1. [PS]ലെമൂവേൽരാജാവിന്റെ വചനങ്ങൾ; [PE][QS]അവന്റെ അമ്മ അവന് ഉപദേശിച്ചുകൊടുത്ത അരുളപ്പാട്. [QE]
2. [QS]മകനേ, എന്ത്? ഞാൻ പ്രസവിച്ച മകനേ എന്ത്? [QE][QS]എന്റെ നേർച്ചകളുടെ മകനേ, എന്ത്? [QE]
3. [QS]സ്ത്രീകൾക്ക് നിന്റെ ബലത്തെയും [QE][QS]രാജാക്കന്മാരെ നശിപ്പിക്കുന്നവർക്ക് നിന്റെ വഴികളെയും ഏല്പിച്ചു കൊടുക്കരുത്. [QE]
4. [QS]വീഞ്ഞ് കുടിക്കുന്നത് രാജാക്കന്മാർക്ക് ചേർന്നതല്ല; [QE][QS]ലെമൂവേലേ, രാജാക്കന്മാർക്ക് അതു ചേർന്നതല്ല; [QE][QS]മദ്യാസക്തി പ്രഭുക്കന്മാർക്ക് ഉചിതവുമല്ല. [QE]
5. [QS]അവർ മദ്യപിച്ചിട്ട്, നിയമം മറന്നുപോകുവാനും [QE][QS]പീഡിതരുടെ ന്യായം മറിച്ചുകളയുവാനും ഇടവരരുത്. [QE]
6. [QS]നശിച്ചുകൊണ്ടിരിക്കുന്നവന് മദ്യവും [QE][QS]മനോവ്യസനമുള്ളവന് വീഞ്ഞും കൊടുക്കുക. [QE]
7. [QS]അവൻ മദ്യപിച്ചിട്ട്, തന്റെ ദാരിദ്ര്യം മറക്കുകയും [QE][QS]തന്റെ അരിഷ്ടത ഓർക്കാതിരിക്കുകയും ചെയ്യട്ടെ. [QE]
8. [QS]ഊമനു വേണ്ടി നിന്റെ വായ് തുറക്കുക; [QE][QS]ക്ഷയിച്ചുപോകുന്ന എല്ലാവരുടെയും കാര്യത്തിൽ തന്നെ. [QE]
9. [QS]നിന്റെ വായ് തുറന്ന് നീതിയോടെ ന്യായം വിധിക്കുക; [QE][QS]എളിയവനും ദരിദ്രനും ന്യായപാലനം ചെയ്തുകൊടുക്കുക. [QE]
10. [QS]സാമർത്ഥ്യമുള്ള ഭാര്യയെ ആർക്ക് കിട്ടും? [QE][QS]അവളുടെ വില മുത്തുകളിലും ഏറിയത്. [QE]
11. [QS]ഭർത്താവിന്റെ ഹൃദയം അവളെ വിശ്വസിക്കുന്നു; [QE][QS]അവന്റെ ലാഭത്തിന് ഒരു കുറവുമില്ല. [QE]
12. [QS]അവൾ തന്റെ ആയുഷ്ക്കാലമൊക്കെയും [QE][QS]അവന് തിന്മയല്ല നന്മ തന്നെ ചെയ്യുന്നു. [QE]
13. [QS]അവൾ ആട്ടുരോമവും ചണവും സമ്പാദിച്ച് [QE][QS]താത്പര്യത്തോടെ സ്വന്തം കൈകൊണ്ട് വേലചെയ്യുന്നു. [QE]
14. [QS]അവൾ കച്ചവടക്കപ്പൽപോലെയാകുന്നു; [QE][QS]ദൂരത്തുനിന്ന് ആഹാരം കൊണ്ടുവരുന്നു. [QE]
15. [QS]അവൾ അതിരാവിലെ എഴുന്നേറ്റ്, വീട്ടിലുള്ളവർക്ക് ആഹാരവും [QE][QS]വേലക്കാരികൾക്ക് ഓഹരിയും കൊടുക്കുന്നു. [QE]
16. [QS]അവൾ ഒരു നിലത്തിന്മേൽ ദൃഷ്ടിവച്ച് അത് വാങ്ങുന്നു; [QE][QS]സമ്പാദ്യം കൊണ്ട് അവൾ ഒരു മുന്തിരിത്തോട്ടം നട്ടുണ്ടാക്കുന്നു. [QE]
17. [QS]അവൾ ബലംകൊണ്ട് അര മുറുക്കുകയും [QE][QS]ഭുജങ്ങളെ ശക്തീകരിക്കുകയും ചെയ്യുന്നു. [QE]
18. [QS]തന്റെ വ്യാപാരം ആദായമുള്ളതെന്ന് അവൾ അറിയുന്നു; [QE][QS]അവളുടെ വിളക്ക് രാത്രിയിൽ കെട്ടുപോകുന്നതുമില്ല. [QE]
19. [QS]അവൾ നെയ്ത്തുദണ്ഡിന് കൈ നീട്ടുന്നു; [QE][QS]അവളുടെ വിരൽ തക്ളി പിടിക്കുന്നു. [QE]
20. [QS]അവൾ തന്റെ കൈ എളിയവർക്കുവേണ്ടി തുറക്കുന്നു; [QE][QS]ദരിദ്രന്മാരുടെ അടുക്കലേക്ക് കൈ നീട്ടുന്നു. [QE]
21. [QS]തന്റെ വീട്ടുകാരെക്കുറിച്ച് അവൾ ഹിമകാലത്ത് ഭയപ്പെടുന്നില്ല; [QE][QS]അവളുടെ വീട്ടിലുള്ള എല്ലാവർക്കും ചുവപ്പു കമ്പിളി ഉണ്ടല്ലോ. [QE]
22. [QS]അവൾ തനിക്ക് പരവതാനി ഉണ്ടാക്കുന്നു; [QE][QS]ചണപട്ടും ധൂമ്രവസ്ത്രവും അവളുടെ ഉടുപ്പ്. [QE]
23. [QS]ദേശത്തിലെ മൂപ്പന്മാരോടുകൂടി ഇരിക്കുമ്പോൾ [QE][QS]അവളുടെ ഭർത്താവ് പട്ടണവാതില്ക്കൽ പ്രസിദ്ധനാകുന്നു. [QE]
24. [QS]അവൾ ചണവസ്ത്രം ഉണ്ടാക്കി വില്ക്കുന്നു; [QE][QS]അരക്കച്ച ഉണ്ടാക്കി കച്ചവടക്കാരനെ ഏല്പിക്കുന്നു. [QE]
25. [QS]ബലവും മഹിമയും അവളുടെ ഉടുപ്പ്; [QE][QS]ഭാവികാലം ഓർത്ത് അവൾ പുഞ്ചിരി തൂകുന്നു. [QE]
26. [QS]അവൾ ജ്ഞാനത്തോടെ വായ് തുറക്കുന്നു; [QE][QS]ദയയുള്ള ഉപദേശം അവളുടെ നാവിന്മേൽ ഉണ്ട്. [QE]
27. [QS]വീട്ടുകാരുടെ പെരുമാറ്റം അവൾ ശ്രദ്ധിച്ചുനോക്കുന്നു; [QE][QS]അലസതയുടെ ഭക്ഷണം കഴിക്കുന്നതുമില്ല. [QE]
28. [QS]അവളുടെ മക്കൾ എഴുന്നേറ്റ് അവളെ ‘ഭാഗ്യവതി’ എന്ന് പുകഴ്ത്തുന്നു; [QE][QS]അവളുടെ ഭർത്താവും അവളെ പ്രശംസിക്കുന്നത്: [QE]
29. [QS]“അനേകം തരുണികൾ സാമർത്ഥ്യം കാണിച്ചിട്ടുണ്ട്; [QE][QS]നീയോ അവരെല്ലാവരിലും ശ്രേഷ്ഠയായിരിക്കുന്നു”. [QE]
30. [QS]ലാവണ്യം വ്യാജവും സൗന്ദര്യം വ്യർത്ഥവും ആകുന്നു; [QE][QS]യഹോവാഭക്തിയുള്ള സ്ത്രീയോ പ്രശംസിക്കപ്പെടും. [QE]
31. [QS]അവളുടെ കൈകളുടെ ഫലം അവൾക്ക് കൊടുക്കുവിൻ; [QE][QS]അവളുടെ സ്വന്തപ്രവൃത്തികൾ പട്ടണവാതില്ക്കൽ അവളെ പ്രശംസിക്കട്ടെ.[QE]