1. [PS]നാളെയെച്ചൊല്ലി പ്രശംസിക്കരുത്; [PE][QS]ഒരു ദിവസത്തിൽ എന്തെല്ലാം സംഭവിക്കും എന്ന് അറിയുന്നില്ലല്ലോ. [QE]
2. [QS]നിന്റെ വായല്ല മറ്റൊരുത്തൻ, [QE][QS]നിന്റെ അധരമല്ല വേറൊരുത്തൻ നിന്നെ സ്തുതിക്കട്ടെ. [QE]
3. [QS]കല്ല് ഘനമുള്ളതും മണൽ ഭാരമുള്ളതും ആകുന്നു; [QE][QS]ഒരു ഭോഷന്റെ നീരസം ഇവ രണ്ടിലും ഘനമേറിയത്. [QE]
4. [QS]ക്രോധം ക്രൂരവും കോപം പ്രളയവും ആകുന്നു; [QE][QS]അസൂയയ്ക്കു മുമ്പിൽ ആർക്ക് നില്ക്കാം? [QE]
5. [QS]മറഞ്ഞിരിക്കുന്ന സ്നേഹത്തിലും തുറന്ന ശാസനയാണ് നല്ലത്. [QE]
6. [QS]സ്നേഹിതൻ വരുത്തുന്ന മുറിവുകൾ വിശ്വസ്തതയുടെ ഫലം; [QE][QS]ശത്രുവിന്റെ ചുംബനങ്ങൾ വഞ്ചനാപൂർണ്ണം. [QE]
7. [QS]തിന്ന് തൃപ്തനായവൻ തേൻകട്ടയും ചവിട്ടിക്കളയുന്നു; [QE][QS]വിശപ്പുള്ളവന് കൈപ്പുള്ളതൊക്കെയും മധുരം. [QE]
8. [QS]കൂടുവിട്ടലയുന്ന പക്ഷിയും [QE][QS]നാടു വിട്ടുഴലുന്ന മനുഷ്യനും ഒരുപോലെ. [QE]
9. [QS]തൈലവും ധൂപവും ഹൃദയത്തെ സന്തോഷിപ്പിക്കുന്നു; [QE][QS]സ്നേഹിതന്റെ ഹൃദയപൂർവ്വമായ ഉപദേശവും അങ്ങനെ തന്നെ. [QE]
10. [QS]നിന്റെ സ്നേഹിതനെയും അപ്പന്റെ സ്നേഹിതനെയും ഉപേക്ഷിക്കരുത്; [QE][QS]നിന്റെ കഷ്ടകാലത്ത് സഹോദരന്റെ വീട്ടിൽ പോകുകയും അരുത്; [QE][QS]ദൂരത്തെ സഹോദരനിലും സമീപത്തെ അയല്ക്കാരൻ നല്ലത്. [QE]
11. [QS]മകനേ, എന്നെ നിന്ദിക്കുന്നവനോട് ഞാൻ ഉത്തരം പറയേണ്ടതിന് [QE][QS]നീ ജ്ഞാനിയായി എന്റെ ഹൃദയത്തെ സന്തോഷിപ്പിക്കുക. [QE]
12. [QS]വിവേകമുള്ളവൻ അനർത്ഥം കണ്ട് ഒളിച്ചുകൊള്ളുന്നു; [QE][QS]അല്പബുദ്ധികളോ നേരെ ചെന്ന് അനർത്ഥത്തിൽ അകപ്പെടുന്നു. [QE]
13. [QS]അന്യനുവേണ്ടി ജാമ്യം നില്ക്കുന്നവന്റെ വസ്ത്രം എടുത്തുകൊള്ളുക; [QE][QS]പരസ്ത്രീക്കു വേണ്ടി ഉത്തരവാദിയാകുന്നവനോട് പണയം വാങ്ങുക. [QE]
14. [QS]അതികാലത്ത് എഴുന്നേറ്റ് സ്നേഹിതനെ [QE][QS]ഉച്ചത്തിൽ അനുഗ്രഹിക്കുന്നവന് അത് ശാപമായി എണ്ണപ്പെടും. [QE]
15. [QS]പെരുമഴയുള്ള ദിവസത്തിൽ ഇടവിടാത്ത ചോർച്ചയും [QE][QS]കലഹക്കാരത്തിയായ സ്ത്രീയും ഒരുപോലെ. [QE]
16. [QS]അവളെ നിയന്ത്രിക്കുവാൻ നോക്കുന്നവൻ കാറ്റിനെ നിയന്ത്രിക്കുവാൻ നോക്കുന്നു; [QE][QS]തന്റെ വലങ്കൈകൊണ്ട് എണ്ണ പിടിക്കുവാൻ പോകുന്നതുപോലെ. [QE]
17. [QS]ഇരിമ്പ് ഇരിമ്പിന് മൂർച്ചകൂട്ടുന്നു; [QE][QS]മനുഷ്യൻ മനുഷ്യന് മൂർച്ചകൂട്ടുന്നു. [QE]
18. [QS]അത്തികാക്കുന്നവൻ അതിന്റെ പഴം തിന്നും; [QE][QS]യജമാനനെ സൂക്ഷിക്കുന്നവൻ ബഹുമാനിക്കപ്പെടും. [QE]
19. [QS]വെള്ളത്തിൽ മുഖത്തിന്റെ രൂപം പ്രതിഫലിച്ചുകാണുന്നതുപോലെ; [QE][QS]മനുഷ്യൻ തന്റെ ഹൃദയത്തിനൊത്തവണ്ണം മറ്റൊരുവനെ കാണുന്നു. [QE]
20. [QS]പാതാളത്തിനും നരകത്തിനും ഒരിക്കലും തൃപ്തി വരുന്നില്ല; [QE][QS]മനുഷ്യന്റെ കണ്ണിനും ഒരിക്കലും തൃപ്തിവരുന്നില്ല. [QE]
21. [QS]വെള്ളിക്ക് പുടവും പൊന്നിന് മൂശയും ശോധന; [QE][QS]മനുഷ്യനോ അവന്റെ പ്രശംസ. [QE]
22. [QS]ഭോഷനെ ഉരലിൽ ഇട്ട് ഉലക്കകൊണ്ട് അവൽപോലെ ഇടിച്ചാലും [QE][QS]അവന്റെ ഭോഷത്തം വിട്ടുമാറുകയില്ല. [QE]
23. [QS]നിന്റെ ആടുകളുടെ അവസ്ഥ അറിയുവാൻ ജാഗ്രതയായിരിക്കുക; [QE][QS]നിന്റെ കന്നുകാലികളിൽ നന്നായി ദൃഷ്ടിവയ്ക്കുക. [QE]
24. [QS]സമ്പത്ത് എന്നേക്കും ഇരിക്കുന്നതല്ലല്ലോ; [QE][QS]കിരീടം തലമുറതലമുറയോളം ഇരിക്കുമോ? [QE]
25. [QS]പുല്ല് ചെത്തി കൊണ്ടുപോകുന്നു; ഇളമ്പുല്ല് മുളച്ചുവരുന്നു; [QE][QS]പർവ്വതങ്ങളിലെ സസ്യങ്ങളെ ശേഖരിക്കുന്നു. [QE]
26. [QS]കുഞ്ഞാടുകൾ നിനക്ക് ഉടുപ്പിനും [QE][QS]കോലാടുകൾ നിലത്തിന്റെ വിലയ്ക്കും പ്രയോജനപ്പെടും. [QE]
27. [QS]കോലാടുകളുടെ പാല് നിന്റെ ആഹാരത്തിനും [QE][QS]നിന്റെ ഭവനക്കാരുടെ അഹോവൃത്തിക്കും [QE][QS]നിന്റെ ദാസിമാരുടെ ഉപജീവനത്തിനും മതിയാകും. [QE]