1. [PS]ആരും ഓടിക്കാതെ ദുഷ്ടന്മാർ ഓടിപ്പോകുന്നു; [PE][QS]നീതിമാന്മാർ ബാലസിംഹംപോലെ നിർഭയമായിരിക്കുന്നു. [QE]
2. [QS]ദേശത്തിലെ അതിക്രമം നിമിത്തം അതിലെ പ്രഭുക്കന്മാർ അനേകം പേരായിരിക്കുന്നു; [QE][QS]ബുദ്ധിയും പരിജ്ഞാനവും ഉള്ളവർ മുഖാന്തരം അതിന്റെ വ്യവസ്ഥ ദീർഘമായി നില്ക്കുന്നു. [QE]
3. [QS]അഗതികളെ പീഡിപ്പിക്കുന്ന ദരിദ്രൻ [QE][QS]വിളവ് ശേഷിപ്പിക്കാതെ ഒഴുക്കിക്കളയുന്ന മഴപോലെയാകുന്നു. [QE]
4. [QS]ന്യായപ്രമാണം ഉപേക്ഷിക്കുന്നവർ ദുഷ്ടനെ പ്രശംസിക്കുന്നു; [QE][QS]ന്യായപ്രമാണം പാലിക്കുന്നവർ അവരോട് എതിർത്തു നില്ക്കുന്നു. [QE]
5. [QS]ദുഷ്ടന്മാർ ന്യായം തിരിച്ചറിയുന്നില്ല; [QE][QS]യഹോവയെ അന്വേഷിക്കുന്നവരോ സകലവും തിരിച്ചറിയുന്നു. [QE]
6. [QS]തന്റെ വഴികളിൽ വക്രനായി നടക്കുന്ന ധനവാനെക്കാൾ [QE][QS]പരമാർത്ഥതയിൽ നടക്കുന്ന ദരിദ്രൻ ഉത്തമൻ. [QE]
7. [QS]ന്യായപ്രമാണം പ്രമാണിക്കുന്നവൻ ബുദ്ധിയുള്ള മകൻ; [QE][QS]ഭോജനപ്രീയന്മാർക്കു സഖിയായവൻ പിതാവിനെ അപമാനിക്കുന്നു. [QE]
8. [QS]പലിശയും ലാഭവും വാങ്ങി സമ്പത്ത് വർദ്ധിപ്പിക്കുന്നവൻ [QE][QS]അഗതികളോട് കൃപാലുവായവനു വേണ്ടി അത് ശേഖരിക്കുന്നു. [QE]
9. [QS]ന്യായപ്രമാണം കേൾക്കാതെ ചെവി തിരിച്ചുകളയുന്നവന്റെ [QE][QS]പ്രാർത്ഥന പോലും വെറുപ്പാകുന്നു. [QE]
10. [QS]നേരുള്ളവരെ ദുർമ്മാർഗ്ഗത്തിലേക്ക് തെറ്റിക്കുന്നവൻ [QE][QS]താൻ കുഴിച്ച കുഴിയിൽതന്നെ വീഴും; [QE][QS]നിഷ്കളങ്കരായവർ നന്മ അവകാശമാക്കും. [QE]
11. [QS]ധനവാന് സ്വയം ജ്ഞാനിയായി തോന്നുന്നു; [QE][QS]ബുദ്ധിയുള്ള അഗതി അവനെ ശോധന ചെയ്യുന്നു. [QE]
12. [QS]നീതിമാന്മാർ ആഹ്ളാദിക്കുമ്പോൾ എല്ലാവരും ഉല്ലസിക്കുന്നു; [QE][QS]ദുഷ്ടന്മാരുടെ ഉയർച്ചയിൽ ആളുകൾ സ്വയം ഒളിക്കുന്നു. [QE]
13. [QS]തന്റെ ലംഘനങ്ങളെ മറയ്ക്കുന്നവന് ശുഭം വരുകയില്ല; [QE][QS]അവയെ ഏറ്റുപറഞ്ഞു ഉപേക്ഷിക്കുന്നവന് കരുണ ലഭിക്കും. [QE]
14. [QS]എപ്പോഴും ഭയഭക്തിയോടിരിക്കുന്ന മനുഷ്യൻ ഭാഗ്യവാൻ; [QE][QS]ഹൃദയത്തെ കഠിനമാക്കുന്നവൻ അനർത്ഥത്തിൽ അകപ്പെടും. [QE]
15. [QS]അഗതികളുടെമേൽ അധികാരം നടത്തുന്ന ദുഷ്ടൻ [QE][QS]ഗർജ്ജിക്കുന്ന സിംഹത്തിനും ഇരതേടി നടക്കുന്ന കരടിക്കും തുല്യൻ. [QE]
16. [QS]ബുദ്ധിഹീനനായ പ്രഭു മഹാപീഡകൻ ആകുന്നു; [QE][QS]ദ്രവ്യാഗ്രഹം വെറുക്കുന്നവൻ ദീർഘായുസ്സോടെ ഇരിക്കും. [QE]
17. [QS]രക്തച്ചൊരിച്ചിലിന്റെ കുറ്റം ചുമക്കുന്നവൻ കുഴിയിലേയ്ക്ക് ബദ്ധപ്പെടും; [QE][QS]അവനെ ആരും തുണയ്ക്കരുത്. [QE]
18. [QS]നിഷ്കളങ്കനായി നടക്കുന്നവൻ സുരക്ഷിതനായിരിക്കും; [QE][QS]നടപ്പിൽ വക്രതയുള്ളവൻ പെട്ടെന്നു വീഴും. [QE]
19. [QS]നിലം കൃഷിചെയ്യുന്നവന് ആഹാരം സമൃദ്ധിയായി കിട്ടും; [QE][QS]നിസ്സാരന്മാരെ പിൻചെല്ലുന്നവനോ വേണ്ടുവോളം ദാരിദ്ര്യം അനുഭവിക്കും. [QE]
20. [QS]വിശ്വസ്തപുരുഷൻ അനുഗ്രഹസമ്പൂർണ്ണൻ; [QE][QS]ധനവാനാകേണ്ടതിനു ബദ്ധപ്പെടുന്നവന് ശിക്ഷ വരാതിരിക്കുകയില്ല. [QE]
21. [QS]പക്ഷപാതം കാണിക്കുന്നത് നല്ലതല്ല; [QE][QS]ഒരു കഷണം അപ്പത്തിനായും മനുഷ്യൻ അന്യായം ചെയ്യും. [QE]
22. [QS]ദുഷ്ടകണ്ണുള്ളവൻ ധനവാനാകുവാൻ ബദ്ധപ്പെടുന്നു; [QE][QS]ബുദ്ധിമുട്ടു വരുമെന്ന് അവൻ അറിയുന്നതുമില്ല. [QE]
23. [QS]ചക്കരവാക്ക് പറയുന്നവനെക്കാൾ [QE][QS]ശാസിക്കുന്നവനു പിന്നീട് പ്രീതി ലഭിക്കും. [QE]
24. [QS]അപ്പനോടോ അമ്മയോടോ പിടിച്ചുപറിച്ചിട്ട് [QE][QS]‘അത് അക്രമമല്ല’ എന്നു പറയുന്നവൻ നാശകന്റെ സഖി. [QE]
25. [QS]അത്യാഗ്രഹമുള്ളവൻ വഴക്കുണ്ടാക്കുന്നു; [QE][QS]യഹോവയിൽ ആശ്രയിക്കുന്നവൻ പുഷ്ടി പ്രാപിക്കും. [QE]
26. [QS]സ്വന്തഹൃദയത്തിൽ ആശ്രയിക്കുന്നവൻ മൂഢൻ; [QE][QS]ജ്ഞാനത്തോടെ നടക്കുന്നവൻ സുരക്ഷിതനായിരിക്കും. [QE]
27. [QS]ദരിദ്രനു കൊടുക്കുന്നവന് കുറവ് ഉണ്ടാകുകയില്ല; [QE][QS]കണ്ണ് അടച്ചുകളയുന്നവന് ഏറിയ ശാപം ഉണ്ടാകും. [QE]
28. [QS]ദുഷ്ടന്മാരുടെ ഉയർച്ചയിൽ ആളുകൾ സ്വയം ഒളിക്കുന്നു; [QE][QS]അവർ നശിക്കുമ്പോൾ നീതിമാന്മാർ വർദ്ധിക്കുന്നു. [QE]