1. യഹോവയുടെ ന്യായപ്രമാണം അനുസരിച്ച് [QBR] നടപ്പിൽ നിഷ്കളങ്കരായവർ ഭാഗ്യവാന്മാർ. [QBR]
2. അവന്റെ സാക്ഷ്യങ്ങൾ പ്രമാണിച്ച് [QBR] പൂർണ്ണഹൃദയത്തോടെ അവനെ അന്വേഷിക്കുന്നവർ ഭാഗ്യവാന്മാർ. [QBR]
3. അവർ നീതികേടു പ്രവർത്തിക്കാതെ [QBR] അവന്റെ വഴികളിൽതന്നെ നടക്കുന്നു. [QBR]
4. നിന്റെ പ്രമാണങ്ങൾ കൃത്യമായി ആചരിക്കേണ്ടതിന് [QBR] നീ അവ കല്പിച്ചുതന്നിരിക്കുന്നു. [QBR]
5. നിന്റെ ചട്ടങ്ങൾ ആചരിക്കേണ്ടതിന് [QBR] എന്റെ നടപ്പ് സ്ഥിരതയുള്ളതായെങ്കിൽ കൊള്ളാമായിരുന്നു. [QBR]
6. നിന്റെ സകലകല്പനകളും ശ്രദ്ധിക്കുന്ന കാലത്തോളം [QBR] ഞാൻ ലജ്ജിച്ചുപോകുകയില്ല. [QBR]
7. നിന്റെ നീതിയുള്ള വിധികൾ പഠിച്ചിട്ട് [QBR] ഞാൻ പരമാർത്ഥഹൃദയത്തോടെ നിനക്കു സ്തോത്രം ചെയ്യും. [QBR]
8. ഞാൻ നിന്റെ ചട്ടങ്ങൾ ആചരിക്കും; [QBR] എന്നെ അശേഷം ഉപേക്ഷിക്കരുതേ. ബേത്ത്. [QBR]
9. ഒരു ബാലൻ തന്റെ നടപ്പ് നിർമ്മലമായി സൂക്ഷിക്കുന്നത് എങ്ങനെ? [QBR] നിന്റെ വചനപ്രകാരം തന്റെ നടപ്പ് ശ്രദ്ധിക്കുന്നതിനാൽ തന്നെ. [QBR]
10. ഞാൻ പൂർണ്ണഹൃദയത്തോടെ നിന്നെ അന്വേഷിക്കുന്നു; [QBR] നിന്റെ കല്പനകൾ വിട്ടുനടക്കുവാൻ എനിക്ക് ഇടവരരുതേ. [QBR]
11. ഞാൻ നിന്നോട് പാപം ചെയ്യാതിരിക്കേണ്ടതിന് [QBR] നിന്റെ വചനം എന്റെ ഹൃദയത്തിൽ സംഗ്രഹിക്കുന്നു. [QBR]
12. യഹോവേ, നീ വാഴ്ത്തപ്പെട്ടവൻ; [QBR] നിന്റെ ചട്ടങ്ങൾ എനിക്ക് ഉപദേശിച്ചു തരണമേ. [QBR]
13. ഞാൻ എന്റെ അധരങ്ങൾകൊണ്ട് [QBR] നിന്റെ വായിൽ നിന്നുള്ള വിധികളെ ഒക്കെയും വർണ്ണിക്കുന്നു. [QBR]
14. ഞാൻ സർവ്വസമ്പത്തിലും എന്നപോലെ [QBR] നിന്റെ സാക്ഷ്യങ്ങളുടെ വഴിയിൽ ആനന്ദിക്കുന്നു. [QBR]
15. ഞാൻ നിന്റെ പ്രമാണങ്ങൾ ധ്യാനിക്കുകയും [QBR] നിന്റെ വഴികളെ ശ്രദ്ധിച്ചുനോക്കുകയും ചെയ്യുന്നു. [QBR]
16. ഞാൻ നിന്റെ ചട്ടങ്ങളിൽ പ്രമോദിക്കും; [QBR] നിന്റെ വചനം മറക്കുകയുമില്ല. ഗീമെൽ. [QBR]
17. ജീവിച്ചിരുന്ന് നിന്റെ വചനം പ്രമാണിക്കേണ്ടതിന് അടിയന് നന്മ ചെയ്യണമേ. [QBR]
18. നിന്റെ ന്യായപ്രമാണത്തിലെ അത്ഭുതകാര്യങ്ങൾ കാണേണ്ടതിന് [QBR] എന്റെ കണ്ണുകളെ തുറക്കേണമേ. [QBR]
19. ഞാൻ ഭൂമിയിൽ പരദേശിയാകുന്നു; [QBR] നിന്റെ കല്പനകൾ എനിക്ക് മറച്ചുവയ്ക്കരുതേ. [QBR]
20. നിന്റെ വിധികൾക്കുവേണ്ടിയുള്ള നിരന്തരവാഞ്ഛകൊണ്ട് [QBR] എന്റെ മനസ്സു തകർന്നിരിക്കുന്നു. [QBR]
21. നിന്റെ കല്പനകൾ വിട്ട് തെറ്റി നടക്കുന്നവരായ [QBR] ശപിക്കപ്പെട്ട അഹങ്കാരികളെ നീ ഭർസിക്കുന്നു. [QBR]
22. നിന്ദയും അപമാനവും എന്നോട് അകറ്റണമേ; [QBR] ഞാൻ നിന്റെ സാക്ഷ്യങ്ങൾ പ്രമാണിക്കുന്നു. [QBR]
23. പ്രഭുക്കന്മാരും കൂടിയിരുന്ന് എനിക്കു വിരോധമായി സംസാരിക്കുന്നു; [QBR] എങ്കിലും അടിയൻ നിന്റെ ചട്ടങ്ങളെ ധ്യാനിക്കുന്നു. [QBR]
24. നിന്റെ സാക്ഷ്യങ്ങൾ എന്റെ പ്രമോദവും [QBR] എന്റെ ആലോചനക്കാരും ആകുന്നു. ദാലെത്ത്. [QBR]
25. എന്റെ പ്രാണൻ പൊടിയോടു പറ്റിയിരിക്കുന്നു; [QBR] തിരുവചനപ്രകാരം എന്നെ ജീവിപ്പിക്കണമേ. [QBR]
26. എന്റെ വഴികളെ ഞാൻ വിവരിച്ചപ്പോൾ നീ എനിക്ക് ഉത്തരമരുളി; [QBR] നിന്റെ ചട്ടങ്ങൾ എനിക്ക് ഉപദേശിച്ചുതരണമേ. [QBR]
27. നിന്റെ പ്രമാണങ്ങളുടെ വഴി എന്നെ ഗ്രഹിപ്പിക്കണമേ; [QBR] എന്നാൽ ഞാൻ നിന്റെ അത്ഭുതങ്ങളെ ധ്യാനിക്കും. [QBR]
28. എന്റെ പ്രാണൻ വിഷാദംകൊണ്ട് ഉരുകുന്നു; [QBR] നിന്റെ വചനപ്രകാരം എന്നെ ശക്തീകരിക്കണമേ. [QBR]
29. ഭോഷ്കിന്റെ വഴി എന്നോട് അകറ്റണമേ; [QBR] നിന്റെ ന്യായപ്രമാണം എനിക്ക് കൃപയോടെ നല്കണമേ. [QBR]
30. വിശ്വസ്തതയുടെ മാർഗ്ഗം ഞാൻ തിരഞ്ഞെടുത്തിരിക്കുന്നു; [QBR] നിന്റെ വിധികൾ എന്റെ മുമ്പിൽ വച്ചിരിക്കുന്നു. [QBR]
31. ഞാൻ നിന്റെ സാക്ഷ്യങ്ങളോടു പറ്റിയിരിക്കുന്നു; [QBR] യഹോവേ, എന്നെ ലജ്ജിപ്പിക്കരുതേ. [QBR]
32. നീ എന്റെ ഹൃദയത്തെ വിശാലമാക്കുമ്പോൾ [QBR] ഞാൻ നിന്റെ കല്പനകളുടെ വഴിയിൽ ഓടും. ഹേ. [QBR]
33. യഹോവേ, നിന്റെ ചട്ടങ്ങളുടെ വഴി എന്നെ ഉപദേശിക്കണമേ; [QBR] ഞാൻ അത് അവസാനത്തോളം പ്രമാണിക്കും. [QBR]
34. ഞാൻ നിന്റെ ന്യായപ്രമാണം കാക്കേണ്ടതിനും [QBR] അത് പൂർണ്ണഹൃദയത്തോടെ പ്രമാണിക്കേണ്ടതിനും എനിക്ക് ബുദ്ധി നല്കണമേ. [QBR]
35. നിന്റെ കല്പനകളുടെ പാതയിൽ എന്നെ നടത്തണമേ; [QBR] ഞാൻ അത് ഇഷ്ടപ്പെടുന്നുവല്ലോ. [QBR]
36. ദുരാദായത്തിലേക്കല്ല, നിന്റെ സാക്ഷ്യങ്ങളിലേക്കു തന്നെ [QBR] എന്റെ ഹൃദയം ചായുമാറാക്കണമേ. [QBR]
37. വ്യാജത്തിലേക്കു നോക്കാതെ എന്റെ കണ്ണുകൾ തിരിച്ച് [QBR] നിന്റെ വഴികളിൽ എന്നെ ജീവിപ്പിക്കണമേ. [QBR]
38. നിന്നോടുള്ള ഭക്തി വർദ്ധിപ്പിക്കുന്ന [QBR] നിന്റെ വചനം അടിയന് ഉറപ്പിച്ചുതരണമേ. [QBR]
39. ഞാൻ പേടിക്കുന്ന നിന്ദ എന്നോട് അകറ്റിക്കളയണമേ; [QBR] നിന്റെ വിധികൾ നല്ലവയല്ലയോ?. [QBR]
40. ഇതാ, ഞാൻ നിന്റെ പ്രമാണങ്ങളെ വാഞ്ഛിക്കുന്നു; [QBR] നിന്റെ നീതിയാൽ എന്നെ ജീവിപ്പിക്കണമേ. വൗ. [QBR]
41. യഹോവേ, നിന്റെ വചനപ്രകാരം നിന്റെ ദയയും [QBR] നിന്റെ രക്ഷയും എന്നിലേക്ക് വരുമാറാകട്ടെ. [QBR]
42. ഞാൻ നിന്റെ വചനത്തിൽ ആശ്രയിക്കുന്നതുകൊണ്ട് [QBR] എന്നെ നിന്ദിക്കുന്നവനോട് ഉത്തരം പറയുവാൻ ഞാൻ പ്രാപ്തനാകും. [QBR]
43. ഞാൻ നിന്റെ വിധികൾക്കായി കാത്തിരിക്കുകയാൽ [QBR] സത്യത്തിന്റെ വചനം എന്റെ വായിൽ നിന്ന് നീക്കിക്കളയരുതേ. [QBR]
44. അങ്ങനെ ഞാൻ നിന്റെ ന്യായപ്രമാണം [QBR] ഇടവിടാതെ എന്നേക്കും പ്രമാണിക്കും. [QBR]
45. നിന്റെ പ്രമാണങ്ങൾ ആരായുന്നതുകൊണ്ട് [QBR] ഞാൻ വിശാലതയിൽ നടക്കും. [QBR]
46. ഞാൻ ലജ്ജിക്കാതെ രാജാക്കന്മാരുടെ മുമ്പിലും [QBR] നിന്റെ സാക്ഷ്യങ്ങളെക്കുറിച്ചു സംസാരിക്കും. [QBR]
47. ഞാൻ നിന്റെ കല്പനകളിൽ പ്രമോദിക്കുന്നു; [QBR] അവ എനിക്ക് പ്രിയമായിരിക്കുന്നു. [QBR]
48. എനിക്കു പ്രിയമായിരിക്കുന്ന നിന്റെ കല്പനകളിലേക്ക് ഞാൻ കൈകൾ ഉയർത്തുന്നു; [QBR] നിന്റെ ചട്ടങ്ങൾ ഞാൻ ധ്യാനിക്കുന്നു. സയിൻ. [QBR]
49. എനിക്ക് പ്രത്യാശ നൽകുവാൻ കാരണമായ [QBR] അടിയനോടുള്ള നിന്റെ വചനത്തെ ഓർക്കണമേ. [QBR]
50. നിന്റെ വചനം എന്നെ ജീവിപ്പിച്ചിരിക്കുന്നത് [QBR] എന്റെ കഷ്ടതയിൽ എനിക്ക് ആശ്വാസമാകുന്നു. [QBR]
51. അഹങ്കാരികൾ എന്നെ അത്യന്തം പരിഹസിച്ചു; [QBR] എന്നാൽ ഞാൻ നിന്റെ ന്യായപ്രമാണം വിട്ടുമാറിയിട്ടില്ല. [QBR]
52. യഹോവേ, പുരാതനമായ നിന്റെ വിധികൾ ഓർത്ത് [QBR] ഞാൻ എന്നെത്തന്നെ ആശ്വസിപ്പിക്കുന്നു. [QBR]
53. നിന്റെ ന്യായപ്രമാണം ഉപേക്ഷിക്കുന്ന ദുഷ്ടന്മാർനിമിത്തം [QBR] എനിക്ക് ഉഗ്രകോപം പിടിച്ചിരിക്കുന്നു. [QBR]
54. ഞാൻ പരദേശിയായി പാർക്കുന്ന വീട്ടിൽ നിന്റെ ചട്ടങ്ങൾ എന്റെ കീർത്തനം ആകുന്നു. [QBR]
55. യഹോവേ, രാത്രിയിൽ ഞാൻ തിരുനാമം ഓർക്കുന്നു; [QBR] നിന്റെ ന്യായപ്രമാണം ഞാൻ ആചരിക്കുന്നു. [QBR]
56. നിന്റെ പ്രമാണങ്ങൾ അനുസരിക്കുന്നത് [QBR] എനിക്ക് അനുഗ്രഹമായിരിക്കുന്നു. ഹേത്ത്. [QBR]
57. യഹോവേ, നീ എന്റെ ഓഹരിയാകുന്നു; [QBR] ഞാൻ നിന്റെ വചനങ്ങൾ പ്രമാണിക്കും എന്നു ഞാൻ പറഞ്ഞു. [QBR]
58. പൂർണ്ണഹൃദയത്തോടെ ഞാൻ നിന്റെ കൃപയ്ക്കായി അപേക്ഷിക്കുന്നു; [QBR] നിന്റെ വാഗ്ദാനപ്രകാരം എന്നോടു കൃപയുണ്ടാകണമേ. [QBR]
59. ഞാൻ എന്റെ വഴികളെക്കുറിച്ച് ചിന്തിച്ച്, [QBR] എന്റെ കാലുകൾ നിന്റെ സാക്ഷ്യങ്ങളിലേക്കു തിരിക്കുന്നു. [QBR]
60. നിന്റെ കല്പനകൾ പ്രമാണിക്കുവാൻ [QBR] ഞാൻ ഒട്ടും വൈകാതെ ബദ്ധപ്പെടുന്നു; [QBR]
61. ദുഷ്ടന്മാരുടെ കയറുകൾ എന്നെ ചുറ്റിയിരിക്കുന്നു; [QBR] എങ്കിലും ഞാൻ നിന്റെ ന്യായപ്രമാണം മറക്കുന്നില്ല. [QBR]
62. നിന്റെ നീതിയുള്ള ന്യായവിധികൾ നിമിത്തം [QBR] നിനക്കു സ്തോത്രം ചെയ്യുവാൻ ഞാൻ അർദ്ധരാത്രിയിൽ എഴുന്നേല്ക്കും. [QBR]
63. നിന്നെ ഭയപ്പെടുകയും നിന്റെ പ്രമാണങ്ങൾ അനുസരിക്കുകയും [QBR] ചെയ്യുന്ന എല്ലാവർക്കും ഞാൻ സ്നേഹിതനാകുന്നു. [QBR]
64. യഹോവേ, ഭൂമി നിന്റെ ദയകൊണ്ടു നിറഞ്ഞിരിക്കുന്നു; [QBR] നിന്റെ ചട്ടങ്ങൾ എനിക്ക് ഉപദേശിച്ചു തരണമേ. തേത്ത്. [QBR]
65. യഹോവേ, തിരുവചനപ്രകാരം [QBR] നീ അടിയന് നന്മ ചെയ്തിരിക്കുന്നു. [QBR]
66. നിന്റെ കല്പനകൾ ഞാൻ വിശ്വസിച്ചിരിക്കുകയാൽ [QBR] എനിക്കു നല്ലബുദ്ധിയും പരിജ്ഞാനവും ഉപദേശിച്ചുതരണമേ. [QBR]
67. കഷ്ടതയിൽ ആകുന്നതിനു മുമ്പ് ഞാൻ തെറ്റിപ്പോയി; [QBR] ഇപ്പോൾ ഞാൻ നിന്റെ വചനം പ്രമാണിക്കുന്നു. [QBR]
68. നീ നല്ലവനും നന്മ ചെയ്യുന്നവനും ആകുന്നു; [QBR] നിന്റെ ചട്ടങ്ങൾ എനിക്ക് ഉപദേശിച്ചുതരണമേ. [QBR]
69. അഹങ്കാരികൾ എന്നെക്കുറിച്ച് നുണ പറഞ്ഞുണ്ടാക്കി; [QBR] ഞാൻ പൂർണ്ണഹൃദയത്തോടെ നിന്റെ പ്രമാണങ്ങൾ അനുസരിക്കും. [QBR]
70. അവരുടെ ഹൃദയം കൊഴുപ്പുപോലെ തടിച്ചിരിക്കുന്നു; [QBR] ഞാൻ നിന്റെ ന്യായപ്രമാണത്തിൽ രസിക്കുന്നു. [QBR]
71. നിന്റെ ചട്ടങ്ങൾ പഠിക്കുവാൻ തക്കവണ്ണം [QBR] ഞാൻ കഷ്ടതയിൽ ആയിരുന്നത് എനിക്കു ഗുണമായി. [QBR]
72. ആയിരം ആയിരം പൊൻവെള്ളി നാണ്യങ്ങളെക്കാൾ [QBR] നിന്റെ വായിൽനിന്നുള്ള ന്യായപ്രമാണം എനിക്കുത്തമം. യോദ്. [QBR]
73. തൃക്കൈകൾ എന്നെ സൃഷ്ടിക്കുകയും രൂപപ്പെടുത്തുകയും ചെയ്തിരിക്കുന്നു; [QBR] നിന്റെ കല്പനകൾ പഠിക്കുവാൻ എനിക്കു ബുദ്ധി നല്കണമേ. [QBR]
74. തിരുവചനത്തിൽ ഞാൻ പ്രത്യാശ വച്ചിരിക്കുകയാൽ [QBR] നിന്റെ ഭക്തന്മാർ എന്നെ കണ്ട് സന്തോഷിക്കുന്നു. [QBR]
75. യഹോവേ, നിന്റെ വിധികൾ നീതിയുള്ളവയെന്നും [QBR] വിശ്വസ്തതയോടെ നീ എന്നെ താഴ്ത്തിയിരിക്കുന്നു എന്നും ഞാൻ അറിയുന്നു. [QBR]
76. അടിയനോടുള്ള നിന്റെ വാഗ്ദാനപ്രകാരം [QBR] നിന്റെ ദയ എന്നെ ആശ്വസിപ്പിക്കട്ടെ. [QBR]
77. ഞാൻ ജീവിച്ചിരിക്കേണ്ടതിന് എന്നോട് കരുണ തോന്നണമേ; [QBR] നിന്റെ ന്യായപ്രമാണത്തിൽ ഞാൻ പ്രമോദിക്കുന്നു. [QBR]
78. കാരണം കൂടാതെ എന്നെ വെറുതെ ഉപദ്രവിക്കുന്ന അഹങ്കാരികൾ ലജ്ജിച്ചുപോകട്ടെ; [QBR] ഞാൻ നിന്റെ കല്പനകൾ ധ്യാനിക്കുന്നു. [QBR]
79. നിന്റെ ഭക്തന്മാരും നിന്റെ സാക്ഷ്യങ്ങൾ അറിയുന്നവരും [QBR] എന്റെ അടുക്കൽ വരട്ടെ. [QBR]
80. ഞാൻ ലജ്ജിച്ചു പോകാതിരിക്കേണ്ടതിന് [QBR] എന്റെ ഹൃദയം നിന്റെ ചട്ടങ്ങളിൽ നിഷ്കളങ്കമായിരിക്കട്ടെ. കഫ്. [QBR]
81. ഞാൻ നിന്റെ രക്ഷയ്ക്കായി കാത്തിരുന്ന് തളർന്നുപോകുന്നു; [QBR] നിന്റെ വാഗ്ദാനം ഞാൻ പ്രതീക്ഷിച്ചുകൊണ്ടിരിക്കുന്നു. [QBR]
82. എപ്പോൾ നീ എന്നെ ആശ്വസിപ്പിക്കും എന്ന് ചിന്തിച്ച് [QBR] എന്റെ കണ്ണ് നിന്റെ വാഗ്ദാനം കാത്തിരുന്ന് ക്ഷീണിക്കുന്നു. [QBR]
83. ഞാൻ പുകയത്തു വച്ച തോൽതുരുത്തിപോലെ ആകുന്നു. [QBR] എങ്കിലും നിന്റെ ചട്ടങ്ങൾ മറക്കുന്നില്ല. [QBR]
84. അടിയന്റെ ജീവകാലം എത്രനാൾ? [QBR] എന്നെ ഉപദ്രവിക്കുന്നവരുടെമേൽ നീ എപ്പോൾ ന്യായവിധി നടത്തും? [QBR]
85. നിന്റെ ന്യായപ്രമാണം അനുസരിക്കാത്ത [QBR] അഹങ്കാരികൾ എനിക്കായി കുഴി കുഴിച്ചിരിക്കുന്നു. [QBR]
86. നിന്റെ കല്പനകളെല്ലം വിശ്വാസ്യമാകുന്നു; [QBR] അവർ എന്നെ വെറുതെ ഉപദ്രവിക്കുന്നു; [QBR] എന്നെ സഹായിക്കണമേ. [QBR]
87. അവർ ഭൂമിയിൽ എന്നെ മിക്കവാറും ഇല്ലാതെയാക്കിയിരിക്കുന്നു; [QBR] നിന്റെ പ്രമാണങ്ങൾ ഞാൻ ഉപേക്ഷിച്ചില്ലതാനും. [QBR]
88. നിന്റെ ദയയ്ക്കു തക്കവണ്ണം എന്നെ ജീവിപ്പിക്കണമേ; [QBR] ഞാൻ നിന്റെ വായിൽനിന്നുള്ള സാക്ഷ്യങ്ങൾ പ്രമാണിക്കും. ലാമെദ്. [QBR]
89. യഹോവേ, നിന്റെ വചനം [QBR] സ്വർഗ്ഗത്തിൽ എന്നേക്കും സ്ഥിരമായിരിക്കുന്നു. [QBR]
90. നിന്റെ വിശ്വസ്തത തലമുറതലമുറയോളം ഇരിക്കുന്നു; [QBR] നീ ഭൂമിയെ സ്ഥാപിച്ചു, അതു നിലനില്ക്കുന്നു. [QBR]
91. അവ ഇന്നുവരെ നിന്റെ നിയമപ്രകാരം നിലനില്ക്കുന്നു; [QBR] സർവ്വസൃഷ്ടികളും നിന്റെ ദാസരല്ലോ. [QBR]
92. നിന്റെ ന്യായപ്രമാണം എന്റെ പ്രമോദം ആയിരുന്നില്ലെങ്കിൽ [QBR] ഞാൻ എന്റെ കഷ്ടതയിൽ നശിച്ചുപോകുമായിരുന്നു. [QBR]
93. ഞാൻ ഒരുനാളും നിന്റെ പ്രമാണങ്ങൾ മറക്കുകയില്ല; [QBR] അവയാൽ നീ എന്നെ ജീവിപ്പിച്ചിരിക്കുന്നു. [QBR]
94. ഞാൻ നിനക്കുള്ളവനത്രെ; എന്നെ രക്ഷിക്കണമേ; [QBR] ഞാൻ നിന്റെ പ്രമാണങ്ങൾ അന്വേഷിക്കുന്നു. [QBR]
95. ദുഷ്ടന്മാർ എന്നെ നശിപ്പിക്കുവാൻ കാത്തിരുന്നു; [QBR] എന്നാൽ ഞാൻ നിന്റെ സാക്ഷ്യങ്ങൾ ചിന്തിച്ചുകൊള്ളും. [QBR]
96. സകല പൂർണ്ണതയ്ക്കും ഞാൻ ഒരു പര്യവസാനം കണ്ടിരിക്കുന്നു; [QBR] നിന്റെ കല്പനയോ അത്യന്തം വിശാലമായിരിക്കുന്നു. മേം. [QBR]
97. നിന്റെ ന്യായപ്രമാണം എനിക്ക് എത്രയോ പ്രിയം; [QBR] ദിവസം മുഴുവനും അത് എന്റെ ധ്യാനമാകുന്നു. [QBR]
98. നിന്റെ കല്പനകൾ എന്നെ എന്റെ ശത്രുക്കളെക്കാൾ ബുദ്ധിമാനാക്കുന്നു; [QBR] അവ എപ്പോഴും എന്റെ പക്കൽ ഉണ്ട്. [QBR]
99. നിന്റെ സാക്ഷ്യങ്ങൾ എന്റെ ധ്യാനമായിരിക്കുകകൊണ്ട് [QBR] എന്റെ സകല ഗുരുക്കന്മാരെക്കാളും ഞാൻ വിവേകമുള്ളവനാകുന്നു. [QBR]
100. നിന്റെ പ്രമാണങ്ങൾ അനുസരിക്കുകയാൽ [QBR] ഞാൻ വൃദ്ധന്മാരിലും വിവേകമുള്ളവനാകുന്നു. [QBR]
101. നിന്റെ വചനം പ്രമാണിക്കേണ്ടതിന് [QBR] ഞാൻ സകല ദുർമാർഗ്ഗത്തിൽനിന്നും കാലുകളെ വിലക്കുന്നു. [QBR]
102. നീ എന്നെ ഉപദേശിച്ചിരിക്കുകയാൽ [QBR] ഞാൻ നിന്റെ വിധികൾ വിട്ടുമാറിയിട്ടില്ല. [QBR]
103. തിരുവചനം എന്റെ നാവിന് എത്ര മധുരം! [QBR] അവ എന്റെ വായ്ക്ക് തേനിലും നല്ലത്. [QBR]
104. നിന്റെ പ്രമാണങ്ങളാൽ ഞാൻ വിവേകമുള്ളവനാകുന്നു. [QBR] അതുകൊണ്ട് ഞാൻ സകലവ്യാജമാർഗ്ഗവും വെറുക്കുന്നു. നൂൻ. [QBR]
105. നിന്റെ വചനം എന്റെ കാലിന് ദീപവും [QBR] എന്റെ പാതയ്ക്കു പ്രകാശവും ആകുന്നു. [QBR]
106. നിന്റെ നീതിയുള്ള വിധികൾ പ്രമാണിക്കുമെന്ന് [QBR] ഞാൻ സത്യം ചെയ്തു; അതു ഞാൻ നിവർത്തിക്കും. [QBR]
107. ഞാൻ മഹാകഷ്ടത്തിലായിരിക്കുന്നു; [QBR] യഹോവേ, നിന്റെ വാഗ്ദാനപ്രകാരം എന്നെ ജീവിപ്പിക്കണമേ. [QBR]
108. യഹോവേ, എന്റെ വായുടെ സ്വമേധാദാനങ്ങളിൽ പ്രസാദിക്കണമേ; [QBR] നിന്റെ വിധികൾ എനിക്ക് ഉപദേശിച്ചു തരണമേ. [QBR]
109. ഞാൻ പ്രാണത്യാഗം ചെയ്യുവാൻ എല്ലായ്പോഴും ഒരുങ്ങിയിരിക്കുന്നു; [QBR] എങ്കിലും നിന്റെ ന്യായപ്രമാണം ഞാൻ മറക്കുന്നില്ല. [QBR]
110. ദുഷ്ടന്മാർ എനിക്കു കെണി വച്ചിരിക്കുന്നു; [QBR] എങ്കിലും ഞാൻ നിന്റെ പ്രമാണങ്ങൾ ഉപേക്ഷിക്കുന്നില്ല. [QBR]
111. ഞാൻ നിന്റെ സാക്ഷ്യങ്ങളെ എന്റെ ശാശ്വതാവകാശമാക്കിയിരിക്കുന്നു; [QBR] അവ എന്റെ ഹൃദയത്തിന്റെ ആനന്ദമാകുന്നു. [QBR]
112. നിന്റെ ചട്ടങ്ങളെ ഇടവിടാതെ എന്നേക്കും ആചരിക്കുവാൻ [QBR] ഞാൻ എന്റെ ഹൃദയം ചായിച്ചിരിക്കുന്നു. സാമെക്. [QBR]
113. ഇരുമനസ്സുള്ളവരെ ഞാൻ വെറുക്കുന്നു; [QBR] എന്നാൽ നിന്റെ ന്യായപ്രമാണം എനിക്കു പ്രിയമാകുന്നു. [QBR]
114. നീ എന്റെ മറവിടവും എന്റെ പരിചയും ആകുന്നു; [QBR] ഞാൻ തിരുവചനത്തിൽ പ്രത്യാശ വച്ചിരിക്കുന്നു. [QBR]
115. എന്റെ ദൈവത്തിന്റെ കല്പനകൾ ഞാൻ പ്രമാണിക്കേണ്ടതിന് [QBR] ദുഷ്കർമ്മികളേ, എന്നെ വിട്ടു പോകുവിൻ. [QBR]
116. ഞാൻ ജീവിച്ചിരിക്കേണ്ടതിന് നിന്റെ വചനപ്രകാരം എന്നെ താങ്ങണമേ; [QBR] എന്റെ പ്രത്യാശയിൽ ഞാൻ ലജ്ജിച്ചുപോകരുതേ. [QBR]
117. ഞാൻ രക്ഷപെടേണ്ടതിന് എന്നെ താങ്ങണമേ; [QBR] നിന്റെ ചട്ടങ്ങൾ ഞാൻ നിരന്തരം അനുസരിക്കും. [QBR]
118. നിന്റെ ചട്ടങ്ങൾ ഉപേക്ഷിക്കുന്ന സകലരേയും നീ നിരസിക്കുന്നു; [QBR] അവരുടെ വഞ്ചന വ്യർത്ഥമാകുന്നു. [QBR]
119. ഭൂമിയിലെ സകലദുഷ്ടന്മാരെയും നീ മാലിന്യം പോലെ നീക്കിക്കളയുന്നു; [QBR] അതുകൊണ്ട് നിന്റെ സാക്ഷ്യങ്ങൾ എനിക്കു പ്രിയമാകുന്നു. [QBR]
120. നിന്നെക്കുറിച്ചുള്ള ഭയം നിമിത്തം എന്റെ ദേഹം വിറയ്ക്കുന്നു; [QBR] നിന്റെ വിധികൾനിമിത്തം ഞാൻ ഭയപ്പെടുന്നു. അയിൻ. [QBR]
121. ഞാൻ നീതിയും ന്യായവും പ്രവർത്തിക്കുന്നു; [QBR] എന്റെ പീഡകന്മാർക്ക് എന്നെ ഏല്പിച്ചുകൊടുക്കരുതേ. [QBR]
122. അടിയന്റെ നന്മയ്ക്കുവേണ്ടി ഉത്തരവാദി ആയിരിക്കണമേ; [QBR] അഹങ്കാരികൾ എന്നെ പീഡിപ്പിക്കരുതേ. [QBR]
123. എന്റെ കണ്ണ് നിന്റെ രക്ഷയെയും [QBR] നിന്റെ നീതിയുടെ വചനത്തെയും കാത്തിരുന്ന് ക്ഷീണിക്കുന്നു. [QBR]
124. നിന്റെ ദയക്കു തക്കവണ്ണം അടിയനോടു പ്രവർത്തിച്ച്, [QBR] നിന്റെ ചട്ടങ്ങൾ എനിക്ക് ഉപദേശിച്ചുതരണമേ. [QBR]
125. ഞാൻ നിന്റെ ദാസൻ ആകുന്നു; [QBR] നിന്റെ സാക്ഷ്യങ്ങൾ ഗ്രഹിക്കുവാൻ എനിക്കു ബുദ്ധി നല്കണമേ. [QBR]
126. യഹോവേ, ഇത് നിനക്കു പ്രവർത്തിക്കുവാനുള്ള സമയമാകുന്നു; [QBR] അവർ നിന്റെ ന്യായപ്രമാണം ദുർബ്ബലമാക്കിയിരിക്കുന്നു. [QBR]
127. അതുകൊണ്ട് നിന്റെ കല്പനകൾ [QBR] എനിക്ക് പൊന്നിലും തങ്കത്തിലും അധികം പ്രിയമാകുന്നു. [QBR]
128. അതുകൊണ്ട് നിന്റെ സകലപ്രമാണങ്ങളും സത്യമെന്ന് കരുതി, [QBR] ഞാൻ സകലവ്യാജമാർഗ്ഗങ്ങളും വെറുക്കുന്നു. പേ. [QBR]
129. നിന്റെ സാക്ഷ്യങ്ങൾ അതിശയകരമാകയാൽ [QBR] എന്റെ മനസ്സ് അവ പ്രമാണിക്കുന്നു. [QBR]
130. നിന്റെ വചനങ്ങളുടെ പ്രവേശനം പ്രകാശം പ്രദാനം ചെയ്യുന്നു; [QBR] അത് അല്പബുദ്ധികളെ ബുദ്ധിമാന്മാരാക്കുന്നു. [QBR]
131. നിന്റെ കല്പനകൾക്കായി വാഞ്ഛിക്കുകയാൽ [QBR] ഞാൻ വായ് തുറന്ന് കിതയ്ക്കുന്നു. [QBR]
132. തിരുനാമത്തെ സ്നേഹിക്കുന്നവർക്ക് നീ ചെയ്യുന്നതുപോലെ [QBR] എങ്കലേക്കു തിരിഞ്ഞ് എന്നോടു കൃപ ചെയ്യണമേ. [QBR]
133. എന്റെ കാലടികൾ നിന്റെ വചനത്തിൽ സ്ഥിരമാക്കണമേ; [QBR] യാതൊരു നീതികേടും എന്നെ ഭരിക്കരുതേ. [QBR]
134. മനുഷ്യന്റെ പീഡനത്തിൽനിന്ന് എന്നെ വിടുവിക്കണമേ; [QBR] എന്നാൽ ഞാൻ നിന്റെ പ്രമാണങ്ങൾ അനുസരിക്കും. [QBR]
135. അടിയന്റെമേൽ നിന്റെ മുഖം പ്രകാശിപ്പിച്ച് [QBR] നിന്റെ ചട്ടങ്ങൾ എനിക്ക് ഉപദേശിച്ചു തരണമേ. [QBR]
136. അവർ നിന്റെ ന്യായപ്രമാണം അനുസരിക്കാത്തതിനാൽ [QBR] എന്റെ കണ്ണിൽനിന്ന് ജലനദികൾ ഒഴുകുന്നു. സാദെ. [QBR]
137. യഹോവേ, നീ നീതിമാനാകുന്നു; [QBR] നിന്റെ വിധികൾ നേരുള്ളവ തന്നെ. [QBR]
138. നീ നീതിയോടും അത്യന്തം വിശ്വസ്തതയോടും കൂടി [QBR] നിന്റെ സാക്ഷ്യങ്ങളെ കല്പിച്ചിരിക്കുന്നു. [QBR]
139. എന്റെ വൈരികൾ തിരുവചനങ്ങൾ മറക്കുന്നതുകൊണ്ട് [QBR] എന്റെ എരിവ് എന്നെ സംഹരിക്കുന്നു. [QBR]
140. നിന്റെ വചനം അത്യന്തം വിശുദ്ധമാകുന്നു; [QBR] അതുകൊണ്ട് അടിയന് അത് പ്രിയമാകുന്നു. [QBR]
141. ഞാൻ എളിയവനും നിന്ദിതനും ആകുന്നു; [QBR] എങ്കിലും ഞാൻ നിന്റെ പ്രമാണങ്ങൾ മറക്കുന്നില്ല. [QBR]
142. നിന്റെ നീതി ശാശ്വതനീതിയും [QBR] നിന്റെ ന്യായപ്രമാണം സത്യവുമാകുന്നു. [QBR]
143. കഷ്ടവും സങ്കടവും എന്നെ പിടിച്ചിരിക്കുന്നു; [QBR] എങ്കിലും നിന്റെ കല്പനകൾ എന്റെ പ്രമോദമാകുന്നു. [QBR]
144. നിന്റെ സാക്ഷ്യങ്ങൾ എന്നേക്കും നീതിയുള്ളവ; [QBR] ഞാൻ ജീവിച്ചിരിക്കേണ്ടതിന് എനിക്കു ബുദ്ധി നല്കണമേ. കോഫ്. [QBR]
145. ഞാൻ പൂർണ്ണഹൃദയത്തോടെ വിളിച്ചപേക്ഷിക്കുന്നു; എനിക്ക് ഉത്തരം അരുളണമേ; [QBR] യഹോവേ, ഞാൻ നിന്റെ ചട്ടങ്ങൾ പ്രമാണിക്കും. [QBR]
146. ഞാൻ നിന്നെ വിളിച്ചപേക്ഷിക്കുന്നു; എന്നെ രക്ഷിക്കണമേ; [QBR] ഞാൻ നിന്റെ സാക്ഷ്യങ്ങളെ പ്രമാണിക്കും. [QBR]
147. ഞാൻ ഉദയത്തിനു മുമ്പ് എഴുന്നേറ്റ് പ്രാർത്ഥിക്കുന്നു; [QBR] നിന്റെ വചനത്തിൽ ഞാൻ പ്രത്യാശവയ്ക്കുന്നു. [QBR]
148. തിരുവചനം ധ്യാനിക്കേണ്ടതിന് [QBR] എന്റെ കണ്ണ് യാമങ്ങളെ നോക്കിക്കൊണ്ടിരിക്കുന്നു. [QBR]
149. നിന്റെ ദയയ്ക്കു തക്കവണ്ണം എന്റെ അപേക്ഷ കേൾക്കണമേ; [QBR] യഹോവേ, നിന്റെ ന്യായപ്രകാരം എന്നെ ജീവിപ്പിക്കണമേ. [QBR]
150. ദുഷ്ടതയെ പിന്തുടരുന്നവർ സമീപിച്ചിരിക്കുന്നു; [QBR] നിന്റെ ന്യായപ്രമാണത്തോട് അവർ അകന്നിരിക്കുന്നു. [QBR]
151. യഹോവേ, നീ സമീപസ്ഥനാകുന്നു; [QBR] നിന്റെ കല്പനകൾ സകലവും സത്യം തന്നെ. [QBR]
152. നിന്റെ സാക്ഷ്യങ്ങൾ നീ എന്നേക്കും സ്ഥാപിച്ചിരിക്കുന്നു [QBR] എന്ന് ഞാൻ പണ്ടുതന്നെ അറിഞ്ഞിരിക്കുന്നു. രേശ്. [QBR]
153. എന്റെ അരിഷ്ടത കടാക്ഷിച്ച് എന്നെ വിടുവിക്കണമേ; [QBR] ഞാൻ നിന്റെ ന്യായപ്രമാണം മറക്കുന്നില്ല. [QBR]
154. എന്റെ വ്യവഹാരം നടത്തി എന്നെ വീണ്ടെടുക്കണമേ; [QBR] നിന്റെ വാഗ്ദാനപ്രകാരം എന്നെ ജീവിപ്പിക്കണമേ. [QBR]
155. രക്ഷ ദുഷ്ടന്മാരോട് അകന്നിരിക്കുന്നു; [QBR] അവർ നിന്റെ ചട്ടങ്ങളെ അന്വേഷിക്കുന്നില്ലല്ലോ. [QBR]
156. യഹോവേ, നിന്റെ കരുണ വലിയതാകുന്നു; [QBR] നിന്റെ ന്യായപ്രകാരം എന്നെ ജീവിപ്പിക്കണമേ. [QBR]
157. എന്നെ ഉപദ്രവിക്കുന്നവരും എന്റെ വൈരികളും വളരെയാകുന്നു; [QBR] എങ്കിലും ഞാൻ നിന്റെ സാക്ഷ്യങ്ങളെ വിട്ടുമാറുന്നില്ല. [QBR]
158. ഞാൻ ദ്രോഹികളെ കണ്ട് വ്യസനിച്ചു; [QBR] അവർ നിന്റെ വചനം പ്രമാണിക്കുന്നില്ലല്ലോ. [QBR]
159. നിന്റെ പ്രമാണങ്ങൾ എനിക്ക് എത്ര പ്രിയം എന്നു കണ്ട്, [QBR] യഹോവേ, നിന്റെ ദയയ്ക്കു തക്കവണ്ണം എന്നെ ജീവിപ്പിക്കണമേ. [QBR]
160. നിന്റെ വചനത്തിന്റെ സാരം സത്യം തന്നെ; [QBR] നിന്റെ നീതിയുള്ള വിധികൾ എല്ലാം എന്നേക്കുമുള്ളവ. ശീൻ. [QBR]
161. പ്രഭുക്കന്മാർ വെറുതെ എന്നെ ഉപദ്രവിക്കുന്നു; [QBR] എങ്കിലും നിന്റെ വചനത്തെ എന്റെ ഹൃദയം ഭയപ്പെടുന്നു. [QBR]
162. വലിയ കൊള്ള കണ്ടെത്തിയവനെപ്പോലെ [QBR] ഞാൻ നിന്റെ വചനത്തിൽ ആനന്ദിക്കുന്നു. [QBR]
163. ഞാൻ ഭോഷ്കു വെറുത്ത് അറയ്ക്കുന്നു; [QBR] എന്നാൽ നിന്റെ ന്യായപ്രമാണം എനിക്കു പ്രിയമാകുന്നു. [QBR]
164. നിന്റെ നീതിയുള്ള വിധികൾനിമിത്തം [QBR] ഞാൻ ദിവസം ഏഴു പ്രാവശ്യം നിന്നെ സ്തുതിക്കുന്നു. [QBR]
165. നിന്റെ ന്യായപ്രമാണത്തോട് പ്രിയം ഉള്ളവർക്ക് മഹാസമാധാനം ഉണ്ട്; [QBR] അവർ ഒന്നിനാലും ഇടറിപ്പോകുകയില്ല. [QBR]
166. യഹോവേ, ഞാൻ നിന്റെ രക്ഷയിൽ പ്രത്യാശ വയ്ക്കുന്നു; [QBR] നിന്റെ കല്പനകൾ ഞാൻ ആചരിക്കുന്നു. [QBR]
167. എന്റെ മനസ്സ് നിന്റെ സാക്ഷ്യങ്ങൾ പ്രമാണിക്കുന്നു; [QBR] അവ എനിക്ക് അത്യന്തം പ്രിയമാകുന്നു. [QBR]
168. ഞാൻ നിന്റെ പ്രമാണങ്ങളും സാക്ഷ്യങ്ങളും പ്രമാണിക്കുന്നു; [QBR] എന്റെ വഴികളെല്ലാം നിന്റെ മുമ്പാകെ ഇരിക്കുന്നു. തൗ. [QBR]
169. യഹോവേ, എന്റെ നിലവിളി തിരുസന്നിധിയിൽ വരുമാറാകട്ടെ; [QBR] നിന്റെ വചനപ്രകാരം എനിക്കു ബുദ്ധി നല്കണമേ. [QBR]
170. എന്റെ യാചന തിരുസന്നിധിയിൽ വരുമാറാകട്ടെ; [QBR] നിന്റെ വാഗ്ദാനപ്രകാരം എന്നെ വിടുവിക്കണമേ. [QBR]
171. നിന്റെ ചട്ടങ്ങൾ എനിക്ക് ഉപദേശിച്ചുതരുന്നതുകൊണ്ട് [QBR] എന്റെ അധരങ്ങൾ സ്തുതി പൊഴിക്കട്ടെ. [QBR]
172. നിന്റെ കല്പനകൾ എല്ലാം നീതിയായിരിക്കുകയാൽ [QBR] എന്റെ നാവ് നിന്റെ വാഗ്ദാനത്തെക്കുറിച്ച് പാടട്ടെ. [QBR]
173. നിന്റെ കല്പനകളെ ഞാൻ തിരഞ്ഞെടുത്തിരിക്കുകയാൽ [QBR] നിന്റെ കൈ എനിക്കു തുണയായിരിക്കട്ടെ. [QBR]
174. യഹോവേ, ഞാൻ നിന്റെ രക്ഷയ്ക്കായി വാഞ്ഛിക്കുന്നു; [QBR] നിന്റെ ന്യായപ്രമാണം എന്റെ പ്രമോദം ആകുന്നു. [QBR]
175. നിന്നെ സ്തുതിക്കേണ്ടതിന് എന്റെ പ്രാണൻ ജീവിച്ചിരിക്കട്ടെ; [QBR] നിന്റെ വിധികൾ എനിക്കു തുണയായിരിക്കട്ടെ. [QBR]
176. കാണാതെപോയ ആടുപോലെ ഞാൻ തെറ്റിപ്പോയിരിക്കുന്നു; [QBR] അടിയനെ അന്വേഷിക്കണമേ; നിന്റെ കല്പനകൾ ഞാൻ മറക്കുന്നില്ല. [PE]