1. സ്ത്രീ പ്രസവിച്ച മനുഷ്യൻ അല്പായുസ്സുള്ളവനും [QBR] കഷ്ടസമ്പൂർണ്ണനും ആകുന്നു. [QBR]
2. അവൻ പൂപോലെ വിടർന്ന് പൊഴിഞ്ഞുപോകുന്നു; [QBR] നിലനില്ക്കാതെ നിഴൽപോലെ ഓടിപ്പോകുന്നു. [QBR]
3. അവന്റെ നേരെയോ തൃക്കണ്ണ് മിഴിക്കുന്നത്? [QBR] എന്നെയോ അങ്ങ് ന്യായവിസ്താരത്തിലേക്ക് വരുത്തുന്നത്? [QBR]
4. അശുദ്ധനിൽനിന്ന് ജനിച്ച വിശുദ്ധൻ ഉണ്ടോ? ഒരുത്തനുമില്ല. [QBR]
5. അങ്ങയുടെ ജീവകാലത്തിന് അവധി ഉണ്ടല്ലോ; [QBR] അവന്റെ മാസങ്ങളുടെ എണ്ണം അങ്ങയുടെ പക്കൽ; [QBR] അവന് ലംഘിച്ചുകൂടാത്ത അതിര് അവിടുന്ന് വച്ചിരിക്കുന്നു [QBR]
6. അവൻ ഒരു കൂലിക്കാരനെപ്പോലെ വിശ്രമിച്ച് [QBR] തന്റെ ദിവസത്തിൽ തൃപ്തിപ്പെടേണ്ടതിന് [QBR] അങ്ങയുടെ നോട്ടം അവനിൽനിന്ന് മാറ്റിക്കൊള്ളണമേ. [QBR]
7. ഒരു വൃക്ഷമായിരുന്നാൽ പ്രത്യാശയുണ്ട്; [QBR] അതിനെ വെട്ടിയാൽ പിന്നെയും പൊട്ടിക്കിളിർക്കും; [QBR] അതിന് ഇളങ്കൊമ്പുകൾ വിടർന്നുകൊണ്ടിരിക്കും. [QBR]
8. അതിന്റെ വേര് നിലത്ത് പഴകിയാലും [QBR] അതിന്റെ കുറ്റി മണ്ണിൽ ഉണങ്ങിപ്പോയാലും [QBR]
9. വെള്ളത്തിന്റെ ഗന്ധംകൊണ്ട് അത് കിളിർക്കും [QBR] ഒരു തൈപോലെ ശാഖ പുറപ്പെടും. [QBR]
10. മനുഷ്യൻ മരിച്ചാൽ ദ്രവിച്ചുപോകുന്നു; [QBR] മനുഷ്യൻ പ്രാണനെ വിട്ടാൽ പിന്നെ അവൻ എവിടെ? [QBR]
11. സമുദ്രത്തിലെ വെള്ളം പോയ്പോകുമ്പോലെയും [QBR] നദി വറ്റി ഉണങ്ങിപ്പോകുമ്പോലെയും [QBR]
12. മനുഷ്യൻ കിടന്നിട്ട് എഴുന്നേല്ക്കുന്നില്ല; [QBR] ആകാശം ഇല്ലാതെയാകുംവരെ അവർ ഉണരുന്നില്ല; [QBR] ഉറക്കത്തിൽനിന്ന് എഴുന്നേല്ക്കുന്നതുമില്ല; [QBR]
13. അങ്ങ് എന്നെ പാതാളത്തിൽ മറച്ചുവയ്ക്കുകയും [QBR] അവിടുത്തെ കോപം കഴിയുവോളം എന്നെ ഒളിപ്പിക്കുകയും [QBR] എനിക്ക് ഒരവധി നിശ്ചയിച്ച് എന്നെ [QBR] ഓർക്കുകയും ചെയ്തുവെങ്കിൽ കൊള്ളാമായിരുന്നു. [QBR]
14. മനുഷ്യൻ മരിച്ചാൽ വീണ്ടും ജീവിക്കുമോ? [QBR] എന്നാൽ എനിക്ക് മാറ്റം വരുവോളം [QBR] എന്റെ യുദ്ധകാലമെല്ലാം കാത്തിരിക്കാമായിരുന്നു. [QBR]
15. അങ്ങ് വിളിക്കും; ഞാൻ അവിടുത്തോട് ഉത്തരം പറയും; [QBR] അങ്ങയുടെ കൈവേലയോട് അങ്ങയ്ക്ക് താത്പര്യമുണ്ടാകും. [QBR]
16. ഇപ്പോഴോ അവിടുന്ന് എന്റെ കാലടികളെ എണ്ണുന്നു; [QBR] എന്റെ പാപത്തിന്മേൽ അങ്ങ് ദൃഷ്ടിവയ്ക്കുന്നില്ലയോ? [QBR]
17. എന്റെ അതിക്രമം ഒരു സഞ്ചിയിലാക്കി മുദ്രയിട്ടിരിക്കുന്നു; [QBR] എന്റെ അകൃത്യം അങ്ങ് മറച്ചിരിക്കുന്നു. [QBR]
18. മലപോലും വീണു പൊടിയുന്നു; [QBR] പാറയും സ്ഥലം വിട്ട് മാറിപ്പോകുന്നു. [QBR]
19. വെള്ളം കല്ലുകളെ തേയുമാറാക്കുന്നതും [QBR] അതിന്റെ പ്രവാഹം നിലത്തെ പൊടി ഒഴുക്കിക്കളയുന്നതു പോലെ [QBR] അങ്ങ് മനുഷ്യന്റെ പ്രത്യാശയെ നശിപ്പിക്കുന്നു. [QBR]
20. അങ്ങ് എപ്പോഴും അവനെ ആക്രമിച്ചിട്ട് അവൻ കടന്നുപോകുന്നു; [QBR] അവിടുന്ന് അവന്റെ മുഖം വിരൂപമാക്കി അവനെ അയച്ചുകളയുന്നു. [QBR]
21. അവന്റെ പുത്രന്മാർക്ക് ബഹുമാനം ലഭിക്കുന്നത് അവൻ അറിയുന്നില്ല; [QBR] അവർക്ക് താഴ്ച ഭവിക്കുന്നത് അവൻ ഗ്രഹിക്കുന്നതുമില്ല. [QBR]
22. തന്നെപ്പറ്റി മാത്രം അവന്റെ ദേഹം വേദനപ്പെടുന്നു; [QBR] തന്നെക്കുറിച്ചത്രേ അവന്റെ ഉള്ളം ദുഃഖിക്കുന്നു.” [PE]