1. [* നക്ര = മുതല] മഹാനക്രത്തെ ചൂണ്ടലിട്ട് പിടിക്കാമോ? [QBR] അതിന്റെ നാക്ക് കയറുകൊണ്ട് അമർത്താമോ? [QBR]
2. അതിന്റെ മൂക്കിൽ കയറ് കോർക്കാമോ? [QBR] അതിന്റെ അണയിൽ കൊളുത്ത് കടത്താമോ? [QBR]
3. അത് നിന്നോട് കൂടുതൽ യാചന കഴിക്കുമോ? [QBR] മൃദുവായ വാക്ക് നിന്നോട് പറയുമോ? [QBR]
4. അതിനെ എന്നും ദാസനാക്കിക്കൊള്ളേണ്ടതിന് [QBR] അത് നിന്നോട് ഉടമ്പടി ചെയ്യുമോ? [QBR]
5. പക്ഷിയോട് എന്നപോലെ നീ അതിനോട് കളിക്കുമോ? [QBR] അതിനെ പിടിച്ച് നിന്റെ കുമാരിമാർക്കായി കെട്ടിയിടുമോ? [QBR]
6. മീൻപിടുത്തക്കാർ അതിനെക്കൊണ്ട് വ്യാപാരം ചെയ്യുമോ? [QBR] അതിനെ കച്ചവടക്കാർക്ക് പങ്കിട്ട് വില്ക്കുമോ? [QBR]
7. നിനക്ക് അതിന്റെ തോലിൽ നിറച്ച് അസ്ത്രവും [QBR] തലയിൽ നിറച്ച് ചാട്ടുളിയും തറയ്ക്കാമോ? [QBR]
8. അതിനെ ഒന്നു തൊടുക; അത് തീർച്ചയായും പോരിടും എന്ന് ഓർത്തുകൊൾക; [QBR] പിന്നെ നീ അതിന് തുനിയുകയില്ല. [QBR]
9. അവന്റെ ആശയ്ക്ക് ഭംഗംവരുന്നു; [QBR] അതിനെ കാണുമ്പോൾ തന്നെ അവൻ വീണുപോകുമല്ലോ.
10. അതിനെ ഇളക്കുവാൻ തക്ക ശൂരനില്ല; [QBR] പിന്നെ എന്നോട് എതിർത്തുനില്ക്കുന്നവൻ ആര്? [QBR]
11. ഞാൻ മടക്കിക്കൊടുക്കേണ്ടതിന് എനിക്ക് മുമ്പുകൂട്ടി തന്നതാര്? [QBR] ആകാശത്തിൻ കീഴിലുള്ളതെല്ലം എന്റെതല്ലയോ? [QBR]
12. അതിന്റെ അവയവങ്ങളെയും മഹാശക്തിയെയും [QBR] അതിന്റെ ചേലൊത്ത രൂപത്തെയും പറ്റി ഞാൻ മിണ്ടാതിരിക്കുകയില്ല. [QBR]
13. അതിന്റെ പുറം കുപ്പായം ഊരാകുന്നവനാര്? [QBR] അതിന്റെ ഇരട്ടനിരപ്പല്ലിനിടയിൽ ആര് ചെല്ലും? [QBR]
14. അതിന്റെ മുഖത്തെ കതക് ആര് തുറക്കും? [QBR] അതിന്റെ പല്ലിന് ചുറ്റും ഭീഷണി ഉണ്ട്. [QBR]
15. ചെതുമ്പൽനിര അതിന്റെ ഡംഭമാകുന്നു; [QBR] അത് മുദ്രവച്ച് മുറുക്കി അടച്ചിരിക്കുന്നു. [QBR]
16. അത് ഒന്നോടൊന്ന് പറ്റിയിരിക്കുന്നു; ഇടയിൽ കാറ്റുകടക്കുകയില്ല. [QBR]
17. ഒന്നോടൊന്ന് ചേർന്നിരിക്കുന്നു; [QBR] വേർപെടുത്തിക്കൂടാത്തവിധം തമ്മിൽ പറ്റിയിരിക്കുന്നു. [QBR]
18. അത് തുമ്മുമ്പോൾ വെളിച്ചം മിന്നുന്നു; [QBR] അതിന്റെ കണ്ണ് ഉഷസ്സിന്റെ കണ്ണിമപോലെ ആകുന്നു. [QBR]
19. അതിന്റെ വായിൽനിന്ന് തീപ്പന്തങ്ങൾ പുറപ്പെടുകയും [QBR] തീപ്പൊരികൾ തെറിക്കുകയും ചെയ്യുന്നു. [QBR]
20. തിളയ്ക്കുന്ന കലത്തിൽനിന്നും കത്തുന്ന പോട്ടപ്പുല്ലിൽനിന്നും [QBR] എന്നപോലെ അതിന്റെ മൂക്കിൽനിന്ന് പുക പുറപ്പെടുന്നു. [QBR]
21. അതിന്റെ ശ്വാസം കനൽ ജ്വലിപ്പിക്കുന്നു; [QBR] അതിന്റെ വായിൽനിന്ന് ജ്വാല പുറപ്പെടുന്നു. [QBR]
22. അതിന്റെ കഴുത്തിൽ ബലം വസിക്കുന്നു; [QBR] അതിന്റെ മുമ്പിൽ നിരാശ നൃത്തം ചെയ്യുന്നു. [QBR]
23. അതിന്റെ മാംസദശകൾ തമ്മിൽ പറ്റിയിരിക്കുന്നു; [QBR] അവ ഇളകിപ്പോകാത്തവിധം അതിന്മേൽ ഉറച്ചിരിക്കുന്നു. [QBR]
24. അതിന്റെ ഹൃദയം കല്ലുപോലെ ഉറപ്പുള്ളത്; [QBR] തിരികല്ലിന്റെ അടിക്കല്ലുപോലെ ഉറപ്പുള്ളതു തന്നെ. [QBR]
25. അത് പൊങ്ങുമ്പോൾ ബലശാലികൾ പേടിക്കുന്നു; [QBR] ഭയം ഹേതുവായിട്ട് അവർ പരവശരായിത്തീരുന്നു. [QBR]
26. വാൾകൊണ്ട് അതിനെ എതിർക്കുന്നത് അസാദ്ധ്യം; [QBR] കുന്തം, അസ്ത്രം, വേൽ എന്നിവകൊണ്ടും സാദ്ധ്യമല്ല [QBR]
27. ഇരുമ്പ് വൈക്കോൽപോലെയും [QBR] താമ്രം ദ്രവിച്ച മരംപോലെയും വിചാരിക്കുന്നു. [QBR]
28. അസ്ത്രം അതിനെ ഓടിക്കുകയില്ല; [QBR] കവിണക്കല്ല് അതിന് താളടിയായിരിക്കുന്നു. [QBR]
29. ഗദ അതിന് താളടിപോലെ തോന്നുന്നു; [QBR] വേൽ ചാട്ടുന്ന ഒച്ച കേട്ട് അത് ചിരിക്കുന്നു. [QBR]
30. അതിന്റെ അധോഭാഗം മൂർച്ചയുള്ള ഓട്ടുകഷണംപോലെയാകുന്നു; [QBR] അത് ചെളിമേൽ പല്ലിത്തടിപോലെ വലിയുന്നു. [QBR]
31. കലത്തെപ്പോലെ അത് ആഴിയെ തിളപ്പിക്കുന്നു; [QBR] സമുദ്രത്തെ അത് തൈലംപോലെയാക്കിത്തീർക്കുന്നു. [QBR]
32. അതിന്റെ പിന്നാലെ ഒരു പാത മിന്നുന്നു; [QBR] ആഴി നരച്ചതുപോലെ തോന്നുന്നു. [QBR]
33. ഭൂമിയിൽ അതിന് തുല്യമായിട്ട് യാതൊന്നും ഇല്ല; [QBR] അതിനെ ഭയമില്ലാത്തതായി ഉണ്ടാക്കിയിരിക്കുന്നു. [QBR]
34. അത് ഉന്നതമായുള്ളതിനെയെല്ലാം നോക്കിക്കാണുന്നു; [QBR] അഹംഭാവമുള്ള ജന്തുക്കൾക്കെല്ലാം അത് രാജാവായിരിക്കുന്നു.” [PE]