1. വിഭ്രമരാഗത്തിൽ ഹബക്കൂക്ക് പ്രവാചകന്റെ ഒരു പ്രാർത്ഥനാഗീതം. [QBR]
2. യഹോവേ, ഞാൻ അങ്ങയെക്കുറിച്ച് കേട്ട് ഭയപ്പെട്ടുപോയി; [QBR] യഹോവേ, വർഷങ്ങൾ കഴിയുംമുമ്പ് അങ്ങയുടെ പ്രവൃത്തിയെ ജീവിപ്പിക്കണമേ; [QBR] ഈ നാളുകളിൽ അതിനെ വെളിപ്പെടുത്തണമേ; [QBR] ക്രോധത്തിൽ കരുണ ഓർക്കണമേ. [QBR]
3. ദൈവം തേമാനിൽനിന്നും [QBR] പരിശുദ്ധൻ പാറാൻ പർവ്വതത്തിൽനിന്നും വരുന്നു. സേലാ. ദൈവത്തിന്റെ പ്രഭ ആകാശത്തെ മൂടുന്നു; [QBR] ദൈവത്തിന്റെ സ്തുതിയാൽ ഭൂമി നിറഞ്ഞിരിക്കുന്നു. [QBR]
4. സൂര്യപ്രകാശംപോലെ ഒരു ശോഭ ഉളവായി വരുന്നു; [QBR] കിരണങ്ങൾ ദൈവത്തിന്റെ അടുത്തുനിന്ന് പുറപ്പെടുന്നു; [QBR] അവിടെ ദൈവത്തിന്റെ വല്ലഭത്വം മറഞ്ഞിരിക്കുന്നു. [QBR]
5. മഹാവ്യാധി ദൈവത്തിന്റെ മുമ്പിൽ നടക്കുന്നു; [QBR] പകർച്ചവ്യാധി ദൈവത്തിന്റെ പിന്നാലെ ചെല്ലുന്നു. [QBR]
6. ദൈവം ഭൂമിയെ അളക്കുന്നു; [QBR] ദൈവം നോക്കി ജാതികളെ ചിതറിക്കുന്നു; [QBR] ശാശ്വതപർവ്വതങ്ങൾ പിളർന്നുപോകുന്നു; [QBR] പുരാതനഗിരികൾ വണങ്ങി വീഴുന്നു; [QBR] ദൈവം പുരാതനപാതകളിൽ നടക്കുന്നു. [QBR]
7. ഞാൻ കൂശാന്റെ കൂടാരങ്ങളെ അനർത്ഥത്തിൽ കാണുന്നു; [QBR] മിദ്യാൻദേശത്തിലെ തിരശ്ശീലകൾ വിറയ്ക്കുന്നു. [QBR]
8. യഹോവ നദികളോട് നീരസപ്പെട്ടിരിക്കുന്നുവോ? [QBR] അങ്ങയുടെ കോപം നദികളുടെ നേരെ വരുന്നുവോ? [QBR] അങ്ങ് കുതിരപ്പുറത്തും ജയരഥത്തിലും കയറിയിരിക്കുകയാൽ [QBR] അങ്ങയുടെ ക്രോധം സമുദ്രത്തിന്റെ നേരെ ഉള്ളതോ? [QBR]
9. അവിടുന്ന് വില്ല് പുറത്തെടുത്ത് ഞാണിൽ അമ്പ് തൊടുത്തിരിക്കുന്നു. [QBR] വചനത്തിന്റെ ദണ്ഡനങ്ങൾ ആണകളോടുകൂടിയിരിക്കുന്നു. സേലാ. അങ്ങ് ഭൂമിയെ നദികളാൽ പിളർക്കുന്നു. [QBR]
10. പർവ്വതങ്ങൾ അങ്ങയെ കണ്ട് വിറയ്ക്കുന്നു; [QBR] വെള്ളത്തിന്റെ പ്രവാഹം കടന്നുപോകുന്നു; [QBR] ആഴി ശബ്ദം പുറപ്പെടുവിക്കുന്നു; [QBR] ഉയരത്തിലേക്ക് കൈ ഉയർത്തുന്നു. [QBR]
11. അങ്ങയുടെ അസ്ത്രങ്ങൾ പായുന്ന പ്രകാശത്തിലും [QBR] മിന്നിപ്രകാശിക്കുന്ന കുന്തത്തിന്റെ ശോഭയിലും [QBR] സൂര്യനും ചന്ദ്രനും സ്വഗൃഹത്തിൽ നില്ക്കുന്നു. [QBR]
12. ക്രോധത്തോടെ അങ്ങ് ഭൂമിയിൽ ചവിട്ടുന്നു; [QBR] കോപത്തോടെ ജനതകളെ മെതിക്കുന്നു. [QBR]
13. അങ്ങയുടെ ജനത്തിന്റെയും [QBR] അങ്ങയുടെ അഭിഷിക്തന്റെയും രക്ഷയ്ക്കായിട്ട് അങ്ങ് പുറപ്പെടുന്നു; [QBR] അങ്ങ് ദുഷ്ടന്റെ വീടിന്റെ മുകൾ ഭാഗം തകർത്ത്, [QBR] അടിസ്ഥാനം മുഴുവനും അനാവൃതമാക്കി. സേലാ.
14. അങ്ങ് അവന്റെ കുന്തങ്ങൾകൊണ്ട് അവന്റെ യോദ്ധാക്കളുടെ തല കുത്തിത്തുളയ്ക്കുന്നു; [QBR] എന്നെ ചിതറിക്കേണ്ടതിന് അവർ ചുഴലിക്കാറ്റുപോലെ വരുന്നു; [QBR] എളിയവനെ മറവിൽവച്ച് വിഴുങ്ങുവാൻ പോകുന്നതുപോലെ അവർ ഉല്ലസിക്കുന്നു. [QBR]
15. അങ്ങയുടെ കുതിരകളോടുകൂടി അങ്ങ് സമുദ്രത്തിൽ, [QBR] പെരുവെള്ളക്കൂട്ടത്തിൽ തന്നെ, നടകൊള്ളുന്നു. [QBR]
16. ഞാൻ കേട്ടു എന്റെ ഉദരം കുലുങ്ങിപ്പോയി, [QBR] ആ ശബ്ദം കാരണം എന്റെ അധരം വിറച്ചു; [QBR] അവൻ ജനത്തെ ആക്രമിക്കുവാൻ പുറപ്പെടുമ്പോൾ [QBR] കഷ്ടദിവസത്തിൽ ഞാൻ വിശ്രമിച്ചിരിക്കേണ്ടതുകൊണ്ട് [QBR] എന്റെ അസ്ഥികൾ ഉരുകി, [QBR] ഞാൻ നിന്ന നിലയിൽ വിറച്ചുപോയി. [QBR]
17. അത്തിവൃക്ഷം തളിർക്കുകയില്ല; [QBR] മുന്തിരിവള്ളിയിൽ അനുഭവം ഉണ്ടാകുകയില്ല; [QBR] ഒലിവുമരത്തിന്റെ പ്രയത്നം നിഷ്ഫലമായിപ്പോകും; [QBR] നിലങ്ങൾ ആഹാരം വിളയിക്കുകയില്ല; [QBR] ആട്ടിൻ കൂട്ടം തൊഴുത്തിൽനിന്ന് നശിച്ചുപോകും; [QBR] ഗോശാലകളിൽ കന്നുകാലി ഉണ്ടായിരിക്കുകയില്ല. [QBR]
18. എങ്കിലും ഞാൻ യഹോവയിൽ ആനന്ദിക്കും; [QBR] എന്റെ രക്ഷയുടെ ദൈവത്തിൽ ഘോഷിച്ചുല്ലസിക്കും. [QBR]
19. യഹോവയായ കർത്താവ് എന്റെ ബലം ആകുന്നു; [QBR] കർത്താവ് എന്റെ കാൽ പേടമാൻ കാലുപോലെ ആക്കുന്നു; [QBR] ഉന്നതികളിന്മേൽ എന്നെ നടക്കുമാറാക്കുന്നു. [QBR] സംഗീതപ്രമാണിക്ക് തന്ത്രിനാദത്തോടെ. [PE]