1. എന്റെ ശ്വാസം ക്ഷയിച്ചു, എന്റെ ആയുസ്സ് തീർന്നുപോകുന്നു; [QBR] ശവക്കുഴി എനിക്കായി ഒരുങ്ങിയിരിക്കുന്നു. [QBR]
2. എന്റെ അരികിൽ പരിഹാസമേയുള്ളു; [QBR] എന്റെ കണ്ണ് അവരുടെ പ്രകോപനം കണ്ടു കൊണ്ടിരിക്കുന്നു. [QBR]
3. അവിടുന്ന് പണയംകൊടുത്ത് എനിയ്ക്ക് ജാമ്യമാകേണമേ; [QBR] എന്നെ സഹായിക്കുവാൻ മറ്റാരുള്ളു? [QBR]
4. ബുദ്ധി തോന്നാത്തവണ്ണം അവിടുന്ന് അവരുടെ ഹൃദയം അടച്ചുകളഞ്ഞു; [QBR] അതുനിമിത്തം അവിടുന്ന് അവരെ ഉയർത്തുകയില്ല. [QBR]
5. ഒരാൾ സ്നേഹിതന്മാരെ കവർച്ചയ്ക്കു വേണ്ടി [QBR] കാണിച്ചുകൊടുത്താൽ അവന്റെ മക്കളുടെ കണ്ണ് മങ്ങിപ്പോകും. [QBR]
6. അവിടുന്ന് എന്നെ ജനങ്ങൾക്ക് പഴഞ്ചൊല്ലാക്കിത്തീർത്തു; [QBR] ഞാൻ മുഖത്ത് തുപ്പേല്ക്കുന്നവനായിത്തീർന്നു. [QBR]
7. ദുഃഖം കാരണം എന്റെ കണ്ണ് മങ്ങിയിരിക്കുന്നു; [QBR] എന്റെ അവയവങ്ങൾ എല്ലാം നിഴൽ പോലെ തന്നെ. [QBR]
8. നേരുള്ളവർ അതു കണ്ട് ഭ്രമിച്ചുപോകും; [QBR] നിഷ്കളങ്കൻ അഭക്തന്റെ നേരെ ക്ഷോഭിക്കും. [QBR]
9. നീതിമാനോ തന്റെ വഴി തന്നെ പിന്തുടരും; [QBR] കൈവെടിപ്പുള്ളവൻ മേല്ക്കുമേൽ ബലം പ്രാപിക്കും. [QBR]
10. എന്നാൽ നിങ്ങൾ എല്ലാവരും മടങ്ങിവരുവിൻ; [QBR] ഞാൻ നിങ്ങളിൽ ഒരു ജ്ഞാനിയെയും കാണുന്നില്ല. [QBR]
11. എന്റെ നാളുകൾ കഴിഞ്ഞുപോയി; എന്റെ ഉദ്ദേശ്യങ്ങൾക്ക്, [QBR] എന്റെ ഹൃദയത്തിലെ നിരൂപണങ്ങൾക്ക് തകർച്ച സംഭവിച്ചു. [QBR]
12. അവർ രാത്രിയെ പകലാക്കുന്നു; [QBR] വെളിച്ചം ഇരുട്ടിനോട് അടുത്തിരിക്കുന്നു. [QBR]
13. ഞാനോ പാതാളത്തെ എന്റെ വീടായി പ്രതീക്ഷിക്കുന്നു; [QBR] ഇരുട്ടിൽ ഞാൻ എന്റെ കിടക്ക വിരിച്ചിരിക്കുന്നു.
14. ഞാൻ ദ്രവത്വത്തോട്: നീ എന്റെ അപ്പൻ എന്നും [QBR] പുഴുവിനോട്: നീ എന്റെ അമ്മയും സഹോദരിയും എന്നും പറഞ്ഞിരിക്കുന്നു. [QBR]
15. അങ്ങനെയിരിക്കെ എന്റെ പ്രത്യാശ എവിടെ? [QBR] ആര് എന്റെ പ്രത്യാശയെ കാണും? [QBR]
16. അത് പാതാളത്തിന്റെ വാതിലുകൾ വരെ ഇറങ്ങിപ്പോകുമോ? [QBR] പൊടിയിലേക്ക് അത് ഇറങ്ങിവരുമോ?” [PE]