1. [PS]മക്കളേ, അപ്പന്റെ പ്രബോധനം കേട്ട് [PE][QS]വിവേകം പ്രാപിക്കേണ്ടതിന് ശ്രദ്ധിക്കുവിൻ. [QE]
2. [QS]ഞാൻ നിങ്ങൾക്ക് സൽബുദ്ധി ഉപദേശിച്ചുതരുന്നു; [QE][QS]എന്റെ ഉപദേശം നിങ്ങൾ ഉപേക്ഷിക്കരുത്. [QE]
3. [QS]ഞാൻ എന്റെ അപ്പന് മകനും [QE][QS]എന്റെ അമ്മയ്ക്ക് ഓമനയും ഏകപുത്രനും ആയിരുന്നു; [QE]
4. [QS]അവൻ എന്നെ പഠിപ്പിച്ച്, എന്നോട് പറഞ്ഞത്: [QE][QS]“എന്റെ വചനങ്ങളെ ഹൃദയത്തിൽ സംഗ്രഹിച്ചുകൊള്ളുക; [QE][QS]എന്റെ കല്പനകളെ പ്രമാണിച്ച് ജീവിക്കുക. [QE]
5. [QS]ജ്ഞാനം സമ്പാദിക്കുക: വിവേകം നേടുക; മറക്കരുത്; [QE][QS]എന്റെ വചനങ്ങളെ വിട്ടുമാറുകയും അരുത്. [QE]
6. [QS]അതിനെ ഉപേക്ഷിക്കരുത്; അത് നിന്നെ കാക്കും; [QE][QS]അതിൽ പ്രിയം വയ്ക്കുക; അത് നിന്നെ സൂക്ഷിക്കും; [QE]
7. [QS]ജ്ഞാനംതന്നെ പ്രധാനം; ജ്ഞാനം സമ്പാദിക്കുക; [QE][QS]നിന്റെ സകലസമ്പാദ്യം കൊണ്ടും വിവേകം നേടുക. [QE]
8. [QS]അതിനെ ഉയർത്തുക; അത് നിന്നെ ഉയർത്തും; [QE][QS]അതിനെ ആലിംഗനം ചെയ്താൽ അത് നിനക്ക് മാനം വരുത്തും. [QE]
9. [QS]അത് നിന്റെ തലയെ അലങ്കാരമാല അണിയിക്കും; [QE][QS]അത് നിന്നെ ഒരു മഹത്വകിരീടം ചൂടിക്കും. [QE]
10. [QS]മകനേ കേട്ട് എന്റെ വചനങ്ങളെ കൈക്കൊള്ളുക; [QE][QS]എന്നാൽ നിനക്ക് ദീർഘായുസ്സുണ്ടാകും. [QE]
11. [QS]ജ്ഞാനത്തിന്റെ മാർഗ്ഗം ഞാൻ നിന്നെ ഉപദേശിക്കുന്നു; [QE][QS]നേരെയുള്ള പാതയിൽ ഞാൻ നിന്നെ നടത്തുന്നു. [QE]
12. [QS]നടക്കുമ്പോൾ നിന്റെ കാലടികൾ തടസ്സം നേരിടുകയില്ല; [QE][QS]ഓടുമ്പോൾ നീ ഇടറുകയുമില്ല. [QE]
13. [QS]പ്രബോധനം മുറുകെ പിടിക്കുക; വിട്ടുകളയരുത്; [QE][QS]അതിനെ കാത്തുകൊള്ളുക, അത് നിന്റെ ജീവനല്ലയോ. [QE]
14. [QS]ദുഷ്ടന്മാരുടെ പാതയിൽ നീ ചെല്ലരുത്; [QE][QS]ദുർജ്ജനത്തിന്റെ വഴിയിൽ നടക്കുകയും അരുത്; [QE]
15. [QS]അതിനോട് അകന്നുനില്ക്കുക; അതിൽ നടക്കരുത്; [QE][QS]അത് വിട്ടുമാറി കടന്നുപോകുക. [QE]
16. [QS]അവർ ദോഷം ചെയ്തിട്ടല്ലാതെ ഉറങ്ങുകയില്ല; [QE][QS]ആരെയെങ്കിലും വീഴിച്ചിട്ടല്ലാതെ അവർക്ക് ഉറക്കം വരുകയില്ല. [QE]
17. [QS]ദുഷ്ടതയുടെ ആഹാരംകൊണ്ട് അവർ ഉപജീവിക്കുന്നു; [QE][QS]ബലാല്ക്കാരത്തിന്റെ വീഞ്ഞ് അവർ പാനം ചെയ്യുന്നു. [QE]
18. [QS]നീതിമാന്മാരുടെ പാതയോ പ്രഭാതത്തിന്റെ വെളിച്ചംപോലെ; [QE][QS]അത് നട്ടുച്ചവരെ അധികമധികം ശോഭിച്ചുവരുന്നു. [QE]
19. [QS]ദുഷ്ടന്മാരുടെ വഴി അന്ധകാരംപോലെയാകുന്നു; [QE][QS]ഏതിൽ തട്ടി വീഴും എന്ന് അവർ അറിയുന്നില്ല. [QE]
20. [QS]മകനേ, എന്റെ വചനങ്ങൾക്ക് ശ്രദ്ധതരുക; [QE][QS]എന്റെ മൊഴികൾക്ക് നിന്റെ ചെവി ചായിക്കുക. [QE]
21. [QS]അവ നിന്റെ ദൃഷ്ടിയിൽനിന്ന് മാറിപ്പോകരുത്; [QE][QS]നിന്റെ ഹൃദയത്തിന്റെ നടുവിൽ അവയെ സൂക്ഷിച്ചുവയ്ക്കുക. [QE]
22. [QS]അവയെ കിട്ടുന്നവർക്ക് അവ ജീവനും [QE][QS]അവരുടെ മുഴുവൻശരീരത്തിനും സൗഖ്യവും ആകുന്നു. [QE]
23. [QS]സകലജാഗ്രതയോടുംകൂടി നിന്റെ ഹൃദയത്തെ കാത്തുകൊള്ളുക; [QE][QS]ജീവന്റെ ഉത്ഭവം അതിൽനിന്നല്ലയോ ആകുന്നത്. [QE]
24. [QS]വായുടെ വക്രത നിന്നിൽനിന്ന് നീക്കിക്കളയുക; [QE][QS]അധരങ്ങളുടെ വികടം നിന്നിൽനിന്ന് അകറ്റുക. [QE]
25. [QS]നിന്റെ കണ്ണ് നേരെ നോക്കട്ടെ; [QE][QS]നിന്റെ ദൃഷ്ടി മുമ്പോട്ട് തന്നെ ആയിരിക്കട്ടെ. [QE]
26. [QS]നിന്റെ കാലുകളുടെ പാത നിരപ്പാക്കുക; [QE][QS]നിന്റെ വഴികളെല്ലാം സ്ഥിരമായിരിക്കട്ടെ. [QE]
27. [QS]ഇടത്തോട്ടോ വലത്തോട്ടോ തിരിയരുത്; [QE][QS]നിന്റെ കാലുകൾ തിന്മയിൽനിന്ന് അകലുമാറാക്കുക. [QE]