1. പാറയിലെ കാട്ടാടുകളുടെ പ്രസവകാലം നിനക്കറിയാമോ? [QBR] മാൻപേടകളുടെ ഈറ്റുനോവ് നീ കാണുമോ? [QBR]
2. അവയ്ക്ക് ഗർഭം തികയുന്ന മാസം നിനക്ക് കണക്കു കൂട്ടാമോ? [QBR] അവയുടെ പ്രസവകാലം നിനക്ക് അറിയാമോ? [QBR]
3. അവ കുനിഞ്ഞ് കുട്ടികളെ പ്രസവിക്കുന്നു; [QBR] ക്ഷണത്തിൽ വേദന ഒഴിഞ്ഞുപോകുന്നു. [QBR]
4. അവയുടെ കുട്ടികൾ ബലപ്പെട്ട് കാട്ടിൽ വളരുന്നു; [QBR] അവ പുറത്തേക്ക് പോകുന്നു; മടങ്ങിവരുന്നതുമില്ല. [QBR]
5. കാട്ടുകഴുതയെ അഴിച്ചുവിട്ടത് ആര്? [QBR] വന [* ഗർദ്ദഭം = കഴുത] ഗർദ്ദഭത്തെ കെട്ടഴിച്ചതാര്? [QBR]
6. ഞാൻ മരുഭൂമി അതിന് വീടും [QBR] [† ഉവർനിലം = ഓരുവെള്ളം കയറുന്ന സ്ഥലം ,ഊഷരഭൂമി ] ഉവർനിലം അതിന് പാർപ്പിടവുമാക്കി. [QBR]
7. അത് പട്ടണത്തിലെ ആരവം കേട്ടു ചിരിക്കുന്നു; [QBR] തെളിക്കുന്നവന്റെ ശബ്ദം ശ്രദ്ധിക്കുന്നതുമില്ല. [QBR]
8. മലനിരകൾ അതിന്റെ മേച്ചല്പുറമാകുന്നു; [QBR] പച്ചയായതൊക്കെയും അത് അന്വേഷിച്ചു നടക്കുന്നു. [QBR]
9. കാട്ടുപോത്ത് നിന്നെ സേവിക്കുവാൻ തയ്യാറാകുമോ? [QBR] അത് നിന്റെ പുല്തൊട്ടിക്കരികിൽ രാത്രിയിൽ പാർക്കുമോ? [QBR]
10. കാട്ടുപോത്തിനെ നിനക്ക് കയറിട്ട് ഉഴുവാൻ കൊണ്ടുപോകാമോ? [QBR] അത് നിന്റെ പിന്നാലെ നിലം നിരത്തുമോ? [QBR]
11. അതിന്റെ ശക്തി വലിയാതാകയാൽ നീ അതിനെ വിശ്വസിക്കുമോ? [QBR] നിന്റെ വേല നീ അതിന് ഭരമേല്പിച്ച് കൊടുക്കുമോ? [QBR]
12. അത് നിന്റെ വിത്ത് കൊണ്ടുവരുമെന്നും [QBR] നിന്റെ കളപ്പുരയിൽ കൂട്ടുമെന്നും നീ വിശ്വസിക്കുമോ? [QBR]
13. ഒട്ടകപ്പക്ഷി ഉല്ലസിച്ച് ചിറക് വീശുന്നു; [QBR] എങ്കിലും ചിറകും തൂവലും കൊണ്ട് വാത്സല്യം കാണിക്കുമോ? [QBR]
14. അത് നിലത്ത് മുട്ട ഇട്ട ശേഷം പോകുന്നു; [QBR] അവയെ പൊടിയിൽ വച്ച് വിരിയിക്കുന്നു. [QBR]
15. കാൽകൊണ്ട് അവ ഉടഞ്ഞുപോയേക്കുമെന്നോ [QBR] കാട്ടുമൃഗം അവയെ ചവിട്ടിക്കളഞ്ഞേക്കുമെന്നോ അത് ഓർക്കുന്നില്ല. [QBR]
16. അത് തന്റെ കുഞ്ഞുങ്ങളോട് തനിക്കുള്ളവയല്ല എന്നപോലെ കാഠിന്യം കാണിക്കുന്നു; [QBR] തന്റെ പ്രയത്നം വ്യർത്ഥമായിപ്പോകുമെന്ന് ഭയപ്പെടുന്നില്ല. [QBR]
17. ദൈവം അതിന് ജ്ഞാനമില്ലാതാക്കി [QBR] വിവേകം അതിന് നല്കിയിട്ടും ഇല്ല. [QBR]
18. അത് ചിറകടിച്ച് പൊങ്ങി ഓടുമ്പോൾ [QBR] കുതിരയെയും പുറത്ത് കയറിയവനെയും പരിഹസിക്കുന്നു. [QBR]
19. കുതിരയ്ക്ക് നീയോ ശക്തി കൊടുത്തത്? [QBR] അതിന്റെ കഴുത്തിന് നീയോ കുഞ്ചിരോമം അണിയിച്ചത്? [QBR]
20. നിനക്കു അതിനെ വെട്ടുക്കിളിയെപ്പോലെ ചാടിക്കാമോ? [QBR] അതിന്റെ ഹുങ്കാരപ്രതാപം ഭയങ്കരം. [QBR]
21. അത് താഴ്വരയിൽ മാന്തി ശക്തിയിൽ ഉല്ലസിക്കുന്നു. [QBR] അത് ആയുധപാണികളെ എതിർക്കുന്നു. [QBR]
22. അത് കൂശാതെ ഭയത്തെ പുച്ഛിക്കുന്നു; [QBR] വാളിനോട് പിൻവാങ്ങുന്നതുമില്ല. [QBR]
23. അതിന് എതിരെ ആവനാഴിയും [QBR] മിന്നുന്ന കുന്തവും ശൂലവും കിലുകിലുക്കുന്നു.
24. അതു ഉഗ്രതയും കോപവും പൂണ്ടു നിലം വിഴുങ്ങുന്നു; [QBR] കാഹളനാദം കേട്ടാൽ അത് അടങ്ങിനില്ക്കുകയില്ല. [QBR]
25. കാഹളനാദം ധ്വനിക്കുന്തോറും അത് ഹാ, ഹാ എന്ന് ചിനയ്ക്കുന്നു; [QBR] പടയും പടനായകന്മാരുടെ മുഴക്കവും ആർപ്പും ദൂരത്തുനിന്ന് മണക്കുന്നു. [QBR]
26. നിന്റെ വിവേകത്താൽ ആകുന്നുവോ പരുന്ത് പറക്കുകയും [QBR] ചിറകു തെക്കോട്ട് വിടർക്കുകയും ചെയ്യുന്നതു? [QBR]
27. നിന്റെ കല്പനയ്ക്കോ കഴുകൻ മേലോട്ട് പറക്കുകയും [QBR] ഉയരത്തിൽ കൂടുവയ്ക്കുകയും ചെയ്യുന്നതു? [QBR]
28. അത് പാറയിൽ കുടിയേറി രാത്രി പാർക്കുന്നു; [QBR] പാറമുകളിലും ദുർഗ്ഗത്തിലും തന്നെ. [QBR]
29. അവിടെനിന്ന് അത് ഇര തിരയുന്നു; [QBR] അതിന്റെ കണ്ണു ദൂരത്തേക്കു കാണുന്നു. [QBR]
30. അതിന്റെ കുഞ്ഞുങ്ങൾ ചോര വലിച്ചു കുടിക്കുന്നു. [QBR] പട്ടുപോയവർ എവിടെയോ അവിടെ അതുണ്ട്.” [PE]