1. [PS]ദുഷ്ടന്മാരോട് അസൂയപ്പെടരുത്; [PE][QS]അവരോടുകൂടി ഇരിക്കുവാൻ ആഗ്രഹിക്കുകയുമരുത്. [QE]
2. [QS]അവരുടെ ഹൃദയം അക്രമം മെനയുന്നു; [QE][QS]കലഹം ഉണ്ടാക്കുവാൻ അവരുടെ അധരങ്ങൾ ഉപയോഗിക്കുന്നു. [QE]
3. [QS]ജ്ഞാനംകൊണ്ട് ഭവനം പണിയുന്നു; [QE][QS]വിവേകംകൊണ്ട് അത് സ്ഥിരമായിവരുന്നു. [QE]
4. [QS]പരിജ്ഞാനംകൊണ്ട് അതിന്റെ മുറികളിൽ [QE][QS]വിലയേറിയതും മനോഹരവുമായ സകല സമ്പത്തും നിറഞ്ഞുവരുന്നു. [QE]
5. [QS]ജ്ഞാനിയായ പുരുഷൻ ബലവാനാകുന്നു; [QE][QS]പരിജ്ഞാനമുള്ളവൻ ബലം വർദ്ധിപ്പിക്കുന്നു. [QE]
6. [QS]ബുദ്ധിയുള്ള ആലോചനയാൽ നീ യുദ്ധം നടത്തി ജയിക്കും; [QE][QS]മന്ത്രിമാരുടെ ബഹുത്വത്തിൽ രക്ഷയുണ്ട്. [QE]
7. [QS]ജ്ഞാനം ഭോഷന് അപ്രാപ്യമായിരിക്കുന്നു; [QE][QS]അവൻ പട്ടണവാതില്ക്കൽ വായ് തുറക്കുന്നില്ല. [QE]
8. [QS]ദോഷം ചെയ്യുവാൻ നിരൂപിക്കുന്നവനെ [QE][QS]ദുഷ്ക്കർമ്മി എന്ന് പറഞ്ഞുവരുന്നു; [QE]
9. [QS]ഭോഷന്റെ നിരൂപണം പാപം തന്നെ; [QE][QS]പരിഹാസി മനുഷ്യർക്ക് വെറുപ്പാകുന്നു. [QE]
10. [QS]കഷ്ടകാലത്ത് നീ പതറിപ്പോയാൽ [QE][QS]നിന്റെ ബലം കുറഞ്ഞുപോകും. [QE]
11. [QS]മരണത്തിന് കൊണ്ടുപോകുന്നവരെ വിടുവിക്കുക; [QE][QS]കൊലക്കളത്തിലേക്ക് വിറച്ച് ചെല്ലുന്നവരെ രക്ഷിക്കുവാൻ ശ്രമിക്കുക. [QE]
12. [QS]“ഞങ്ങൾ അറിഞ്ഞില്ലല്ലോ” എന്ന് നീ പറഞ്ഞാൽ [QE][QS]ഹൃദയങ്ങളെ തൂക്കിനോക്കുന്നവൻ ഗ്രഹിക്കുകയില്ലയോ? [QE][QS]നിന്റെ പ്രാണനെ കാക്കുന്നവൻ അറിയുകയില്ലയോ? [QE][QS]അവിടുന്ന് മനുഷ്യന് പ്രവൃത്തിക്ക് തക്കവണ്ണം പകരം കൊടുക്കുകയില്ലയോ? [QE]
13. [QS]മകനേ, തേൻ തിന്നുക; അത് നല്ലതല്ലോ; [QE][QS]തേങ്കട്ട നിന്റെ അണ്ണാക്കിന് മധുരമത്രേ. [QE]
14. [QS]ജ്ഞാനവും നിന്റെ ഹൃദയത്തിന് അങ്ങനെ തന്നെ എന്നറിയുക; [QE][QS]നീ അത് പ്രാപിച്ചാൽ പ്രതിഫലം ഉണ്ടാകും; [QE][QS]നിന്റെ പ്രത്യാശയ്ക്ക് ഭംഗം വരികയുമില്ല. [QE]
15. [QS]ദുഷ്ടാ, നീ നീതിമാന്റെ പാർപ്പിടത്തിന് പതിയിരിക്കരുത്; [QE][QS]അവന്റെ വിശ്രാമസ്ഥലത്തെ നശിപ്പിക്കുകയുമരുത്. [QE]
16. [QS]നീതിമാൻ ഏഴുപ്രാവശ്യം വീണാലും എഴുന്നേല്ക്കും; [QE][QS]ദുഷ്ടന്മാരോ അനർത്ഥത്തിൽ നശിച്ചുപോകും. [QE]
17. [QS]നിന്റെ ശത്രു വീഴുമ്പോൾ സന്തോഷിക്കരുത്; [QE][QS]അവൻ ഇടറുമ്പോൾ നിന്റെ ഹൃദയം ആനന്ദിക്കരുത്. [QE]
18. [QS]യഹോവ കണ്ടിട്ട് അവിടുത്തേയ്ക്ക് ഇഷ്ടക്കേടാകുവാനും [QE][QS]തന്റെ കോപം അവങ്കൽനിന്ന് മാറ്റിക്കളയുവാനും മതി. [QE]
19. [QS]ദുഷ്പ്രവൃത്തിക്കാർനിമിത്തം മുഷിയരുത്; [QE][QS]ദുഷ്ടന്മാരോട് അസൂയപ്പെടുകയും അരുത്. [QE]
20. [QS]ദോഷിക്ക് പ്രതിഫലമുണ്ടാകുകയില്ല; [QE][QS]ദുഷ്ടന്റെ വിളക്ക് കെട്ടുപോകും. [QE]
21. [QS]മകനേ, യഹോവയെയും രാജാവിനെയും ഭയപ്പെടുക; [QE][QS]മത്സരികളോട് ഇടപെടരുത്. [QE]
22. [QS]അവരിൽനിന്ന് ആപത്ത് പെട്ടെന്ന് വരും; [QE][QS]രണ്ടു കൂട്ടരും വരുത്തുന്ന നാശം ആരറിയുന്നു?[* രണ്ടു കൂട്ടരും എന്നത് യഹോവയും രാജാവും ] [QE]
23. [MS] ഇവയും ജ്ഞാനികളുടെ വാക്യങ്ങൾ. [ME][QS]ന്യായവിസ്താരത്തിൽ മുഖപക്ഷം നന്നല്ല. [QE]
24. [QS]ദുഷ്ടനോട് “നീ നീതിമാൻ” എന്ന് പറയുന്നവനെ [QE][QS]ജനതകൾ ശപിക്കുകയും വംശങ്ങൾ വെറുക്കുകയും ചെയ്യും. [QE]
25. [QS]അവനെ ശാസിക്കുന്നവർക്ക് നന്മ ഉണ്ടാകും; [QE][QS]വലിയ അനുഗ്രഹം അവരുടെ മേൽ വരും. [QE]
26. [QS]നേരുള്ള ഉത്തരം പറയുന്നവൻ [QE][QS]അധരങ്ങളെ ചുംബനം ചെയ്യുന്നു. [QE]
27. [QS]വെളിയിൽ നിന്റെ വേല ചെയ്യുക; വയലിൽ എല്ലാം തീർക്കുക; [QE][QS]പിന്നീട് നിന്റെ വീട് പണിയുക. [QE]
28. [QS]കാരണം കൂടാതെ കൂട്ടുകാരന് വിരോധമായി സാക്ഷിനില്ക്കരുത്; [QE][QS]നിന്റെ അധരംകൊണ്ട് ചതിക്കുകയും അരുത്. [QE]
29. [QS]“അവൻ എന്നോടു ചെയ്തതുപോലെ ഞാൻ അവനോടു ചെയ്യുമെന്നും [QE][QS]ഞാൻ അവന് അവന്റെ പ്രവൃത്തിക്ക് പകരം കൊടുക്കും” എന്നും നീ പറയരുത്. [QE]
30. [QS]ഞാൻ മടിയന്റെ നിലത്തിനരികിലും [QE][QS]ബുദ്ധിഹീനന്റെ മുന്തിരിത്തോട്ടത്തിന് സമീപത്തും കൂടി പോയി [QE]
31. [QS]അവിടെ മുള്ള് പടർന്നുപിടിച്ചിരിക്കുന്നതും [QE][QS]കള നിറഞ്ഞ് നിലം മൂടിയിരിക്കുന്നതും [QE][QS]അതിന്റെ കന്മതിൽ ഇടിഞ്ഞുകിടക്കുന്നതും കണ്ടു. [QE]
32. [QS]ഞാൻ അത് നോക്കി വിചാരിക്കുകയും [QE][QS]അതു കണ്ട് ഉപദേശം പ്രാപിക്കുകയും ചെയ്തു. [QE]
33. [QS]കുറെക്കൂടെ ഉറക്കം, കുറെക്കൂടെ നിദ്ര, [QE][QS]കുറെക്കൂടെ കൈകെട്ടി കിടപ്പ്. [QE]
34. [QS]അങ്ങനെ നിന്റെ ദാരിദ്ര്യം വഴിപോക്കനെപ്പോലെയും [QE][QS]നിന്റെ ബുദ്ധിമുട്ട് ആയുധപാണിയെപ്പോലെയും വരും. [QE]