1. [PS]മകനേ, എന്റെ വചനങ്ങൾ പ്രമാണിച്ച് [PE][QS]എന്റെ കല്പനകൾ നിന്റെ ഉള്ളിൽ സംഗ്രഹിച്ചുകൊള്ളുക. [QE]
2. [QS]നീ ജീവിച്ചിരിക്കേണ്ടതിന് എന്റെ കല്പനകളെയും ഉപദേശത്തെയും [QE][QS]നിന്റെ കണ്ണിന്റെ കൃഷ്ണമണിപോലെ കാത്തുകൊള്ളുക. [QE]
3. [QS]നിന്റെ വിരലിന്മേൽ അവയെ കെട്ടുക; [QE][QS]ഹൃദയത്തിന്റെ പലകയിൽ എഴുതുക. [QE]
4. [QS]ജ്ഞാനത്തോട്: “നീ എന്റെ സഹോദരി” എന്ന് പറയുക; [QE][QS]വിവേകത്തെ സഖി എന്ന് വിളിക്കുക. [QE]
5. [QS]അവ നിന്നെ പരസ്ത്രീയുടെ കൈയിൽ നിന്നും [QE][QS]ചക്കരവാക്ക് പറയുന്ന അന്യസ്ത്രീയുടെ വശത്തുനിന്നും കാക്കും. [QE]
6. [QS]ഞാൻ എന്റെ വീടിന്റെ കിളിവാതില്ക്കൽ [QE][QS]അഴികൾക്ക് ഇടയിലൂടെ നോക്കിക്കൊണ്ടിരിക്കുമ്പോൾ [QE]
7. [QS]ഭോഷന്മാരുടെ ഇടയിൽ ഒരുവനെ കണ്ടു; [QE][QS]യൗവനക്കാരുടെ കൂട്ടത്തിൽ ബുദ്ധിഹീനനായ ഒരു യുവാവിനെ കണ്ടറിഞ്ഞു. [QE]
8. [QS]അവൻ വൈകുന്നേരം, സന്ധ്യാസമയത്ത്, [QE][QS]ഇരുട്ടും അന്ധകാരവുമുള്ള ഒരു രാത്രിയിൽ, [QE]
9. [QS]അവളുടെ വീടിന്റെ കോണിനരികെ വീഥിയിൽകൂടി കടന്ന്, [QE][QS]അവളുടെ വീട്ടിലേക്കുള്ള വഴിയിൽ കൂടിനടന്നുചെല്ലുന്നു. [QE]
10. [QS]പെട്ടെന്ന് ഇതാ ഒരു സ്ത്രീ, വേശ്യാവസ്ത്രം ധരിച്ചും, [QE][QS]ഹൃദയത്തിൽ ഉപായം നിരൂപിച്ചും, അവനെ എതിരേറ്റുവരുന്നു. [QE]
11. [QS]അവൾ മോഹപരവശയും തന്നിഷ്ടക്കാരിയും ആകുന്നു; [QE][QS]അവളുടെ കാല് വീട്ടിൽ അടങ്ങിയിരിക്കുകയില്ല. [QE]
12. [QS]ഇപ്പോൾ അവളെ വീഥിയിലും പിന്നെ വിശാലസ്ഥലത്തും കാണാം; [QE][QS]ഓരോ കോണിലും അവൾ പതിയിരിക്കുന്നു. [QE]
13. [QS]അവൾ അവനെ പിടിച്ചുചുംബിച്ച്, [QE][QS]ലജ്ജകൂടാതെ അവനോട് പറയുന്നത് [QE]
14. [QS]“എനിക്ക് സമാധാനയാഗങ്ങൾ ഉണ്ടായിരുന്നു; [QE][QS]ഇന്ന് ഞാൻ എന്റെ നേർച്ചകൾ കഴിച്ചിരിക്കുന്നു. [QE]
15. [QS]അതുകൊണ്ട് ഞാൻ നിന്നെ കാണുവാൻ ആഗ്രഹിച്ച് [QE][QS]നിന്നെ എതിരേല്ക്കുവാൻ പുറപ്പെട്ട് നിന്നെ കണ്ടെത്തിയിരിക്കുന്നു. [QE]
16. [QS]ഞാൻ എന്റെ കട്ടിലിന്മേൽ പരവതാനികളും [QE][QS]ഈജിപ്റ്റിലെ നൂൽകൊണ്ടുള്ള വർണ്ണവിരികളും വിരിച്ചിരിക്കുന്നു. [QE]
17. [QS]മൂറും അകിലും ലവംഗവുംകൊണ്ട് [QE][QS]ഞാൻ എന്റെ മെത്ത സുഗന്ധമാക്കിയിരിക്കുന്നു. [QE]
18. [QS]വരുക; വെളുക്കുംവരെ നമുക്ക് പ്രേമത്തിൽ രമിക്കാം; [QE][QS]കാമവിലാസങ്ങളാൽ നമുക്ക് സുഖിക്കാം. [QE]
19. [QS]പുരുഷൻ വീട്ടിൽ ഇല്ല; [QE][QS]ദൂരയാത്ര പോയിരിക്കുന്നു; [QE]
20. [QS]പണമടിശ്ശീല കൂടെ കൊണ്ടുപോയിട്ടുണ്ട്; [QE][QS]പൗർണ്ണമാസിയിലേ വീട്ടിൽ തിരിച്ചെത്തുകയുള്ളു”. [QE]
21. [QS]ഇങ്ങനെ ഏറിയോരു ഇമ്പവാക്കുകളാൽ അവൾ അവനെ വശീകരിച്ച് [QE][QS]അധരമാധുര്യംകൊണ്ട് അവനെ നിർബ്ബന്ധിക്കുന്നു. [QE]
22. [QS]അറക്കുന്നേടത്തേക്ക് കാളയും ചങ്ങലയിലേക്ക് ഭോഷനും പോകുന്നതുപോലെയും, [QE]
23. [QS]പക്ഷി ജീവഹാനിക്കുള്ളതെന്ന് അറിയാതെ [QE][QS]കെണിയിലേക്ക് ബദ്ധപ്പെടുന്നതുപോലെയും [QE][QS]കരളിൽ അസ്ത്രം തറയ്ക്കുവോളം അവൻ അവളുടെ പിന്നാലെ ചെല്ലുന്നു. [QE]
24. [QS]ആകയാൽ മക്കളേ, എന്റെ വാക്ക് കേൾക്കുവിൻ; [QE][QS]എന്റെ വായിലെ വചനങ്ങളെ ശ്രദ്ധിക്കുവിൻ. [QE]
25. [QS]നിന്റെ മനസ്സ് അവളുടെ വഴിയിലേക്ക് ചായരുത്; [QE][QS]അവളുടെ പാതകളിലേക്ക് നീ തെറ്റിച്ചെല്ലുകയുമരുത്. [QE]
26. [QS]അവൾ വീഴിച്ച ഹതന്മാർ അനേകം പേർ; [QE][QS]അവൾ കൊന്നുകളഞ്ഞവർ ആകെ വലിയ ഒരു കൂട്ടം ആകുന്നു. [QE]
27. [QS]അവളുടെ വീട് പാതാളത്തിലേക്കുള്ള വഴിയാകുന്നു; [QE][QS]അത് മരണത്തിന്റെ അറകളിലേക്ക് ചെല്ലുന്നു. [QE]