1. [PS]ഹൃദയത്തിലെ നിരൂപണങ്ങൾ മനുഷ്യനുള്ളവ; [PE][QS]നാവിന്റെ ഉത്തരം യഹോവയിൽ നിന്ന് വരുന്നു. [QE]
2. [QS]മനുഷ്യന് തന്റെ വഴികളൊക്കെയും നിർമ്മലമായി തോന്നുന്നു; [QE][QS]യഹോവയോ ആത്മാക്കളെ തൂക്കിനോക്കുന്നു. [QE]
3. [QS]നിന്റെ പ്രവൃത്തികളെ യഹോവയ്ക്കു സമർപ്പിക്കുക; [QE][QS]എന്നാൽ നിന്റെ ഉദ്ദേശ്യങ്ങൾ സാധിക്കും. [QE]
4. [QS]യഹോവ സകലത്തെയും തന്റെ ഉദ്ദേശ്യത്തിനായി ഉണ്ടാക്കിയിരിക്കുന്നു; [QE][QS]അനർത്ഥദിവസത്തിനായി ദുഷ്ടനെയും സൃഷ്ടിച്ചിരിക്കുന്നു. [QE]
5. [QS]നിഗളഹൃദയമുള്ള ഏവനും യഹോവയ്ക്കു വെറുപ്പ്; [QE][QS]അവന് നിശ്ചയമായും ശിക്ഷ വരാതിരിക്കുകയില്ല. [QE]
6. [QS]ദയയും വിശ്വസ്തതയുംകൊണ്ട് അകൃത്യം പരിഹരിക്കപ്പെടുന്നു; [QE][QS]യഹോവാഭക്തികൊണ്ട് മനുഷ്യർ ദോഷം വിട്ടകലുന്നു. [QE]
7. [QS]ഒരുത്തന്റെ വഴികൾ യഹോവയ്ക്കു പ്രസാദകരമായിരിക്കുമ്പോൾ [QE][QS]അവിടുന്ന് അവന്റെ ശത്രുക്കളെപ്പോലും അവനുമായി സമാധാനത്തിലാക്കുന്നു. [QE]
8. [QS]ന്യായരഹിതമായ വലിയ വരവിനെക്കാൾ [QE][QS]നീതിയോടെയുള്ള അല്പം നല്ലത്. [QE]
9. [QS]മനുഷ്യന്റെ ഹൃദയം തന്റെ വഴിയെക്കുറിച്ച് ആലോചിച്ചുറയ്ക്കുന്നു; [QE][QS]അവന്റെ കാലടികളെയോ യഹോവ ക്രമപ്പെടുത്തുന്നു. [QE]
10. [QS]രാജാവിന്റെ അധരങ്ങളിൽ അരുളപ്പാടുണ്ട്; [QE][QS]ന്യായവിധിയിൽ അവന്റെ വായ് തെറ്റിപ്പോകുന്നതുമില്ല. [QE]
11. [QS]ശരിയായ അളവുകോലും ത്രാസും യഹോവയ്ക്കുള്ളവ; [QE][QS]സഞ്ചിയിലെ പടി ഒക്കെയും അവിടുത്തെ പ്രവൃത്തിയാകുന്നു. [QE]
12. [QS]ദുഷ്ടത പ്രവർത്തിക്കുന്നത് രാജാക്കന്മാർക്ക് വെറുപ്പ്; [QE][QS]നീതികൊണ്ടല്ലയോ സിംഹാസനം സ്ഥിരപ്പെടുന്നത്. [QE]
13. [QS]നീതിയുള്ള അധരങ്ങൾ രാജാക്കന്മാർക്ക് പ്രസാദം; [QE][QS]സത്യം പറയുന്നവനെ അവർ സ്നേഹിക്കുന്നു. [QE]
14. [QS]രാജാവിന്റെ ക്രോധം മരണദൂതന് തുല്യം; [QE][QS]ജ്ഞാനമുള്ള മനുഷ്യനോ അതിനെ ശമിപ്പിക്കും. [QE]
15. [QS]രാജാവിന്റെ മുഖപ്രകാശത്തിൽ ജീവൻ ഉണ്ട്; [QE][QS]അവന്റെ പ്രസാദം പിന്മഴയ്ക്കുള്ള മേഘംപോലെയാകുന്നു. [QE]
16. [QS]തങ്കത്തെക്കാൾ ജ്ഞാനം സമ്പാദിക്കുന്നത് എത്ര നല്ലത്! [QE][QS]വെള്ളിയെക്കാൾ വിവേകം സമ്പാദിക്കുന്നത് എത്ര ഉത്തമം! [QE]
17. [QS]ദോഷം വിട്ടുനടക്കുന്നത് നേരുള്ളവരുടെ പെരുവഴി; [QE][QS]തന്റെ വഴി സൂക്ഷിക്കുന്നവൻ തന്റെ പ്രാണനെ കാത്തുകൊള്ളുന്നു. [QE]
18. [QS]നാശത്തിന് മുമ്പ് ഗർവ്വം; [QE][QS]വീഴ്ചയ്ക്ക് മുമ്പ് ഉന്നതഭാവം. [QE]
19. [QS]ഗർവ്വികളോടുകൂടെ കവർച്ച പങ്കിടുന്നതിനെക്കാൾ [QE][QS]താഴ്മയുള്ളവരോടുകൂടി താഴ്മയുള്ളവനായിരിക്കുന്നത് നല്ലത്. [QE]
20. [QS]തിരുവചനം പ്രമാണിക്കുന്നവൻ നന്മ കണ്ടെത്തും; [QE][QS]യഹോവയിൽ ആശ്രയിക്കുന്നവൻ ഭാഗ്യവാൻ. [QE]
21. [QS]ജ്ഞാനഹൃദയൻ വിവേകി എന്ന് വിളിക്കപ്പെടും; [QE][QS]അധരമാധുര്യം വിദ്യയെ വർദ്ധിപ്പിക്കുന്നു. [QE]
22. [QS]വിവേകം വിവേകിക്ക് ജീവന്റെ ഉറവാകുന്നു; [QE][QS]ഭോഷന്മാരുടെ പ്രബോധനമോ ഭോഷത്തം തന്നെ. [QE]
23. [QS]ജ്ഞാനിയുടെ ഹൃദയം അവന്റെ വായെ പഠിപ്പിക്കുന്നു; [QE][QS]അവന്റെ അധരങ്ങൾക്ക് വിദ്യ വർദ്ധിപ്പിക്കുന്നു. [QE]
24. [QS]ഇമ്പമുള്ള വാക്ക് തേൻകട്ടയാകുന്നു; [QE][QS]മനസ്സിന് മധുരവും അസ്ഥികൾക്ക് ഔഷധവും തന്നെ; [QE]
25. [QS]ചിലപ്പോൾ ഒരു വഴി മനുഷ്യന് ചൊവ്വായി തോന്നുന്നു; [QE][QS]അതിന്റെ അവസാനമോ മരണവഴികൾ അത്രേ. [QE]
26. [QS]പണിക്കാരന്റെ വിശപ്പ് അവനെക്കൊണ്ടു പണി ചെയ്യിക്കുന്നു; [QE][QS]അവന്റെ വായ് അവനെ അതിനായി നിർബ്ബന്ധിക്കുന്നു. [QE]
27. [QS]നിസ്സാരമനുഷ്യൻ ദോഷം എന്ന കുഴികുഴിയ്ക്കുന്നു; [QE][QS]അവന്റെ അധരങ്ങളിൽ കത്തുന്ന തീ ഉണ്ട്. [QE]
28. [QS]വക്രതയുള്ള മനുഷ്യൻ വഴക്ക് ഉണ്ടാക്കുന്നു; [QE][QS]ഏഷണിക്കാരൻ മിത്രങ്ങളെ ഭേദിപ്പിക്കുന്നു. [QE]
29. [QS]സാഹസക്കാരൻ കൂട്ടുകാരനെ വശീകരിക്കുകയും [QE][QS]കൊള്ളരുതാത്ത വഴിയിൽ നടത്തുകയും ചെയ്യുന്നു. [QE]
30. [QS]കണ്ണിറുക്കുന്നവൻ വക്രത നിരൂപിക്കുന്നു; [QE][QS]വപ്പ് കടിക്കുന്നവൻ ദോഷം ചെയ്യുന്നു. [QE]
31. [QS]നരച്ച തല ശോഭയുള്ള കിരീടമാകുന്നു; [QE][QS]നീതിയുടെ മാർഗ്ഗത്തിൽ അതിനെ പ്രാപിക്കാം. [QE]
32. [QS]ദീർഘക്ഷമയുള്ളവൻ യുദ്ധവീരനിലും [QE][QS]മനോനിയന്ത്രണമുള്ളവൻ പട്ടണം പിടിക്കുന്നവനിലും ശ്രേഷ്ഠൻ. [QE]
33. [QS]ചീട്ട് മടിയിൽ ഇടുന്നു; [QE][QS]അതിന്റെ തീരുമാനമോ യഹോവയിൽ നിന്ന് വരുന്നു. [QE]