1. എന്റെ കണ്ണ് ഇതെല്ലാം കണ്ടു; [QBR] എന്റെ ചെവി അത് കേട്ട് ഗ്രഹിച്ചിരിക്കുന്നു. [QBR]
2. നിങ്ങൾ അറിയുന്നത് ഞാനും അറിയുന്നു; [QBR] ഞാൻ നിങ്ങളേക്കാൾ ഒട്ടും കുറഞ്ഞവനല്ല. [QBR]
3. സർവ്വശക്തനോട് ഞാൻ സംസാരിക്കുവാൻ ഭാവിക്കുന്നു; [QBR] ദൈവത്തോട് വാദിക്കുവാൻ ഞാൻ ആഗ്രഹിക്കുന്നു. [QBR]
4. നിങ്ങൾ വ്യാജത്തെ സത്യംകൊണ്ട് വെള്ള പൂശുന്നവർ; [QBR] നിങ്ങളെല്ലാവരും മുറിവൈദ്യന്മാർ തന്നെ. [QBR]
5. നിങ്ങൾ ഒന്നും മിണ്ടാതിരുന്നാൽ കൊള്ളാം; [QBR] അത് നിങ്ങൾക്ക് ജ്ഞാനമായിരിക്കും. [QBR]
6. എന്റെ ന്യായവാദം കേട്ടുകൊൾവിൻ; [QBR] എന്റെ അധരങ്ങളുടെ വ്യവഹാരം ശ്രദ്ധിക്കുവിൻ. [QBR]
7. നിങ്ങൾ ദൈവത്തിനുവേണ്ടി നീതികേട് സംസാരിക്കുന്നുവോ? [QBR] നിങ്ങൾ ദൈവത്തിനുവേണ്ടി വ്യാജം പറയുന്നുവോ? [QBR]
8. അവിടുത്തെ പക്ഷം പിടിക്കുന്നുവോ? [QBR] ദൈവത്തിനുവേണ്ടി വാദിക്കുന്നുവോ? [QBR]
9. അവിടുന്ന് നിങ്ങളെ പരിശോധിച്ചാൽ എന്തെങ്കിലും നന്മ കാണുമോ? [QBR] മർത്യനെ തോല്പിക്കുമ്പോലെ നിങ്ങൾ ദൈവത്തെ തോല്പിക്കുമോ? [QBR]
10. ഗൂഢമായി പക്ഷപാതം കാണിച്ചാൽ [QBR] അവിടുന്ന് നിങ്ങളെ ശാസിക്കും നിശ്ചയം. [QBR]
11. ദൈവത്തിന്റെ മഹിമ നിങ്ങളെ ഭയപ്പെടുത്തുകയില്ലയോ? [QBR] ദൈവത്തിന്റെ ഭീതി നിങ്ങളുടെ മേൽ വീഴുകയില്ലയോ? [QBR]
12. നിങ്ങളുടെ ജ്ഞാപകവാക്യങ്ങൾ ചാരമായ പഴമൊഴികളാണ്; [QBR] നിങ്ങളുടെ കോട്ടകൾ മൺകോട്ടകൾ തന്നേ. [QBR]
13. നിങ്ങൾ മിണ്ടാതിരിക്കുവിൻ; ഞാൻ പറഞ്ഞുകൊള്ളട്ടെ; [QBR] പിന്നെ എനിയ്ക്ക് വരുന്നത് വരട്ടെ. [QBR]
14. ഞാൻ എന്റെ മാംസത്തെ പല്ലുകൊണ്ട് കടിച്ചുപിടിക്കുന്നതും [QBR] എന്റെ ജീവനെ ഉപേക്ഷിച്ചുകളയുന്നതും എന്തിന്?. [QBR]
15. അങ്ങ് എന്നെ കൊന്നാലും ഞാൻ അങ്ങയെത്തന്നെ കാത്തിരിക്കും; [QBR] ഞാൻ എന്റെ നടപ്പ് അങ്ങയുടെ മുമ്പാകെ തെളിയിക്കും. [QBR]
16. വഷളൻ അങ്ങയുടെ സന്നിധിയിൽ വരുകയില്ല [QBR] എന്നുള്ളതു തന്നെ എനിക്കൊരു രക്ഷയാകും. [QBR]
17. എന്റെ വാക്ക് ശ്രദ്ധയോടെ കേൾക്കുവിൻ; [QBR] ഞാൻ പ്രസ്താവിക്കുന്നത് നിങ്ങളുടെ ചെവിയിൽ കടക്കട്ടെ; [QBR]
18. ഇതാ, ഞാൻ എന്റെ ന്യായങ്ങളെ ഒരുക്കിയിരിക്കുന്നു. [QBR] ഞാൻ നീതീകരിക്കപ്പെടും എന്ന് ഞാൻ അറിയുന്നു. [QBR]
19. എന്നോട് വാദിക്കുവാൻ തുനിയുന്നതാര്? [QBR] ഞാൻ ഇപ്പോൾ മിണ്ടാതിരുന്ന് എന്റെ പ്രാണൻ ഉപേക്ഷിക്കാം. [QBR]
20. രണ്ടു കാര്യം മാത്രം എന്നോട് ചെയ്യരുതേ; [QBR] എന്നാൽ ഞാൻ അങ്ങയുടെ സന്നിധി വിട്ട് ഒളിക്കുകയില്ല. [QBR]
21. അങ്ങയുടെ കൈ എന്നിൽനിന്ന് പിൻവലിക്കണമേ; [QBR] അങ്ങയുടെ ഭയങ്കരത്വം എന്നെ ഭ്രമിപ്പിക്കരുതേ. [QBR]
22. പിന്നെ അവിടുന്ന് വിളിച്ചാലും; ഞാൻ ഉത്തരം പറയും; [QBR] അല്ലെങ്കിൽ ഞാൻ സംസാരിക്കാം; അവിടുന്ന് ഉത്തരം അരുളേണമേ. [QBR]
23. എന്റെ അകൃത്യങ്ങളും പാപങ്ങളും എത്ര? [QBR] എന്റെ അതിക്രമവും പാപവും എന്നെ ഗ്രഹിപ്പിക്കണമേ. [QBR]
24. തിരുമുഖം മറച്ചുകൊള്ളുന്നതും [QBR] എന്നെ ശത്രുവായി വിചാരിക്കുന്നതും എന്തിന്? [QBR]
25. പാറിപ്പോകുന്ന ഇലയെ അങ്ങ് പേടിപ്പിക്കുമോ? [QBR] ഉണങ്ങിയ പതിരിനെ പിന്തുടരുമോ? [QBR]
26. കയ്പായുള്ളത് അവിടുന്ന് എനിയ്ക്ക് എഴുതിവച്ച് [QBR] എന്റെ യൗവ്വനത്തിലെ അകൃത്യങ്ങൾ എന്നെ അനുഭവിക്കുമാറാക്കുന്നു. [QBR]
27. എന്റെ കാൽ അങ്ങ് [* ആമം = വിലങ്ങ്] ആമത്തിൽ ഇട്ടു; [QBR] എന്റെ നടപ്പൊക്കെയും കുറിച്ചുവയ്ക്കുന്നു. [QBR] എന്റെ കാലടികളുടെ ചുറ്റും വര വരയ്ക്കുന്നു. [QBR]
28. ഞാൻ ചീഞ്ഞഴുകിയ വസ്ത്രംപോലെയും [QBR] പുഴു അരിച്ച വസ്ത്രംപോലെയും ഇരിക്കുന്നു. [PE]