1. ഇയ്യോബ് പിന്നെയും പറഞ്ഞത്: [QBR]
2. “അയ്യോ പണ്ടത്തെ മാസങ്ങളിലെപ്പോലെ [QBR] ദൈവം എന്നെ പരിപാലിച്ച നാളുകളിലെപ്പോലെ [QBR] ഞാൻ ആയെങ്കിൽ കൊള്ളാമായിരുന്നു. [QBR]
3. അന്ന് അവിടുത്തെ ദീപം എന്റെ തലയ്ക്കു മീതെ പ്രകാശിച്ചു; [QBR] അവിടുത്തെ വെളിച്ചത്താൽ ഞാൻ ഇരുട്ടിൽകൂടി നടന്നു. [QBR]
4. എന്റെ കൂടാരത്തിന് ദൈവത്തിന്റെ സഖ്യത ഉണ്ടായിരുന്നു; [QBR] സർവ്വ ശക്തൻ എന്നോടുകൂടി വസിക്കുകയും [QBR]
5. എന്റെ മക്കൾ എന്റെ ചുറ്റും ഇരിക്കുകയും ചെയ്ത [QBR] എന്റെ ശുഭകാലത്തിലെപ്പോലെ ഞാൻ ആയെങ്കിൽ കൊള്ളാമായിരുന്നു. [QBR]
6. അന്ന് ഞാൻ എന്റെ കാലുകൾ വെണ്ണകൊണ്ട് കഴുകി; [QBR] പാറ എനിയ്ക്ക് തൈലനദികളെ ഒഴുക്കിത്തന്നു. [QBR]
7. ഞാൻ പുറപ്പെട്ട് പട്ടണത്തിലേക്കുള്ള പടിവാതില്ക്കൽ ചെന്നു. [QBR] വിശാലസ്ഥലത്ത് എന്റെ ഇരിപ്പിടം വയ്ക്കുമ്പോൾ [QBR]
8. യൗവ്വനക്കാർ എന്നെ കണ്ടിട്ട് ഒളിക്കും; [QBR] വൃദ്ധന്മാർ എഴുന്നേറ്റുനില്ക്കും. [QBR]
9. പ്രഭുക്കന്മാർ സംസാരം നിർത്തി, [QBR] കൈകൊണ്ട് വായ്പൊത്തും. [QBR]
10. ശ്രേഷ്ഠന്മാരുടെ ശബ്ദം അടങ്ങും; [QBR] അവരുടെ നാവ് അണ്ണാക്കോടു പറ്റും. [QBR]
11. എന്റെ വാക്ക് കേട്ട ചെവി എന്നെ വാഴ്ത്തും; [QBR] എന്നെ കണ്ട കണ്ണ് എനിയ്ക്ക് സാക്ഷ്യം നല്കും. [QBR]
12. നിലവിളിച്ച എളിയവനെയും അനാഥനെയും [QBR] തുണയറ്റവനെയും ഞാൻ വിടുവിച്ചു. [QBR]
13. നശിക്കുമാറായവന്റെ അനുഗ്രഹം എന്റെ മേൽ വന്നു; [QBR] വിധവയുടെ ഹൃദയത്തെ ഞാൻ സന്തോഷം കൊണ്ട് ആലപിക്കുമാറാക്കി. [QBR]
14. ഞാൻ നീതിയെ ധരിച്ചു; അത് എന്റെ ഉടുപ്പായിരുന്നു; [QBR] എന്റെ ന്യായം [* ഉത്തരീയം = മേൽക്കുപ്പായം] ഉത്തരീയവും തലപ്പാവും പോലെയായിരുന്നു. [QBR]
15. ഞാൻ കുരുടന് കണ്ണും [QBR] മുടന്തന് കാലും ആയിരുന്നു. [QBR]
16. ദരിദ്രന്മാർക്ക് ഞാൻ അപ്പനായിരുന്നു; [QBR] ഞാൻ അറിയാത്തവന്റെ വ്യവഹാരം പരിശോധിച്ചു. [QBR]
17. നീതികെട്ടവന്റെ അണപ്പല്ല് ഞാൻ തകർത്തു; [QBR] അവന്റെ പല്ലിനിടയിൽനിന്ന് ഇരയെ പറിച്ചെടുത്തു. [QBR]
18. എന്റെ കൂട്ടിൽവച്ച് ഞാൻ മരിക്കും; ഹോൽപക്ഷിയെപ്പോലെ ഞാൻ ദീർഘായുസ്സോടെ ഇരിക്കും. [QBR]
19. എന്റെ വേര് വെള്ളം വരെ പടർന്നുചെല്ലുന്നു; [QBR] എന്റെ കൊമ്പിന്മേൽ മഞ്ഞ് രാപാർക്കുന്നു. [QBR]
20. എന്റെ മഹത്വം എന്നിൽ പച്ചയായിരിക്കുന്നു; [QBR] എന്റെ വില്ല് എന്റെ കയ്യിൽ പുതിയതായിരിക്കും എന്ന് ഞാൻ പറഞ്ഞു. [QBR]
21. മനുഷ്യർ കാത്തിരുന്ന് എന്റെ വാക്ക് കേൾക്കും; [QBR] എന്റെ ആലോചന കേൾക്കുവാൻ മിണ്ടാതെയിരിക്കും. [QBR]
22. ഞാൻ സംസാരിച്ചശേഷം അവർ മിണ്ടുകയില്ല; [QBR] എന്റെ മൊഴി അവരുടെമേൽ മഴപോലെ ഇറ്റിറ്റ് വീഴും. [QBR]
23. മഴയ്ക്ക് എന്നപോലെ അവർ എനിക്കായി കാത്തിരിക്കും; [QBR] പിന്മഴയ്ക്കെന്നപോലെ അവർ വായ്പിളർക്കും. [QBR]
24. അവർ പ്രതീക്ഷിക്കാതിരിക്കുമ്പോൾ [QBR] ഞാൻ അവരെ നോക്കി പുഞ്ചിരിതൂകി; [QBR] എന്റെ മുഖപ്രസാദം അവർ തള്ളിക്കളയുകയുമില്ല.
25. ഞാൻ അവരുടെ വഴി തിരഞ്ഞെടുത്ത് തലവനായി ഇരിക്കും; [QBR] സൈന്യസമേതനായ രാജാവിനെപ്പോലെയും [QBR] ദുഃഖിതന്മാരെ ആശ്വസിപ്പിക്കുന്നവനെപ്പോലെയും ഞാൻ വസിക്കും; [PE]