1. [PS]രാജാവിന്റെ ഹൃദയം യഹോവയുടെ കയ്യിൽ നീർത്തോട് പോലെ ഇരിക്കുന്നു; [PE][QS]തനിക്ക് ഇഷ്ടമുള്ളേടത്തേക്കൊക്കെയും അവിടുന്ന് അതിനെ തിരിക്കുന്നു. [QE]
2. [QS]മനുഷ്യന്റെ വഴി ഒക്കെയും അവന് ചൊവ്വായിത്തോന്നുന്നു; [QE][QS]യഹോവയോ ഹൃദയങ്ങളെ തൂക്കിനോക്കുന്നു. [QE]
3. [QS]നീതിയും ന്യായവും പ്രവർത്തിക്കുന്നത് [QE][QS]യഹോവയ്ക്ക് ഹനനയാഗത്തെക്കാൾ സ്വീകാര്യം. [QE]
4. [QS]ഗർവ്വമുള്ള കണ്ണും അഹങ്കാരഹൃദയവും [QE][QS]ദുഷ്ടന്മാരുടെ ദീപവും പാപം തന്നെ. [QE]
5. [QS]ഉത്സാഹിയുടെ വിചാരങ്ങൾ സമൃദ്ധിയിലേയ്ക്ക് നയിക്കുന്നു; [QE][QS]തിടുക്കം കൂട്ടുന്നവരൊക്കെയും ദാരിദ്ര്യത്തിലേയ്ക്ക് പോകുവാൻ ബദ്ധപ്പെടുന്നു. [QE]
6. [QS]കള്ളനാവുകൊണ്ട് ധനം സമ്പാദിക്കുന്നത് പാറിപ്പോകുന്ന ആവിയാകുന്നു; [QE][QS]അതിനെ അന്വേഷിക്കുന്നവർ മരണത്തെ അന്വേഷിക്കുന്നു. [QE]
7. [QS]ദുഷ്ടന്മാരുടെ അതിക്രമം അവർക്ക് നാശകാരണമാകുന്നു; [QE][QS]ന്യായം ചെയ്യുവാൻ അവർക്ക് മനസ്സില്ലല്ലോ. [QE]
8. [QS]അകൃത്യഭാരം ചുമക്കുന്നവന്റെ വഴി വളഞ്ഞിരിക്കുന്നു; [QE][QS]നിർമ്മലന്റെ പ്രവൃത്തിയോ ചൊവ്വുള്ളത് തന്നെ. [QE]
9. [QS]ശണ്ഠകൂടുന്ന സ്ത്രീയോടുകൂടി വീടിനുള്ളിൽ പാർക്കുന്നതിനെക്കാൾ [QE][QS]മേൽപുരയുടെ ഒരു കോണിൽ പാർക്കുന്നത് നല്ലത്. [QE]
10. [QS]ദുഷ്ടന്റെ മനസ്സ് ദോഷത്തെ ആഗ്രഹിക്കുന്നു; [QE][QS]അവന് കൂട്ടുകാരനോട് ദയ തോന്നുന്നതുമില്ല. [QE]
11. [QS]പരിഹാസിയെ ശിക്ഷിച്ചാൽ അല്പബുദ്ധി ജ്ഞാനിയായിത്തീരും; [QE][QS]ജ്ഞാനിയെ ഉപദേശിച്ചാൽ അവൻ പരിജ്ഞാനം പ്രാപിക്കും. [QE]
12. [QS]നീതിമാനായ ദൈവം ദുഷ്ടന്റെ ഭവനത്തിന്മേൽ ദൃഷ്ടിവയ്ക്കുന്നു; [QE][QS]ദുഷ്ടന്മാരെ നാശത്തിലേക്ക് മറിച്ചുകളയുന്നു. [QE]
13. [QS]എളിയവന്റെ നിലവിളിക്ക് ചെവി പൊത്തിക്കളയുന്നവൻ [QE][QS]വിളിച്ചപേക്ഷിക്കുമ്പോൾ തനിക്കും ഉത്തരം ലഭിക്കുകയില്ല. [QE]
14. [QS]രഹസ്യത്തിൽ കൊടുക്കുന്ന സമ്മാനം കോപത്തെയും [QE][QS]മടിയിൽ കൊണ്ടുവരുന്ന കോഴ ഉഗ്രകോപത്തെയും ശമിപ്പിക്കുന്നു. [QE]
15. [QS]ന്യായം പ്രവർത്തിക്കുന്നത് നീതിമാന് സന്തോഷവും [QE][QS]ദുഷ്പ്രവൃത്തിക്കാർക്ക് ഭയങ്കരവും ആകുന്നു. [QE]
16. [QS]വിവേകമാർഗ്ഗം വിട്ടുനടക്കുന്നവൻ [QE][QS]മൃതന്മാരുടെ കൂട്ടത്തിൽ വിശ്രമിക്കും. [QE]
17. [QS]ഉല്ലാസപ്രിയൻ ദരിദ്രനായിത്തീരും; [QE][QS]വീഞ്ഞും തൈലവും പ്രിയപ്പെടുന്നവൻ ധനവാനാകുകയില്ല. [QE]
18. [QS]ദുഷ്ടൻ നീതിമാന് മറുവിലയാകും; [QE][QS]അവിശ്വസ്തൻ നേരുള്ളവർക്ക് പകരമായിത്തീരും. [QE]
19. [QS]ശണ്ഠയും ദുശ്ശീലവുമുള്ള സ്ത്രീയോടുകൂടി പാർക്കുന്നതിലും [QE][QS]നിർജ്ജനപ്രദേശത്ത് പോയി പാർക്കുന്നത് നല്ലത്. [QE]
20. [QS]ജ്ഞാനിയുടെ പാർപ്പിടത്തിൽ വിലയേറിയ നിക്ഷേപവും തൈലവും ഉണ്ട്; [QE][QS]മൂഢൻ അവയെ ദുരുപയോഗം ചെയ്തുകളയുന്നു. [QE]
21. [QS]നീതിയും ദയയും പിന്തുടരുന്നവൻ [QE][QS]ജീവനും നീതിയും മാനവും കണ്ടെത്തും. [QE]
22. [QS]ജ്ഞാനി വീരന്മാരുടെ പട്ടണത്തിൽ കയറുകയും [QE][QS]അതിന്റെ ആശ്രയമായ കോട്ട ഇടിച്ചുകളയുകയും ചെയ്യുന്നു. [QE]
23. [QS]വായും നാവും സൂക്ഷിക്കുന്നവൻ [QE][QS]തന്റെ പ്രാണനെ കഷ്ടങ്ങളിൽനിന്ന് സൂക്ഷിക്കുന്നു. [QE]
24. [QS]നിഗളവും ഗർവ്വവും ഉള്ളവന് പരിഹാസി എന്ന് പേരാകുന്നു; [QE][QS]അവൻ ഗർവ്വത്തിന്റെ അഹങ്കാരത്തോടെ പ്രവർത്തിക്കുന്നു. [QE]
25. [QS]മടിയന്റെ കൊതി അവന് മരണകാരണം; [QE][QS]വേലചെയ്യുവാൻ അവന്റെ കൈകൾ മടിക്കുന്നുവല്ലോ. [QE]
26. [QS]ചിലർ നിത്യവും അത്യാഗ്രഹത്തോടെ ഇരിക്കുന്നു; [QE][QS]എന്നാൽ നീതിമാൻ ലോഭിക്കാതെ കൊടുത്തുകൊണ്ടിരിക്കുന്നു. [QE]
27. [QS]ദുഷ്ടന്മാരുടെ യാഗം വെറുപ്പാകുന്നു; [QE][QS]അവൻ ദുഷ്ടതാത്പര്യത്തോടെ അത് അർപ്പിച്ചാൽ എത്ര അധികം! [QE]
28. [QS]കള്ളസ്സാക്ഷി നശിച്ചുപോകും; [QE][QS]ശ്രദ്ധിച്ചുകേൾക്കുന്നവന് എപ്പോഴും സംസാരിക്കാം. [QE]
29. [QS]ദുഷ്ടൻ മുഖധാർഷ്ട്യം കാണിക്കുന്നു; [QE][QS]നേരുള്ളവൻ തന്റെ വഴി നന്നാക്കുന്നു. [QE]
30. [QS]യഹോവയ്ക്കെതിരെ ജ്ഞാനവുമില്ല, [QE][QS]ബുദ്ധിയുമില്ല, ആലോചനയുമില്ല. [QE]
31. [QS]കുതിരയെ യുദ്ധദിവസത്തേക്ക് ചമയിക്കുന്നു; [QE][QS]ജയം യഹോവയിൽ നിന്ന് വരുന്നു. [QE]