1. [PS]തുടർച്ചയായി ശാസന കേട്ടിട്ടും ശാഠ്യം കാണിക്കുന്നവൻ [PE][QS]നീക്കുപോക്കില്ലാതെ പെട്ടെന്നു നശിച്ചുപോകും. [QE]
2. [QS]നീതിമാന്മാർ വർദ്ധിക്കുമ്പോൾ ജനം സന്തോഷിക്കുന്നു; [QE][QS]ദുഷ്ടൻ ആധിപത്യം നടത്തുമ്പോൾ ജനം ഞരങ്ങുന്നു. [QE]
3. [QS]ജ്ഞാനം ഇഷ്ടപ്പെടുന്നവൻ തന്റെ അപ്പനെ സന്തോഷിപ്പിക്കുന്നു; [QE][QS]വേശ്യകളോട് സഹവാസം ചെയ്യുന്നവനോ തന്റെ സമ്പത്ത് നശിപ്പിക്കുന്നു. [QE]
4. [QS]രാജാവ് ന്യായപാലനത്താൽ രാജ്യത്തെ നിലനിർത്തുന്നു; [QE][QS]നികുതി വർദ്ധിപ്പിക്കുന്നവൻ അതിനെ നശിപ്പിക്കുന്നു. [QE]
5. [QS]കൂട്ടുകാരനോട് മുഖസ്തുതി പറയുന്നവൻ [QE][QS]അവന്റെ കാലിന് ഒരു വല വിരിക്കുന്നു. [QE]
6. [QS]ദുഷ്ക്കർമ്മി തന്റെ ലംഘനത്തിൽ കുടുങ്ങുന്നു; [QE][QS]നീതിമാനോ ഘോഷിച്ചാനന്ദിക്കുന്നു. [QE]
7. [QS]നീതിമാൻ അഗതികളുടെ കാര്യം അറിയുന്നു; [QE][QS]ദുഷ്ടനോ പരിജ്ഞാനം ഇന്നതെന്ന് അറിയുന്നില്ല. [QE]
8. [QS]പരിഹാസികൾ പട്ടണത്തിൽ കോപാഗ്നി ജ്വലിപ്പിക്കുന്നു; [QE][QS]ജ്ഞാനികൾ ക്രോധത്തെ ശമിപ്പിക്കുന്നു. [QE]
9. [QS]ജ്ഞാനിക്കും ഭോഷനും തമ്മിൽ തർക്കം ഉണ്ടായിട്ട് [QE][QS]ഭോഷൻ കോപിക്കുകയോ ചിരിക്കുകയോ ചെയ്തേക്കാം; എന്നാൽ അവിടെ ശാന്തത ഉണ്ടാകുകയില്ല. [QE]
10. [QS]രക്തപാതകന്മാർ നിഷ്ക്കളങ്കനെ ദ്വേഷിക്കുന്നു; [QE][QS]നേരുള്ളവരോ അവന്റെ പ്രാണരക്ഷ അന്വേഷിക്കുന്നു. [QE]
11. [QS]മൂഢൻ തന്റെ കോപം മുഴുവനും വെളിപ്പെടുത്തുന്നു; [QE][QS]ജ്ഞാനി അതിനെ അടക്കി ശമിപ്പിക്കുന്നു. [QE]
12. [QS]അധിപതി നുണ കേൾക്കുവാൻ തുടങ്ങിയാൽ [QE][QS]അവന്റെ ഭൃത്യന്മാരെല്ലാവരും ദുഷ്ടന്മാരാകും. [QE]
13. [QS]ദരിദ്രനും പീഡകനും തമ്മിൽ പൊതുവായി ഒന്നുണ്ട്; [QE][QS]ഇരുവരുടെയും കണ്ണ് യഹോവ പ്രകാശിപ്പിക്കുന്നു. [QE]
14. [QS]അഗതികൾക്ക് വിശ്വസ്തതയോടെ ന്യായപാലനം ചെയ്യുന്ന [QE][QS]രാജാവിന്റെ സിംഹാസനം എന്നേക്കും സ്ഥിരമായിരിക്കും. [QE]
15. [QS]വടിയും ശാസനയും ജ്ഞാനം നല്കുന്നു; [QE][QS]തന്നിഷ്ടത്തിനു വിട്ടിരിക്കുന്ന ബാലൻ അമ്മയ്ക്കു ലജ്ജ വരുത്തുന്നു. [QE]
16. [QS]ദുഷ്ടന്മാർ പെരുകുമ്പോൾ അതിക്രമം പെരുകുന്നു; [QE][QS]നീതിമാന്മാർ അവരുടെ വീഴ്ച കാണും. [QE]
17. [QS]നിന്റെ മകനെ ശിക്ഷിക്കുക; അവൻ നിനക്ക് ആശ്വാസമായിത്തീരും; [QE][QS]അവൻ നിന്റെ മനസ്സിന് പ്രമോദം വരുത്തും. [QE]
18. [QS]വെളിപ്പാട് ഇല്ലാത്തിടത്തു ജനം മര്യാദവിട്ടു നടക്കുന്നു; [QE][QS]ന്യായപ്രമാണം കാത്തുകൊള്ളുന്നവനോ ഭാഗ്യവാൻ. [QE]
19. [QS]ദാസനെ നന്നാക്കുവാൻ വാക്കു മാത്രം പോരാ; [QE][QS]അവൻ അത് ഗ്രഹിച്ചാലും കൂട്ടാക്കുകയില്ലല്ലോ. [QE]
20. [QS]വാക്കിൽ തിടുക്കമുള്ള മനുഷ്യനെ നീ കാണുന്നുവോ? [QE][QS]അവനെക്കാൾ മൂഢനെക്കുറിച്ച് അധികം പ്രത്യാശയുണ്ട്. [QE]
21. [QS]ദാസനെ ബാല്യംമുതൽ ലാളിച്ചുവളർത്തുന്നവനോട് [QE][QS]അവൻ ഒടുവിൽ ദുശ്ശാഠ്യം കാണിക്കും. [QE]
22. [QS]കോപമുള്ളവൻ വഴക്കുണ്ടാക്കുന്നു; [QE][QS]ക്രോധമുള്ളവൻ അതിക്രമം വർദ്ധിപ്പിക്കുന്നു. [QE]
23. [QS]മനുഷ്യന്റെ ഗർവ്വം അവനെ താഴ്ത്തിക്കളയും; [QE][QS]മനോവിനയമുള്ളവൻ മാനം പ്രാപിക്കും. [QE]
24. [QS]കള്ളന്റെ പങ്കാളി സ്വന്തം പ്രാണനെ പകയ്ക്കുന്നു; [QE][QS]അവൻ സത്യം ചെയ്യുന്നു; ഒന്നും വെളിപ്പെടുത്തുന്നതുമില്ല. [QE]
25. [QS]മാനുഷഭയം ഒരു കെണി ആകുന്നു; [QE][QS]യഹോവയിൽ ആശ്രയിക്കുന്നവൻ രക്ഷപ്രാപിക്കും. [QE]
26. [QS]അനേകം പേർ അധിപതിയുടെ മുഖപ്രസാദം അന്വേഷിക്കുന്നു; [QE][QS]മനുഷ്യന് നീതി യഹോവയിൽനിന്നു വരുന്നു. [QE]
27. [QS]നീതികെട്ടവൻ നീതിമാന്മാർക്ക് വെറുപ്പ്; [QE][QS]സന്മാർഗ്ഗി ദുഷ്ടന്മാർക്കും വെറുപ്പ്. [QE]