1. [PS]അതിനുശേഷം ഇയ്യോബ് വായ് തുറന്ന് തന്റെ ജന്മദിവസത്തെ ശപിച്ചു.
2. ഇയ്യോബ് ഇപ്രകാരം പറഞ്ഞു: [PE]
3. [QS]“ഞാൻ ജനിച്ച ദിവസവും [QE][QS]ഒരു ആൺ ഉല്പാദിച്ചു എന്ന് പറഞ്ഞ രാത്രിയും നശിച്ചുപോകട്ടെ. [QE]
4. [QS]ആ ദിവസം ഇരുണ്ടുപോകട്ടെ; [QE][QS]മുകളിൽനിന്ന് ദൈവം അതിനെ കടാക്ഷിക്കാതിരിക്കട്ടെ; [QE][QS]പ്രകാശം അതിന്മേൽ ശോഭിക്കാതിരിക്കട്ടെ. [QE]
5. [QS]ഇരുളും അന്ധതമസ്സും അതിനെ സ്വാധീനമാക്കട്ടെ; [QE][QS]ഒരു മേഘം അതിന്മേൽ ആവരണം ചെയ്യട്ടെ; [QE][QS]പകലിനെ ഇരുട്ടാക്കുന്നതൊക്കെയും അതിനെ പേടിപ്പിക്കട്ടെ. [QE]
6. [QS]ആ രാത്രിയെ കൂരിരുൾ പിടിക്കട്ടെ; [QE][QS]അത് വർഷത്തിന്റെ ദിവസങ്ങളുടെ കൂട്ടത്തിൽ സന്തോഷിക്കരുത്; [QE][QS]മാസങ്ങളുടെ എണ്ണത്തിൽ വരുകയും അരുത്. [QE]
7. [QS]അതേ, ആ രാത്രി മച്ചിയായിരിക്കട്ടെ; [QE][QS]ഉല്ലാസഘോഷം അതിലുണ്ടാകരുത്. [QE]
8. [QS]മഹാസർപ്പത്തെ ഇളക്കുവാൻ സമർത്ഥരായവർ [QE][QS]ആ ദിവസത്തെ ശപിക്കട്ടെ. [QE]
9. [QS]അതിന്റെ സന്ധ്യാനക്ഷത്രങ്ങൾ ഇരുണ്ടു പോകട്ടെ; [QE][QS]അത് വെളിച്ചത്തിന് കാത്തിരുന്നു കിട്ടാതെ പോകട്ടെ; [QE][QS]അത് ഉഷസ്സിന്റെ കണ്ണിമ ഒരിക്കലും കാണരുത്. [QE]
10. [QS]അത് എന്റെ അമ്മയുടെ ഗർഭപാത്രം അടച്ചില്ലല്ലോ; [QE][QS]എന്റെ കണ്മുമ്പിൽ നിന്ന് കഷ്ടം മറച്ചില്ലല്ലോ. [QE]
11. [QS]ഞാൻ ഗർഭപാത്രത്തിൽവച്ച് മരിക്കാഞ്ഞതെന്ത്? [QE][QS]ഉദരത്തിൽനിന്ന് പുറപ്പെട്ടപ്പോൾ തന്നെ പ്രാണൻ പോകാതിരുന്നതെന്ത്? [QE]
12. [QS]മുഴങ്കാൽ എന്നെ സ്വീകരിച്ചത് എന്തിന്? [QE][QS]എനിക്കു കുടിക്കുവാൻ മുല ഉണ്ടായിരുന്നതെന്തിന്? [QE]
13. [QS]ഞാൻ ഇപ്പോൾ കിടന്ന് വിശ്രമിക്കുമായിരുന്നു; [QE][QS]ഞാൻ ഉറങ്ങി വിശ്രാന്തി പ്രാപിക്കുമായിരുന്നു. [QE]
14. [QS]തങ്ങൾക്ക് ഏകാന്തനിവാസങ്ങൾ പണിത [QE][QS]ഭൂരാജാക്കന്മാരോടും മന്ത്രിമാരോടും [QE][QS]അഥവാ,
15. കനകസമ്പന്നരായി സ്വഭവനങ്ങൾ വെള്ളികൊണ്ട് നിറച്ചുവച്ച പ്രഭുക്കന്മാരോടും കൂടെ തന്നേ. [QE]
16. [QS]അല്ലെങ്കിൽ, ഗർഭം അലസിപ്പോയിട്ട് കുഴിച്ചിട്ട പിണ്ഡംപോലെയും [QE][QS]വെളിച്ചം കണ്ടിട്ടില്ലാത്ത പിള്ളകളെപ്പോലെയും ഞാൻ ഇല്ലാതെ പോകുമായിരുന്നു. [QE]
17. [QS]അവിടെ ദുർജ്ജനം ഉപദ്രവിക്കാതെയിരിക്കുന്നു; [QE][QS]അവിടെ ക്ഷീണിച്ചു പോയവർ വിശ്രമിക്കുന്നു. [QE]
18. [QS]അവിടെ തടവുകാർ ഒരുപോലെ സുഖമായിരിക്കുന്നു; [QE][QS]പീഡകന്റെ ശബ്ദം അവർ കേൾക്കാതിരിക്കുന്നു. [QE]
19. [QS]ചെറിയവനും വലിയവനും അവിടെ ഒരുപോലെ; [QE][QS]ദാസന് യജമാനന്റെ കീഴിൽനിന്ന് വിടുതൽ കിട്ടിയിരിക്കുന്നു. [QE]
20. [QS]അരിഷ്ടന് പ്രകാശവും [QE][QS]ദുഃഖിതന്മാർക്ക് ജീവനും കൊടുക്കുന്നതെന്തിന്? [QE]
21. [QS]അവർ മരണത്തിനായി കാത്തിരിക്കുന്നു, [QE][QS]അത് വരുന്നില്ലതാനും; [QE][QS]നിധിക്കായി കുഴിക്കുന്നതിലുമധികം അവർ അതിനായി കുഴിക്കുന്നു. [QE]
22. [QS]അവർ ശവക്കുഴി കണ്ടാൽ സന്തോഷിച്ചു ഘോഷിച്ചുല്ലസിക്കും [QE]
23. [QS]വഴി മറഞ്ഞിരിക്കുന്ന പുരുഷനും [QE][QS]ദൈവം നിരോധിച്ചിരിക്കുന്നവനും ജീവനെ കൊടുക്കുന്നതെന്തിന്? [QE]
24. [QS]ഭക്ഷണത്തിന് മുമ്പ് എനിക്ക് നെടുവീർപ്പ് വരുന്നു; [QE][QS]എന്റെ ഞരക്കം വെള്ളംപോലെ ഒഴുകുന്നു. [QE]
25. [QS]ഞാൻ പേടിച്ചത് തന്നെ എനിക്ക് നേരിട്ടു; [QE][QS]ഞാൻ ഭയപ്പെട്ടിരുന്നത് എനിക്ക് ഭവിച്ചു. [QE]
26. [QS]ഞാൻ സ്വസ്ഥനായില്ല, വിശ്രമിച്ചില്ല, ആശ്വസിച്ചതുമില്ല; [QE][QS]പിന്നെയും അതിവേദന എടുക്കുന്നു.” [QE]