1. [PS]മകനേ, കൂട്ടുകാരനു വേണ്ടി നീ ജാമ്യം നില്ക്കുകയോ [PE][QS]അന്യനു വേണ്ടി കൈയടിച്ച് ഉറപ്പ് നൽകുകയോ ചെയ്തിട്ടുണ്ടെങ്കിൽ, [QE]
2. [QS]നിന്റെ വായിലെ വാക്കുകളാൽ നീ ചതിക്കപ്പെട്ടു; [QE][QS]നിന്റെ വായിലെ മൊഴികളാൽ നീ കെണിയിലായി. [QE]
3. [QS]ആകയാൽ മകനേ, ഇത് ചെയ്യുക; നിന്നെത്തന്നെ വിടുവിക്കുക; [QE][QS]കൂട്ടുകാരന്റെ കൈകളിൽ നീ അകപ്പെട്ടുപോയല്ലോ; [QE][QS]നീ ചെന്ന്, താണുവീണ് കൂട്ടുകാരനോട് മുട്ടിപ്പായി അപേക്ഷിക്കുക. [QE]
4. [QS]നിന്റെ കണ്ണിന് ഉറക്കവും [QE][QS]നിന്റെ കൺപോളകൾക്ക് നിദ്രയും കൊടുക്കരുത്. [QE]
5. [QS]മാൻ നായാട്ടുകാരന്റെ കൈയിൽനിന്നും [QE][QS]പക്ഷി വേട്ടക്കാരന്റെ കൈയിൽനിന്നും [QE][QS]എന്നപോലെ നീ നിന്നെത്തന്നെ വിടുവിക്കുക, [QE]
6. [QS]മടിയാ, ഉറുമ്പിന്റെ അടുക്കൽ ചെല്ലുക; [QE][QS]അതിന്റെ വഴികൾ നോക്കി ബുദ്ധിപഠിക്കുക. [QE]
7. [QS]അതിന് നായകനും മേൽവിചാരകനും [QE][QS]അധിപതിയും ഇല്ലാതിരുന്നിട്ടും [QE]
8. [QS]വേനല്ക്കാലത്ത് തന്റെ ആഹാരം ഒരുക്കുന്നു; [QE][QS]കൊയ്ത്തുകാലത്ത് തന്റെ ഭക്ഷണം ശേഖരിക്കുന്നു. [QE]
9. [QS]മടിയാ, നീ എത്രനേരം കിടന്നുറങ്ങും? [QE][QS]എപ്പോൾ ഉറക്കത്തിൽ നിന്നെഴുന്നേല്ക്കും? [QE]
10. [QS]കുറേക്കൂടെ ഉറക്കം; കുറേക്കൂടെ നിദ്ര; [QE][QS]കുറേക്കൂടെ കൈകെട്ടിക്കിടപ്പ്. [QE]
11. [QS]അങ്ങനെ നിന്റെ ദാരിദ്ര്യം വഴിപോക്കനെപ്പോലെയും [QE][QS]നിന്റെ ബുദ്ധിമുട്ട് ആയുധധാരിയെപ്പോലെയും വരും. [QE]
12. [QS]നിസ്സാരനും ദുഷ്കർമ്മിയുമായവൻ [QE][QS]വായുടെ വക്രതയോടെ നടക്കുന്നു. [QE]
13. [QS]അവൻ കണ്ണിമയ്ക്കുന്നു; കാൽകൊണ്ട് തോണ്ടുന്നു; [QE][QS]വിരൽകൊണ്ട് ആംഗ്യം കാണിക്കുന്നു. [QE]
14. [QS]അവന്റെ ഹൃദയത്തിൽ വക്രതയുണ്ട്; [QE][QS]അവൻ എല്ലായ്പോഴും ദോഷം നിരൂപിച്ച് വഴക്കുണ്ടാക്കുന്നു. [QE]
15. [QS]അതുകൊണ്ട് അവന്റെ ആപത്ത് പെട്ടെന്ന് വരും; [QE][QS]ക്ഷണത്തിൽ അവൻ തകർന്നുപോകും; പരിഹാരമുണ്ടാകുകയുമില്ല. [QE]
16. [QS]ആറു കാര്യം യഹോവ വെറുക്കുന്നു; [QE][QS]ഏഴു കാര്യം അവന് അറപ്പാകുന്നു: [QE]
17. [QS]ഗർവ്വമുള്ള കണ്ണും വ്യാജമുള്ള നാവും [QE][QS]കുറ്റമില്ലാത്ത രക്തം ചൊരിയുന്ന കൈയും [QE]
18. [QS]ദുരുപായം നിരൂപിക്കുന്ന ഹൃദയവും [QE][QS]ദോഷത്തിനു ബദ്ധപ്പെട്ട് ഓടുന്ന കാലും [QE]
19. [QS]ഭോഷ്ക് പറയുന്ന കള്ളസാക്ഷിയും [QE][QS]സഹോദരന്മാരുടെ ഇടയിൽ വഴക്കുണ്ടാക്കുന്നവനും തന്നെ. [QE]
20. [QS]മകനേ, നിന്റെ അപ്പന്റെ കല്പന പ്രമാണിക്കുക; [QE][QS]അമ്മയുടെ ഉപദേശം ഉപേക്ഷിക്കുകയുമരുത്. [QE]
21. [QS]അത് എല്ലായ്പോഴും നിന്റെ ഹൃദയത്തോട് ബന്ധിച്ചുകൊള്ളുക; [QE][QS]നിന്റെ കഴുത്തിൽ അത് കെട്ടിക്കൊള്ളുക. [QE]
22. [QS]നീ നടക്കുമ്പോൾ അത് നിനക്ക് വഴികാണിക്കും. [QE][QS]നീ ഉറങ്ങുമ്പോൾ അത് നിന്നെ കാക്കും; [QE][QS]നീ ഉണരുമ്പോൾ അത് നിന്നോട് സംസാരിക്കും. [QE]
23. [QS]കല്പന ഒരു ദീപവും ഉപദേശം ഒരു വെളിച്ചവും [QE][QS]പ്രബോധനത്തിന്റെ ശാസനകൾ ജീവന്റെ മാർഗ്ഗവും ആകുന്നു. [QE]
24. [QS]അവ ദുഷ്ടസ്ത്രീയുടെ വശീകരണത്തിൽ നിന്നും [QE][QS]പരസ്ത്രീയുടെ ചക്കരവാക്കുകളിൽനിന്നും നിന്നെ രക്ഷിക്കും. [QE]
25. [QS]അവളുടെ സൗന്ദര്യത്തെ നിന്റെ ഹൃദയത്തിൽ മോഹിക്കരുത്; [QE][QS]അവൾ കണ്ണിമകൊണ്ട് നിന്നെ വശീകരിക്കുകയുമരുത്. [QE]
26. [QS]വേശ്യാസ്ത്രീനിമിത്തം പുരുഷൻ ഉണങ്ങിയ അപ്പക്കഷണം പോലെയായിപ്പോകും; [QE][QS]വ്യഭിചാരിണി വിലയേറിയ ജീവനെ വേട്ടയാടുന്നു. [QE]
27. [QS]ഒരു മനുഷ്യനു തന്റെ വസ്ത്രം വെന്തുപോകാതെ [QE][QS]മടിയിൽ തീ കൊണ്ടുവരാമോ? [QE]
28. [QS]ഒരുത്തനു കാൽ പൊള്ളാതെ [QE][QS]തീക്കനലിന്മേൽ നടക്കാമോ? [QE]
29. [QS]കൂട്ടുകാരന്റെ ഭാര്യയുടെ അടുക്കൽ ചെല്ലുന്നവൻ ഇങ്ങനെ തന്നെ; [QE][QS]അവളെ തൊടുന്ന ഒരുത്തനും ശിക്ഷ വരാതെയിരിക്കുകയില്ല. [QE]
30. [QS]കള്ളൻ വിശന്നിട്ട് വിശപ്പടക്കുവാൻ മാത്രം മോഷ്ടിച്ചാൽ [QE][QS]ആരും അവനെ നിന്ദിക്കുന്നില്ല. [QE]
31. [QS]അവൻ പിടിക്കപ്പെട്ടാൽ അവൻ ഏഴിരട്ടി മടക്കിക്കൊടുക്കണം; [QE][QS]തന്റെ വീട്ടിലെ വസ്തുവക ഒക്കെയും കൊടുക്കേണ്ടിവരാം; [QE]
32. [QS]സ്ത്രീയോട് വ്യഭിചാരം ചെയ്യുന്നവനോ, ബുദ്ധിഹീനൻ; [QE][QS]അങ്ങനെ ചെയ്യുന്നവൻ സ്വന്തപ്രാണനെ നശിപ്പിക്കുന്നു. [QE]
33. [QS]പ്രഹരവും അപമാനവും അവനു ലഭിക്കും; [QE][QS]അവന്റെ നിന്ദ മാഞ്ഞുപോകുകയുമില്ല. [QE]
34. [QS]ജാരശങ്ക പുരുഷന് ക്രോധഹേതുവാകുന്നു; [QE][QS]പ്രതികാരദിവസത്തിൽ അവൻ ഇളവ് നൽകുകയില്ല. [QE]
35. [QS]അവൻ യാതൊരു നഷ്ടപരിഹാരവും സ്വീകരിക്കുകയില്ല; [QE][QS]എത്ര സമ്മാനം കൊടുത്താലും അവൻ തൃപ്തിപ്പെടുകയുമില്ല. [QE]