സംഖ്യാപുസ്തകം 25 : 1 (MOV)
യിസ്രായേല് ശിത്തീമില് പാര്ക്കുംമ്പോള് ജനം മോവാബ്യസ്ത്രീകളുമായി പരസംഗം തുടങ്ങി.
സംഖ്യാപുസ്തകം 25 : 2 (MOV)
അവര് ജനത്തെ തങ്ങളുടെ ദേവന്മാരുടെ ബലികള്ക്കു വിളിക്കയും ജനം ഭക്ഷിച്ചു അവരുടെ ദേവന്മാരെ നമസ്കരിക്കയും ചെയ്തു.
സംഖ്യാപുസ്തകം 25 : 3 (MOV)
യിസ്രായേല് ബാല്പെയോരിനോടു ചേര്ന്നു, യഹോവയുടെ കോപം യിസ്രായേലിന്റെ നേരെ ജ്വലിച്ചു.
സംഖ്യാപുസ്തകം 25 : 4 (MOV)
യഹോവ മോശെയോടുജനത്തിന്റെ തലവന്മാരെയൊക്കെയും കൂട്ടി യഹോവയുടെ ഉഗ്രകോപം യിസ്രായേലിനെ വിട്ടുമാറേണ്ടതിന്നു അവരെ യഹോവയുടെ മുമ്പാകെ പരസ്യമായി തൂക്കിക്കളക എന്നു കല്പിച്ചു.
സംഖ്യാപുസ്തകം 25 : 5 (MOV)
മോശെ യിസ്രായേല് ന്യായാധിപന്മാരോടുനിങ്ങള് ഔരോരുത്തന് താന്താന്റെ ആളുകളില് ബാല്പെയോരിനോടു ചേര്ന്നവരെ കൊല്ലുവിന് എന്നു പറഞ്ഞു.
സംഖ്യാപുസ്തകം 25 : 6 (MOV)
എന്നാല് മോശെയും സമാഗമന കൂടാരത്തിന്റെ വാതില്ക്കല് കരഞ്ഞുകൊണ്ടിരിക്കുന്ന യിസ്രായേല്മക്കളുടെ സര്വ്വസഭയും കാണ്കെ, ഒരു യിസ്രായേല്യന് തന്റെ സഹോദരന്മാരുടെ മദ്ധത്തിലേക്കു ഒരു മിദ്യാന്യ സ്ത്രീയെ കൊണ്ടുവന്നു.
സംഖ്യാപുസ്തകം 25 : 7 (MOV)
അഹരോന് പുരോഹിതന്റെ മകനായ എലെയാസാരിന്റെ മകന് ഫീനെഹാസ് അതു കണ്ടപ്പോള് സഭയുടെ മദ്ധ്യേനിന്നു എഴുന്നേറ്റു കയ്യില് ഒരു കുന്തം എടുത്തു,
സംഖ്യാപുസ്തകം 25 : 8 (MOV)
ആ യിസ്രായേല്യന്റെ പിന്നാലെ അന്ത:പുരത്തിലേക്കു ചെന്നു ഇരുവരെയും, ആ യിസ്രായേല്യനെയും ആ സ്ത്രീയെയും തന്നേ, അവളുടെ ഉദരം തുളയുംവണ്ണം കുത്തി, അപ്പോള് ബാധ യിസ്രായേല് മക്കളെ വിട്ടുമാറി.
സംഖ്യാപുസ്തകം 25 : 9 (MOV)
ബാധകൊണ്ടു മരിച്ചുപോയവര് ഇരുപത്തുനാലായിരം പേര്.
സംഖ്യാപുസ്തകം 25 : 10 (MOV)
പിന്നെ യഹോവ മോശെയോടു അരുളിച്ചെയ്തതു
സംഖ്യാപുസ്തകം 25 : 11 (MOV)
ഞാന് എന്റെ തീക്ഷ്ണതയില് യിസ്രായേല്മക്കളെ സംഹരിക്കാതിരിക്കേണ്ടതിന്നു അഹരോന് പുരോഹിതന്റെ മകനായ എലെയാസാരിന്റെ മകന് ഫീനെഹാസ് അവരുടെ ഇടയില് എനിക്കുവേണ്ടി തീക്ഷ്ണതയുള്ളവനായി എന്റെ ക്രോധം യിസ്രായേല് മക്കളെ വിട്ടുപോകുമാറാക്കിയിരിക്കുന്നു.
സംഖ്യാപുസ്തകം 25 : 12 (MOV)
ആകയാല് ഇതാ, ഞാന് അവന്നു എന്റെ സമാധാനനിയമം കൊടുക്കുന്നു.
സംഖ്യാപുസ്തകം 25 : 13 (MOV)
അവന് തന്റെ ദൈവത്തിന്നുവേണ്ടി തീക്ഷ്ണതയുള്ളവനായി യിസ്രായേല്മക്കള്ക്കുവേണ്ടി പ്രായശ്ചിത്തം കഴിച്ചതുകൊണ്ടു അതു അവന്നും അവന്റെ സന്തതിക്കും നിത്യപൌരോഹിത്യത്തിന്റെ നിയമമാകുന്നു എന്നു നീ പറയേണം.
സംഖ്യാപുസ്തകം 25 : 14 (MOV)
മിദ്യാന്യസ്ത്രീയോടുകൂടെ കൊന്ന യിസ്രായേല്യന്നു സിമ്രി എന്നു പേര്; അവന് ശിമെയോന് ഗോത്രത്തില് ഒരു പ്രഭുവായ സാലൂവിന്റെ മകന് ആയിരുന്നു.
സംഖ്യാപുസ്തകം 25 : 15 (MOV)
കൊല്ലപ്പെട്ട മിദ്യാന്യ സ്ത്രീക്കു കൊസ്ബി എന്നു പേര്; അവള് ഒരു മിദ്യാന്യഗോത്രത്തില് ജനാധിപനായിരുന്ന സൂരിന്റെ മകളായിരുന്നു.
സംഖ്യാപുസ്തകം 25 : 16 (MOV)
പെയോരിന്റെ സംഗതിയിലും പെയോര് നിമിത്തം ഉണ്ടായ ബാധയുടെ നാളില് കൊല്ലപ്പെട്ട അവരുടെ സഹോദരിയായി മിദ്യാന്യപ്രഭുവിന്റെ മകള് കൊസ്ബിയുടെ സംഗതിയിലും മിദ്യാന്യര് നിങ്ങളെ ചതിച്ചു ഉപായങ്ങളാല് വലെച്ചിരിക്കകൊണ്ടു,
സംഖ്യാപുസ്തകം 25 : 17 (MOV)
നിങ്ങള് അവരെ വലെച്ചു സംഹരിപ്പിന്
സംഖ്യാപുസ്തകം 25 : 18 (MOV)
എന്നു യഹോവ മോശെയോടു അരുളിച്ചെയ്തു.
❮
❯