1. “എന്റെ ജീവൻ എനിയ്ക്ക് വെറുപ്പാകുന്നു; [QBR] ഞാൻ എന്റെ സങ്കടം തുറന്നുപറയും; [QBR] എന്റെ മനോവ്യസനത്തിൽ ഞാൻ സംസാരിക്കും. [QBR]
2. ഞാൻ ദൈവത്തോട് പറയും: എന്നെ കുറ്റം വിധിക്കരുതേ; [QBR] എന്നെ കുറ്റപ്പെടുത്താൻ സംഗതി എന്ത്? എന്നെ അറിയിക്കണമേ. [QBR]
3. പീഡിപ്പിക്കുന്നതും അവിടുത്തെ കൈപ്പണിയെ തുച്ഛീകരിക്കുന്നതും [QBR] ദുഷ്ടന്മാരുടെ ആലോചനയിൽ പ്രസാദിക്കുന്നതും അങ്ങയ്ക്ക് യോഗ്യമോ? [QBR]
4. മാംസനേത്രങ്ങളോ അങ്ങയ്ക്കുള്ളത്? [QBR] മനുഷ്യൻ കാണുന്നതുപോലെയോ അങ്ങ് കാണുന്നത്? [QBR]
5. അങ്ങ് എന്റെ അകൃത്യം അന്വേഷിക്കുവാനും [QBR] എന്റെ പാപത്തെ ശോധന ചെയ്യുവാനും [QBR]
6. അങ്ങയുടെ നാളുകൾ മനുഷ്യന്റെ നാളുകൾ പോലെയോ? [QBR] അങ്ങയുടെ ആണ്ടുകൾ മർത്യന്റെ ജീവകാലം പോലെയോ? [QBR]
7. ഞാൻ കുറ്റക്കാരനല്ല എന്ന് അങ്ങ് അറിയുന്നു; [QBR] അങ്ങയുടെ കയ്യിൽനിന്ന് വിടുവിക്കാവുന്നവൻ ആരുമില്ല. [QBR]
8. അങ്ങയുടെ കൈ എനിക്ക് രൂപം നൽകി എന്നെ മുഴുവനും സൃഷ്ടിച്ചു; [QBR] എന്നിട്ടും അവിടുന്ന് എന്നെ നശിപ്പിച്ചുകളയുന്നു. [QBR]
9. അങ്ങ് എന്നെ കളിമണ്ണുകൊണ്ട് മെനഞ്ഞു എന്നോർക്കണമേ; [QBR] അവിടുന്ന് എന്നെ വീണ്ടും പൊടിയാക്കിക്കളയുമോ? [QBR]
10. അങ്ങ് എന്നെ പാലുപോലെ പകർന്ന് [QBR] തൈരുപോലെ ഉറകൂടുമാറാക്കിയല്ലോ. [QBR]
11. ത്വക്കും മാംസവും അങ്ങ് എന്നെ ധരിപ്പിച്ചു; [QBR] അസ്ഥിയും ഞരമ്പുംകൊണ്ട് എന്നെ നെയ്തിരിക്കുന്നു. [QBR]
12. ജീവനും കൃപയും അങ്ങ് എനിയ്ക്ക് നല്കി; [QBR] അങ്ങയുടെ കരുണ എന്റെ ശ്വാസത്തെ പരിപാലിക്കുന്നു. [QBR]
13. എന്നാൽ അങ്ങ് ഇത് അങ്ങയുടെ ഹൃദയത്തിൽ ഒളിച്ചുവെച്ചു; [QBR] ഇതായിരുന്നു അങ്ങയുടെ താത്പര്യം എന്ന് ഞാൻ അറിയുന്നു. [QBR]
14. ഞാൻ പാപം ചെയ്താൽ അങ്ങ് കാണുന്നു; [QBR] എന്റെ അകൃത്യം അങ്ങ് ശിക്ഷിക്കാതെ വിടുന്നതുമില്ല. [QBR]
15. ഞാൻ ദുഷ്ടനെങ്കിൽ എനിയ്ക്ക് അയ്യോ കഷ്ടം; [QBR] നീതിമാനായിരുന്നാലും ഞാൻ തല ഉയർത്തേണ്ടതല്ല; [QBR] ലജ്ജാപൂർണ്ണനായി ഞാൻ എന്റെ കഷ്ടത കാണുന്നു.
16. തല ഉയർത്തിയാൽ അങ്ങ് ഒരു സിംഹംപോലെ എന്നെ വേട്ടയാടും. [QBR] പിന്നെയും എനിക്കെതിരെ അങ്ങയുടെ അത്ഭുതശക്തി കാണിക്കുന്നു.
17. അങ്ങയുടെ സാക്ഷികളെ അങ്ങ് വീണ്ടും വീണ്ടും എന്റെ നേരെ നിർത്തുന്നു; [QBR] അങ്ങയുടെ ക്രോധം എന്റെമേൽ വർദ്ധിപ്പിക്കുന്നു; [QBR] അവ ഗണംഗണമായി വന്നു പൊരുതുന്നു. [QBR]
18. അങ്ങ് എന്നെ ഗർഭപാത്രത്തിൽനിന്ന് പുറപ്പെടുവിച്ചതെന്തിന്? [QBR] ഒരു കണ്ണും എന്നെ കാണാതെ എന്റെ പ്രാണൻ പോകുമായിരുന്നു. [QBR]
19. ഞാൻ ജനിക്കാത്തതുപോലെ ഇരിക്കുമായിരുന്നു; [QBR] ഗർഭപാത്രത്തിൽനിന്ന് എന്നെ ശവക്കുഴിയിലേക്ക് കൊണ്ടുപോകുമായിരുന്നു; [QBR]
20. എന്റെ ജീവകാലം ചുരുക്കമല്ലയോ? [QBR] ഇരുളും അന്ധതമസ്സും ഉള്ള ദേശത്തേക്ക് [QBR] അർദ്ധരാത്രിപോലെ കൂരിരുളും ക്രമമില്ലാതെ അന്ധതമസ്സും [QBR]
21. വെളിച്ചം അർദ്ധരാത്രിപോലെയും ഉള്ള ദേശത്തേക്കു തന്നേ, [QBR] മടങ്ങിവരാതെ, പോകുന്നതിനുമുമ്പ് [QBR]
22. ഞാൻ അല്പം ആശ്വസിക്കേണ്ടതിന് [QBR] അങ്ങ് മതിയാക്കി എന്നെ വിട്ടുമാറണമേ.” [PE]