1. [PS]വേനൽകാലത്ത് ഹിമവും കൊയ്ത്തുകാലത്ത് മഴയും എന്നപോലെ [PE][QS]ഭോഷന് ബഹുമാനം ചേർന്നതല്ല. [QE]
2. [QS]പാറിപ്പോകുന്ന കുരികിലും പറന്നുപോകുന്ന മീവൽപക്ഷിയും പോലെ [QE][QS]കാരണം കൂടാതെ ശാപം ഫലിക്കുകയില്ല. [QE]
3. [QS]കുതിരയ്ക്ക് ചമ്മട്ടി, കഴുതയ്ക്കു കടിഞ്ഞാൺ, [QE][QS]മൂഢന്മാരുടെ മുതുകിനു വടി. [QE]
4. [QS]നീയും മൂഢനെപ്പോലെ ആകാതിരിക്കേണ്ടതിന് [QE][QS]അവന്റെ ഭോഷത്തംപോലെ അവനോട് ഉത്തരം പറയരുത്. [QE]
5. [QS]മൂഢന് താൻ ജ്ഞാനിയെന്ന് തോന്നാതിരിക്കേണ്ടതിന് [QE][QS]അവന്റെ ഭോഷത്തത്തിനൊത്തവണ്ണം അവനോട് ഉത്തരം പറയുക. [QE]
6. [QS]മൂഢന്റെ കൈവശം വർത്തമാനം അയക്കുന്നവൻ [QE][QS]സ്വന്തകാൽ മുറിച്ചുകളയുകയും അന്യായം കുടിക്കുകയും ചെയ്യുന്നു. [QE]
7. [QS]മൂഢന്മാരുടെ വായിലെ സദൃശവാക്യം [QE][QS]മുടന്തന്റെ കാല് ഞാന്നു കിടക്കുന്നതുപോലെ. [QE]
8. [QS]മൂഢന് ബഹുമാനം കൊടുക്കുന്നത് [QE][QS]കവിണയിൽ കല്ലുകെട്ടി മുറുക്കുന്നതുപോലെ. [QE]
9. [QS]മൂഢന്മാരുടെ വായിലെ സദൃശവാക്യം [QE][QS]മദ്യപന്റെ കയ്യിലെ മുള്ളുപോലെ. [QE]
10. [QS]എല്ലാവരെയും മുറിവേല്പിക്കുന്ന വില്ലാളിയും, [QE][QS]മൂഢനെയും [QE][QS]വഴിപോക്കരെയും കൂലിക്കു നിർത്തുന്നവനും ഒരുപോലെ. [QE]
11. [QS]നായ് ഛർദ്ദിച്ചതിലേക്ക് വീണ്ടും തിരിയുന്നതും [QE][QS]മൂഢൻ തന്റെ ഭോഷത്തം ആവർത്തിക്കുന്നതും ഒരുപോലെ. [QE]
12. [QS]തനിക്കുതന്നെ ജ്ഞാനിയെന്ന് തോന്നുന്ന മനുഷ്യനെ നീ കാണുന്നുവോ? [QE][QS]അവനെക്കുറിച്ചുള്ളതിനെക്കാളും മൂഢനെക്കുറിച്ച് അധികം പ്രത്യാശയുണ്ട്. [QE]
13. [QS]“വഴിയിൽ സിംഹം ഉണ്ട്, തെരുവീഥികളിൽ ഉഗ്രസിംഹം ഉണ്ട് ” [QE][QS]എന്നിങ്ങനെ മടിയൻ പറയുന്നു. [QE]
14. [QS]കതക് വിജാഗിരിയിൽ എന്നപോലെ [QE][QS]മടിയൻ തന്റെ കിടക്കയിൽ തിരിയുന്നു. [QE]
15. [QS]മടിയൻ തന്റെ കൈ തളികയിൽ പൂഴ്ത്തുന്നു; [QE][QS]വായിലേക്ക് തിരികെ കൊണ്ടുവരുന്നത് അവനു പ്രയാസം. [QE]
16. [QS]ബുദ്ധിയോടെ ഉത്തരം പറയുവാൻ പ്രാപ്തിയുള്ള ഏഴു പേരിലും [QE][QS]താൻ ജ്ഞാനി എന്ന് മടിയനു തോന്നുന്നു. [QE]
17. [QS]തന്നെ സംബന്ധിക്കാത്ത വഴക്കിൽ ഇടപെടുന്നവൻ [QE][QS]വഴിയെപോകുന്ന നായുടെ ചെവിക്ക് പിടിക്കുന്നവനെപ്പോലെ. [QE]
18. [QS]കൂട്ടുകാരനെ വഞ്ചിച്ചിട്ട് [QE][QS]“അത് തമാശ” എന്ന് പറയുന്ന മനുഷ്യൻ [QE]
19. [QS]തീക്കൊള്ളികളും അമ്പുകളും മരണവും [QE][QS]എറിയുന്ന ഭ്രാന്തനെപ്പോലെയാകുന്നു. [QE]
20. [QS]വിറക് ഇല്ലാഞ്ഞാൽ തീ കെട്ടുപോകും; [QE][QS]നുണയൻ ഇല്ലാഞ്ഞാൽ വഴക്കും ഇല്ലാതെയാകും. [QE]
21. [QS]കരി കനലിനും വിറക് തീയ്ക്കും എന്നപോലെ [QE][QS]വഴക്കുകാരൻ കലഹം ജ്വലിക്കുന്നതിനു കാരണം. [QE]
22. [QS]ഏഷണിക്കാരന്റെ വാക്ക് സ്വാദുഭോജനംപോലെ; [QE][QS]അത് വയറിന്റെ അറകളിലേക്ക് ചെല്ലുന്നു. [QE]
23. [QS]ദുഷ്ടഹൃദയമുള്ളവന്റെ സ്നേഹം ജ്വലിക്കുന്ന അധരം [QE][QS]വെള്ളിക്കീടം പൊതിഞ്ഞ മൺകുടംപോലെയാകുന്നു. [QE]
24. [QS]പകയുള്ളവൻ അധരംകൊണ്ട് വേഷം ധരിക്കുന്നു; [QE][QS]ഉള്ളിൽ അവൻ ചതിവ് സംഗ്രഹിച്ചു വയ്ക്കുന്നു. [QE]
25. [QS]അവൻ ഇമ്പമായി സംസാരിക്കുമ്പോൾ അവനെ വിശ്വസിക്കരുത്; [QE][QS]അവന്റെ ഹൃദയത്തിൽ ഏഴു വെറുപ്പുണ്ട്. [QE]
26. [QS]അവന്റെ പക കപടംകൊണ്ടു മറച്ചുവച്ചാലും [QE][QS]അവന്റെ ദുഷ്ടത സഭയുടെ മുമ്പിൽ വെളിപ്പെട്ടുവരും. [QE]
27. [QS]കുഴി കുഴിക്കുന്നവൻ അതിൽ വീഴും; [QE][QS]കല്ലുരുട്ടുന്നവന്റെമേൽ അത് തിരിഞ്ഞുരുളും. [QE]
28. [QS]ഭോഷ്ക്കു പറയുന്ന നാവ് അതിനിരയായവരെ ദ്വേഷിക്കുന്നു; [QE][QS]മുഖസ്തുതി പറയുന്ന വായ് നാശം വരുത്തുന്നു. [QE]