1. യഹോവയെ സ്തുതിക്കുവിൻ; [QBR] യഹോവയെ ഭയപ്പെട്ട്, അവന്റെ കല്പനകൾ [QBR] ഏറ്റവും ഇഷ്ടപ്പെടുന്ന മനുഷ്യൻ ഭാഗ്യവാൻ. [QBR]
2. അവന്റെ സന്തതി ഭൂമിയിൽ ബലപ്പെട്ടിരിക്കും; [QBR] നേരുള്ളവരുടെ തലമുറ അനുഗ്രഹിക്കപ്പെടും. [QBR]
3. ഐശ്വര്യവും സമ്പത്തും അവന്റെ വീട്ടിൽ ഉണ്ടാകും; [QBR] അവന്റെ നീതി എന്നേക്കും നിലനില്ക്കുന്നു. [QBR]
4. നേരുള്ളവർക്ക് ഇരുട്ടിൽ വെളിച്ചം ഉദിക്കുന്നു; [QBR] അവൻ കൃപയും കരുണയും നീതിയും ഉള്ളവനാകുന്നു. [QBR]
5. കൃപതോന്നി വായ്പകൊടുക്കുന്നവൻ ശുഭമായിരിക്കും; [QBR] വിവേകത്തോടെ അവൻ തന്റെ കാര്യം നടത്തും. [QBR]
6. അവൻ ഒരു നാളും കുലുങ്ങിപ്പോകുകയില്ല; [QBR] നീതിമാൻ എന്നേക്കും സ്മരിക്കപ്പെടും. [QBR]
7. ദുർവ്വർത്തമാനംനിമിത്തം അവൻ ഭയപ്പെടുകയില്ല; [QBR] അവന്റെ ഹൃദയം യഹോവയിൽ ആശ്രയിച്ച് ഉറച്ചിരിക്കും. [QBR]
8. അവന്റെ ഹൃദയം ഭയപ്പെടാതെ സ്ഥിരമായിരിക്കുന്നു; [QBR] അവൻ ശത്രുക്കളിൽ തന്റെ ആഗ്രഹം നിവർത്തിച്ചുകാണും. [QBR]
9. അവൻ വാരി വിതറി ദരിദ്രന്മാർക്കു കൊടുക്കുന്നു; [QBR] അവന്റെ നീതി എന്നേക്കും നിലനില്ക്കുന്നു; [QBR] അവന്റെ കൊമ്പ് ബഹുമാനത്തോടെ ഉയർന്നിരിക്കും. [QBR]
10. ദുഷ്ടൻ അതു കണ്ട് വ്യസനിക്കും; [QBR] അവൻ പല്ലുകടിച്ച് ഉരുകിപ്പോകും; [QBR] ദുഷ്ടന്റെ ആശ നശിച്ചുപോകും. [PE]