1. [PS]ഇവയും ശലോമോന്റെ സദൃശവാക്യങ്ങൾ; [PE][QS]യെഹൂദാരാജാവായ ഹിസ്കീയാവിന്റെ ആളുകൾ അവ ശേഖരിച്ചിരിക്കുന്നു. [QE]
2. [QS]കാര്യം മറച്ചുവയ്ക്കുന്നത് ദൈവത്തിന്റെ മഹത്വം; [QE][QS]കാര്യം ആരായുന്നതോ രാജാക്കന്മാരുടെ മഹത്വം. [QE]
3. [QS]ആകാശത്തിന്റെ ഉയരവും ഭൂമിയുടെ ആഴവും [QE][QS]രാജാക്കന്മാരുടെ ഹൃദയവും അജ്ഞാതം. [QE]
4. [QS]വെള്ളിയിൽനിന്ന് മാലിന്യം നീക്കിക്കളഞ്ഞാൽ [QE][QS]തട്ടാന് പണിത്തരം കിട്ടും. [QE]
5. [QS]രാജസന്നിധിയിൽനിന്ന് ദുഷ്ടനെ നീക്കിക്കളഞ്ഞാൽ [QE][QS]അവന്റെ സിംഹാസനം നീതിയാൽ സ്ഥിരപ്പെടും. [QE]
6. [QS]രാജസന്നിധിയിൽ നിന്നെത്തന്നെ പുകഴ്ത്തരുത്; [QE][QS]മഹാന്മാരുടെ സ്ഥാനത്ത് നില്ക്കുകയും അരുത്. [QE]
7. [QS]പ്രഭുവിന്റെ സന്നിധിയിൽ നീ താഴ്ത്തപ്പെടുന്നതിനെക്കാൾ [QE][QS]“ഇവിടെ കയറിവരുക” എന്ന് അവൻ നിന്നോട് പറയുന്നത് നല്ലത്. [QE]
8. [QS]ബദ്ധപ്പെട്ട് വ്യവഹാരത്തിന് പുറപ്പെടരുത്; [QE][QS]അല്ലെങ്കിൽ ഒടുവിൽ കൂട്ടുകാരൻ നിന്നെ ലജ്ജിപ്പിച്ചാൽ നീ എന്ത് ചെയ്യും? [QE]
9. [QS]നിന്റെ വഴക്ക് കൂട്ടുകാരനുമായി പറഞ്ഞു തീർക്കുക; [QE][QS]എന്നാൽ മറ്റൊരുത്തന്റെ രഹസ്യം വെളിപ്പെടുത്തരുത്. [QE]
10. [QS]കേൾക്കുന്നവൻ നിന്നെ നിന്ദിക്കുവാനും [QE][QS]നിനക്ക് തീരാത്ത അപമാനം വരുവാനും ഇടവരരുത്. [QE]
11. [QS]തക്കസമയത്ത് പറയുന്ന വാക്ക് [QE][QS]വെള്ളിത്താലത്തിൽ പൊൻനാരങ്ങാ പോലെ. [QE]
12. [QS]കേട്ടനുസരിക്കുന്ന കാതിന് ജ്ഞാനിയുടെ ശാസന [QE][QS]പൊൻകടുക്കനും തങ്കംകൊണ്ടുള്ള ആഭരണവും ആകുന്നു. [QE]
13. [QS]വിശ്വസ്തനായ ദൂതൻ തന്നെ അയക്കുന്നവർക്ക് [QE][QS]കൊയ്ത്തുകാലത്ത് ഹിമത്തിന്റെ തണുപ്പുപോലെ; [QE][QS]അവൻ യജമാനന്മാരുടെ ഉള്ളം തണുപ്പിക്കുന്നു. [QE]
14. [QS]ദാനങ്ങളെച്ചൊല്ലി വെറുതെ പ്രശംസിക്കുന്നവൻ [QE][QS]മഴയില്ലാത്ത മേഘവും കാറ്റുംപോലെയാകുന്നു. [QE]
15. [QS]ദീർഘക്ഷമകൊണ്ട് ന്യായാധിപനെ സമ്മതിപ്പിക്കാം; [QE][QS]മൃദുവായുള്ള നാവ് അസ്ഥിയെ നുറുക്കുന്നു. [QE]
16. [QS]നിനക്ക് തേൻ കിട്ടിയാൽ വേണ്ടുന്നതേ ഭക്ഷിക്കാവു; [QE][QS]അധികം ഭക്ഷിച്ചിട്ട് ഛർദ്ദിക്കുവാൻ ഇടവരരുത്. [QE]
17. [QS]കൂട്ടുകാരൻ നിന്നെക്കൊണ്ട് മടുത്ത് നിന്നെ വെറുക്കാതെയിരിക്കേണ്ടതിന് [QE][QS]അവന്റെ വീട്ടിൽ കൂടെക്കൂടെ ചെല്ലരുത്. [QE]
18. [QS]കൂട്ടുകാരന് വിരോധമായി കള്ളസ്സാക്ഷ്യം പറയുന്ന മനുഷ്യൻ [QE][QS]ഗദയും വാളും കൂർത്ത അമ്പും ആകുന്നു. [QE]
19. [QS]കഷ്ടകാലത്ത് അവിശ്വസ്തനെ ആശ്രയിക്കുന്നത് [QE][QS]കേടുള്ള പല്ലും ഉളുക്കിയ കാലുംപോലെ ആകുന്നു. [QE]
20. [QS]വിഷാദമുള്ള ഹൃദയത്തിനായി പാട്ടു പാടുന്നവൻ [QE][QS]ശീതകാലത്ത് വസ്ത്രം കളയുന്നതുപോലെയും [QE][QS]യവക്ഷാരത്തിന്മേൽ ചൊറുക്ക പകരുന്നതുപോലെയും ആകുന്നു. [QE]
21. [QS]ശത്രുവിന് വിശക്കുന്നു എങ്കിൽ അവന് ഭക്ഷിക്കുവാൻ കൊടുക്കുക; [QE][QS]ദാഹിക്കുന്നു എങ്കിൽ കുടിക്കുവാൻ കൊടുക്കുക. [QE]
22. [QS]അങ്ങനെ നീ അവന്റെ തലമേൽ തീക്കനൽ കൂട്ടും; [QE][QS]യഹോവ നിനക്കു പ്രതിഫലം നല്കുകയും ചെയ്യും. [QE]
23. [QS]വടക്കൻ കാറ്റ് മഴ കൊണ്ടുവരുന്നു; [QE][QS]ഏഷണിവാക്ക് കോപഭാവം ജനിപ്പിക്കുന്നു; [QE]
24. [QS]ശണ്ഠകൂടുന്ന സ്ത്രീയോടുകൂടി വീടിനുള്ളിൽ പാർക്കുന്നതിനെക്കാൾ [QE][QS]മേൽപുരയുടെ ഒരു കോണിൽ പാർക്കുന്നത് നല്ലത്. [QE]
25. [QS]ദാഹമുള്ളവന് തണ്ണീർ കിട്ടുന്നതും [QE][QS]ദൂരദേശത്തുനിന്ന് നല്ല വർത്തമാനം വരുന്നതും ഒരുപോലെ. [QE]
26. [QS]ദുഷ്ടന്റെ മുമ്പിൽ കുലുങ്ങിപ്പോയ നീതിമാൻ [QE][QS]കലങ്ങിയ കിണറിനും മലിനമായ നീരുറവിനും സമം. [QE]
27. [QS]തേൻ ഏറെ കുടിക്കുന്നത് നല്ലതല്ല; [QE][QS]സ്വന്തം മഹത്വം ആരായുന്നത് അതുപോലെ തന്നെ. [QE]
28. [QS]ആത്മസംയമനം ഇല്ലാത്ത പുരുഷൻ [QE][QS]മതിൽ ഇല്ലാതെ ഇടിഞ്ഞുകിടക്കുന്ന പട്ടണംപോലെയാകുന്നു. [QE]