1. [PS]സ്ത്രീ പ്രസവിച്ച മനുഷ്യൻ അല്പായുസ്സുള്ളവനും [PE][QS]കഷ്ടസമ്പൂർണ്ണനും ആകുന്നു. [QE]
2. [QS]അവൻ പൂപോലെ വിടർന്ന് പൊഴിഞ്ഞുപോകുന്നു; [QE][QS]നിലനില്ക്കാതെ നിഴൽപോലെ ഓടിപ്പോകുന്നു. [QE]
3. [QS]അവന്റെ നേരെയോ തൃക്കണ്ണ് മിഴിക്കുന്നത്? [QE][QS]എന്നെയോ അങ്ങ് ന്യായവിസ്താരത്തിലേക്ക് വരുത്തുന്നത്? [QE]
4. [QS]അശുദ്ധനിൽനിന്ന് ജനിച്ച വിശുദ്ധൻ ഉണ്ടോ? ഒരുത്തനുമില്ല. [QE]
5. [QS]അങ്ങയുടെ ജീവകാലത്തിന് അവധി ഉണ്ടല്ലോ; [QE][QS]അവന്റെ മാസങ്ങളുടെ എണ്ണം അങ്ങയുടെ പക്കൽ; [QE][QS]അവന് ലംഘിച്ചുകൂടാത്ത അതിര് അവിടുന്ന് വച്ചിരിക്കുന്നു [QE]
6. [QS]അവൻ ഒരു കൂലിക്കാരനെപ്പോലെ വിശ്രമിച്ച് [QE][QS]തന്റെ ദിവസത്തിൽ തൃപ്തിപ്പെടേണ്ടതിന് [QE][QS]അങ്ങയുടെ നോട്ടം അവനിൽനിന്ന് മാറ്റിക്കൊള്ളണമേ. [QE]
7. [QS]ഒരു വൃക്ഷമായിരുന്നാൽ പ്രത്യാശയുണ്ട്; [QE][QS]അതിനെ വെട്ടിയാൽ പിന്നെയും പൊട്ടിക്കിളിർക്കും; [QE][QS]അതിന് ഇളങ്കൊമ്പുകൾ വിടർന്നുകൊണ്ടിരിക്കും. [QE]
8. [QS]അതിന്റെ വേര് നിലത്ത് പഴകിയാലും [QE][QS]അതിന്റെ കുറ്റി മണ്ണിൽ ഉണങ്ങിപ്പോയാലും [QE]
9. [QS]വെള്ളത്തിന്റെ ഗന്ധംകൊണ്ട് അത് കിളിർക്കും [QE][QS]ഒരു തൈപോലെ ശാഖ പുറപ്പെടും. [QE]
10. [QS]മനുഷ്യൻ മരിച്ചാൽ ദ്രവിച്ചുപോകുന്നു; [QE][QS]മനുഷ്യൻ പ്രാണനെ വിട്ടാൽ പിന്നെ അവൻ എവിടെ? [QE]
11. [QS]സമുദ്രത്തിലെ വെള്ളം പോയ്പോകുമ്പോലെയും [QE][QS]നദി വറ്റി ഉണങ്ങിപ്പോകുമ്പോലെയും [QE]
12. [QS]മനുഷ്യൻ കിടന്നിട്ട് എഴുന്നേല്ക്കുന്നില്ല; [QE][QS]ആകാശം ഇല്ലാതെയാകുംവരെ അവർ ഉണരുന്നില്ല; [QE][QS]ഉറക്കത്തിൽനിന്ന് എഴുന്നേല്ക്കുന്നതുമില്ല; [QE]
13. [QS]അങ്ങ് എന്നെ പാതാളത്തിൽ മറച്ചുവയ്ക്കുകയും [QE][QS]അവിടുത്തെ കോപം കഴിയുവോളം എന്നെ ഒളിപ്പിക്കുകയും [QE][QS]എനിക്ക് ഒരവധി നിശ്ചയിച്ച് എന്നെ [QE][QS]ഓർക്കുകയും ചെയ്തുവെങ്കിൽ കൊള്ളാമായിരുന്നു. [QE]
14. [QS]മനുഷ്യൻ മരിച്ചാൽ വീണ്ടും ജീവിക്കുമോ? [QE][QS]എന്നാൽ എനിക്ക് മാറ്റം വരുവോളം [QE][QS]എന്റെ യുദ്ധകാലമെല്ലാം കാത്തിരിക്കാമായിരുന്നു. [QE]
15. [QS]അങ്ങ് വിളിക്കും; ഞാൻ അവിടുത്തോട് ഉത്തരം പറയും; [QE][QS]അങ്ങയുടെ കൈവേലയോട് അങ്ങയ്ക്ക് താത്പര്യമുണ്ടാകും. [QE]
16. [QS]ഇപ്പോഴോ അവിടുന്ന് എന്റെ കാലടികളെ എണ്ണുന്നു; [QE][QS]എന്റെ പാപത്തിന്മേൽ അങ്ങ് ദൃഷ്ടിവയ്ക്കുന്നില്ലയോ? [QE]
17. [QS]എന്റെ അതിക്രമം ഒരു സഞ്ചിയിലാക്കി മുദ്രയിട്ടിരിക്കുന്നു; [QE][QS]എന്റെ അകൃത്യം അങ്ങ് മറച്ചിരിക്കുന്നു. [QE]
18. [QS]മലപോലും വീണു പൊടിയുന്നു; [QE][QS]പാറയും സ്ഥലം വിട്ട് മാറിപ്പോകുന്നു. [QE]
19. [QS]വെള്ളം കല്ലുകളെ തേയുമാറാക്കുന്നതും [QE][QS]അതിന്റെ പ്രവാഹം നിലത്തെ പൊടി ഒഴുക്കിക്കളയുന്നതു പോലെ [QE][QS]അങ്ങ് മനുഷ്യന്റെ പ്രത്യാശയെ നശിപ്പിക്കുന്നു. [QE]
20. [QS]അങ്ങ് എപ്പോഴും അവനെ ആക്രമിച്ചിട്ട് അവൻ കടന്നുപോകുന്നു; [QE][QS]അവിടുന്ന് അവന്റെ മുഖം വിരൂപമാക്കി അവനെ അയച്ചുകളയുന്നു. [QE]
21. [QS]അവന്റെ പുത്രന്മാർക്ക് ബഹുമാനം ലഭിക്കുന്നത് അവൻ അറിയുന്നില്ല; [QE][QS]അവർക്ക് താഴ്ച ഭവിക്കുന്നത് അവൻ ഗ്രഹിക്കുന്നതുമില്ല. [QE]
22. [QS]തന്നെപ്പറ്റി മാത്രം അവന്റെ ദേഹം വേദനപ്പെടുന്നു; [QE][QS]തന്നെക്കുറിച്ചത്രേ അവന്റെ ഉള്ളം ദുഃഖിക്കുന്നു.” [QE]