1.
2. [PS]അതിന് ഇയ്യോബ് ഉത്തരം പറഞ്ഞത്: [PE][QS]"നിങ്ങൾ എത്രനാൾ എന്റെ മനസ്സ് വ്യസനിപ്പിക്കുകയും [QE][QS]വാക്കുകളാൽ എന്നെ തകർക്കുകയും ചെയ്യും? [QE]
3. [QS]ഇപ്പോൾ പത്ത് പ്രാവശ്യം നിങ്ങൾ എന്നെ നിന്ദിച്ചിരിക്കുന്നു; [QE][QS]എന്നോട് ദ്രോഹം ചെയ്യുവാൻ നിങ്ങൾക്ക് ലജ്ജയില്ല. [QE]
4. [QS]ഞാൻ തെറ്റിപ്പോയത് സത്യം എങ്കിൽ [QE][QS]എന്റെ തെറ്റ് എനിക്കു തന്നെ അറിയാം. [QE]
5. [QS]നിങ്ങൾ സാക്ഷാൽ എനിക്കു വിരോധമായി വലിപ്പം ഭാവിച്ച് [QE][QS]എന്റെ അപമാനത്തെക്കുറിച്ച് എന്നെ ആക്ഷേപിക്കുന്നു എങ്കിൽ [QE]
6. [QS]ദൈവം എന്നെ മറിച്ചുകളഞ്ഞ് [QE][QS]തന്റെ വലയിൽ എന്നെ കുടുക്കിയിരിക്കുന്നു എന്നറിയുവിൻ. [QE]
7. [QS]അയ്യോ, ബലാല്ക്കാരം എന്ന് ഞാൻ നിലവിളിക്കുന്നു; കേൾക്കുവാനാരുമില്ല; [QE][QS]രക്ഷയ്ക്കായി ഞാൻ മുറയിടുന്നു; ന്യായം കിട്ടുന്നതുമില്ല. [QE]
8. [QS]എനിക്ക് കടന്നുപോകുവാനാവാത്തവിധം യഹോവ എന്റെ വഴി കെട്ടിയടച്ചു, [QE][QS]എന്റെ പാതകൾ ഇരുട്ടാക്കിയിരിക്കുന്നു. [QE]
9. [QS]എന്റെ തേജസ്സ് യഹോവ എന്റെമേൽ നിന്ന് ഉരിഞ്ഞെടുത്തു; [QE][QS]എന്റെ തലയിലെ കിരീടം നീക്കിക്കളഞ്ഞു. [QE]
10. [QS]അവിടുന്ന് എന്നെ ചുറ്റും ക്ഷയിപ്പിച്ചു; എന്റെ കഥകഴിഞ്ഞു; [QE][QS]ഒരു വൃക്ഷത്തെപ്പോലെ എന്റെ പ്രത്യാശ പറിച്ചുകളഞ്ഞിരിക്കുന്നു. [QE]
11. [QS]അവിടുന്ന് തന്റെ കോപം എന്റെമേൽ ജ്വലിപ്പിച്ച് [QE][QS]എന്നെ തനിക്ക് ശത്രുവായി എണ്ണുന്നു. [QE]
12. [QS]അവിടുത്തെ പടക്കൂട്ടങ്ങൾ ഒന്നിച്ചുവരുന്നു; [QE][QS]അവർ എന്റെ നേരെ അവരുടെ വഴി നിരത്തുന്നു; [QE][QS]എന്റെ കൂടാരത്തിനു ചുറ്റും പാളയമിറങ്ങുന്നു. [QE]
13. [QS]അവർ എന്റെ സഹോദരന്മാരെ എന്നോട് അകറ്റിക്കളഞ്ഞു; [QE][QS]എന്റെ പരിചയക്കാർ എനിക്ക് അന്യരായിത്തീർന്നു. [QE]
14. [QS]എന്റെ ബന്ധുജനങ്ങൾ ഒഴിഞ്ഞുമാറി; [QE][QS]എന്റെ ഉറ്റ സ്നേഹിതന്മാർ എന്നെ മറന്നുകളഞ്ഞു. [QE]
15. [QS]എന്റെ വീട്ടിൽ വസിക്കുന്നവരും എന്റെ ദാസികളും എന്നെ അന്യനായി എണ്ണുന്നു; [QE][QS]ഞാൻ അവർക്ക് പരദേശിയായി തോന്നുന്നു. [QE]
16. [QS]ഞാൻ എന്റെ ദാസനെ വിളിച്ചു; അവൻ വിളി കേൾക്കുന്നില്ല. [QE][QS]എന്റെ വായ് കൊണ്ട് ഞാൻ അവനോട് യാചിക്കേണ്ടിവരുന്നു. [QE]
17. [QS]എന്റെ ശ്വാസം എന്റെ ഭാര്യയ്ക്ക് അസഹ്യവും [QE][QS]എന്റെ യാചന എന്റെ കൂടപ്പിറപ്പുകൾക്ക് അറപ്പും ആയിരിക്കുന്നു. [QE]
18. [QS]കൊച്ചുകുട്ടികൾപോലും എന്നെ നിരസിക്കുന്നു; [QE][QS]ഞാൻ സംസാരിക്കുമ്പോൾ അവർ എന്നെ കളിയാക്കുന്നു. [QE]
19. [QS]എന്റെ പ്രാണസ്നേഹിതന്മാർ എല്ലാവരും എന്നെ വെറുക്കുന്നു; [QE][QS]എനിക്ക് പ്രിയരായവർ വിരോധികളായിത്തീർന്നു. [QE]
20. [QS]എന്റെ അസ്ഥി ത്വക്കിനോടും മാംസത്തോടും പറ്റിയിരിക്കുന്നു; [QE][QS]പല്ലിന്റെ മോണയോടെ മാത്രം ഞാൻ അവശേഷിച്ചിരിക്കുന്നു. [QE]
21. [QS]സ്നേഹിതന്മാരെ, എന്നോടു കൃപ തോന്നണമേ, കൃപ തോന്നണമേ; [QE][QS]ദൈവത്തിന്റെ കൈ എന്നെ തൊട്ടിരിക്കുന്നു. [QE]
22. [QS]ദൈവം എന്ന പോലെ നിങ്ങളും എന്നെ ഉപദ്രവിക്കുന്നതെന്ത്? [QE][QS]എന്റെ മാംസം തിന്ന് തൃപ്തിവരാത്തത് എന്ത്? [QE]
23. [QS]അയ്യോ എന്റെ വാക്കുകൾ ഒന്ന് എഴുതിയെങ്കിൽ, [QE][QS]ഒരു പുസ്തകത്തിൽ കുറിച്ചുവച്ചെങ്കിൽ കൊള്ളാമായിരുന്നു. [QE]
24. [QS]അവയെ ഇരുമ്പാണിയും ഈയവുംകൊണ്ട് [QE][QS]പാറയിൽ സദാകാലത്തേക്ക് കൊത്തിവച്ചെങ്കിൽ കൊള്ളാമായിരുന്നു. [QE]
25. [QS]എന്നെ വീണ്ടെടുക്കുന്നവൻ ജീവിച്ചിരിക്കുന്നു എന്നും [QE][QS]അവിടുന്ന് ഒടുവിൽ പൊടിമേൽ നില്ക്കുമെന്നും ഞാൻ അറിയുന്നു. [QE]
26. [QS]എന്റെ ത്വക്ക് ഇങ്ങനെ നശിച്ചശേഷം [QE][QS]ഞാൻ ദേഹസഹിതനായി ദൈവത്തെ കാണും. [QE]
27. [QS]ഞാൻ തന്നെ അവിടുത്തെ കാണും; [QE][QS]അന്യനല്ല, എന്റെ സ്വന്തകണ്ണ് അവിടുത്തെ കാണും; [QE][QS]എന്റെ ഹൃദയം എന്റെ ഉള്ളിൽ ക്ഷയിച്ചിരിക്കുന്നു. [QE]
28. [QS]നാം എങ്ങനെ അവനെ ഉപദ്രവിക്കുമെന്നും [QE][QS]അതിന്റെ കാരണം അവനിൽ കാണുന്നു എന്നും നിങ്ങൾ പറയുന്നുവെങ്കിൽ [QE]
29. [QS]വാളിനെ പേടിക്കുവിൻ; ക്രോധം വാളിന്റെ ശിക്ഷയ്ക്ക് കാരണം; [QE][QS]ഒരു ന്യായവിധി ഉണ്ടെന്ന് അറിഞ്ഞുകൊള്ളുവിൻ.” [QE]