1. [PS]മൃദുവായ ഉത്തരം ക്രോധത്തെ ശമിപ്പിക്കുന്നു; [PE][QS]കഠിനവാക്കോ കോപത്തെ ജ്വലിപ്പിക്കുന്നു. [QE]
2. [QS]ജ്ഞാനിയുടെ നാവ് നല്ല പരിജ്ഞാനം പ്രസ്താവിക്കുന്നു; [QE][QS]മൂഢന്മാരുടെ വായ് ഭോഷത്തം വർഷിക്കുന്നു. [QE]
3. [QS]യഹോവയുടെ കണ്ണ് എല്ലായിടവും ഉണ്ട്; [QE][QS]ദുഷ്ടന്മാരെയും നല്ലവരെയും നോക്കിക്കൊണ്ടിരിക്കുന്നു. [QE]
4. [QS]നാവിന്റെ ശാന്തത ജീവവൃക്ഷം; [QE][QS]അതിന്റെ വക്രതയോ മനോവ്യസനം. [QE]
5. [QS]ഭോഷൻ അപ്പന്റെ പ്രബോധനം നിരസിക്കുന്നു; [QE][QS]ശാസനയെ സ്വീകരിക്കുന്നവൻ വിവേകിയായിത്തീരും. [QE]
6. [QS]നീതിമാന്റെ വീട്ടിൽ വളരെ നിക്ഷേപം ഉണ്ട്; [QE][QS]ദുഷ്ടന്റെ ആദായത്തിലോ അനർത്ഥം. [QE]
7. [QS]ജ്ഞാനികളുടെ അധരങ്ങൾ പരിജ്ഞാനം വിതറുന്നു; [QE][QS]മൂഢന്മാരുടെ ഹൃദയം നേരുള്ളതല്ല. [QE]
8. [QS]ദുഷ്ടന്മാരുടെ യാഗം യഹോവയ്ക്ക് വെറുപ്പ്; [QE][QS]നേരുള്ളവരുടെ പ്രാർത്ഥനയോ അവന് പ്രസാദം. [QE]
9. [QS]ദുഷ്ടന്മാരുടെ വഴി യഹോവയ്ക്ക് വെറുപ്പ്; [QE][QS]എന്നാൽ നീതിയെ പിന്തുടരുന്നവനെ അവിടുന്ന് സ്നേഹിക്കുന്നു. [QE]
10. [QS]സന്മാർഗ്ഗം ത്യജിക്കുന്നവന് കഠിനശിക്ഷ വരും; [QE][QS]ശാസന വെറുക്കുന്നവൻ മരിക്കും. [QE]
11. [QS]പാതാളവും നരകവും യഹോവയുടെ ദൃഷ്ടിയിൽ തുറന്നിരിക്കുന്നുവെങ്കിൽ [QE][QS]മനുഷ്യപുത്രന്മാരുടെ ഹൃദയങ്ങൾ എത്ര അധികം! [QE]
12. [QS]പരിഹാസി ശാസന ഇഷ്ടപ്പെടുന്നില്ല; [QE][QS]ജ്ഞാനികളുടെ അടുക്കൽ ചെല്ലുന്നതുമില്ല. [QE]
13. [QS]സന്തോഷമുള്ള ഹൃദയം മുഖപ്രസാദമുണ്ടാക്കുന്നു; [QE][QS]ഹൃദയത്തിലെ വ്യസനംകൊണ്ടോ ധൈര്യം നഷ്ടപ്പെടുന്നു. [QE]
14. [QS]വിവേകമുള്ളവന്റെ ഹൃദയം പരിജ്ഞാനം അന്വേഷിക്കുന്നു; [QE][QS]മൂഢന്മാരുടെ വായ് ഭോഷത്തം ആകുന്നു. [QE]
15. [QS]പീഡിതന്റെ ജീവനാൾ എല്ലാം കഷ്ടകാലം; [QE][QS]സന്തുഷ്ടഹൃദയനോ നിത്യം ഉത്സവം. [QE]
16. [QS]ബഹു നിക്ഷേപവും അതിനോടുകൂടി കഷ്ടതയും ഉള്ളതിനെക്കാൾ [QE][QS]യഹോവാഭക്തിയോടുകൂടി അല്പധനം ഉള്ളത് നന്ന്. [QE]
17. [QS]വിദ്വേഷമുള്ളേടത്തെ തടിപ്പിച്ച കാളയെക്കാൾ [QE][QS]സ്നേഹമുള്ളേടത്തെ സസ്യഭോജനം നല്ലത്. [QE]
18. [QS]ക്രോധമുള്ളവൻ കലഹം ഉണ്ടാക്കുന്നു; [QE][QS]ദീർഘക്ഷമയുള്ളവൻ കലഹം ശമിപ്പിക്കുന്നു. [QE]
19. [QS]മടിയന്റെ വഴി മുള്ളുവേലിപോലെയാകുന്നു; [QE][QS]നീതിമാന്മാരുടെ പാതയോ പെരുവഴി തന്നെ. [QE]
20. [QS]ജ്ഞാനമുള്ള മകൻ അപ്പനെ സന്തോഷിപ്പിക്കുന്നു; [QE][QS]മൂഢനോ അമ്മയെ നിന്ദിക്കുന്നു. [QE]
21. [QS]ഭോഷത്തം ബുദ്ധിഹീനന് സന്തോഷം; [QE][QS]വിവേകിയോ ചൊവ്വായി നടക്കുന്നു. [QE]
22. [QS]ആലോചന ഇല്ലാഞ്ഞാൽ ഉദ്ദേശ്യങ്ങൾ സാധിക്കാതെ പോകുന്നു; [QE][QS]ആലോചനക്കാരുടെ ബഹുത്വത്താൽ അവ സാധിക്കുന്നു. [QE]
23. [QS]താൻ പറയുന്ന ഉത്തരം ഹേതുവായി മനുഷ്യന് സന്തോഷം വരും; [QE][QS]തക്കസമയത്ത് പറയുന്ന വാക്ക് എത്ര മനോഹരം! [QE]
24. [QS]ബുദ്ധിമാന്റെ ജീവയാത്ര ഉയരത്തിലേയ്ക്കാകുന്നു; [QE][QS]കീഴെയുള്ള പാതാളത്തെ അവൻ ഒഴിഞ്ഞുപോകും. [QE]
25. [QS]അഹങ്കാരിയുടെ വീട് യഹോവ പൊളിച്ചുകളയും; [QE][QS]വിധവയുടെ അതിര് അവിടുന്ന് ഉറപ്പിക്കും. [QE]
26. [QS]ദുരുപായങ്ങൾ യഹോവയ്ക്ക് വെറുപ്പ്; [QE][QS]ദയാവാക്കോ നിർമ്മലം. [QE]
27. [QS]ദുരാഗ്രഹി തന്റെ ഭവനത്തെ വലയ്ക്കുന്നു; [QE][QS]കോഴ വെറുക്കുന്നവൻ ജീവിച്ചിരിക്കും. [QE]
28. [QS]നീതിമാൻ മനസ്സിൽ ആലോചിച്ച് ഉത്തരം പറയുന്നു; [QE][QS]ദുഷ്ടന്മാരുടെ വായ് ദോഷങ്ങൾ വർഷിക്കുന്നു. [QE]
29. [QS]യഹോവ ദുഷ്ടന്മാരോട് അകന്നിരിക്കുന്നു; [QE][QS]നീതിമാന്മാരുടെ പ്രാർത്ഥനയോ അവൻ കേൾക്കുന്നു. [QE]
30. [QS]കണ്ണിന്റെ ശോഭ ഹൃദയത്തെ സന്തോഷിപ്പിക്കുന്നു; [QE][QS]നല്ല വർത്തമാനം അസ്ഥികളെ തണുപ്പിക്കുന്നു. [QE]
31. [QS]ജീവദായകമായ ശാസന കേൾക്കുന്ന ചെവിയുള്ളവൻ [QE][QS]ജ്ഞാനികളുടെ മദ്ധ്യേ വസിക്കും. [QE]
32. [QS]പ്രബോധനം ത്യജിക്കുന്നവൻ തന്റെ പ്രാണനെ നിരസിക്കുന്നു; [QE][QS]ശാസന കേട്ട് അനുസരിക്കുന്നവൻ വിവേകം സമ്പാദിക്കുന്നു. [QE]
33. [QS]യഹോവാഭക്തി ജ്ഞാനോപദേശമാകുന്നു; [QE][QS]മാനത്തിന് വിനയം മുന്നോടിയാകുന്നു. [QE]