1. യഹോവയെ ഭയപ്പെട്ട്, അവന്റെ വഴികളിൽ നടക്കുന്ന ഏവനും ഭാഗ്യവാൻ; [QBR]
2. നിന്റെ കൈകളുടെ അദ്ധ്വാനഫലം നീ തിന്നും; [QBR] നീ ഭാഗ്യവാൻ; നിനക്കു നന്മ വരും. [QBR]
3. നിന്റെ ഭാര്യ നിന്റെ വീടിനകത്ത് ഫലപ്രദമായ മുന്തിരിവള്ളി പോലെയും [QBR] നിന്റെ മക്കൾ നിന്റെ മേശയ്ക്കു ചുറ്റും ഒലിവുതൈകൾ പോലെയും ഇരിക്കും. [QBR]
4. യഹോവാഭക്തനായ പുരുഷൻ ഇങ്ങനെ അനുഗ്രഹിക്കപ്പെട്ടവനാകും. [QBR]
5. യഹോവ സീയോനിൽനിന്ന് നിന്നെ അനുഗ്രഹിക്കും; [QBR] നിന്റെ ആയുഷ്കാലമെല്ലാം നീ യെരൂശലേമിന്റെ നന്മ കാണും. [QBR]
6. നിന്റെ മക്കളുടെ മക്കളെയും നീ കാണും. [QBR] യിസ്രായേലിന്മേൽ സമാധാനം ഉണ്ടാകട്ടെ. [PE]