1. [PS]ശലോമോന്റെ സദൃശവാക്യങ്ങൾ: [PE][QS]ജ്ഞാനമുള്ള മകൻ അപ്പനെ സന്തോഷിപ്പിക്കുന്നു; [QE][QS]ഭോഷനായ മകൻ അമ്മയ്ക്കു വ്യസനം ഉളവാക്കുന്നു. [QE]
2. [QS]ദുഷ്ടതയാൽ സമ്പാദിച്ച നിക്ഷേപങ്ങൾ പ്രയോജനപ്പെടുന്നില്ല; [QE][QS]നീതിയോ മരണത്തിൽനിന്ന് വിടുവിക്കുന്നു. [QE]
3. [QS]യഹോവ നീതിമാനെ പട്ടിണി കിടത്തുകയില്ല; [QE][QS]ദുഷ്ടന്മാരുടെ മോഹത്തെയോ അവിടുന്ന് തള്ളിക്കളയുന്നു. [QE]
4. [QS]മടിയുള്ള കൈകൊണ്ട് പ്രവർത്തിക്കുന്നവൻ ദരിദ്രനായിത്തീരുന്നു; [QE][QS]ഉത്സാഹിയുടെ കൈയോ സമ്പത്തുണ്ടാക്കുന്നു. [QE]
5. [QS]വേനല്ക്കാലത്ത് ശേഖരിച്ചുവയ്ക്കുന്നവൻ ബുദ്ധിയുള്ള മകൻ; [QE][QS]കൊയ്ത്തുകാലത്ത് ഉറങ്ങുന്നവനോ നാണംകെട്ട മകൻ. [QE]
6. [QS]നീതിമാന്റെ ശിരസ്സിന്മേൽ അനുഗ്രഹങ്ങൾ വരുന്നു; [QE][QS]എന്നാൽ ദുഷ്ടന്മാരുടെ വായെ സാഹസം മൂടുന്നു. [QE]
7. [QS]നീതിമാന്റെ ഓർമ്മ അനുഗ്രഹിക്കപ്പെട്ടത്; [QE][QS]ദുഷ്ടന്മാരുടെ പേരോ ദുഷിച്ചുപോകും. [QE]
8. [QS]ജ്ഞാനഹൃദയൻ കല്പനകൾ കൈക്കൊള്ളുന്നു; [QE][QS]വിടുവായനായ ഭോഷനോ വീണുപോകും. [QE]
9. [QS]നേരായി നടക്കുന്നവൻ നിർഭയമായി നടക്കുന്നു; [QE][QS]നടപ്പിൽ വക്രതയുള്ളവന്റെ വഴികൾ വെളിപ്പെട്ടുവരും. [QE]
10. [QS]കണ്ണുകൊണ്ട് ആംഗ്യം കാട്ടുന്നവൻ ദുഃഖം വരുത്തുന്നു; [QE][QS]തുറന്നു ശാസിക്കുന്നവനോ സമാധാനം ഉണ്ടാക്കുന്നു. [QE]
11. [QS]നീതിമാന്റെ വായ് ജീവന്റെ ഉറവാകുന്നു. [QE][QS]എന്നാൽ ദുഷ്ടന്മാരുടെ അധരത്തെ സാഹസം മൂടുന്നു. [QE]
12. [QS]പക വഴക്കുകൾക്ക് കാരണം ആകുന്നു; [QE][QS]സ്നേഹമോ, സകല ലംഘനങ്ങളെയും മൂടുന്നു. [QE]
13. [QS]വിവേകിയുടെ അധരങ്ങളിൽ ജ്ഞാനം ഉണ്ട്; [QE][QS]ബുദ്ധിഹീനന്റെ മുതുകിലോ വടി വീഴും. [QE]
14. [QS]ജ്ഞാനികൾ പരിജ്ഞാനം അടക്കിവയ്ക്കുന്നു; [QE][QS]ഭോഷന്റെ വായ്ക്കോ നാശം അടുത്തിരിക്കുന്നു. [QE]
15. [QS]ധനവാന്റെ സമ്പത്ത്, അവന് ഉറപ്പുള്ള ഒരു പട്ടണം; [QE][QS]എളിയവരുടെ നാശമോ അവരുടെ ദാരിദ്ര്യം തന്നെ. [QE]
16. [QS]നീതിമാന്റെ സമ്പാദ്യം ജീവഹേതുവും [QE][QS]ദുഷ്ടന്റെ ആദായം പാപകാരണവും ആകുന്നു. [QE]
17. [QS]പ്രബോധനം പ്രമാണിക്കുന്നവൻ ജീവമാർഗ്ഗത്തിൽ ഇരിക്കുന്നു; [QE][QS]ശാസന ത്യജിക്കുന്നവനോ വഴി തെറ്റിപ്പോകുന്നു; [QE]
18. [QS]പക മറച്ചുവയ്ക്കുന്നവൻ വ്യാജമുള്ളവൻ; [QE][QS]ഏഷണി പറയുന്നവൻ ഭോഷൻ. [QE]
19. [QS]വാക്ക് പെരുകിയാൽ ലംഘനം ഇല്ലാതിരിക്കുകയില്ല; [QE][QS]അധരങ്ങളെ അടക്കുന്നവനോ ബുദ്ധിമാൻ. [QE]
20. [QS]നീതിമാന്റെ നാവ് മേല്ത്തരമായ വെള്ളി; [QE][QS]ദുഷ്ടന്മാരുടെ ഹൃദയമോ നിസ്സാരം. [QE]
21. [QS]നീതിമാന്റെ അധരങ്ങൾ അനേകം പേരെ പോഷിപ്പിക്കും; [QE][QS]ഭോഷന്മാരോ ബുദ്ധിഹീനതയാൽ മരിക്കുന്നു. [QE]
22. [QS]യഹോവയുടെ അനുഗ്രഹത്താൽ സമ്പത്തുണ്ടാകുന്നു; [QE][QS]അദ്ധ്വാനത്താൽ അതിനോട് ഒന്നും കൂടുന്നില്ല. [QE]
23. [QS]ദോഷം ചെയ്യുന്നത് ഭോഷന് കളിയാകുന്നു; [QE][QS]വിവേകി ജ്ഞാനത്തിൽ സന്തോഷിക്കുന്നു. [QE]
24. [QS]ദുഷ്ടൻ പേടിക്കുന്നത് അവന് ഭവിക്കും; [QE][QS]നീതിമാന്മാരുടെ ആഗ്രഹമോ സാധിക്കും. [QE]
25. [QS]ചുഴലിക്കാറ്റ് കടന്നുപോകുമ്പോൾ ദുഷ്ടൻ ഇല്ലാതെയായി; [QE][QS]നീതിമാനോ ശാശ്വതമായ അടിസ്ഥാനം ഉള്ളവൻ. [QE]
26. [QS]ചൊറുക്ക പല്ലിനും പുക കണ്ണിനും എങ്ങനെയോ, [QE][QS]അങ്ങനെയാകുന്നു മടിയൻ തന്നെ അയയ്ക്കുന്നവർക്ക്. [QE]
27. [QS]യഹോവാഭക്തി ആയുസ്സ് ദീർഘമാക്കുന്നു; [QE][QS]ദുഷ്ടന്മാരുടെ സംവത്സരങ്ങൾ കുറഞ്ഞുപോകും. [QE]
28. [QS]നീതിമാന്മാരുടെ പ്രത്യാശ സന്തോഷമാകുന്നു; [QE][QS]ദുഷ്ടന്മാരുടെ പ്രതീക്ഷയ്ക്ക് ഭംഗം വരും. [QE]
29. [QS]യഹോവയുടെ വഴി നേരുള്ളവന് ഒരു ദുർഗ്ഗം; [QE][QS]ദുഷ്പ്രവൃത്തിക്കാർക്ക് അത് നാശകരം. [QE]
30. [QS]നീതിമാൻ ഒരുനാളും കുലുങ്ങിപ്പോകുകയില്ല; [QE][QS]ദുഷ്ടന്മാർ ദേശത്ത് വസിക്കുകയില്ല. [QE]
31. [QS]നീതിമാന്റെ വായ് ജ്ഞാനം പുറപ്പെടുവിക്കുന്നു; [QE][QS]വക്രതയുള്ള നാവ് ഛേദിക്കപ്പെടും. [QE]
32. [QS]നീതിമാന്റെ അധരങ്ങൾ പ്രസാദകരമായത് അറിയുന്നു; [QE][QS]ദുഷ്ടന്മാരുടെ വായ് വക്രതയുള്ളതാകുന്നു. [QE]