന്യാവു, ഹോദീയാവു, ബാനി, ബെനീനു.
നെഹെമ്യാവു 10 : 14 (MOV)
ജനത്തിന്റെ തലവന്മാർ: പരോശ്, പഹത്ത്-മോവാബ്, ഏലാം, സഥൂ,
നെഹെമ്യാവു 10 : 15 (MOV)
ബാനി, ബുന്നി, അസാദ്, ബേബായി,
നെഹെമ്യാവു 10 : 16 (MOV)
അദോനീയാവു, ബിഗ്വായി, ആദീൻ,
നെഹെമ്യാവു 10 : 17 (MOV)
ആതേർ, ഹിസ്കീയാവു, അസ്സൂർ,
നെഹെമ്യാവു 10 : 18 (MOV)
ഹോദീയാവു, ഹാശും, ബേസായി,
നെഹെമ്യാവു 10 : 19 (MOV)
ഹാരീഫ്, അനാഥോത്ത്, നേബായി,
നെഹെമ്യാവു 10 : 20 (MOV)
മഗ്പിയാശ്, മെശുല്ലാം, ഹേസീർ,
നെഹെമ്യാവു 10 : 21 (MOV)
മെശേസബെയേൽ, സാദോക്, യദൂവ,
നെഹെമ്യാവു 10 : 22 (MOV)
പെലത്യാവു, ഹനാൻ, അനായാവു,
നെഹെമ്യാവു 10 : 23 (MOV)
ഹോശേയ ഹനന്യാവു, ഹശ്ശൂബ്,
നെഹെമ്യാവു 10 : 24 (MOV)
ഹല്ലോഹേശ്, പിൽഹാ, ശോബേക്,
നെഹെമ്യാവു 10 : 25 (MOV)
രെഹൂം, ഹശബ്നാ, മയസേയാവു,
നെഹെമ്യാവു 10 : 26 (MOV)
അഹീയാവു, ഹനാൻ, ആനാൻ,
നെഹെമ്യാവു 10 : 27 (MOV)
മല്ലൂക്, ഹാരീം, ബയനാ എന്നിവർ തന്നേ.
നെഹെമ്യാവു 10 : 28 (MOV)
ശേഷംജനത്തിൽ പുരോഹിതന്മാരും ലേവ്യരും വാതിൽകാവൽക്കാരും സംഗീതക്കാരും ദൈവാലയദാസന്മാരും ദേശത്തെ ജാതികളോടു വേർപെട്ടു ദൈവത്തിന്റെ ന്യായപ്രമാണത്തിങ്കലേക്കു തിരിഞ്ഞു വന്നവരൊക്കെയും അവരുടെ ഭാര്യമാരും പുത്രന്മാരും പുത്രിമാരുമായി പരിജ്ഞാനം തിരിച്ചറിവുള്ള ഏവരും
നെഹെമ്യാവു 10 : 29 (MOV)
ശ്രേഷ്ഠന്മാരായ തങ്ങളുടെ സഹോദരന്മാരോടു ചേർന്നു ദൈവത്തിന്റെ ദാസനായ മോശെമുഖാന്തരം നല്കപ്പെട്ട ദൈവത്തിന്റെ ന്യായപ്രമാണം അനുസരിച്ചു നടക്കുമെന്നും ഞങ്ങളുടെ കർത്താവായ യഹോവയുടെ സകലകല്പനകളും വിധികളും ചട്ടങ്ങളും പ്രമാണിച്ചു ആചരിക്കുമെന്നും
നെഹെമ്യാവു 10 : 30 (MOV)
ഞങ്ങളുടെ പുത്രിമാരെ ദേശത്തെ ജാതികൾക്കു കൊടുക്കയോ ഞങ്ങളുടെ പുത്രന്മാർക്കു അവരുടെ പുത്രിമാരെ എടുക്കയോ ചെയ്കയില്ലെന്നും
നെഹെമ്യാവു 10 : 31 (MOV)
ദേശത്തെ ജാതികൾ ശബ്ബത്തുനാളിൽ ചരക്കോ യാതൊരു ഭക്ഷണസാധനമോ വില്പാൻ കൊണ്ടുവന്നാൽ ഞങ്ങൾ അതു ശബ്ബത്തുനാളിലും വിശുദ്ധദിവസത്തിലും അവരോടു മേടിക്കയില്ല എന്നും ഏഴാം ആണ്ടിനെ വിമോചന സംവത്സരമായും എല്ലാകടവും ഇളെച്ചുകൊടുക്കുന്നതായും പ്രമാണിക്കുമെന്നും ശപഥവും സത്യവും ചെയ്തു.
നെഹെമ്യാവു 10 : 32 (MOV)
ഞങ്ങളുടെ ദൈവത്തിന്റെ ആലയത്തിലെ ശുശ്രൂഷെക്കു വേണ്ടി കാഴ്ചയപ്പത്തിന്നും നിരന്തരഭോജനയാഗത്തിന്നും ശബ്ബത്തുകളിലെയും അമാവാസ്യകളിലെയും നിരന്തരഹോമയാഗത്തിന്നും ഉത്സവങ്ങൾക്കും വിശുദ്ധസാധനങ്ങൾക്കും യിസ്രായേലിന്നു വേണ്ടി പ്രായശ്ചിത്തമായി അർപ്പിക്കേണ്ടുന്ന
നെഹെമ്യാവു 10 : 33 (MOV)
പാപയാഗങ്ങൾക്കും ഞങ്ങളുടെ ദൈവത്തിന്റെ ആലയത്തിലെ എല്ലാവേലെക്കും വേണ്ടി ആണ്ടുതോറും ശേക്കെലിൽ മൂന്നിൽ ഒന്നു കൊടുക്കാമെന്നും ഞങ്ങൾ ഒരു ചട്ടം നിയമിച്ചു.
നെഹെമ്യാവു 10 : 34 (MOV)
ന്യായപ്രമാണത്തിൽ എഴുതിയിരിക്കുന്നതുപോലെ ഞങ്ങളുടെ ദൈവമായ യഹോവയുടെ യാഗപീഠത്തിന്മേൽ കത്തിപ്പാൻ ആണ്ടുതോറും നിശ്ചിതസമയങ്ങളിൽ പിതൃഭവനംപിതൃഭവനമായി ഞങ്ങളുടെ ദൈവത്തിന്റെ ആലയത്തിൽ വിറകുവഴിപാട്ടു കൊണ്ടുവരേണ്ടതിന്നു ഞങ്ങൾ പുരോഹിതന്മാരും ലേവ്യരും ജനവുമായിട്ടു ചീട്ടിട്ടു;
നെഹെമ്യാവു 10 : 35 (MOV)
ആണ്ടുതോറും യഹോവയുടെ ആലയത്തിലേക്കു ഞങ്ങളുടെ നിലത്തിലെ ആദ്യവിളവും സകലവിധവൃക്ഷങ്ങളുടെയും സർവ്വഫലങ്ങളിലും ആദ്യഫലങ്ങളും കൊണ്ടുചെല്ലേണ്ടതിന്നും
നെഹെമ്യാവു 10 : 36 (MOV)
ന്യായപ്രമാണത്തിൽ എഴുതിയിരിക്കുന്നതുപോലെ ഞങ്ങളുടെ പുത്രന്മാരിലും മൃഗങ്ങളിലും ഉള്ള കടിഞ്ഞൂലുകളെയും ഞങ്ങളുടെ ആടുമാടുകളിൽ ഉള്ള കടിഞ്ഞൂലുകളെയും ഞങ്ങളുടെ ദൈവത്തിന്റെ ആലയത്തിൽ ശുശ്രൂഷചെയ്യുന്ന പുരോഹിതന്മാരുടെ അടുക്കൽ ഞങ്ങളുടെ ദൈവത്തിന്റെ ആലയത്തിലേക്കു കൊണ്ടു ചെല്ലേണ്ടതിന്നും
നെഹെമ്യാവു 10 : 37 (MOV)
ഞങ്ങളുടെ തരിമാവിന്റെയും ഉദർച്ചാർപ്പണങ്ങളുടെയും സകലവിധവൃക്ഷങ്ങളുടെ അനുഭവമായ വീഞ്ഞിന്റെയും എണ്ണയുടെയും ആദ്യഫലം ഞങ്ങളുടെ ദൈവത്തിന്റെ ആലയത്തിലെ അറകളിൽ പുരോഹിതന്മാരുടെ അടുക്കലും ഞങ്ങളുടെ കൃഷിയുടെ ദശാംശം ലേവ്യരുടെ അടുക്കലും കൊണ്ടുചെല്ലേണ്ടതിന്നും തന്നേ. ലേവ്യരല്ലോ കൃഷിയുള്ള നമ്മുടെ എല്ലാപട്ടണങ്ങളിലും ദശാംശം ശേഖരിക്കുന്നതു.
നെഹെമ്യാവു 10 : 38 (MOV)
എന്നാൽ ലേവ്യർ ദശാംശം വാങ്ങുമ്പോൾ അഹരോന്യനായോരു പുരോഹിതൻ ലേവ്യരോടുകൂടെ ഉണ്ടായിരിക്കേണം. ദശാംശത്തിന്റെ ദശാംശം ലേവ്യർ നമ്മുടെ ദൈവത്തിന്റെ ആലയത്തിലെ ഭണ്ഡാരഗൃഹത്തിന്റെ അറകളിൽ കൊണ്ടുചെല്ലേണം.
നെഹെമ്യാവു 10 : 39 (MOV)
വിശുദ്ധമന്ദിരത്തിന്റെ ഉപകരണങ്ങളും അതിൽ ശുശ്രൂഷിക്കുന്ന പുരോഹിതന്മാരും വാതിൽകാവൽക്കാരും സംഗീതക്കാരും ഇരിക്കുന്ന അറകളിലേക്കു യിസ്രായേൽമക്കളും ലേവ്യരും ധാന്യം, വീഞ്ഞു, എണ്ണ എന്നിവയുടെ ഉദർച്ചാർപ്പണം കൊണ്ടുചെല്ലേണം; ഞങ്ങളുടെ ദൈവത്തിന്റെ ആലയം ഞങ്ങൾ കൈവിടുകയില്ല.
❮
❯