1. [PS]വെള്ളിയ്ക്ക് ഒരു ഉത്ഭവസ്ഥാനവും [PE][QS]പൊന്ന് ഊതിക്കഴിക്കുവാൻ ഒരു സ്ഥലവും ഉണ്ട്. [QE]
2. [QS]ഇരുമ്പ് മണ്ണിൽനിന്നെടുക്കുന്നു; [QE][QS]കല്ലുരുക്കി ചെമ്പെടുക്കുന്നു. [QE]
3. [QS]മനുഷ്യൻ അന്ധകാരത്തിന് ഒരു അതിർ വയ്ക്കുന്നു; [QE][QS]കൂരിരുളിലെയും അന്ധതമസ്സിലെയും കല്ലിനെ [QE][QS]അങ്ങേയറ്റംവരെ ശോധന ചെയ്യുന്നു. [QE]
4. [QS]താമസമുള്ള സ്ഥലത്തുനിന്ന് ദൂരെ അവർ കുഴികുത്തുന്നു; [QE][QS]നടന്നുപോകുന്ന മനുഷ്യന് അവർ മറന്നു പോയവർ തന്നെ; [QE][QS]മനുഷ്യർക്ക് അകലെ അവർ തൂങ്ങി ആടുന്നു.
5. ഭൂമിയിൽനിന്ന് ആഹാരം ഉണ്ടാകുന്നു; [QE][QS]അതിന്റെ ഉൾഭാഗം തീകൊണ്ടെന്നപോലെ മറിയുന്നു. [QE]
6. [QS]അതിലെ പാറകൾ നീലരത്നത്തിന്റെ ഉല്പത്തിസ്ഥാനം; [QE][QS]സ്വർണ്ണപ്പൊടിയും അതിൽ ഉണ്ട്. [QE]
7. [QS]അതിന്റെ പാത കഴുകൻ അറിയുന്നില്ല; [QE][QS]പരുന്തിന്റെ കണ്ണ് അതിനെ കണ്ടിട്ടില്ല. [QE]
8. [QS]ഘോരകാട്ടുമൃഗങ്ങൾ അതിൽ ചവിട്ടിയിട്ടില്ല; [QE][QS]ഭീകരസിംഹം അതിലെ നടന്നിട്ടുമില്ല. [QE]
9. [QS]അവർ തീക്കൽപാറയിലേക്ക് കൈനീട്ടുന്നു; [QE][QS]പർവ്വതങ്ങളെ അവർ വേരോടെ മറിച്ചുകളയുന്നു. [QE]
10. [QS]അവർ പാറകളുടെ ഇടയിൽകൂടി ചാലുകൾ വെട്ടുന്നു; [QE][QS]അവരുടെ കണ്ണ് വിലയേറിയ വസ്തുക്കളെയെല്ലാം കാണുന്നു. [QE]
11. [QS]അവർ നീരൊഴുക്കുകളെ ഒഴുകാത്തവിധം തടഞ്ഞുനിർത്തുന്നു; [QE][QS]മറഞ്ഞിരിക്കുന്നവയെ അവർ വെളിച്ചത്ത് കൊണ്ടുവരുന്നു. [QE]
12. [QS]എന്നാൽ ജ്ഞാനം എവിടെ കണ്ടുകിട്ടും? [QE][QS]വിവേകത്തിന്റെ ഉത്ഭവസ്ഥാനം എവിടെ? [QE]
13. [QS]അതിന്റെ വില മനുഷ്യൻ അറിയുന്നില്ല; [QE][QS]ജീവനുള്ളവരുടെ ദേശത്ത് അതിനെ കണ്ടെത്തുന്നില്ല. [QE]
14. [QS]അത് എന്നിൽ ഇല്ല എന്ന് ആഴമേറിയ സമുദ്രം പറയുന്നു; [QE][QS]അത് എന്റെ പക്കൽ ഇല്ല എന്ന് കടലും പറയുന്നു. [QE]
15. [QS]സ്വർണ്ണം കൊടുത്താൽ അത് കിട്ടുന്നതല്ല; [QE][QS]അതിന്റെ വിലയായി വെള്ളി തൂക്കിക്കൊടുക്കാറില്ല. [QE]
16. [QS]ഓഫീർപൊന്നോ വിലയേറിയ ഗോമേദകമോ [QE][QS]നീലരത്നമോ ഒന്നും അതിന് പകരമാകുകയില്ല; [QE]
17. [QS]സ്വർണ്ണവും സ്ഫടികവും അതിന് തുല്ല്യമല്ല; [QE][QS]തങ്കആഭരണങ്ങൾ പകരം കൊടുത്ത് അത് നേടാൻ കഴിയുകയില്ല. [QE]
18. [QS]പവിഴത്തിന്റെയും പളുങ്കിന്റെയും പേര് പറയുകയും വേണ്ടാ; [QE][QS]ജ്ഞാനത്തിന്റെ വില മുത്തുകളേക്കാൾ അധികമാണ്. [QE]
19. [QS]എത്യോപ്യയിലെ പുഷ്യരാഗം അതിനോട് സമമല്ല; [QE][QS]തങ്കംകൊണ്ട് അതിന്റെ വില മതിക്കാകുന്നതുമല്ല. [QE]
20. [QS]പിന്നെ ജ്ഞാനം എവിടെനിന്നു വരുന്നു? [QE][QS]വിവേകത്തിന്റെ ഉത്ഭവസ്ഥാനം എവിടെ? [QE]
21. [QS]അത് സകലജീവികളുടെയും കണ്ണുകൾക്ക് മറഞ്ഞിരിക്കുന്നു; [QE][QS]ആകാശത്തിലെ പക്ഷികൾക്ക് അത് മറഞ്ഞിരിക്കുന്നു. [QE]
22. [QS]ഞങ്ങളുടെ ചെവികൊണ്ട് അതിനെപ്പറ്റി കേട്ടിട്ടുണ്ട് [QE][QS]എന്ന് നരകവും മരണവും പറയുന്നു. [QE]
23. [QS]ദൈവം അതിലേക്കുള്ള വഴി അറിയുന്നു; [QE][QS]അതിന്റെ ഉത്ഭവസ്ഥാനം അവിടുത്തേക്ക് നിശ്ചയമുണ്ട്. [QE]
24. [QS]ദൈവം ഭൂമിയുടെ അറ്റങ്ങളിലേക്ക് നോക്കുന്നു; [QE][QS]ആകാശത്തിന്റെ കീഴെല്ലാം കാണുന്നു. [QE]
25. [QS]ദൈവം കാറ്റിനെ തൂക്കിനോക്കുകയും [QE][QS]വെള്ളത്തിന്റെ അളവ് നിശ്ചയിക്കുകയും ചെയ്യുന്നു. [QE]
26. [QS]ദൈവം മഴയ്ക്ക് ഒരു നിയമവും [QE][QS]ഇടിമിന്നലിന് ഒരു വഴിയും ഉണ്ടാക്കിയപ്പോൾ [QE]
27. [QS]അവിടുന്ന് അത് കണ്ട് വർണ്ണിക്കുകയും [QE][QS]അത് സ്ഥാപിച്ച് പരിശോധിക്കുകയും ചെയ്തു. [QE]
28. [QS]കർത്താവിനോടുള്ള ഭക്തി തന്നെ ജ്ഞാനം; [QE][QS]ദോഷം അകന്ന് നടക്കുന്നത് തന്നെ വിവേകം [QE][QS]എന്ന് ദൈവം മനുഷ്യനോട് അരുളിച്ചെയ്തു. [QE]