1. ഇതിനാൽ എന്റെ ഹൃദയം വിറച്ച് അതിന്റെ സ്ഥലത്തുനിന്ന് പാളിപ്പോകുന്നു. [QBR]
2. അവിടുത്തെ ശബ്ദത്തിന്റെ മുഴക്കവും [QBR] അവിടുത്തെ വായിൽനിന്ന് പുറപ്പെടുന്ന ഗർജ്ജനവും ശ്രദ്ധിച്ചുകേൾക്കുവിൻ. [QBR]
3. അവിടുന്ന് അത് ആകാശത്തിൻ കീഴിൽ എല്ലായിടത്തും [QBR] അതിന്റെ മിന്നൽ ഭൂമിയുടെ അറ്റത്തോളവും അയയ്ക്കുന്നു. [QBR]
4. അതിന്റശേഷം ഒരു മുഴക്കം കേൾക്കുന്നു; [QBR] അവിടുന്ന് തന്റെ മഹിമാനാദംകൊണ്ട് ഇടിമുഴക്കുന്നു; [QBR] അവിടുത്തെ നാദം കേൾക്കുമ്പോൾ അതിനെ നിയന്ത്രിക്കുന്നില്ല. [QBR]
5. ദൈവം തന്റെ ശബ്ദം അതിശയകരമായി മുഴക്കുന്നു; [QBR] നമുക്ക് ഗ്രഹിച്ചുകൂടാത്ത മഹാകാര്യങ്ങൾ ചെയ്യുന്നു.
6. അവിടുന്ന് ഹിമത്തോട്: “ഭൂമിയിൽ പെയ്യുക” എന്ന് കല്പിക്കുന്നു; [QBR] അവിടുന്ന് മഴയോടും വമ്പിച്ച പെരുമഴയോടും കല്പിക്കുന്നു. [QBR]
7. താൻ സൃഷ്ടിച്ച മനുഷ്യരെല്ലാം അവിടുത്തെ പ്രവൃത്തി അറിയുവാൻ വേണ്ടി [QBR] അവിടുന്ന് സകലമനുഷ്യരുടെയും കൈ മുദ്രയിടുന്നു. [QBR]
8. കാട്ടുമൃഗം ഒളിസ്ഥലത്ത് ചെല്ലുകയും [QBR] തന്റെ ഗുഹയിൽ കിടക്കുകയും ചെയ്യുന്നു. [QBR]
9. ദക്ഷിണമണ്ഡലത്തിൽനിന്ന് കൊടുങ്കാറ്റും [QBR] ഉത്തരദിക്കിൽനിന്ന് കുളിരും വരുന്നു. [QBR]
10. ദൈവത്തിന്റെ ശ്വാസംകൊണ്ട് മഞ്ഞുകട്ട ഉളവാകുന്നു; [QBR] വെള്ളങ്ങളുടെ ഉപാരിതലം ലോഹം പോലെ ഉറയ്ക്കുന്നു. [QBR]
11. അവിടുന്ന് കാർമേഘത്തെ ഈർപ്പം കൊണ്ട് കനപ്പിക്കുന്നു; [QBR] തന്റെ മിന്നലുള്ള മേഘത്തെ പരത്തുന്നു. [QBR]
12. അവിടുന്ന് അവയോട് കല്പിക്കുന്നതെല്ലാം [QBR] ഭൂമിയുടെ ഉപരിഭാഗത്ത് ചെയ്യേണ്ടതിന് [QBR] അവിടുത്തെ നിർദ്ദേശപ്രകാരം അവ ചുറ്റി സഞ്ചരിക്കുന്നു. [QBR]
13. ശിക്ഷയ്ക്കായിട്ടോ ദേശത്തിന്റെ നന്മയ്ക്കായിട്ടോ [QBR] ദയയ്ക്കായിട്ടോ അവിടുന്ന് അത് വരുത്തുന്നു. [QBR]
14. ഇയ്യോബേ, ഇത് ശ്രദ്ധിച്ചുകൊള്ളുക; [QBR] മിണ്ടാതിരുന്ന് ദൈവത്തിന്റെ അത്ഭുതങ്ങളെ ചിന്തിച്ചുകൊള്ളുക. [QBR]
15. ദൈവം അവയ്ക്ക് കല്പന കൊടുക്കുന്നതും [QBR] തന്റെ മേഘത്തിലെ മിന്നൽ പ്രകാശിപ്പിക്കുന്നതും [QBR] എങ്ങനെ എന്ന് നീ അറിയുന്നുവോ?
16. മേഘങ്ങൾ എങ്ങനെ ആകശത്തിൽ പൊങ്ങി ഒഴുകുന്നു എന്നും [QBR] ജ്ഞാനസമ്പൂർണ്ണനായവന്റെ അത്ഭുതങ്ങളും നീ അറിയുന്നുവോ?
17. തെന്നിക്കാറ്റുകൊണ്ട് ഭൂമി അനങ്ങാതിരിക്കുമ്പോൾ [QBR] നിന്റെ വസ്ത്രത്തിന് ചൂടുണ്ടാകുന്നത് എങ്ങനെ?
18. ലോഹദർപ്പണംപോലെ ഉറപ്പുള്ള ആകാശത്തെ [QBR] നിനക്ക് ദൈവത്തോടുകൂടി നിവർത്തി വയ്ക്കാമോ? [QBR]
19. അവിടുത്തോട് എന്ത് പറയണമെന്ന് ഞങ്ങൾക്ക് ഉപദേശിച്ചു തരുക; [QBR] മനസ്സിന്റെ അന്ധകാരം നിമിത്തം ഞങ്ങൾക്ക് ഒന്നും പ്രസ്താവിക്കുവാൻ കഴിവില്ല. [QBR]
20. എനിക്ക് സംസാരിക്കണം എന്ന് അവിടുത്തോട് ബോധിപ്പിക്കണമോ? [QBR] നാശത്തിന് ഇരയായയിത്തീരുവാൻ ആരെങ്കിലും ഇച്ഛിക്കുമോ? [QBR]
21. ഇപ്പോൾ ആകാശത്തിൽ വെളിച്ചം ശോഭിക്കുന്നത് കാണുന്നില്ല; [QBR] എങ്കിലും കാറ്റ് കടന്നുപോയി അതിനെ തെളിവാക്കുന്നു. [QBR]
22. വടക്കുനിന്ന് സ്വർണ്ണശോഭപോലെ വരുന്നു; [QBR] ദൈവത്തിന്റെ ചുറ്റും ഭയങ്കര തേജസ്സുണ്ട്. [QBR]
23. സർവ്വശക്തനെയോ നാം കണ്ടെത്തുകയില്ല; [QBR] അവിടുന്ന് ശക്തിയിൽ അത്യുന്നതനാകുന്നു; [QBR] അവിടുന്ന് ന്യായത്തിനും പൂർണ്ണനീതിക്കും ഭംഗം വരുത്തുന്നില്ല. [QBR]
24. അതുകൊണ്ട് മനുഷ്യർ അവിടുത്തെ ഭയപ്പെടുന്നു; [QBR] ജ്ഞാനികളെന്ന് ഭാവിക്കുന്നവരെ അവിടുന്ന് കടാക്ഷിക്കുന്നില്ല.” [PE]