1.
2. [PS]അതിന് തേമാന്യനായ എലീഫസ് ഉത്തരം പറഞ്ഞത്: [PE][QS]“ജ്ഞാനിയായവൻ വ്യർത്ഥജ്ഞാനം പ്രസ്താവിക്കുമോ? [QE][QS]അവൻ കിഴക്കൻ കാറ്റുകൊണ്ട് വയറുനിറയ്ക്കുമോ? [QE]
3. [QS]അവൻ പ്രയോജനമില്ലാത്ത വാക്കുകളാലും [QE][QS]ഉപകാരമില്ലാത്ത മൊഴികളാലും തർക്കിക്കുമോ? [QE]
4. [QS]നീ ഭക്തി വെടിഞ്ഞ് ദൈവസന്നിധിയിലെ ധ്യാനം മുടക്കിക്കളയുന്നു. [QE]
5. [QS]നിന്റെ അകൃത്യം നിന്റെ വായെ പഠിപ്പിക്കുന്നു; [QE][QS]ഉപായികളുടെ നാവ് നീ തിരഞ്ഞെടുത്തിരിക്കുന്നു. [QE]
6. [QS]ഞാനല്ല, നിന്റെ സ്വന്തവായ് നിന്നെ കുറ്റം വിധിക്കുന്നു; [QE][QS]നിന്റെ അധരങ്ങൾ തന്നെ നിന്റെ നേരെ സാക്ഷീകരിക്കുന്നു. [QE]
7. [QS]നീയോ ആദ്യം ജനിച്ച മനുഷ്യൻ? [QE][QS]പർവ്വതങ്ങൾക്കും മുമ്പ് നീ പിറന്നുവോ? [QE]
8. [QS]നീ ദൈവത്തിന്റെ ആലോചനസഭയിൽ കൂടിയിട്ടുണ്ടോ? [QE][QS]ജ്ഞാനം നിന്റെ അവകാശം ആണോ? [QE]
9. [QS]ഞങ്ങൾക്ക് അറിയാത്തതായി നിനക്ക് എന്ത് അറിയാം? [QE][QS]ഞങ്ങൾക്ക് മനസ്സിലാകാത്തതായി നീ എന്താണ് ഗ്രഹിച്ചിരിക്കുന്നത്? [QE]
10. [QS]ഞങ്ങളുടെ ഇടയിൽ നരച്ചവരും വൃദ്ധന്മാരും ഉണ്ട്; [QE][QS]നിന്റെ അപ്പനേക്കാൾ പ്രായം ചെന്നവർ തന്നെ. [QE]
11. [QS]ദൈവത്തിന്റെ ആശ്വാസങ്ങളും [QE][QS]സ്വന്തമായി പറഞ്ഞുതരുന്ന വാക്കും നിനക്ക് പോരയോ? [QE]
12. [QS]നിന്റെ ഹൃദയം നിന്നെ പതറിക്കുന്നതെന്ത്? [QE][QS]നിന്റെ കണ്ണ് ജ്വലിക്കുന്നതെന്ത്? [QE]
13. [QS]നീ ദൈവത്തിന്റെ നേരെ തിരിയുകയും [QE][QS]നിന്റെ വായിൽനിന്ന് ഇങ്ങനെയുള്ള വാക്കുകൾ പുറപ്പെടുകയും ചെയ്യുന്നു. [QE]
14. [QS]മർത്യൻ ശുദ്ധിമാനായിരിക്കുന്നതെങ്ങനെ? [QE][QS]സ്ത്രീ പ്രസവിച്ചവൻ നീതിമാനായിരിക്കുന്നതെങ്ങനെ? [QE]
15. [QS]തന്റെ വിശുദ്ധന്മാരിലും ദൈവത്തിന് വിശ്വാസമില്ലല്ലോ; [QE][QS]സ്വർഗ്ഗവും അവിടുത്തെ കണ്ണിന് നിർമ്മലമല്ല. [QE]
16. [QS]പിന്നെ വെറുപ്പും വഷളത്തവുമുള്ളവനായി [QE][QS]വെള്ളംപോലെ അകൃത്യം കുടിക്കുന്ന മനുഷ്യൻ എങ്ങനെ? [QE]
17. [QS]ഞാൻ നിന്നെ ഉപദേശിക്കാം, കേട്ടുകൊള്ളുക; [QE][QS]ഞാൻ കണ്ടിട്ടുള്ളത് വിവരിച്ചുപറയാം. [QE]
18. [QS]ജ്ഞാനികൾ അവരുടെ പിതാക്കന്മാരോട് കേൾക്കുകയും [QE][QS]മറച്ചുവയ്ക്കാതെ അറിയിക്കുകയും ചെയ്തതു തന്നേ. [QE]
19. [QS]അവർക്കുമാത്രമാണല്ലോ ദേശം നല്കിയിരുന്നത്; [QE][QS]അന്യൻ അവരുടെ ഇടയിൽ കടക്കുന്നതുമില്ല. [QE]
20. [QS]ദുഷ്ടൻ ജീവപര്യന്തം അതിവേദനയോടെ ഇരിക്കുന്നു; [QE][QS]ഉപദ്രവകാരിക്ക് വച്ചിരിക്കുന്ന ആണ്ടുകൾ തികയുവോളം തന്നെ. [QE]
21. [QS]ഭീകരശബ്ദം അവന്റെ ചെവിയിൽ മുഴങ്ങുന്നു; [QE][QS]സുഖമായിരിക്കുമ്പോൾ കവർച്ചക്കാരൻ അവന്റെ നേരെ വരുന്നു. [QE]
22. [QS]അന്ധകാരത്തിൽനിന്ന് മടങ്ങിവരുമെന്ന് അവൻ വിശ്വസിക്കുന്നില്ല; [QE][QS]അവൻ വാളിനിരയാകാൻ നിയമിക്കപ്പെട്ടിരിക്കുന്നു. [QE]
23. [QS]അവൻ അപ്പം തെണ്ടിനടക്കുന്നു; ‘അത് എവിടെ കിട്ടും’ എന്ന് ചോദിക്കുന്നു? [QE][QS]അന്ധകാരദിവസം തനിക്ക് അടുത്തിരിക്കുന്നു എന്ന് അവൻ അറിയുന്നു. [QE]
24. [QS]കഷ്ടവും മനഃപീഡയും അവനെ ഭയപ്പെടുത്തുന്നു; [QE][QS]പടയ്ക്കൊരുങ്ങിയ രാജാവെന്നപോലെ അവനെ ആക്രമിക്കുന്നു. [QE]
25. [QS]അവൻ ദൈവത്തിന് വിരോധമായി കൈ ഉയർത്തി, [QE][QS]സർവ്വശക്തനോട് ധിക്കാരം കാട്ടിയതുകൊണ്ടു തന്നെ. [QE]
26. [QS]തന്റെ പരിചകളുടെ തടിച്ച മുഴകളോടുകൂടി [QE][QS]അവൻ ശാഠ്യംകാണിച്ച് ദൈവത്തിന്റെ നേരെ പാഞ്ഞുചെല്ലുന്നു. [QE]
27. [QS]അവൻ തന്റെ മുഖത്തെ മേദസ്സുകൊണ്ട് മൂടുന്നു; [QE][QS]തന്റെ അരക്കെട്ടിന് കൊഴുപ്പ് കൂട്ടുന്നു. [QE]
28. [QS]അവൻ ശൂന്യനഗരങ്ങളിലും ആരും പാർക്കാതെ [QE][QS]കൽകൂമ്പാരങ്ങളായിത്തീരുവാനുള്ള വീടുകളിലും പാർക്കുന്നു. [QE]
29. [QS]അവൻ ധനവാനാകുകയില്ല; അവന്റെ സമ്പത്ത് നിലനില്ക്കുകയില്ല; അവരുടെ വിളവ് നിലത്തേക്കു കുലച്ചു മറികയുമില്ല.
30. ഇരുളിൽനിന്ന് അവൻ അകന്നു പോകുകയില്ല; [QE][QS]അഗ്നിജ്വാല അവന്റെ കൊമ്പുകളെ ഉണക്കിക്കളയും; [QE][QS]തിരുവായിലെ ശ്വാസംകൊണ്ട് അവൻ കടന്നുപോകും. [QE]
31. [QS]അവൻ വ്യാജത്തിൽ ആശ്രയിക്കരുത്; അത് സ്വയവഞ്ചനയത്രേ; [QE][QS]അവന്റെ പ്രതിഫലം വ്യാജം തന്നെ ആയിരിക്കും. [QE]
32. [QS]അവന്റെ ദിവസം വരുംമുമ്പ് അത് നിവൃത്തിയാകും; [QE][QS]അവന്റെ കൊമ്പുകൾ പച്ചയായിരിക്കുകയില്ല. [QE]
33. [QS]മുന്തിരിവള്ളിയിൽ നിന്ന് എന്നപോലെ അവന്റെ പക്വമാകാത്ത പഴങ്ങൾ കൊഴിഞ്ഞുവീഴും. [QE][QS]ഒലിവുവൃക്ഷംപോലെ പൂ പൊഴിക്കും. [QE]
34. [QS]അഭക്തന്മാരുടെ കൂട്ടം വന്ധ്യത പ്രാപിക്കും; [QE][QS]കൈക്കൂലിയുടെ കൂടാരങ്ങൾ തീയ്ക്കിരയാകും. [QE]
35. [QS]അവർ കഷ്ടത്തെ ഗർഭം ധരിച്ച് തിന്മയെ പ്രസവിക്കുന്നു; [QE][QS]അവരുടെ ഉദരം വഞ്ചനയെ ഉളവാക്കുന്നു. [QE]