1. ഹൃദയത്തിലെ നിരൂപണങ്ങൾ മനുഷ്യനുള്ളവ; [QBR] നാവിന്റെ ഉത്തരം യഹോവയിൽ നിന്ന് വരുന്നു. [QBR]
2. മനുഷ്യന് തന്റെ വഴികളൊക്കെയും നിർമ്മലമായി തോന്നുന്നു; [QBR] യഹോവയോ ആത്മാക്കളെ തൂക്കിനോക്കുന്നു. [QBR]
3. നിന്റെ പ്രവൃത്തികളെ യഹോവയ്ക്കു സമർപ്പിക്കുക; [QBR] എന്നാൽ നിന്റെ ഉദ്ദേശ്യങ്ങൾ സാധിക്കും. [QBR]
4. യഹോവ സകലത്തെയും തന്റെ ഉദ്ദേശ്യത്തിനായി ഉണ്ടാക്കിയിരിക്കുന്നു; [QBR] അനർത്ഥദിവസത്തിനായി ദുഷ്ടനെയും സൃഷ്ടിച്ചിരിക്കുന്നു. [QBR]
5. നിഗളഹൃദയമുള്ള ഏവനും യഹോവയ്ക്കു വെറുപ്പ്; [QBR] അവന് നിശ്ചയമായും ശിക്ഷ വരാതിരിക്കുകയില്ല. [QBR]
6. ദയയും വിശ്വസ്തതയുംകൊണ്ട് അകൃത്യം പരിഹരിക്കപ്പെടുന്നു; [QBR] യഹോവാഭക്തികൊണ്ട് മനുഷ്യർ ദോഷം വിട്ടകലുന്നു. [QBR]
7. ഒരുത്തന്റെ വഴികൾ യഹോവയ്ക്കു പ്രസാദകരമായിരിക്കുമ്പോൾ [QBR] അവിടുന്ന് അവന്റെ ശത്രുക്കളെപ്പോലും അവനുമായി സമാധാനത്തിലാക്കുന്നു. [QBR]
8. ന്യായരഹിതമായ വലിയ വരവിനെക്കാൾ [QBR] നീതിയോടെയുള്ള അല്പം നല്ലത്. [QBR]
9. മനുഷ്യന്റെ ഹൃദയം തന്റെ വഴിയെക്കുറിച്ച് ആലോചിച്ചുറയ്ക്കുന്നു; [QBR] അവന്റെ കാലടികളെയോ യഹോവ ക്രമപ്പെടുത്തുന്നു. [QBR]
10. രാജാവിന്റെ അധരങ്ങളിൽ അരുളപ്പാടുണ്ട്; [QBR] ന്യായവിധിയിൽ അവന്റെ വായ് തെറ്റിപ്പോകുന്നതുമില്ല. [QBR]
11. ശരിയായ അളവുകോലും ത്രാസും യഹോവയ്ക്കുള്ളവ; [QBR] സഞ്ചിയിലെ പടി ഒക്കെയും അവിടുത്തെ പ്രവൃത്തിയാകുന്നു. [QBR]
12. ദുഷ്ടത പ്രവർത്തിക്കുന്നത് രാജാക്കന്മാർക്ക് വെറുപ്പ്; [QBR] നീതികൊണ്ടല്ലയോ സിംഹാസനം സ്ഥിരപ്പെടുന്നത്. [QBR]
13. നീതിയുള്ള അധരങ്ങൾ രാജാക്കന്മാർക്ക് പ്രസാദം; [QBR] സത്യം പറയുന്നവനെ അവർ സ്നേഹിക്കുന്നു. [QBR]
14. രാജാവിന്റെ ക്രോധം മരണദൂതന് തുല്യം; [QBR] ജ്ഞാനമുള്ള മനുഷ്യനോ അതിനെ ശമിപ്പിക്കും. [QBR]
15. രാജാവിന്റെ മുഖപ്രകാശത്തിൽ ജീവൻ ഉണ്ട്; [QBR] അവന്റെ പ്രസാദം പിന്മഴയ്ക്കുള്ള മേഘംപോലെയാകുന്നു. [QBR]
16. തങ്കത്തെക്കാൾ ജ്ഞാനം സമ്പാദിക്കുന്നത് എത്ര നല്ലത്! [QBR] വെള്ളിയെക്കാൾ വിവേകം സമ്പാദിക്കുന്നത് എത്ര ഉത്തമം! [QBR]
17. ദോഷം വിട്ടുനടക്കുന്നത് നേരുള്ളവരുടെ പെരുവഴി; [QBR] തന്റെ വഴി സൂക്ഷിക്കുന്നവൻ തന്റെ പ്രാണനെ കാത്തുകൊള്ളുന്നു. [QBR]
18. നാശത്തിന് മുമ്പ് ഗർവ്വം; [QBR] വീഴ്ചയ്ക്ക് മുമ്പ് ഉന്നതഭാവം. [QBR]
19. ഗർവ്വികളോടുകൂടെ കവർച്ച പങ്കിടുന്നതിനെക്കാൾ [QBR] താഴ്മയുള്ളവരോടുകൂടി താഴ്മയുള്ളവനായിരിക്കുന്നത് നല്ലത്. [QBR]
20. തിരുവചനം പ്രമാണിക്കുന്നവൻ നന്മ കണ്ടെത്തും; [QBR] യഹോവയിൽ ആശ്രയിക്കുന്നവൻ ഭാഗ്യവാൻ. [QBR]
21. ജ്ഞാനഹൃദയൻ വിവേകി എന്ന് വിളിക്കപ്പെടും; [QBR] അധരമാധുര്യം വിദ്യയെ വർദ്ധിപ്പിക്കുന്നു. [QBR]
22. വിവേകം വിവേകിക്ക് ജീവന്റെ ഉറവാകുന്നു; [QBR] ഭോഷന്മാരുടെ പ്രബോധനമോ ഭോഷത്തം തന്നെ. [QBR]
23. ജ്ഞാനിയുടെ ഹൃദയം അവന്റെ വായെ പഠിപ്പിക്കുന്നു; [QBR] അവന്റെ അധരങ്ങൾക്ക് വിദ്യ വർദ്ധിപ്പിക്കുന്നു. [QBR]
24. ഇമ്പമുള്ള വാക്ക് തേൻകട്ടയാകുന്നു; [QBR] മനസ്സിന് മധുരവും അസ്ഥികൾക്ക് ഔഷധവും തന്നെ; [QBR]
25. ചിലപ്പോൾ ഒരു വഴി മനുഷ്യന് ചൊവ്വായി തോന്നുന്നു; [QBR] അതിന്റെ അവസാനമോ മരണവഴികൾ അത്രേ. [QBR]
26. പണിക്കാരന്റെ വിശപ്പ് അവനെക്കൊണ്ടു പണി ചെയ്യിക്കുന്നു; [QBR] അവന്റെ വായ് അവനെ അതിനായി നിർബ്ബന്ധിക്കുന്നു. [QBR]
27. നിസ്സാരമനുഷ്യൻ ദോഷം എന്ന കുഴികുഴിയ്ക്കുന്നു; [QBR] അവന്റെ അധരങ്ങളിൽ കത്തുന്ന തീ ഉണ്ട്. [QBR]
28. വക്രതയുള്ള മനുഷ്യൻ വഴക്ക് ഉണ്ടാക്കുന്നു; [QBR] ഏഷണിക്കാരൻ മിത്രങ്ങളെ ഭേദിപ്പിക്കുന്നു. [QBR]
29. സാഹസക്കാരൻ കൂട്ടുകാരനെ വശീകരിക്കുകയും [QBR] കൊള്ളരുതാത്ത വഴിയിൽ നടത്തുകയും ചെയ്യുന്നു. [QBR]
30. കണ്ണിറുക്കുന്നവൻ വക്രത നിരൂപിക്കുന്നു; [QBR] വപ്പ് കടിക്കുന്നവൻ ദോഷം ചെയ്യുന്നു. [QBR]
31. നരച്ച തല ശോഭയുള്ള കിരീടമാകുന്നു; [QBR] നീതിയുടെ മാർഗ്ഗത്തിൽ അതിനെ പ്രാപിക്കാം. [QBR]
32. ദീർഘക്ഷമയുള്ളവൻ യുദ്ധവീരനിലും [QBR] മനോനിയന്ത്രണമുള്ളവൻ പട്ടണം പിടിക്കുന്നവനിലും ശ്രേഷ്ഠൻ. [QBR]
33. ചീട്ട് മടിയിൽ ഇടുന്നു; [QBR] അതിന്റെ തീരുമാനമോ യഹോവയിൽ നിന്ന് വരുന്നു. [PE]