1. [PS]എന്റെ കണ്ണ് ഇതെല്ലാം കണ്ടു; [PE][QS]എന്റെ ചെവി അത് കേട്ട് ഗ്രഹിച്ചിരിക്കുന്നു. [QE]
2. [QS]നിങ്ങൾ അറിയുന്നത് ഞാനും അറിയുന്നു; [QE][QS]ഞാൻ നിങ്ങളേക്കാൾ ഒട്ടും കുറഞ്ഞവനല്ല. [QE]
3. [QS]സർവ്വശക്തനോട് ഞാൻ സംസാരിക്കുവാൻ ഭാവിക്കുന്നു; [QE][QS]ദൈവത്തോട് വാദിക്കുവാൻ ഞാൻ ആഗ്രഹിക്കുന്നു. [QE]
4. [QS]നിങ്ങൾ വ്യാജത്തെ സത്യംകൊണ്ട് വെള്ള പൂശുന്നവർ; [QE][QS]നിങ്ങളെല്ലാവരും മുറിവൈദ്യന്മാർ തന്നെ. [QE]
5. [QS]നിങ്ങൾ ഒന്നും മിണ്ടാതിരുന്നാൽ കൊള്ളാം; [QE][QS]അത് നിങ്ങൾക്ക് ജ്ഞാനമായിരിക്കും. [QE]
6. [QS]എന്റെ ന്യായവാദം കേട്ടുകൊൾവിൻ; [QE][QS]എന്റെ അധരങ്ങളുടെ വ്യവഹാരം ശ്രദ്ധിക്കുവിൻ. [QE]
7. [QS]നിങ്ങൾ ദൈവത്തിനുവേണ്ടി നീതികേട് സംസാരിക്കുന്നുവോ? [QE][QS]നിങ്ങൾ ദൈവത്തിനുവേണ്ടി വ്യാജം പറയുന്നുവോ? [QE]
8. [QS]അവിടുത്തെ പക്ഷം പിടിക്കുന്നുവോ? [QE][QS]ദൈവത്തിനുവേണ്ടി വാദിക്കുന്നുവോ? [QE]
9. [QS]അവിടുന്ന് നിങ്ങളെ പരിശോധിച്ചാൽ എന്തെങ്കിലും നന്മ കാണുമോ? [QE][QS]മർത്യനെ തോല്പിക്കുമ്പോലെ നിങ്ങൾ ദൈവത്തെ തോല്പിക്കുമോ? [QE]
10. [QS]ഗൂഢമായി പക്ഷപാതം കാണിച്ചാൽ [QE][QS]അവിടുന്ന് നിങ്ങളെ ശാസിക്കും നിശ്ചയം. [QE]
11. [QS]ദൈവത്തിന്റെ മഹിമ നിങ്ങളെ ഭയപ്പെടുത്തുകയില്ലയോ? [QE][QS]ദൈവത്തിന്റെ ഭീതി നിങ്ങളുടെ മേൽ വീഴുകയില്ലയോ? [QE]
12. [QS]നിങ്ങളുടെ ജ്ഞാപകവാക്യങ്ങൾ ചാരമായ പഴമൊഴികളാണ്; [QE][QS]നിങ്ങളുടെ കോട്ടകൾ മൺകോട്ടകൾ തന്നേ. [QE]
13. [QS]നിങ്ങൾ മിണ്ടാതിരിക്കുവിൻ; ഞാൻ പറഞ്ഞുകൊള്ളട്ടെ; [QE][QS]പിന്നെ എനിയ്ക്ക് വരുന്നത് വരട്ടെ. [QE]
14. [QS]ഞാൻ എന്റെ മാംസത്തെ പല്ലുകൊണ്ട് കടിച്ചുപിടിക്കുന്നതും [QE][QS]എന്റെ ജീവനെ ഉപേക്ഷിച്ചുകളയുന്നതും എന്തിന്?. [QE]
15. [QS]അങ്ങ് എന്നെ കൊന്നാലും ഞാൻ അങ്ങയെത്തന്നെ കാത്തിരിക്കും; [QE][QS]ഞാൻ എന്റെ നടപ്പ് അങ്ങയുടെ മുമ്പാകെ തെളിയിക്കും. [QE]
16. [QS]വഷളൻ അങ്ങയുടെ സന്നിധിയിൽ വരുകയില്ല [QE][QS]എന്നുള്ളതു തന്നെ എനിക്കൊരു രക്ഷയാകും. [QE]
17. [QS]എന്റെ വാക്ക് ശ്രദ്ധയോടെ കേൾക്കുവിൻ; [QE][QS]ഞാൻ പ്രസ്താവിക്കുന്നത് നിങ്ങളുടെ ചെവിയിൽ കടക്കട്ടെ; [QE]
18. [QS]ഇതാ, ഞാൻ എന്റെ ന്യായങ്ങളെ ഒരുക്കിയിരിക്കുന്നു. [QE][QS]ഞാൻ നീതീകരിക്കപ്പെടും എന്ന് ഞാൻ അറിയുന്നു. [QE]
19. [QS]എന്നോട് വാദിക്കുവാൻ തുനിയുന്നതാര്? [QE][QS]ഞാൻ ഇപ്പോൾ മിണ്ടാതിരുന്ന് എന്റെ പ്രാണൻ ഉപേക്ഷിക്കാം. [QE]
20. [QS]രണ്ടു കാര്യം മാത്രം എന്നോട് ചെയ്യരുതേ; [QE][QS]എന്നാൽ ഞാൻ അങ്ങയുടെ സന്നിധി വിട്ട് ഒളിക്കുകയില്ല. [QE]
21. [QS]അങ്ങയുടെ കൈ എന്നിൽനിന്ന് പിൻവലിക്കണമേ; [QE][QS]അങ്ങയുടെ ഭയങ്കരത്വം എന്നെ ഭ്രമിപ്പിക്കരുതേ. [QE]
22. [QS]പിന്നെ അവിടുന്ന് വിളിച്ചാലും; ഞാൻ ഉത്തരം പറയും; [QE][QS]അല്ലെങ്കിൽ ഞാൻ സംസാരിക്കാം; അവിടുന്ന് ഉത്തരം അരുളേണമേ. [QE]
23. [QS]എന്റെ അകൃത്യങ്ങളും പാപങ്ങളും എത്ര? [QE][QS]എന്റെ അതിക്രമവും പാപവും എന്നെ ഗ്രഹിപ്പിക്കണമേ. [QE]
24. [QS]തിരുമുഖം മറച്ചുകൊള്ളുന്നതും [QE][QS]എന്നെ ശത്രുവായി വിചാരിക്കുന്നതും എന്തിന്? [QE]
25. [QS]പാറിപ്പോകുന്ന ഇലയെ അങ്ങ് പേടിപ്പിക്കുമോ? [QE][QS]ഉണങ്ങിയ പതിരിനെ പിന്തുടരുമോ? [QE]
26. [QS]കയ്പായുള്ളത് അവിടുന്ന് എനിയ്ക്ക് എഴുതിവച്ച് [QE][QS]എന്റെ യൗവ്വനത്തിലെ അകൃത്യങ്ങൾ എന്നെ അനുഭവിക്കുമാറാക്കുന്നു. [QE]
27. [QS]എന്റെ കാൽ അങ്ങ് [* ആമം = വിലങ്ങ് ]ആമത്തിൽ ഇട്ടു; [QE][QS]എന്റെ നടപ്പൊക്കെയും കുറിച്ചുവയ്ക്കുന്നു. [QE][QS]എന്റെ കാലടികളുടെ ചുറ്റും വര വരയ്ക്കുന്നു. [QE]
28. [QS]ഞാൻ ചീഞ്ഞഴുകിയ വസ്ത്രംപോലെയും [QE][QS]പുഴു അരിച്ച വസ്ത്രംപോലെയും ഇരിക്കുന്നു. [QE]