1. [PS]വീഞ്ഞ് പരിഹാസിയും മദ്യം കലഹക്കാരനും ആകുന്നു; [PE][QS]അവയാൽ ചാഞ്ചാടി നടക്കുന്ന ആരും ജ്ഞാനിയാകുകയില്ല. [QE]
2. [QS]രാജാവിന്റെ ക്രോധം സിംഹഗർജ്ജനംപോലെ; [QE][QS]അവനെ കോപിപ്പിക്കുന്നവൻ തന്റെ പ്രാണനോട് ദ്രോഹം ചെയ്യുന്നു. [QE]
3. [QS]കലഹം ഒഴിഞ്ഞിരിക്കുന്നത് പുരുഷന് മാനം; [QE][QS]എന്നാൽ ഏത് ഭോഷനും ശണ്ഠ കൂടും. [QE]
4. [QS]മടിയൻ ശീതം നിമിത്തം നിലം ഉഴുന്നില്ല; [QE][QS]കൊയ്ത്തുകാലത്ത് അവൻ ഇരക്കും; ഒന്നും കിട്ടുകയുമില്ല. [QE]
5. [QS]മനുഷ്യന്റെ ഹൃദയത്തിലെ ആലോചന ആഴമുള്ള വെള്ളം; [QE][QS]വിവേകമുള്ള പുരുഷൻ അത് കോരി എടുക്കും. [QE]
6. [QS]മിക്ക മനുഷ്യരും തങ്ങളോട് ദയാലുവായ ഒരുത്തനെ കാണും; [QE][QS]എന്നാൽ വിശ്വസ്തനായ ഒരുത്തനെ ആർക്ക് കണ്ടെത്താനാകും? [QE]
7. [QS]പരമാർത്ഥതയിൽ നടക്കുന്നവൻ നീതിമാൻ; [QE][QS]അവന്റെ ശേഷം, അവന്റെ മക്കളും ഭാഗ്യവാന്മാർ. [QE]
8. [QS]ന്യായാസനത്തിൽ ഇരിക്കുന്ന രാജാവ് [QE][QS]തന്റെ കണ്ണുകൊണ്ട് സകലദോഷത്തെയും പാറ്റിക്കളയുന്നു. [QE]
9. [QS]ഞാൻ എന്റെ ഹൃദയത്തെ ശുദ്ധീകരിച്ച് [QE][QS]പാപം ഒഴിഞ്ഞ് നിർമ്മലനായിരിക്കുന്നു എന്ന് ആർക്ക് പറയാം? [QE]
10. [QS]രണ്ടുതരം തൂക്കവും രണ്ടുതരം അളവും [QE][QS]രണ്ടും ഒരുപോലെ യഹോവയ്ക്ക് വെറുപ്പ്. [QE]
11. [QS]ബാല്യത്തിലെ ക്രിയകളാൽ തന്നെ ഒരുത്തന്റെ പ്രവൃത്തി [QE][QS]വെടിപ്പും നേരുമുള്ളതും ആകുമോ എന്ന് അറിയാം. [QE]
12. [QS]കേൾക്കുന്ന ചെവി, കാണുന്ന കണ്ണ്, [QE][QS]ഇവ രണ്ടും യഹോവ ഉണ്ടാക്കി. [QE]
13. [QS]ദരിദ്രനാകാതെയിരിക്കേണ്ടതിന് നിദ്രാപ്രിയനാകരുത്; [QE][QS]നീ കണ്ണു തുറക്കുക; നിനക്ക് വേണ്ടുവോളം ആഹാരം ഉണ്ടാകും. [QE]
14. [QS]വിലയ്ക്കു വാങ്ങുന്നവൻ ചീത്തചീത്ത എന്ന് പറയുന്നു; [QE][QS]വാങ്ങി തന്റെ വഴിക്ക് പോകുമ്പോൾ അവൻ പ്രശംസിക്കുന്നു. [QE]
15. [QS]പൊന്നും അനവധി മുത്തുകളും ഉണ്ടല്ലോ; [QE][QS]പരിജ്ഞാനമുള്ള അധരങ്ങൾ വിലയേറിയ ആഭരണം. [QE]
16. [QS]അന്യനുവേണ്ടി ജാമ്യം നില്ക്കുന്നവന്റെ വസ്ത്രം എടുത്തുകൊൾക; [QE][QS]അന്യജാതിക്കാരനുവേണ്ടി ഉത്തരവാദി ആകുന്നവനോട് പണയം വാങ്ങുക. [QE]
17. [QS]വ്യാജത്താൽ നേടിയ ആഹാരം മനുഷ്യന് മധുരം; [QE][QS]പിന്നത്തേതിൽ അവന്റെ വായിൽ ചരൽ നിറയും. [QE]
18. [QS]പദ്ധതികൾ ആലോചനകൊണ്ട് സാധിക്കുന്നു; [QE][QS]ആകയാൽ ഭരണസാമർത്ഥ്യത്തോടെ യുദ്ധം ചെയ്യുക. [QE]
19. [QS]നുണയനായി നടക്കുന്നവൻ രഹസ്യം വെളിപ്പെടുത്തുന്നു; [QE][QS]ആകയാൽ വിടുവായനോട് ഇടപെടരുത്. [QE]
20. [QS]ആരെങ്കിലും അപ്പനെയോ അമ്മയെയോ ദുഷിച്ചാൽ [QE][QS]അവന്റെ വിളക്ക് കൂരിരുട്ടിൽ കെട്ടുപോകും. [QE]
21. [QS]ആദിയിൽ ഒരു അവകാശം ബദ്ധപ്പെട്ട് കൈവശമാക്കാം; [QE][QS]അതിന്റെ അവസാനമോ അനുഗ്രഹിക്കപ്പെടുകയില്ല. [QE]
22. [QS]ഞാൻ ദോഷത്തിന് പ്രതികാരം ചെയ്യുമെന്ന് നീ പറയരുത്; [QE][QS]യഹോവയെ കാത്തിരിക്കുക; അവിടുന്ന് നിന്നെ രക്ഷിക്കും. [QE]
23. [QS]രണ്ടുതരം തൂക്കം യഹോവയ്ക്ക് വെറുപ്പ്; [QE][QS]കള്ളത്തുലാസും നല്ലതല്ല. [QE]
24. [QS]മനുഷ്യന്റെ പാതകൾ യഹോവയാൽ നിയമിക്കപ്പെടുന്നു; [QE][QS]പിന്നെ മനുഷ്യന് തന്റെ വഴി എങ്ങനെ ഗ്രഹിക്കാം? [QE]
25. [QS]“ഇത് നിവേദിതം” എന്ന് തിടുക്കത്തിൽ നേരുന്നതും [QE][QS]നേർന്നശേഷം പുനർചിന്തനം നടത്തുന്നതും മനുഷ്യന് ഒരു കെണി. [QE]
26. [QS]ജ്ഞാനമുള്ള രാജാവ് ദുഷ്ടന്മാരെ പാറ്റിക്കളയുന്നു; [QE][QS]അവരുടെ മേൽ അവൻ മെതിവണ്ടി ഉരുട്ടുന്നു. [QE]
27. [QS]മനുഷ്യന്റെ ആത്മാവ് യഹോവയുടെ ദീപം; [QE][QS]അത് അവന്റെ അന്തരംഗത്തെയെല്ലാം ശോധനചെയ്യുന്നു. [QE]
28. [QS]ദയയും വിശ്വസ്തതയും രാജാവിനെ കാക്കുന്നു; [QE][QS]ദയകൊണ്ട് അവൻ തന്റെ സിംഹാസനത്തെ ഉറപ്പിക്കുന്നു. [QE]
29. [QS]യൗവനക്കാരുടെ ശക്തി അവരുടെ പ്രശംസ; [QE][QS]വൃദ്ധന്മാരുടെ നര അവരുടെ ഭൂഷണം. [QE]
30. [QS]ഹൃദയത്തിന്റെ ഉള്ളിലേക്ക് ചെല്ലുന്ന തല്ലും [QE][QS]പൊട്ടിപ്പോകത്തക്ക അടിയും ദോഷത്തെ അടിച്ചുവാരിക്കളയുന്നു. [QE]